Ekvator tabletkalari 10 mg / 5 mg №30 (3 blister x 10 tabletka)

Ҳар бир таблетка қуйидагиларни сақлайди:

фаол моддалар: лизиноприл - 10,00 мг (лизиноприл дигидрати шаклида 10,38 мг), амлодипин 5,00 мг (амлодипин безилати шаклида 6,94 мг);

ёрдамчи моддалар: магний стеарати; натрий крахмалгликоляти (А тури); микрокристалл целлюлоза, 12 тури; микрокристалл целлюлоза, 101 тури.

Риска таблеткани тенг дозаларга бўлиш учун эмас, балки фақат таблеткани синдириш ва ютилишини енгиллаштириш учун мўлжалланган.

Таблеткалар.

ААФ ингибиторлари ва “секин” кальций каналларининг блокаторлари. АТХ коди: С09ВВ03.

Фармакодинамикаси

Экватор таблеткалари 10 мг/5 мг, Экватор таблеткалари 20 мг/5 мг ва Экватор таблеткалари 20 мг/10 мг таъсир этувчи моддалар: лизиноприл ва амлодипиннинг фиксацияланган дозалари бўлган мажмуавий препарати ҳисобланади.

Лизиноприл - ангиотензинга-айлантирувчи фермент (ААФ) ингибитори, ангиотензин I дан ангиотензин II ни ҳосил бўлишини камайтиради. Ангиотензин II нинг миқдорини пасайиши альдостероннинг ажралиб чиқишини бевосита камайишига олиб келади. Брадикининни деградациясини сусайтиради ва простагландинлар синтезини оширади. Умумий периферик қон томирлар қаршилигини (УПҚТҚ), артериал босимни (АБ), олдюкламани, ўпка капиллярларидаги босимни пасайтиради, қоннинг минутлик хажмини ошишини ва сурункали юрак етишмовчилиги (СЮЕ) бўлган пациентларда юкламаларга миокарднинг толерантлигини ошишини чақиради. Веналарга нисбатан кўпроқ даражада артерияларни кенгайишини чақиради. Айрим самаралари тўқима ренин-ангиотензин-альдостерон тизимига (РААТ) таъсир қилиши билан боғлиқдир.

Узоқ муддат давомида қўлланганида миокард ва резистив турдаги артериялар деворини гипертрофияси камаяди. Миокарднинг ишемияланган соҳасини қон билан таъминланишини яхшилайди.

ААФ ингибиторлари СЮЕ бўлган пациентларда умр давомийлигини узайтиради, миокард инфарктини ўтказган, юрак етишмовчилигининг клиник кўринишлари бўлмаган пациентларда чап қоринча дисфункциясини авж олишини секинлаштиради.

Таъсирини бошланиши - ичга қабул қилинганидан кейин 1 соат ўтгач намоён бўлади. Максимал антигипертензив самара 6 соат ўтгач аниқланади ва 24 соат давомида сақланади. Артериал гипертензияли беморларда самара даволаш бошланганидан кейинги биринчи кунларидаёқ аниқланади, барқарор таъсири эса 1-2 ой ўтгач ривожланади. Препаратни қўллаш кескин бекор қилинганида АБ ни яққол ошиши аниқланмаган.

РААТ га таъсирида намоён бўлувчи бирламчи самарасига қарамай, рениннинг фаоллиги паст бўлган артериал гипертензияда ҳам самаралидир. АБ ни пасайишидан ташқари лизиноприл альбуминурияни камайтиради. Лизиноприл қандли диабет билан хасталанган пациентларда қондаги глюкозанинг концентрациясига таъсир қилмайди ва гипогликемия ҳолларини ошишига олиб келмайди.

Амлодипин - дигидропиридин ҳосиласи, “секин” кальций каналларининг блокатори (СККБ), антиангинал ва антигипертензив таъсир кўрсатади. Кальций каналларини блоклайди, кальций ионларини хужайрага мембрана орқали ўтишини (кардиомиоцитларга қараганда, кўпроқ даражада қон томирларнинг силлиқ мушакларига ўтишини) пасайтиради.

Антиангинал таъсири коронар ва периферик артериялар ва артериолаларни кенгайиши билан боғлиқ: стенокардияда миокардни яққол ишемиясини камайтиради; периферик артериолаларни кенгайтириб, УПҚТҚ ни пасайтиради; юракка кейинги юкламани камайтиради, миокардни кислородга бўлган эхтиёжини пасайтиради. Миокарднинг ўзгармаган ва ишемияга учраган соҳаларида коронар артериялар ва артериолаларни кенгайтириб, миокардга кислородни киришини оширади (айниқса вазоспастик стенокардияда); коронар артерияларнинг спазмини олдини олади (шу жумладан чекиш чақирган). Барқарор стенокардияси бўлган пациентларда бир марталик суткалик доза жисмоний юкламага толерантликни оширади, стенокардия ва ST сегментининг “ишемик” депрессиясини пасайтиради, стенокардия хуружлари тез-тезлигини ва нитроглицерин ва бошқа нитратларни истеъмол қилинишини пасайтиради.

Дозага боғлиқ узоқ муддатли антигипертензив самара кўрсатади. Антигипертензив таъсири қон томирларнинг силлиқ мушакларига бевосита томирларни бўшаштирувчи таъсири билан боғлиқ. Артериал гипертензияда бир марталик доза артериал босимни 24 соат давомида пасайишини (пациентнинг “ётган” ва “турган” ҳолатида) клиник аҳамиятли даражада таъминлайди. Амлодипин буюрилганида ортостатик гипотензия анча кам ҳолатларда ривожланади. Жисмоний зўриқишларга толерантликни, чап қоринчанинг чиқариб ташлаш фракциясини пасайишини чақирмайди.

Чап қоринча миокарди гипертрофияси даражасини камайтиради. Миокардни қисқарувчанлиги ва ўтказувчанлигига таъсир кўрсатмайди, юрак қисқаришлари сонини (ЮҚС) рефлектор ошишини чақирмайди, тромбоцитлар агрегациясини тормозлайди, буйрак калаваси фильтрациясининг тезлигини (КФТ) оширади, кучсиз натрийуретик таъсирга эга. Диабетик нефропатияда микроальбуминуриянинг яққоллигини оширмайди. Моддалар алмашинуви ва қон плазмасидаги липидларнинг концентрациясига бирон-бир нохуш таъсир кўрсатмайди ва бронхиал астма, қандли диабет ва подагра билан хасталанган пациентларни даволашда қўлланиши мумкин. АБ ни аҳамиятли пасайиши 6-10 соат ўтгач кузатилади, самаранинг давомийлиги - 24 соат.

Фиксацияланган дозалари бўлган Экватор мажмуавий препарати

Бир дори препаратида амлодипин ва лизиноприлни қўшилиши, мумкин бўлган таъсир қилувчи моддалардан бири чақирган нохуш самаралар ривожланишини олдини олиш имконини беради. Масалан, СККБ бевосита артериолаларни кенгайтириб, организмда натрий ва суюқликни тутилишига олиб келиши ва оқибатда РААТ ни фаоллаштириши мумкин. ААФ ингибитори бу жараённи кечишига йўл қўймайди.

Фармакокинетикаси

Лизиноприл

Сўрилиши

Ичга қабул қилинганидан кейин лизиноприл меъда-ичак йўлларидан (МИЙ) сўрилади, сўрилишининг ўртача даражаси тахминин 25% ни ташкил қилади, ўзгарувчанлигини текширилган дозалар (5 дан 80 мг гача) диапозонида 6 дан 60% гачани ташкил қилади. СЮЕ бўлган пациентларда лизиноприлнинг мутлоқ биокираолишлиги тахминан 18% гача пасаяди. Овқат қабул қилиш лизиноприлни сўрилишига таъсир қилмайди.

