Gelmadol bilan qoplangan tabletkalar 200 mg №2 (1 blister)

Tarkib

Plyonkali qobiq bilan qoplangan tabletka

Faol moddasi: albendazol 200 mg yoki 400 mg.

Yordamchi moddalar: laktoza monogidrati, prejelatinlangan makkajo‘xori kraxmali, natriy kraxmalglikolati, talk, krossovidon, povidon K25, magniy stearati, natriy laurilsulfat.

Qobiq tarkibi: Opadri® oq 03F180011 (gipromelloza, makrogol, titan dioksidi), Opadri® II pushti 85F240091 (qisman gidrolizlangan polivinil spirti, titan dioksidi, makrogol, talk, qizil temir oksidi).

Tavsif

Gelmadol 200 mg: dumaloq, ikki tomoni qavariq, oq yoki deyarli oq rangli parda bilan qoplangan tabletkalar.

Gelmadol 400 mg: pushti rangli parda bilan qoplangan, bir tomonida ajratish chizig‘i bo‘lgan ovalsimon ikki tomonlama qavariq tabletkalar.

Dori shakli

Plyonkali qobiq bilan qoplangan tabletkalar.

Farmakoterapevtik guruh

Parazitlarga qarshi preparatlar. ATX kodi: R02SA03.

Farmakologik xususiyatlari

Farmakodinamika

Gelmadol keng ta’sir doirasiga ega bo‘lgan antigelmint va protozoylarga qarshi dori vositasi bo‘lib, u ichak va to‘qima parazitlari keltirib chiqaradigan mono- va aralash invaziyalarni davolash uchun qo‘llaniladi. Gelmadolning farmakologik xususiyatlari karbamatbenzimidazollar guruhiga mansub faol modda - albendazolning ta’siri bilan bog‘liq. Ta’sir mexanizmi asosan gelmint hujayrasida beta-tubulin polimerlanishini ingibirlash bilan bog‘liq. Gelmadol biokimyoviy jarayonlarning borishini buzadi (glyukoza utilizatsiyasi), sekretor granulalar va boshqa organellalar transportini bloklaydi, bu esa parazitning nobud bo‘lishiga olib keladi.

Farmakokinetika

So‘rilish. Preparat ichga qabul qilingandan so‘ng oshqozon-ichak yo‘llarida yomon so‘riladi, qon plazmasida o‘zgarmagan holda aniqlanmaydi. Ichga qabul qilinganda biosinguvchanligi past. Yog‘li ovqat iste’mol qilish so‘rilishni va maksimal konsentratsiyani 5 marta oshiradi.

Metabolizm. Albendazol jigarda tezda birlamchi metabolitga - albendazol sulfoksidga aylanadi, u ham antigelmint faollikka ega.

Taqsimot. Albendazol sulfoksidning qon plazmasidagi maksimal konsentratsiyasiga qabul qilingandan 2-5 soat o‘tgach erishiladi. Metabolitning 70 foizi plazma oqsillari bilan bog‘langan bo‘lib, organizmga to‘liq tarqaladi: siydik, o‘t, jigar, kista va kista suyuqligi devorlarida, orqa miya suyuqligida aniqlanadi.

Chiqarish. Albendazol sulfoksid jigarda albendazol sulfonga (ikkilamchi metabolit) va boshqa oksidlangan mahsulotlarga aylanadi. Albendazol sulfoksidning yarim parchalanish davri 8-12 soatni tashkil etadi. O‘t bilan turli metabolitlar holida chiqariladi.

Albendazol va albendazol sulfoksidning buyraklar orqali chiqarilishi sezilarli emas. Buyrak faoliyati buzilgan bemorlarda klirens o‘zgarmaydi.

Jigar shikastlangan bemorlarda - biokiraolishlik oshadi, albendazol sulfoksidning qon plazmasidagi maksimal konsentratsiyasi 2 baravar oshadi va yarim parchalanish davri uzayadi.

