Enterofuril kapsulalari 100 mg №30 (3 blister х 10 kapsula)

Tarkib

5 ml suspenziya tarkibiga quyidagilar kiradi:

Ta’sir etuvchi modda: nifuroksazid 200,0 mg.

Yordamchi moddalar: saxaroza 1000,0 mg, natriy gidroksid 2,0 mg.

megilparagidroksibenzoat 5,0 mg, 96% li etanol 0,05 ml, karbomer 10,5 mg, limon kislotasi 0,75 mg, banan aromatizatori 10,00 mg, suv 5,0 ml gacha.

Tavsif

Sariq rangli, banan hidli suspenziya.

Chayqatilgandan so‘ng: zarrachalari bir xil tarqalgan suyuqlik.

Chiqarish shakli

Ichish uchun suspenziya 200 mg/5 ml.

Farmakoterapevtik guruh

Mikroblarga qarshi vosita, nitrofuran. Nifuroksazid. ATX kodi: A07AX03.

Farmakologik xususiyatlari

Farmakodinamika

Nifuroksazid - mikroblarga qarshi vosita, nitrofuran hosilasi. Degidrogenazalar faolligini bloklaydi va nafas olish zanjirlarini, uch karbon kislotalar siklini hamda mikrob hujayrasidagi boshqa bir qator biokimyoviy jarayonlarni susaytiradi. Mikrob hujayrasi membranasini yemiradi, mikroorganizmlar tomonidan toksinlar ishlab chiqarilishini kamaytiradi. Campylobacterzineuni, Escherihiacoli, Salmonellaspp., Shigellaspp., Clostridiumperfringens,

Vibrio cholerae, patogen Vibrios va Vibrio parahaemolytique, Staphylococcus spp. Nifuroksazidga kam sezgir: Citrobacter spp., Enterobacter cloacae va Proteus indologenes. Nifuroksazidga chidamli: Klebsiella spp., Proteus mirabilis, Providencia spp., Pseudomonas spp. Ichak mikroflorasi muvozanatini buzmaydi. O‘tkir bakterial diareyada ichak eubiozini tiklaydi. Enterotrop viruslar bilan zararlanganda bakterial superinfeksiya rivojlanishiga to‘sqinlik qiladi.

Farmakokinetika

Peroral qo‘llangandan so‘ng, nifuroksazid deyarli hazm yo‘lidan so‘rilmaydi va o‘zining antibakterial ta’sirini faqat ichak bo‘shlig‘ida ko‘rsatadi. Nifuroksazid ichak orqali chiqariladi: 20% o‘zgarmagan holda, nifuroksazidning qolgan miqdori esa kimyoviy o‘zgargan holda.

Ko‘rsatmalar

Umumiy ahvolning yomonlashuvi, tana haroratining ko‘tarilishi, intoksikatsiya kuzatilmasdan kechadigan o‘tkir bakterial diareya.

Qarshi ko‘rsatmalar

Nifuroksazid, nitrofuran hosilalari va preparatning boshqa komponentlariga yuqori sezuvchanlik, homiladorlik, 1 oygacha bo‘lgan chaqaloqlik davri, chala tug‘ilganlik, fruktozani ko‘tara olmaslik, glyukoza-galaktoza malabsorbsiyasi sindromi, saxaraza va izomalgaza yetishmovchiligi.

Ehtiyotkorlik bilan

Jigar kasalliklari, alkogolizm, bosh miya jarohati, bosh miya kasalliklari, laktatsiya davri, bolalik davri.

Qo‘llash usuli va dozalari

Ichga qo‘llaniladi.

Dozalash uchun 2,5 ml darajalangan, hajmi 5 ml bo‘lgan dozalovchi qoshiq ishlatiladi.

Suspenziyani ishlatishdan oldin yaxshilab chayqatish kerak.

1 oydan 6 oygacha bo‘lgan bolalarga: 100 mg nifuroksazid (2,5 ml suspenziya) kuniga 2-3 marta (qabul qilish oralig‘i 8-12 soat).

6 oylikdan 3 oylikkacha bo‘lgan bolalarga: 100 mg nifuroksazid (2,5 ml suspenziya) sutkada 3 marta (qabul qilish oralig‘i 8 soat).

3 yoshdan 6 yoshgacha bo‘lgan bolalarga: 200 mg nifuroksazid (5 ml suspenziya) sutkada 3 marta (qabul qilishlar orasidagi interval 8 soat).

6 yoshdan 18 yoshgacha bo‘lgan bolalarga: 200 mg nifuroksazid (5 ml suspenziya) kuniga 3-4 marta (qabul qilish oralig‘i 6-8 soat).

Kattalar uchun: 200 mg nifuroksazid (5 ml suspenziya) kuniga 4 mahal

(qabullar orasidagi interval 6 soat).

Davolash kursining davomiyligi 5-7 kun, lekin 7 kundan oshmasligi kerak. Agar qabul qilishning dastlabki 3 kunida yaxshilanish kuzatilmasa, shifokorga murojaat qilish kerak. Preparatni faqat yo‘riqnomada ko‘rsatilgan tartibda va dozalarda qo‘llang. Zarurat tug‘ilganda, iltimos, preparatni qo‘llashdan oldin shifokor bilan maslahatlashing.

