Effekt Flu siropi 60 ml (shisha)

Tarkib

Har 5 ml sirop quyidagilarni o‘z ichiga oladi:

faol moddalar: fenilefrin gidroxlorid - 5 mg, xlorfeniramin maleat - 2 mg, paratsetamol - 125 mg;

yordamchi moddalar: propilenglikol, metilgidroksibenzoat, aspartam, propilgidroksibenzoat natriy xlorid, limon kislotasi, sorbitol 70%, vanilin, bo‘yoqlar, tozalangan suv.

Tavsif

Sirop shaffof suyuqlik, to‘q sariq rangli, shirinroq ta’mli.

Dori shakli

Sirop.

Farmakoterapevtik guruh

Boshqa analgetiklar va antipiretiklar.

Farmakologik ta’siri

Paratsetamol terapevtik dozalarda aspiringa o‘xshash kuchli ta’sir qiluvchi isitma tushiruvchi va og‘riq qoldiruvchi vosita hisoblanadi, ammo kuchsiz yallig‘lanishga qarshi faollikka ega. Bu uning periferik prostaglandin sintetazaga kuchsiz ta’siri tufayli sodir bo‘ladi; ammo u aspirinning bosh miyadagi ushbu fermentga bloklovchi ta’siri bilan bir xil.

Fenilefrin asosan a-adrenergik retseptorlarga to‘g‘ridan to‘g‘ri ta’sir ko‘rsatadi. Terapevtik dozalarda preparat yurakning r-adrenergik retseptorlariga sezilarli qo‘zg‘atuvchi ta’sir ko‘rsatmaydi. A - adrenergik ta’sirlar adenilatsiklaza fermentini susaytirish orqali siklik adenozin ishlab chiqarilishini susaytirish natijasi hisoblanadi, o‘z navbatida, (3 - adrenergik ta’sirlar adenilatsiklaza faolligini rag‘batlantirish natijasi hisoblanadi. Fenilefrin to‘plangan joylardan noradrenalinni ozod qilish orqali bilvosita ta’sirga ham ega.

Xlorfeniramin gistaminning propilamin hosilasidir. U gistaminning oshqozon-ichak trakti, bachadon va qon tomirlari silliq mushaklariga stimullovchi ta’siriga to‘sqinlik qiladi va gistamin bilan kuchayadigan so‘lak sekretsiyasini susaytiradi. Xlorfeniramin N1 retseptorlarini ingibirlash orqali burun yallig‘lanishi va bitishini kamaytirishga yordam beradi va shu bilan rinoreyada doimiy kuzatiladigan aksirish kabi alomatlarni yengillashtiradi.

Ko‘rsatmalar

Yuqori nafas yo‘llarining infeksion-yallig‘lanish kasalliklari (o‘tkir respirator-virusli infeksiyalar, o‘tkir rinit, gaymorit, tonzillit, laringotraxeit).

Allergik rinit, rinoreya, sinusit, pichan isitmasi, Kvinke shishi.

Qo‘llash usuli va dozalari

Dozani o‘lchash preparatning har bir o‘ramida mavjud bo‘lgan o‘lchov stakani yordamida amalga oshiriladi.

1 yoshdan 6 yoshgacha bo‘lgan bolalarga 1,25-2,5 ml dan kuniga 3 mahal.

6 yoshdan 12 yoshgacha bo‘lgan bolalarga 2,5-5 ml dan kuniga 3 mahal.

Kattalarga 5-10 ml dan kuniga 3 mahal

Nojo‘ya ta’sirlari

Odatda preparat yaxshi o‘zlashtiriladi.

Nojo‘ya ta’sirlar uzoq vaqt davomida qo‘llanganda va dozani oshirganda yuzaga kelishi mumkin. Ammo ayrim hollarda quyidagilar kuzatilishi mumkin:

bosh og‘rig‘i;

bosh aylanishi;

qo‘zg‘aluvchanlik hissi;

lanjlik;

preparat komponentlariga allergik reaksiyalar.

Qarshi ko‘rsatmalar

preparatning biror komponentiga yuqori sezuvchanlik;

arterial gipertenziya va yurak ishemik kasalligining og‘ir shakllari (qon bosimining ko‘tarilishiga va yurak urishining tezlashishiga olib kelishi mumkin);

glaukoma (ko‘z bosimining biroz ko‘tarilishi mumkin);

prostata gipertrofiyasi;

ichak tutilishi;

giperteriozning og‘ir shakllari (agar qalqonsimon bezning yuqori faolligi yurak ritmining tezlashishiga olib kelgan bo‘lsa, preparatni qo‘llash bu ritmni yanada tezlashtirishi mumkin);

1 yoshgacha bo‘lgan bolalar uchun.

Epilepsiya va qandli diabet bilan og‘rigan bemorlarga ehtiyotkorlik bilan buyuriladi.

Dozani oshirib yuborish

Dozaning oshirib yuborilishi yuqorida ko‘rsatilgan nojo‘ya ta’sirlarning kuchayishida namoyon bo‘ladi.

Dozani oshirib yuborish alomatlari paydo bo‘lganda, preparatni qabul qilishni to‘xtatish va zond yordamida oshqozonni yuvish lozim.

Bemorning ahvolini shifokor baholashi kerak. Belgilangan dozalardan oshirmang.

Dorilarning o‘zaro ta’siri

MAO (monoaminooksidaza) ingibitorlari, adrenoretseptorlar blokatorlari, tarkibida paratsetomol bo‘lgan boshqa preparatlar bilan buyurish maqsadga muvofiq emas.

Preparatni uxlatuvchi, trankvilizator, psixotrop va alkogol bilan birga buyurish taqiqlanadi.

Saqlash shartlari

Quruq, qorong‘i, bolalar qo‘li yetmaydigan joyda, 5 °C dan 25 °C gacha bo‘lgan haroratda saqlanadi.

Yaroqlilik muddati

Ishlab chiqarilgan sanadan boshlab 3 yil.

Chiqarish shakli

Sirop 60 ml (flakonlar o‘lchov stakani bilan komplektda).

Ishlab chiqaruvchi

Rusan Pharma Ltd, Hindiston.