Тақсимланиши ва қон плазмаси оқсиллари билан боғланиши

Лизиноприл айланиб юрувчи ангиотензинга-айлантирувчи ферментдан (ААФ) ташқари қон плазмаси оқсиллари билан боғланмайди. Қон плазмасидаги максимал концентрациясига (Cmax) 6-7 соатдан кейин эришилади. Гематоэнцефалик ва йўлдош тўсиқларидан ўтиши паст.

Метаболизми

Лизиноприл организмда биотрансформацияга учрамайди.

Чиқарилиши

Буйрак орқали ўзгармаган холда чиқарилади. Ярим чиқарилиш даври (Т½) 12,6 соатни ташкил қилади.

Алоҳида гуруҳ пациентларидаги фармакокинетикаси

Буйрак фаолиятини бузилиши

Буйрак фаолиятини бузилиши лизиноприлни чиқарилишини сусайтиради, лекин бу сусайиш фақат Калавалар Фильтрацияси Тезлиги ≤30 мл/мин бўлганида клиник аҳамиятли бўлиб қолади.

Енгил ва ўртача буйрак етишмовчилигида (креатинин клиренси (КК) минутига 30-80 мл) “концентрация - вақт” эгри чизиғи ости майдонининг (AUC) ўртача қиймати 13% га ошади, оғир буйрак етишмовчилигида (КК минутига 5-30 мл) AUC нинг ўртача қийматини 4,5 марта ошиши кузатилади.

Лизиноприл гемодиализ йўли билан организмдан чиқарилади. 4 соат гемодиализдан кейин қон плазмасидаги лизиноприлнинг концентрацияси ўртача 60% га пасаяди.

Диализли клиренс минутига 40 дан 55 мл гачани ташкил қилади.

Жигар фаолиятини бузилиши

Жигар циррози бўлган пациентларда лизиноприлни сўрилиши ва клиренси пасайган.

Сурункали юрак етишмовчилиги

СЮЕ бўлган пациентларда лизиноприлни сўрилиши ва клиренси пасайган. AUC ни ўртача 125% га ошиши кузатилади.

Кекса ёшли пациентлар

Кекса ёшли пациентларда лизиноприлнинг қон плазмасидаги концентрацияси ва AUC қиймати ёш пациентларга қараганда тахминан 60% га ортиқ.

Амлодипин

Сўрилиши

Ичга қабул қилинганидан кейин амлодипин МИЙ секин ва деярли тўлиқ (90%) сўрилади. Амлодипиннинг биокираолишлиги 64-80% ни ташкил қилади. Овқат қабул қилиш амлодипинни сўрилишига таъсир қилмайди.

Тақсимланиши ва қон плазмаси оқсиллари билан боғланиши

Қондаги амлодипиннинг катта қисми (95%-98%) қон плазмаси оқсиллари билан боғланади. Қон плазмасидаги Сmax 6-12 соат ўтгач кузатилади. Мувозанат концентрациясига (Css) даволашнинг 7-8 кунларидан кейин эришилади. Тақсимланишининг ўртача хажми тана вазнига 20 л/кг ни ташкил қилади, бу амлодипиннинг катта қисми тўқималарда, камроғи эса - қонда бўлишини кўрсатади. Амлодипин гематоэнцефалик тўсиқ орқали ўтади.

Метаболизми

Амлодипин аҳамиятли “биринчи ўтиш” самарасисиз жигарда секин, лекин фаол метаболизмга учрайди. Метаболитлари аҳамиятли фармакологик фаолликка эга эмас.

Чиқарилиши

Чиқарилиши икки фазадан иборат, якуний фазасининг Т1/2 35-50 соат. Ичга қабул қилинган дозанинг тахминан 60% буйрак орқали асосан метаболитлари кўринишида, 10% - ўзгармаган ҳолда, 20-25% эса - метаболитлари кўринишида сафро билан ичак орқали чиқарилади. Амлодипиннинг умумий клиренси 0,116 мл/с/кг (7 мл/мин/кг, 0,42 л/с/кг).

Алоҳида гуруҳ пациентларидаги фармакокинетикаси

Буйрак фаолиятини бузилиши

Буйрак етишмовчилиги амлодипиннинг кинетикасига аҳамиятли таъсир кўрсатмайди.

Гемодиализда чиқарилмайди.

Жигар фаолиятини бузилиши

Жигар етишмовчилиги бўлган пациентларда амлодипиннинг клиренсини пасайиши ва AUC ва Т1/2 қийматларини тахминан 40-60% га ошиши кузатилади.

Сурункали юрак етишмовчилиги

Димланган юрак етишмовчилиги бўлган пациентларда амлодипиннинг AUC қийматини ва ярим чиқарилиш даврини ошиши кузатилади.

Кекса ёшли пациентлар

Кекса ва ёшроқ пациентларнинг қон плазмасида препаратнинг максимал концентрацияга эришиш вақти деярли бир хил. Кекса ёшли пациентларда амлодипиннинг клиренсини пасайишига мойиллик аниқланган, бу AUC ва ярим чиқарилиш даврини ошишига (Т1/2 - 65 с) олиб келади.

Фиксацияланган дозалари бўлган Экватор мажмуавий прапарати

Препаратнинг таъсир этувчи моддалари орасида фармакокинетик ўзаро таъсир таърифланмаган. Фармакокинетик параметрлари (AUC, максимал концентрацияга эришиш вақти ва қийматлари, Т1/2 ) таъсир этувчи моддалар алоҳида қўлланганидан кейинги шундай кўрсаткичлардан фарқ қилмайди.

Овқат қабул қилиш таъсир этувчи моддаларни МИЙ орқали сўрилишига таъсир қилмайди.

Катталарда гипертония касаллигини даволаш.

Экватор таблеткалари препарати қуйидаги дозаларда: 10 мг/5 мг, 20 мг/5 мг ва 20 мг/10 мг катта пациентларда артериал босимни адекват назоратини таъминловчи кўрсатилган дозаларда лизиноприл ва амлодипинни бир вақтда қабул қилишга муқобил сифатида қўллаш учун кўрсатилган.

Ичга, овқат қабул қилишдан қатъий назар буюрилади.

Тавсия этиладиган доза - Экватор препаратининг бир таблеткаси хар куни буюрилади.

Максимал суткалик доза - Экватор препаратининг бир таблеткаси буюрилади.

Одатда фиксацияланган дозалари бўлган мажмуавий препаратни бошланғич даволаш учун қўллаш керак эмас.

10 мг/5 мг, 20 мг/5 мг ва 20 мг/10 мг дозалардаги Экватор препарати фақат лизиноприл ва амлодипиннинг оптимал тутиб турувчи дозалари 10 мг ва 5 мг гача тестланган пациентларга мувофиқ Экватор таблеткалари препарати 10 мг/5 мг, 20 мг ва 5 мг гача ҳолда Экватор таблеткалари препарати 20 мг/5 мг ва 20 мг ва 10 мг гача холда, Экватор таблеткалари препарати 20 мг/10 мг кўрсатилган. Агар дозага тузатиш киритиш керак бўлса, препаратнинг алохида компонентларининг дозаларини титрлашни кўриб чиқиш керак.