Nojo‘ya ta’sirlari

Allergik reaksiyalar (teri toshmasi, eshakemi, Kvinke shishi, anafilaktik shok).Agar yo‘riqnomada ko‘rsatilgan nojo‘ya ta’sirlarning birortasi kuchaysa yoki yo‘riqnomada ko‘rsatilmagan boshqa nojo‘ya ta’sirlarni sezsangiz, bu haqda shifokorga xabar bering.

Dozani oshirib yuborish

Dozani oshirib yuborish belgilari ma’lum emas. Davolash simptomatik.

O‘zaro aloqa

Disulfiramsimon reaksiyalar rivojlanishini chaqiruvchi preparatlar, markaziy nerv sistemasi funksiyasini susaytiruvchi dori preparatlari bilan bir vaqtda qo‘llash tavsiya etilmaydi. Agar siz boshqa dori vositalarini (shu jumladan retseptsiz dori vositalarini) qabul qilayotgan bo‘lsangiz, Enterofuril® suspenziyasini qo‘llashdan oldin shifokor bilan maslahatlashing.

Maxsus ko‘rsatmalar

Diareyani davolashda nifuroksazid bilan davolash bilan bir vaqtda regidratatsion terapiyani o‘tkazish kerak 3 yoshgacha bo‘lgan bolalarda diareyani davolash shifokor nazorati ostida o‘tkazilishi kerak. Tizimli zararlanish belgilari (umumiy ahvolning yomonlashuvi, tana haroratining ko‘tarilishi, intoksikatsiya yoki infeksiya belgilari) bilan kechuvchi bakterial diareya holatida tizimli ta’sirga ega antibakterial preparatlarni qo‘llash masalasini hal qilish uchun shifokorga murojaat qilish lozim.

O‘ta sezuvchanlik belgilari (hansirash, toshma, qichishish) paydo bo‘lganda preparatni qabul qilishni to‘xtatish lozim. Nifuroksazid bilan davolash vaqtida alkogol iste’mol qilish taqiqlanadi.

Tarkibida metilparagidroksibenzoat mavjudligi sababli, preparat allergik reaksiyalarni (ehtimol, kechiktirilgan) keltirib chiqarishi mumkin.

enterofuril® suspenziyasi 5 ml da 1000 mg saxaroza saqlaydi. Shunga ko‘ra, 2,5 ml suspenziyaning bir martalik dozasidagi saxaroza miqdori 0,04165 "non birligi" (XB) ni, 5 ml ning bir martalik dozasida esa 0,0833 XB ni tashkil etadi.

Saxarozaning sutkalik dozasi sutkada 2 marta 2,5 ml suspenziya qabul qilinganda 0,0833 XB va sutkada 3 marta 2,5 ml suspenziya qabul qilinganda 0,125 XB ni tashkil etadi.

Saxarozaning sutkalik dozasi 5 ml suspenziyani sutkada 3 marta qabul qilinganda 0,250 XB va 5 ml suspenziyani sutkada 4 marta qabul qilinganda 0,333 XB ni tashkil etadi.

Enterofuril® suspenziyasidagi 96% etanol miqdori 1% ni tashkil etadi. Preparatning 100 mg nifuroksazidga (2,5 ml suspenziya) to‘g‘ri keladigan minimal bir martalik dozasi 0,02 g etanol (absolyut spirtga nisbatan hisoblaganda) va 800 mg nifuroksazidga (5 ml suspenziya sutkasiga 4 marta) to‘g‘ri keladigan maksimal sutkalik dozasi 0,16 g etanol (absolyut spirtga nisbatan hisoblaganda) saqlaydi.

Homiladorlik va laktatsiya

Hayvonlarda o‘tkazilgan tadqiqotlarda teratogen ta’sir aniqlanmadi. Ammo ehtiyot chorasi sifatida nifuroksazidni homiladorlik davrida qabul qilish tavsiya etilmaydi. Laktatsiya davrida preparat bilan davolash kursi qisqa bo‘lsa, emizishni davom ettirish mumkin. Shifokorga uchrashish kerak.

Transport vositalari va mexanizmlarini boshqarish qobiliyatiga ta’siri

Preparat transport vositalari va mexanizmlarni boshqarish imkoniyatiga ta’sir ko‘rsatmaydi.

Qadoq

Bolalardan himoya qilish mexanizmi, zichlagich va birinchi ochishni nazorat qilish bilan ta’minlangan, burab qo‘yiladigan plastik qopqoq bilan yopilgan to‘q shisha flakonga 90 ml dan solinadi.

1 flakon qo‘llanmasi va o‘lchov qoshig‘i bilan karton qutiga solinadi.

Saqlash shartlari

Harorat 25 °C dan yuqori emas.

Muzlatmang.

Bolalar qo‘li yetmaydigan joyda saqlang.

Ochiq flakon 14 kundan ortiq saqlanmasligi kerak.

Amal qilish muddati

3 yil

Amal qilish muddati tugaganidan keyin ishlatmang.

Dorixonalardan berish shartlari

Retseptsiz.

Ro‘yxatdan o‘tish guvohnomasi egasi

BOSNALEK AJ Bosniya va Gersegovina.

Ishlab chiqaruvchi

Bosniya i Gersegovina.