Ersefuril kapsulalari 200 mg №28 (blister)

Tarkib

1 ta kapsulada quyidagilar mavjud:

ta’sir etuvchi modda: nifuroksazid - 200 mg;

yordamchi moddalar: makkajo‘xori kraxmali - 88,0 mg, saxaroza - 72,0 mg, magniy stearati - 1,8 mg

Kapsula tarkibi

korpus: jelatin - 100% gacha, titan dioksidi (E171) - 2,0%, sariq temir oksidi bo‘yog‘i (E172) - 0,6286%; qopqoq: jelatin - 100% gacha, titan dioksidi (E171) - 2,0%, sariq temir oksidi bo‘yog‘i (El72) - 0,6286%.

Tavsif

No 1 qattiq jelatinli kapsulalar sariq rangli korpusdan iborat bo‘lib

qopqoqchalari sariq rangda. Kapsula tarkibi - sariq rangli kukun.

Chiqarish shakli

Kapsulalar 200 mg.

Farmakoterapevtik guruh

Mikroblarga qarshi vosita, nitrofuran. Nifuroksazid. ATX kodi: A07AX03.

Farmakologik xususiyatlari

Farmakodinamika

Boshqa nitrofuranlar singari, nifuroksazid ham mikroorganizmlar hujayralaridagi ba’zi oksidlanish-qaytarilish ferment reaksiyalarini bloklaydi. Terapevtik dozalarda qo‘llanganda bakteriostatik, yuqori dozalarda esa bakteritsid ta’sir ko‘rsatadi. Campylobacter jejuni, Escherichia coli, Salmonella spp, Shigella spp; Clostridium perfringens, Vibrio cholerae, patogen Vibrion va Vibrio parahaemolytique, Staphylococcus spp.

Nifuroksazidga kam sezgir: Citrobacter spp, Enterobacter cloacae va Proteus indologenes.

Nifuroksazidga chidamli: Klebsiella spp, Proteus mirabilis, Providencia spp., Pseudomonas spp.

Saprofit florasiga ta’sir qilmaydi (disbakterioz chaqirmaydi). Mikroorganizmlarning preparatga chidamliligi rivojlanmaydi.

Farmakokinetika

Nifuroksazid oshqozon-ichak traktidan deyarli so‘rilmaydi, qabul qilingan dozaning 99 foizi ichakda qoladi va u yerda o‘zining mikroblarga qarshi ta’sirini ko‘rsatadi. Nifuroksazid ichak orqali chiqariladi: 20% o‘zgarmagan holda, nifuroksazidning qolgan miqdori esa kimyoviy o‘zgargan holda.

Ko‘rsatmalar

Umumiy ahvolning yomonlashuvi, tana haroratining ko‘tarilishi, zaharlanishsiz kechadigan o‘tkir bakterial diareya (diareyaning yetarli darajadagi og‘irligiga qo‘shimcha ravishda suyuqlik va elektrolitlarni ichish yoki zarur bo‘lganda ularni vena ichiga yuborish orqali regidratatsiya).

Qarshi ko‘rsatmalar

Nitrofuran hosilalariga yoki preparatning har qanday yordamchi moddalariga yuqori sezuvchanlik.

6 yoshgacha bo‘lgan bolalar yoshi.

Homiladorlik.

Fruktozani ko‘tara olmaslik, glyukoza-galaktoza malabsorbsiyasi sindromi yoki

saxaraza va izomaltaza yetishmovchiligi (preparat tarkibida saxaroza borligi sababli).

Qo‘llash usuli va dozalari

Preparat faqat kattalar yoki 6 yoshdan oshgan bolalar tomonidan ichish uchun mo‘ljallangan.

Kattalar: kuniga 4 kapsuladan (800 mg), 2-4 qabulga bo‘lingan holda.

6 yoshdan katta bolalar: kuniga 3-4 kapsuladan (600-800 mg), 2-4 qabulga bo‘lingan holda.

Davolash kursi davomiyligi: 7 kundan ko‘p emas.

Nojo‘ya ta’sirlari

Teri toshmalari, eshakemi, Kvinke shishi, anafilaktik shok kabi allergik reaksiyalar.

Dozani oshirib yuborish

Ma’lumotlar yo‘q.

O‘zaro aloqa

Ma’lumotlar yo‘q.

Maxsus ko‘rsatmalar

Tizimli zararlanish belgilari (umumiy holatning yomonlashuvi, tana haroratining ko‘tarilishi, intoksikatsiya yoki infeksiya belgilari) bo‘lgan bakterial diareya holatida yaxshi tizimli diffuziyaga ega bo‘lgan antibakterial preparatlarni qo‘llash lozim.

Sezilarli davomli diareya, kuchli qusish yoki ovqatdan voz kechish holatlarida regidratatsiya uchun suyuqlik va elektrolitlarni vena ichiga yuborish masalasini ko‘rib chiqish lozim.

Agar davolash fonida diareya 2 kundan ortiq davom etsa, davolashni qayta ko‘rib chiqish va suyuqlik va elektrolitlarni ichish yoki vena ichiga yuborish masalasini ko‘rib chiqish kerak. Yuboriladigan suyuqlik hajmi va uni yuborish usuli (ichga, v/i) diareyaning ifodalanganlik darajasiga, bemorning yoshi va klinik holatiga mos kelishi kerak.

Homiladorlik va laktatsiya

Homiladorlik

Hayvonlarda o‘tkazilgan tadqiqotlarda nifuroksazidning teratogen ta’siri aniqlanmadi. Biroq, ehtiyot chorasi sifatida nifuroksazidni homiladorlik davrida qabul qilish tavsiya etilmaydi (homiladorlikda qo‘llash bo‘yicha klinik tajriba yetarli emas).

Emizish davri

Laktatsiya davrida preparat bilan davolash kursi qisqa bo‘lgan taqdirda ko‘krak suti bilan emizishni davom ettirish mumkin.

Transport vositalari va mexanizmlarini boshqarish qobiliyatiga ta’siri

Preparat transport vositalarini boshqarish yoki boshqa potensial xavfli faoliyat turlari bilan shug‘ullanish qobiliyatiga ta’sir ko‘rsatmaydi.

Qadoq

PVX/alyuminiy folga blisterlariga 14 tadan kapsula solinadi.

Karton qutiga qo‘llash bo‘yicha yo‘riqnoma bilan birga 1 yoki 2 ta blister.

Saqlash shartlari

Harorati 30 °C dan yuqori bo‘lmagan quruq joyda saqlanadi. Bolalar qo‘li yetmaydigan joyda saqlanadi.

Yaroqlilik muddati

5 yil.

Qadoqda ko‘rsatilgan yaroqlilik muddati tugagandan keyin preparatni ishlatmang.

Dorixonalardan berish shartlari

Retsept bo‘yicha.

Ro‘yxatdan o‘tish guvohnomasi egasi

SANOFI-AVENTIS FRANSIYA Fransiya

Ishlab chiqaruvchi

SANOFI VINTROP INDUSTRIYA Fransiya