Буйрак фаолиятини бузилиши бўлган пациентлар

Буйрак етишмовчилиги бўлган пациентлар учун оптимал бошланғич ва тутиб турувчи дозани аниқлаш учун, лизиноприл ва амлодипинни алохида қўллаб, дозаларни титрлаш керак. Экватор препарати билан даволаш вақтида буйрак фаолиятини, қон зардобида калий ва натрийнинг миқдорини назорат қилиш керак. Буйрак фаолияти ёмонлашган холда препаратни бекор қилиш ва уни адекват дозалардаги лизиноприл ва амлодипинга алмаштириш керак.

Жигар фаолиятини бузилиши бўлган пациентлар

Жигар фаолиятини бузилиши бўлган пациентларда амлодипинни чиқарилиши секинлашган бўлиши мумкин. Бундай ҳолларда дозалаш тартиби бўйича аниқ тавсиялар белгиланмаган, шунинг учун Экватор препаратини энг кам тавсия этилган дозада буюриш керак. Жигар етишмовчилиги бўлган пациентларда оптимал бошланғич ва тутиб турувчи дозани аниқлаш учун, дозалаш тартибини лизиноприл ва амлодипинни алоҳида қўллаб шахсий тартибда аниқлаш керак.

Кекса ёшли пациентлар (65 ёшдан катта)

Кекса ёшли пациентларда препаратни эҳтиёткорлик билан қўллаш керак. Клиник тадқиқотларда амлодипин ва лизиноприлнинг самарадорлиги ва хавфсизлигига оид тавсифларини ёш ўтиши билан боғлиқ бўлган ўзгаришлари аниқланмаган. Оптимал тутиб турувчи дозани аниқлаш учун, дозалаш тартибини лизиноприл ва амлодипинни алоҳида қўллаш усули билан шахсий тартибда аниқлаш керак.

Мажмуавий препарат қабул қилган пациентларда ножўя реакцияларнинг тез-тезлиги, таъсир этувчи моддалардан бирини олган пациентларга қараганда юқори бўлган. Ножўя реакциялар амлодипин ва/ёки лизиноприл бўйича илгари олинган маълумотларга мувофиқ келган. Ножўя реакциялар енгил, ўткинчи бўлган ва даволашни бекор қилишни кам талаб қилган. Препаратлар мажмуасини қабул қилишда энг кўп учрайдиган ножўя реакциялари бош оғриғи (8%), йўтал (5%), бош айланиши (3%) бўлган.

Ножўя реакцияларнинг тез-тезлиги лизиноприл ва амлодипин учун алохида берилган.

Маълумотлар MedDRA таснифига мувофиқ тизимли-аъзоли синфлар бўйича ва қуйидаги тез-тезликда берилган: жуда тез-тез (≥1/10), тез-тез (≥1/100 дан <1/10 гача), тез-тез эмас (≥1/1000 дан <1/100 гача), кам (≥1/10000 дан <1/1000 гача), жуда кам (<1/10000), тез-тезлиги номаълум (бор бўлган маълумотлар асосида аниқлаш мумкин эмас).

* Синдром қуйида санаб ўтилган симптомлардан бирини ёки кўпроғини ўз ичига олиши мумкин: иситма, васкулит, миалгия, артралгия/артрит, антинуклеар антителолар (АНА) титрини ошиши, эритроцитлар чўкиш тезлигини (ЭЧТ) ошиши, эозинофилия ва лейкоцитоз, тошма, фотосенсибилизация ёки тери томонидан бошқа ўзгаришлар.

** Кўпроқ холестазга мувофиқ келади.

Амлодипин қўлланганида шунигдек экстрапирамид синдромни юз беришининг бир-бир ҳоллари ҳақида ҳам хабар берилган.

Қўллаш мумкин бўлмаган ҳолатлар

Лизиноприл билан боғлиқ бўлган:

• лизиноприлга ёки ААФ нинг хар қандай бошқа ингибиторига юқори сезувчанлик;
• анамнездаги ангионевротик шиши, шу жумладан ААФ ингибиторларини қўллаш фонида;
• наслий ёки идеопатик ангионевротик шиш;
• 18 ёшгача бўлган болалар (самарадорлиги ва хавфсизлиги аниқланмаган);
• хомиладорликнинг II ва III уч ойликлари (“Махсус кўрсатмалар” ва “Ҳомиладорлик ва эмизиш даврида қўллаш” бўлимларига қаранг);
• ААФ ингибиторлари ёки ангиотензин II рецепторларининг блокаторларини (АРБ II) қандли диабети ёки ўртача / оғир буйрак етишмовчилиги (КФТ <60 мл/мин/1,73 м2) бўлган пациентларда алискирен билан бир вақтда қўллаш мумкин эмас.

Амлодипин билан боғлиқ бўлган:

• амлодипинга ёки дигидропиридиннинг бошқа ҳосилаларига юқори сезувчанлик;
• оғир артериал гипотензия (систолик АБ 90 мм сим. уст. дан паст);
• шок (шу жумладан кардиоген шок);
• чап қоринчанинг чиқариш йўлини обструкцияси (аортал стенознинг оғир даражаси);
• уткир миокард инфарктидан кейинги гемодинамик ностабил юрак етишмовчилигида қўллаш мумкин эмас.

Экватор таблеткалари 10 мг/5 мг, Экватор таблеткалари 20 мг/5 мг, Экватор таблеткалари 20 мг/10 мг препарати билан боғлиқ бўлган:

Алоҳида компонентларни қўллаш билан боғлиқ бўлган юқорида кўрсатилган хамма қўллаш мумкин бўлмаган ҳолатлар Экватор таблеткалари 10 мг/5 мг, Экватор таблеткалари 20 мг/5 мг, Экватор таблеткалари 20 мг/10 мг мажмуавий препаратига ҳам тааллуқлидир.

ёрдамчи моддалардан биронтасига юқори сезувчанлик (“Таркиби” бўлимига қаранг) да қўллаш мумкин эмас.

Эҳтиёткорлик билан

Буйрак фаолиятини яққол бузилишлари, авж олувчи азотемия билан кечувчи буйрак артерияларининг икки томонлама стенози ёки якка буйрак артериясининг стенози, буйрак кўчириб ўтказилганидан кейинги ҳолат, азотемия, гиперкалиемия, бирламчи гиперальдостеронизм, жигар фаолиятини бузилиши, артериал гипотензия, цереброваскуляр касалликлар (шу жумладан мия қон айланишининг етишмовчилиги), юрак ишемик касаллиги, коронар қон томир етишмовчилиги, синус тугуни кучсизлиги синдроми (яққол брадикардия, тахикардия), ноишемик этиологияли NYHA таснифи бўйича III-IV функционал синфи СЮЕ, аортал стеноз, митрал стеноз, ўткир миокард инфаркти (миокард инфарктидан кейин 1 ой давомида), бириктирувчи тўқиманинг тизимли аутоиммун касалликлари (шу жумладан склеродермия, тизимли қизил югурик), суяк кўмигида қон ҳосил бўлишини сусайиши, қандли диабет, ош тузи чекланган парҳез, гиповолемик ҳолатлар (шу жумладан диарея, қусиш натижасидаги), кексалар, юқори ўтказувчанликка эга юқори оқимли диализ мембраналарини қўллаш билан ўтказиладиган гемодиализ (AN69®)да эҳтиёткорлик билан қўллаш керак.

Лизиноприл

Кальций сақловчи овқат қўшимчалари, калийни тежовчи диуретиклар, калий сақловчи туз ўрнини босувчилар: калийни тежовчи диуретиклар (масалан, спиронолактон, амилорид ва триамтерен), калий сақловчи овқат қўшимчалари, калий сақловчи туз ўрнини босувчилар ва қон зардобида калийнинг миқдорини ошишига ёрдам берувчи хар қандай бошқа дори препаратлари (масалан, гепарин), улар ААФ ингибиторлари билан бир вақтда буюрилганида, айниқса буйрак етишмовчилиги ва анамнезда буйракнинг бошқа касалликлари бўлган пациентларда, гиперкалиемия ривожланишига олиб келиши мумкин.

Лизиноприл билан бир вақтда калийнинг миқдорига таъсир қилувчи дори препарати буюрилганида, қон зардобида калийнинг миқдорини назорат қилиш керак. Бир вақтда буюриш алохида эҳтиёткорлик ва буйрак фаолияти ҳолатини ва қон зардобида калийнинг миқдорини мунтазам назорати остида ўтказилиши керак.

Калийни тежовчи диуретикларни Экватор препарати билан бир вақтда фақат синчиков тиббий кузатув шароитида қўллаш мумкин.

Диуретиклар: лизиноприл олаётган пациентга диуретик буюрилганида, одатда антигипертензив самара кучаяди. Лизиноприл қабул қилинганида симптоматик гипотензияни юз бериш эҳтимолини, лизиноприл билан даволашни бошлашдан олдин диуретикни бекор қилиш йўли билан минимумга етказиш мумкин. Бир вақтда қўллашни эҳтиёткорлик билан ўтказиш керак.

Лизиноприл диуретикларнинг калийуретик самарасини юмшатади.

Бошқа гипотензив препаратлар: бу препаратларни бир вақтда қабул қилиш Экватор препаратининг антигипертензив самарасини кучайтириши мумкин. Нитроглицерин, бошқа нитратлар ёки вазодилататорлар билан бир вақтда қабул қилиши, АБ ни яққол пасайишига олиб келиши мумкин.

Ренин-ангиотензин-альдостерон тизимининг икки томонлама блокадаси: бор бўлган маълумотлар бўйича, ААФ ингибиторлари, АРБ II ёки аликсиренни қўллаш билан РААТ нинг икки томонлама блокадаси, ҳар қандай пациентга тавсия қилинмаслиги мумкин, айниқса диабетик нефропатияси бўлган пациентларда.

Қандли диабети ёки ўртача/оғир буйрак етишмовчилиги (СКФ <60 мл/мин/1,73 м2) бўлган пациентларда аликсиренни ААФ ингибиторлари ёки АРБ II билан бир вақтда қўллаш мумкин эмас.

Айрим ҳолларда, ААФ ингибиторлари ва АРБ II ни бирга қўллаш мутлоқ кўрсатилганда, мутахассиснинг синчков кузатуви ва албатта буйрак фаолияти, сув-электролит баланси, АБ ни мониторинги зарур.

Трициклик антидепрессантлар/антипсихотик воситалар/умумий анастезия учун воситалар/наркотик анальгетиклар: ААФ ингибиторлари билан бир вақтда қабул қилиш АБ ни яққол пасайишига олиб келиши мумкин.

Этанол антигипертензив самарани кучайтиради.

Аллопуринол прокаинамид, цитостатиклар ёки иммунодепрессантлар (тизимли глюкокортикоидлар) ААФ ингибиторлари билан бир вақтда қўлланганида лейкопенияни ривожланиш хавфини ошишига олиб келиши мумкин.

Антацидлар ва колестирамин ААФ ингибиторлари билан бирга қабул қилинганда охиргиларнинг биокираолишини пасайтиради.

Симпатомиметиклар ААФ ингибиторларининг антигипертензив самарасини сусайтириши мумкин; исталган самарага эришишни синчков назоратини ўтказиш керак.

Гипогликемик препаратлар: ААФ ингибиторлари ва гипогликемик дори препаратларини (инсулин ва ичга қабул қилиш учун гипогликемик воситалар) бир вақтда қўлланганида, гипогликемия хавфи ошиши мумкин. Кўпроқ бундай ҳолатлар мажмуавий даволашнинг биринчи ҳафтаси вақтида ва буйрак етишмовчилиги бўлган пациентларда кузатилади.

Ностероид яллиғланишга қарши воситалар (НЯҚП) (шу жумладан циклооксигеназа-2 (ЦОГ-2) селектив ингибиторлари): НЯҚП, шу жумладан ацетилсалицил кислотасининг суткада 3 г дан ортиқ юқори дозаларини узоқ муддат давомида қўллаш, ААФ ингибиторларининг антигипертензив самарасини пасайтириши мумкин. НЯҚП ва ААФ ингибиторлари қўллангандаги аддитив самара қон зардобида калийнинг миқдорини ошишида намоён бўлади ва буйрак фаолиятини ёмонлашишига олиб келиши мумкин. Жуда кам ҳолларда, айниқса кекса ва сувсизланган пациентларда ўткир буйрак етишмовчилиги ривожланиши мумкин.

Литий препаратлари: ААФ ингибиторлари билан бир вақтда қўлланганида литийни чиқарилиши секинлашиши мумкин ва шунинг учун бундай ҳолларда қон зардобида литийнинг концентрациясини назорат қилиш керак. Литий препаратлари билан бир вақтда қўлланганида уларнинг нейротоксик таъсирининг кўринишлари (кўнгил айниши, қусиш, диарея, атаксия, тремор, қулоқларни шанғиллаши) кучайиши мумкин. Лизиноприл ва литий препаратларини бирга қўллаш тавсия этилмайди. ААФ ингибиторлари билан тиазид диуретикларни бирга қўллаш литийли токсиклик хавфини ошишига ва яна хам кўпроқ литий билан интоксикацияни ошириши мумкин.

Олтин препаратлари: ААФ ингибиторлари ва олтин препаратлари (натрий ауротиомалат) вена ичига бир вақтда қўлланганида юз гиперемияси, кўнгил айниши, қусиш, бош айланиши ва артериал гипертензияни ўз ичига олувчи симптомокомплекс таърифланган.

Ацетилсалицил кислотаси, тромболитиклар, бета-адреноблокаторолар, нитратлар: лизиноприлни ацетилсалицил кислотаси (кардиологик дозаларда), тромболитиклар, бета-адреноблокаторлар ва/ёки нитратлар билан бир вақтда қўллаш мумкин.

Амлодипин

Бошқа дори воситаларини амлодипинга таъсири

CYP3A4 изоферменти ингибиторлари: амлодипинни CYP3A4 изоферментининг кучли ёки ўртача ингибиторлари (протеаза ингибиторлари, азоллар гуруҳига мансуб замбуруғларга қарши воситалар, макролидлар гуруҳи антибиотиклари (эритромицин ёки кларитромицин кабилар, верапамил ёки дилтиазем) билан бир вақтда қўллаш, амлодипиннинг самарасини сезиларли кучайишига олиб келиши мумкин, улар кекса пациентларда яққолроқ намоён бўлади. Шифокор назорати ва зарурати бўлганида - амлодипиннинг дозасига тузатиш киритиш тавсия этилади.

CYP3A4 изоферменти индукторлари: CYP3A4 изоферментининг индукторлари (масалан, рифампицин, Тешик далачой сақловчи препаратлар) билан бир вақтда қўллаш қон плазмасида амлодипиннинг концентрациясини пасайишига олиб келиши мумкин. Амлодипин ва CYP3A4 изоферменти индукторларини бир вақтда қўллашни эҳтиёткорлик билан ўтказиш керак.

Амлодипинни грейпфрут ёки грейпфрут шарбати билан бирга қабул қилиш тавсия этилмайди, чунки айрим пациентларда бу амлодипиннинг биокираолишлигини ошишига олиб келиши мумкин, бунинг натижасида унинг антигипертензив самараси ошади.

Дантролен (инфузия): хайвонларда ўтказилган тадқиқотларда верапамил қабул қилинганидан ва дантролен вена ичига юборилганидан кейин қоринчалар фибрилляцияси ва йўлдош гиперкалиемия ва ўлим билан якунланувчи юрак-қон томир етишмовчилигини ривожланиши кузатилган. Гиперкалиемияни ривожланиш хавфи туфайли, хавфли гипертермияга мойиллиги бўлган пациентларда, шунингдек хавфли гипертермияни даволаш учун амлодипин каби “секин” кальций каналларининг блокаторларини бир вақтда қўллаш тавсия этилмайди.

Амлодипинни бошқа дори препаратларига таъсири

Амлодипиннинг антигипертензив самараси кучаяди. Антигипертензив хусусиятларга эга бўлган дори препаратлар таъсирида.

Бошқа дори воситалари билан ўзаро таъсирини ўрганиш бўйича клиник тадқиқотларда амлодипин аторвастатин, дигоксин, варфарин ёки циклоспориннинг фармакокинетикасига таъсир қилмаган.

Симвастатин: 10 мг амлодипин ва 80 мг симвастатиннинг такрорий дозаларини бир вақтда қабул қилиш, симвастатин билан монотерапиядагига нисбатан симвастатиннинг концентрациясини 77% га ошишига олиб келган. Амлодипин қабул қилаётган пациентларда симвастатиннинг дозасини кунига 20 мг гача чеклаш керак.

Алоҳида компонентларни қўллаш билан боғлиқ бўлган, қуйида келтирилган огоҳлантиришлар, шунингдек мажмуавий препарат Экватор®га ҳам тааллуқлидир.

Лизиноприл билан боғлиқ бўлган:

Артериал гипотензия

Клиник симптомларни ривожланиши билан кечувчи АБ ни яққол пасайиши айланаётган қон хажми ва/ёки диуретикларни қабул қилиш, суюқликни йўқотиш ёки бошқа сабаблар юзасидан, масалан кўп терлаш, давомли қусиш ва/ёки диарея ёки оғир ренинга-қарам артериал гипертензия оқибатидаги натрийнинг миқдори кам бўлган пациентларда кузатилиши мумкин. Экватор® препарати билан даволашни бошлашдан олдин суюқлик ва/ёки натрийни йўқотилишини тиклашни ўтказиш керак. Бошланғич доза қабул қилинганидан кейин АБ ни назорат қилиш керак. Бундай ҳолатлар юрак ишемик касаллиги ёки цереброваскуляр касалликлари бўлган пациентларга ҳам таалуқлидир, уларда АБ ни яққол пасайиши миокард инфарктига ёки инсультга олиб келиши мумкин.

Ўткинчи гипотензия лизиноприлни кейинги қўллашга қарши кўрсатма ҳисобланмайди, уни одатда АҚХ ошганидан кейин АБ кўтарилганидан кейинроқ дарҳол қўллаш мумкин.

АБ нормал ёки пасайган юрак етишмовчилиги бўлган айрим пациентларда, лизиноприл қўлланганида тизимли АБ ни қўшимча пасайиши кузатилади. Ушбу самара кутилаётган ҳисобланади ва одатда даволашни тўхтатишни талаб қилмайди. Агар артериал гипотензия симптоматик гипотензияга айланса, дозани пасайтириш ёки лизиноприлни қўллашни тўхтатиш талаб қилиниши мумкин.

РААТ икки томонлама блокадаси

РААТ икки томонлама блокадаси монотерапия билан солиштирганда артериал гипотензия, гиперкалиемия ва буйрак фаолиятини бузилишлари (шу жумладан ўткир буйрак етишмовчилиги) ривожланиши хавфини ошиши билан ассоциацияланади. ААФ ингибиторлари, АРБ 11 ёки алискиренни қўллаш билан РААТ икки томонлама блокадаси хар қандай пациентга, айниқса диабетик нейропатияси бўлган пациентларга тавсия қилиниши мумкин эмас.

Алоҳида ҳолларда, ААФ ингибиторлари ва АРБ II ни бирга қўллаш мутлоқ кўрсатилганда мутахассиснинг синчков кузатуви ва буйрак фаолияти, сув-электролит баланси, АБ мажбурий мониторингини ўтказиш керак. Бу сурункали юрак етишмовчилиги бўлган пациентларда ААФ ингибиторлари билан даволашга қўшимча сифатида кандесартан ёки валсартанни буюришга хам тааллуқлидир. Сурункали юрак етишмовчилиги бўлган пациентларда альдостероннинг (спиринолактон) антагонистларини ўзлаштираолмасликда РААТ ни икки томонлама блокадасини мутахассиснинг синчков кузатуви ва буйрак фаолияти, сув-электролит баланси, АБ нинг мажбурий мониторинги остида ўтказиш мумкин, уларда бошқа адекват даволашни ўтказишга қарамасдан сурункали юрак етишмовчилиги симптомларини персистицияланиши кузатилади.

Ўткир миокард инфарктидаги артериал гипотензия

Вазодилататорлар билан даволашдан кейин гемодинамикани янада жиддий ёмонлашиши хавфига учраган ўткир миокард инфаркти бўлган пациентларда, лизиноприл билан даволашни бошламаслик керак. Бу систолик артериал босими (САБ) 100 мм сим. уст. ёки пастроқ бўлган, шунингдек кардиоген шок билан хасталанган пациентлардир. Миокард инфарктидан кейин биринчи 3 кун давомида, агар САБ 120 мм сим. уст. ёки пастроқни ташкил қилса, лизиноприлнинг дозасини камайтириш керак. Агар САБ 100 мм сим. уст. ёки пастроқни ташкил қилса, тутиб турувчи дозани 5 мг ёки вақтинча 2,5 мг гача камайтириш керак. Артериал гипотензия САБ 90 мм сим. уст. пастда 1 соатдан кўпроқ сақланса) сақланган ҳолларда, лизиноприлни бекор қилиш керак.

Аортал ва митрал клапаннинг стенози/гипертрофик кардиомиопатия

Бошқа ААФ ингибиторларидаги каби, лизиноприлни митрал клапан стенози ва юракнинг чап қоринчасини чиқариш йўлининг обструкцияси (аортал стеноз ёки гипертрофик кардиомиопатия) бўлган пациентларга эҳтиёткорлик билан буюриш керак.

Буйрак етишмовчилиги

Буйрак етишмовчилиги (КК ≤80 мл/мин) бўлган ҳолларда лизиноприлнинг бошланғич дозасини пациентнинг КК кўрсаткичига қараб, сўнгра эса пациентнинг даволашга бўлган реакциясига қараб танлаш керак. Даволашни ўтказишда қон зардобида калий миқдорини ва креатинин концентрациясини назоратини ўтказиш керак.

Юрак етишмовчилиги бўлган пациентларда ААФ ингибиторлари билан даволаш бошланганидан кейин артериал гипертензия буйрак фаолиятини янада ёмонлашишига олиб келиши мумкин. Бундай ҳолларда ўткир буйрак етишмовчилиги ҳақида, лекин, одатда қайтувчи хабар берилган.

ААФ ингибиторларини олган буйрак артерияларининг икки томонлама стенози ёки якка буйрак артериясининг стенози бўлган пациентларда, одатда даволаш тўхтатилганидан кейин, қон зардобида мочевина ва креатинин концентрациясини қайтувчан ошиши кузатилган. Бунинг эҳтимоли айниқса буйрак етишмовчилиги бўлган пациентларда бўлади. Йўлдош вазоренал артериал гипертензиясида оғир артериал гипотензия ва буйрак етишмовчилигини ривожланишининг юқори хавфи бор. Бундай пациентларда даволашни қатий тиббий кузатув остида паст дозалардан бошлаш ва дозани эҳтиёткорлик билан титрлаш керак. Диуретиклар билан даволаш юқорида кўрсатилган ҳолатларни ривожланишига олиб келиши мумкинлиги туфайли, уларни қўллашни тўхтатиш керак, бунда буйрак фаолиятини лизиноприл билан даволашни биринчи ҳафталари давомида назорат қилиш керак.

Яққол олдинги вазоренал гипертензияси бўлмаган артериал гипертензияси бўлган айрим пациентларда, қон зардобида мочевина ва креатинин концентрациясини, одатда бироз ва ўткинчи ошиши, айниқса лизиноприл диуретиклар билан бир вақтда қўлланган ҳолларда аниқланган. Бунинг эҳтимоли айниқса олдинги буйрак етишмовчилиги бўлган пациентларда бўлади. Диуретик ва/ёки лизиноприлнинг дозасини пасайтиришни ва/ёки бекор қилишни талаб қилиши мумкин.

Ўткир миокард инфарктида лизиноприл билан даволашни, қон зардобидаги креатининнинг концентрацияси 177 микромоль/л дан юқори бўлмаган ва/ёки 500 мг/24 соат дан юқори бўлмаган протеинурия сифатида аниқланган буйрак етишмовчилиги белгилари бўлган пациентларда бошламаслик керак. Лизиноприл билан даволаш вақтида буйрак фаолиятини бузилиши (қон зардобидаги креатининнинг концентрацияси 265 микромоль/л дан юқори ёки даволашни бошлашгача бўлган қийматидан 2 марта юқори) бўлган ҳолларда, шифокор лизиноприлни бекор қилиш мақсадга мувофиқлигини кўриб чиқиши керак.

Ангионевротик шиши

Юз, оёқ-қўллар, лаблар, товуш бойламалари ва/ёки халқумнинг ангионевротик шиши ААФ ингибиторларини, шу жумладан лизиноприлни, қабул қилган пациентларда қайд қилинган. Бундай ҳолларда Экватор® препаратини қабул қилишни дархол тўхтатиш ва симптомлар бутунлай йўқолгунича пациентни синчиков тиббий кузатувини олиб бориш керак.

Юз, лаблар, ва оёқ-қўлларни шиши одатда мустақил ўтиб кетади, шунга қарамай, симптомларнинг яққоллигини камайтириш учун антигистамин препаратларни қабул қилиш керак.

Халқумни шиши ёки тилни шиши билан бирга кечувчи ангионевротик шиши ўлимга олиб келиши мумкин. Тил, томоқ ёки халқумни шиши аниқланганида, улар нафас йўлларининг обструкциясини сабаби бўлиши мумкин, дарҳол шошилинч ёрдам чораларини бошлаш керак. Керакли чораларга қуйидагилар киради: 0,1% ли эпинефрин (адреналин) эритмасини тери остига 0,3-0,5 мг ёки 0,1 мг вена ичига секин, кейинги глюкокортикостероидларни (вена ичига) ва антигистамин препаратларни юбориш ва бир вақтда хаётиё-мухим фаолиятларни кузатиш керак.

ААФ ингибиторларини қабул қилган пациентларда кам ҳолларда интестинал ангионевротик шиши кузатилган. Бу пациентлар қоринда оғриқларга (кўнгил айниши ва қусиш билан ёки уларсиз кечувчи) шикоят қилганлар; айрим ҳолларда олдинги юзни ангионевротик шиши кузатилмаган, ва С-1 эстеразанинг фаоллиги норма чегараларида бўлган. Интестинал ангионевротик шиши меъда-ичак йўлларининг компьютерли томография ёки ультратовуш текширишлари маълумотлари бўйича, ёки жарроҳлик аралашувда диагностика қилинган; ААФ ингибиторлари бекор қилинганидан кейин симптомлар йўқолган. ААФ ингибиторларини қабул қилаётган пациентларда қорин оғриқларини дифференциал ташхисини ўтказишда, интерстициал ангионевротик шиш ривожланишини ҳисобга олиш керак.

Анамнезида ААФ ингибиторларини қабул қилиш билан боғлиқ бўлмаган ангионевротик шиши бўлган пациентларда, ААФ ингибиторларини қўллаш ангионевротик шиши ривожланишининг юқорироқ хавфи билан боғлиқ бўлиши мумкин.

Гемодиализда бўлган пациентлардаги анафилактик реакциялар

Полиакрилнитрил мембраналарни (масалан, AN69®) қўллаш билан гемодиализ ўтказилган ва бир вақтда ААФ ингибиторларини олган пациентларда, анафилактик шок ҳоллари қайд қилинган, шунинг учун бундай мажмуадан сақланиш керак. Пациентларга диализ мембранасининг бошқа турини ёки бошқа фармакотерапевтик гуруҳи гипотензив препаратни қўллаш тавсия этилади.

Паст зичликдаги липопротеинлар (ПЗЛП) аферези муолажасини ўтказиш вақтида пациентлардаги анафилактик реакциялар

ААФ ингибиторларини олаётган пациентларда декстран сульфати билан ПЗЛП аферези муолажасини ўтказиш вақтида кам хаёт учун хавфли анафилактик реакциялар ривожланган. Хар бир аферез муолажаси олдидан ААФ ингибиторини бекор қилиш йўли билан бундай реакцияларни олдини олиш мумкин.

Пардақанотлиларнинг заҳари билан десенсибилизация

ААФ ингибиторларини олаётган пациентларда баъзида пардақанотлиларнинг (масалан, арилар ёки асаларилар) заҳари билан десенсибилизацияда анафилактик реакциялар ривожланган. Бундай ҳаёт учун хавфли вазиятларни десенсибилизация муолажасини ўтказиш олдидан ААФ ингибиторини бекор қилиб сақланиш мумкин.

Жигарга таъсири

Кам ҳолларда ААФ ингибиторларини қўллаш синдром билан бирга кечган, у холестатик сариқлик ёки гепатит билан бошланган ва жигарнинг фульминант некрозига айланган ва айрим ҳолларда ўлимга олиб келган. Бу синдромнинг механизми маълум эмас. Экватор® олаётган, сариқлик ёки “жигар” ферментларининг фаоллигини ошиши кузатилган пациентларда, препаратни бекор қилиш ва уларнинг ҳолатини синчков назоратини ўтказиш керак.

Нейтропения/агранулоцитоз

ААФ ингибиторларини олаётган пациентларда нейтропения, агранулоцитоз, тромбоцитопения ва анемия ривожланишининг кам ҳоллари қайд қилинган. Буйрак фаолияти нормал бўлган пациентларда ва бошқа оғирлаштирувчи омиллар бўлмаганида нейтропения кам учрайди. Нейтропения ва агранулоцитоз қайтувчан бўлади ва ААФ ингибиторлари бекор қилинганидан кейин йўқолади. Бириктирувчи тўқиманинг тизимли касалликлари бўлган пациентларда, иммуносупрессив даволашни ўтказишда, аллопуринол ёки прокаинамид билан даволаш вақтида ёки бу оғирлаштирувчи омиллар қўшилганида, айниқса буйрак фаолиятини олдинги бузилиши бўлганида, Экватор®ни алоҳида эҳтиёткорлик билан қўллаш керак. Бу пациентларнинг айримларида жиддий инфекцион касалликлар ривожланган, уларда айрим ҳолларда антибиотиклар билан даволашга жавоб олинган эмас. Бундай пациентларда Экватор® препарати билан даволаш вақтида вақти-вақти билан лейкоцитлар сонини назорат қилиш (лейкоцитар формулани ҳисоблаш билан қоннинг тахлилини ўтказиш) керак. Пациентларни инфекцион касалликларнинг биринчи белгилари пайдо бўлганида шифокорни хабардор қилишлари кераклиги ҳақида огоҳлантириш керак.

Ирққа мансублик

ААФ ингибиторларини қўллаган негроид ирқи вакилларида, бошқа ирқ пациентларига нисбатан ангионевротик шиш кўпроқ пайдо бўлган.

Бошқа ААФ ингибиторлари каби, лизиноприл ҳам бошқа ирқ пациентларига нисбатан негроид гуруҳи пациентларида гипотензив восита сифатида камроқ самаралидир. Ушбу самара артериал гипертензияси бўлган негроид ирқи пациентларида пастренинли статусни яққол кўплиги билан боғлиқ бўлиши мумкин.

Йўтал

ААФ ингибиторларини қўллаш вақтида кўпинча йўтал кузатилади. Одатда, йўтал балғамсиз, доимий бўлади ва препарат бекор қилинганидан кейин тўхтайди. Йўтални дифференциал ташхис қилишда, ААФ ингибиторларини қўллаш билан боғлиқ бўлган йўтални ҳисобга олиш керак.

Жарроҳлик аралашуви/умумий анастезия

Жарроҳлик аралашувларида ёки артериал гипотензияни чақирувчи препаратларни қўллаш билан ўтказиладиган умумий анастезияда, лизиноприл ренинни компенсатор ажралиб чиқиши билан боғлиқ бўлган ангиотензин II ни ҳосил бўлишини блоклаши мумкин.

Агар юқорида келтирилган механизм натижасида артериал гипотензия ривожланса, АҚХ ошириш билан мувофиқлаштириш мумкин.

Гиперкалиемия

ААФ ингибиторларини олган айрим пациентларда қон зардобида калийнинг миқдорини ошиши кузатилган. Гиперкалиемия ривожланиши бўйича хавф гуруҳини буйрак етишмовчилиги, 2 тур қандли диабети, ўткир юрак етишмовчилиги, дегидратацияси, метаболик ацидози бўлган ёки калийни тежовчи диуретиклар, калий сақловчи овқат қўшимчалари, калий сақловчи туз ўрнини босувчилар ёки қон зардобида калийнинг миқдорини ошишига олиб келувчи хар қандай бошқа дори воситаларини (масалан, гепарин) бир вақтда қўлланган пациентлар ташкил қилади. Юқорида санаб ўтилган препаратлар билан бир вақтда қўллаш зарурати бўлганида, қон зардобида калийнинг миқдорини назорат қилиш тавсия этилади.

Қандли диабети бўлган пациентлар

Гипогликемик препаратларни ичга қабул қилаётган ёки инсулин олаётган қандли диабети бўлган пациентларда, ААФ ингибиторлари билан даволашнинг биринчи ойи давомида қонда қанднинг даражасини назорат қилиш керак (“Дориларнинг ўзаро таъсири” бўлимига қаранг).

Амлодипин билан боғлиқ бўлган

Гипертоник кризда амлодипинни қўллаш хавфсизлиги ва самарадорлиги аниқланмаган.

Юрак етишмовчилиги бўлган пациентлар

Кальций каналлари блокаторларини, шу жумладан амлодипинни димланган юрак етишмовчилиги бўлган пациентларга эҳтиёткорлик билан буюриш керак, чунки улар юрак-қон томир асоратлари ва ўлим хавфини оширишлари мумкин.

Жигар етишмовчилиги бўлган пациентларда қўлланиши

Жигар етишмовчилиги бўлган пациентларда амлодипиннинг ярим чиқарилиш даврини узайиши ва AUC қийматини ошиши аниқланади, лекин дозалашга нисбатан мувофиқ тавсиялар ишлаб чиқилмаган. Шунинг учун амлодипинни қўллашни дозалаш доирасида минимал дозадан бошлаш керак; даволашни бошлашни ва дозани оширишни эҳтиёткорлик билан ўтказиш керак. Оғир жигар етишмовчилиги бўлган пациентларда, дозани секин титрлаш ва синчков тиббий кузатув талаб қилиниши мумкин.

Кекса ёшли пациентлар

Буйрак фаолиятини бузилиши бўлган кекса ёшли пациентларда, лизиноприл ва амлодипинни алохида қўллаб, дозага тузатиш киритишни ўтказиш керак.

Даволаниш вақтида тана вазнини назорат қилиш стоматолог кузатувида (милкларнинг оғриқлилиги, қоновчанлиги ва гиперплазиясини олдини олиш учун) бўлиш керак.

Ҳомиладорлик ва эмизиш даврида қўлланиши

Ҳомиладорлик

Экватор препаратини ҳомиладорликнинг I уч ойлиги вақтида қўллаш тавсия этилмайди ва хомиладорликнинг II ва III уч ойликларида қўллаш мумкин эмас. (“Қўллаш мумкин бўлмаган ҳолатлар” бўлимига қаранг).

Адекват назоратли клиник текширишлар доирасида ҳомиладор аёлларда Экватор препаратини қўллаш бўйича маълумотлар йўқ. Шунинг учун хомиладорлик вақтида иккала таъсир қилувчи моддаларни қўллаш тавсия этилмайди ёки мумкин эмас. Ҳомиладорлик тасдиқланганида Экватор препаратини қабул қилишни дархол тўхтатиш ва муқобил даволашни бошлаш керак (“Махсус кўрсатмалар” бўлимига қаранг).

Хомиладорлик вақтида Экватор препаратини қабул қилишни бошламаслик керак. Агарда Экватор® препарати билан даволашни давом эттириш зарур деб ҳисобланса, хомиладорликни режалаштираётган аёлларни, хомиладорлик вақтида қўллаш хавфсизлиги маълум бўлган муқобил гипотензив воситаларга ўтказиш керак.

Лизиноприл

ААФ ингибиторларини хомиладорликнинг I уч ойлигида қўллаш тавсия этилмайди (“Махсус кўрсатмалар” бўлимига қаранг) ва II ва III уч ойликларида қўллаш мумкин эмас (“Қўллаш мумкин бўлмаган ҳолатлар” ва “Махсус кўрсатмалар” бўлимларига қаранг).

Ҳомиладорликнинг I уч ойлиги вақтида ААФ ингибиторларини қабул қилиш билан боғлиқ бўлган тератогенлик хавфи юзасидан эпидемиологик маълумотлар ишончли ҳисобланмайди, лекин, хавфни бироз ошишини истисно қилиш мумкин эмас. Агар ААФ ингибитори билан даволаш зарур деб ҳисобланса, ҳомиладорлик вақтида қўллаш хавфсизлиги маълум бўлган муқобил гипотензив воситаларга ўтказиш керак. Ҳомиладорлик тасдиқланганида, ААФ ингибитори билан даволаш дархол тўхтатилиши ва зарурати бўлганида муқобил даволаш буюрилиши керак.

ААФ ингибиторларини хомиладорликнинг II ва III уч ойликлари вақтида аёлларда қўллашни фетотоксикликни (буйрак фаолиятини пасайиши, камсувлик, калла суякларини суякланишини секинлашиши) индукциялаши ва неонатал токсиклиги (буйрак етишмовчилиги, артериал гипотензия, гиперкалиемия) маълум. Агар ААФ ингибитори ҳомиладорликнинг II уч ойлигидан бошлаб қўлланган бўлса, буйрак фаолиятини ва калла суягини ультратовуш текшириш тавсия этилади. Оналари ААФ ингибиторларини қабул қилган янги туғилган ва эмизикли болаларни, артериал гипертензияни ўз вақтида аниқлаш учун синчиклаб кузатиб бориш тавсия этилади (“Қўллаш мумкин бўлмаган ҳолатлар” ва “Махсус кўрсатмалар” бўлимларига қаранг).

Амлодипин

Ҳомиладорлик вақтида амлодипинни қўллаш хавфсизлиги аниқланмаган, шунинг учун ҳомиладорлик вақтида амлодипинни қўллаш тавсия этилмайди.

Эмизиш

Эмизиш даврида Экватор препаратини қўллаш тавсия этилмайди (маълумотлар йўқ). Агар лактация даврида препаратни қўллаш зарурати бўлса, хавфсизлик профили маълум бўлган муқобил гипотензив воситаларни буюриш керак (айниқса янги туғилган ва чала туғилган болаларни эмизиш даврида).

Фертиллик

Экватор препаратини фертилликка таъсири юзасидан адекват назоратли клиник тадқиқотларнинг маълумотлари йўқ. БМКК қўлланганда айрим пациентларда сперматазоидларнинг бошчаларида қайтувчан биокимёвий ўзгаришлар хақида хабар берилган.

Транспорт воситаларини бошқариш ва механизмлар билан ишлаш қобилиятига таъсири

Лизиноприл билан боғлиқ бўлган:

Транспорт воситаларини ёки механизмларни бошқаришда бош айланиши ёки чарчоқ ривожланиши мумкинлигини ҳисобга олиш керак.

Амлодипин билан боғлиқ бўлган:

Амлодипин транспорт воситаларини ва механизмларни бошқариш қобилиятига аҳамиятсиз ёки ўртача таъсир кўрсатиши мумкин. Бош айланиши, бош оғриғи, чарчоқ ва кўнгил айниши ривожланиши мумкинлиги туфайли, психомотор реакциялар тезлиги бузилиши мумкин. Эҳтиёткорликка риоя қилиш, айниқса даволашни бошида тавсия этилади.

Препарат болалар олаолмайдиган жойда сақлансин ва яроқлилик муддати ўтгач қўлланилмасин.

Одамда Экватор препаратининг дозасини ошириб юборилиши хақида маълумотлар йўқ.

Лизиноприл

Симптомлари: артериал гипотензия, циркулятор шок, электролитлар балансини бузилиши, буйрак етишмовчилиги, гипервентиляция, тахикардия, юрак уришини тезлашиши, брадикардия, бош айланиши, ховотирлик ва йўтал

Даволаш: меъдани ювиш, фаолланган кўмир қабул қилиш, оёқларни кўтариб пациентни горизонтал ҳолатга келтириш, айланаётган қон хажмини (АҚХ) тўлдириш - плазма ўрнини босувчи эритмаларни вена ичига юбориш, симптоматик даволаш, шунингдек ангиотензин II ни инфузион юбориш ва/ёки катехоламинларни вена ичига юбориш мақсадга мувофиқлигини кўриб чиқиш ҳам мумкин, юрак-қон томир ва нафас тизими фаолиятини, АҚХ, мочевина, креатинин концентрациясини ва қон зардобида электролитлар миқдорини, шунингдек диурезни назорат қилиш керак. Дорилар билан даволашга чидамли брадикардия ривожланганида, ритмни сунъий бошқарувчисини қўйиш кўрсатилган. Лизиноприл тизимли қон оқимида гемодиализ ёрдамида чиқарилиши мумкин.

Амлодипин

Симптомлари: рефлектор тахикардия ва хаддан зиёд периферик вазодилатация ривожланиши мумкинлиги билан АБ ни яққол пасайиши (яққол ва турғун артериал гипотензия ривожланишини хавфи, шу жумладан шок ва ўлим ривожланиши билан).

Даволаш: меъдани ювиш, фаолланган кўмир буюриш, юрак-қон томир тизими фаолиятини тутиб туриш, юрак-қон томир ва нафас тизимларининг фаолиятини назорат қилиш, оёқларни кўтариб пациентни горизонтал ҳолатга келтириш, айланаётган қон хажмини (АҚХ) ва диурезни назорат қилиш. Томирлар тонусини тиклаш учун - томирларни торайтирувчи воситаларни қўллаш (уларни қўллашга қарши кўрсатмалар бўлмаганида); кальций каналларининг блокадаси асоратларини бартараф қилиш учун - вена ичига кальций глюконатини юбориш керак. Гемодиализ самарали эмас.

Фиксацияланган дозали Экватор мажмуавий препарати

Симптомлари:

Экватор® препаратининг дозасини ошириб юборилиши яққол артериал гипотензия, ўткир қон томир етишмовчилиги, электролит балансини бузилишлари, буйрак етишмовчилиги, гипервентиляция, тахикардия, юрак уришини тезлашиши, брадикардия, бош айланиши, ховотирлик ва йўтал билан ошиқча периферик вазодилатацияга олиб келиши мумкин.

Даволаш: симптоматик даволашни ўтказиш тавсия этилади (пациентни орқада “ётган” ҳолатга келтириш, кузатиш ва зарурати бўлганида юрак-қон томир ва нафас тизимлари фаолиятини тутиб туриш керак, АБ ни назорат қилиш АҚХ ни тўлдириш ва электролит балансини тиклаш, қон зардобида креатинин концентрациясини мониторлаш). Яққол артериал гипотензия холида оёқларни бошдан юқорига кўтариш керак: агар қон ўрнини босувчиларни вена ичига юбориш етарли натижага олиб келмаса, периферик вазопрессорларни юбориш ҳисобига, уларни қўллашга қарши кўрсатмалар бўлмаслиги шарти билан тутиб турувчи даволаш талаб қилиниши мумкин. Ангиотензин II ни инфузион юбориш мақсадга мувофиқ ҳисобланади. Кальций глюконатини вена ичига юбориш кальций каналларининг блокадаси чақирган самараларни ортга ривожланишига ижобий таъсир кўрсатиши мумкин.

Амлодипин секин сўрилиши туфайли, айрим ҳолларда меъдани ювиш самарали бўлиши мумкин. Лизиноприлни тизимли қон оқимидан чиқариш учун гемодиализ ўтказиш мақсадга мувофиқ ҳисобланади. Диализ вақтида юқори оқимли полиакрилонитрил мембраналарни қўллаш тавсия этилмайди.

10 таблетка блистерда (ПВХ/ПЭ/ПВДХ - алюмин фольга).

1,3 ёки 6 блистер тиббиётда қўллаш бўйича йўриқномаси билан бирга картон қутида.

25 °С дан юқори бўлмаган ҳароратда, ёруғликнинг таъсиридан химоя қилиш учун оригинал ўрамида сақлансин.

3 йил.

Рецепт бўйича.

“Гедеон Рихтер” ОАЖ.

1103 Будапешт, Дёмрёи кўч., 19-21, Венгрия.