Qo‘llanilishi

Gelmadol - polivalent ta’sirga ega bo‘lgan yuqori samarali parazitlarga qarshi dori vositasi bo‘lib, u ko‘pchilik ma’lum gelmintozlarni davolashda qo‘llanilishi mumkin:

nematodozlar:

askaridoz, qo‘zg‘atuvchisi Ascaris lumbricoides (dumaloq chuvalchang);

trixotsefalyoz, qo‘zg‘atuvchisi Trichocephalus trichiurus (sochbosh);

enterobioz, qo‘zg‘atuvchisi Enterobius vermicularis (stritsa);

ankilostomidozlar, Ancylostoma duodenale va Necator americanus qo‘zg‘atuvchilari;

trixinellyoz, qo‘zg‘atuvchisi Trichinella spiralis;

toksokaroz, qo‘zg‘atuvchisi Toxocara canis;

strongiloidoz, Strongiloides stercoralis qo‘zg‘atuvchisi

to‘qima sestodozlari:

sistitserkoz, qo‘zg‘atuvchisi lichinkalik davri Taenia solium (tasmasimon chuvalchang);

jigar, o‘pka, qorin pardasining gidatidoz exinokokkozi, qo‘zg‘atuvchisi Echinococcus granulosus lichinka shakli (tasmasimon chuvalchang);

alveolyar exinokokkozni xirurgik davolashda yordamchi vosita sifatida;

aralash gijja invaziyalari;

lyamblioz, qo‘zg‘atuvchisi Giardia lamblia.

Qo‘llash usuli va dozalari

Preparat ichga, ovqat vaqtida yoki ovqatdan keyin qabul qilinadi. Maxsus tayyorgarlik va parhez talab etilmaydi.

Preparatning dozasi invaziya turiga, bemorning tana vazniga qarab individual belgilanadi. Maksimal sutkalik doza - 800 mg.

Askaridoz, trixotsefalezda tana vazni 60 kg va undan ortiq bo‘lgan bemorlarga Gelmadol sutkasiga 400 mg dan bir marta yoki 2 mahal; tana vazni 60 kg dan kam bo‘lgan bemorlarga 15 mg/kg dan sutkasiga 2 mahal buyuriladi.

Enterobiozda preparat tana vazniga 5 mg/kg dozada bir marta buyuriladi. 14 kundan keyin davolash kursini o‘sha dozada va o‘sha rejimda takrorlash kerak.

Strongiloidoz, ankilostomidozda Gelmadol tana vazniga 10 mg/kg dozada sutkada 1 marta 3 kun davomida buyuriladi. Bir haftadan so‘ng, xuddi shu dozada takroriy davolash kursini o‘tkazish tavsiya etiladi.

Trixinellyozda preparat tana vazniga nisbatan sutkasiga 10 mg/kg dozada 2 mahaldan 7-10 kun davomida buyuriladi.

Toksokarozda Gelmadol tana vazniga nisbatan sutkasiga 10 mg/kg miqdorida ovqatdan keyin 2 mahaldan 10 kun davomida buyuriladi. Davolashning takroriy kurslarini 14-30 kun oralatib o‘tkazish talab etiladi.

Gidatidozli exinokokkozda davolash normal laborator ko‘rsatkichlarda olib boriladi. Gelmadol tana vazniga nisbatan 10 mg/kg dozada 2-3 mahal buyuriladi. Davolash kursining davomiyligi - sikllar orasida 14 kunlik tanaffus bilan 28 kunlik 3 sikl.

Sistitserkozda Gelmadol tana vazniga nisbatan 15 mg/kg dozada 3 mahal buyuriladi. Davolash kursi davomiyligi 28-30 kun.

Lyambliozda Gelmadol 400 mg dan sutkada 1 marta 5 kun davomida buyuriladi.

Nojo‘ya ta’siri

Ovqat hazm qilish tizimi tomonidan: qorin sohasida og‘riq, ko‘ngil aynishi, qusish.

Markaziy asab tizimi tomonidan: bosh og‘rig‘i va bosh aylanishi.

Dermatologik reaksiyalar: qichishish, teri toshmasi va boshqa allergik reaksiyalar.

Boshqalar: qon bosimining oshishi, buyrak funksiyasi ko‘rsatkichlarining o‘zgarishi.

Maxsus ko‘rsatmalar

Gelmadol preparati jigar kasalliklarida ehtiyotkorlik bilan ishlatiladi.

Tug‘ish yoshidagi ayollarda davolashni boshlashdan oldin homiladorlik yo‘qligiga test o‘tkaziladi. Davolash paytida ishonchli kontratsepsiya zarur.

Qarshi ko‘rsatmalar

preparatning tarkibiy qismlariga va benzimidazolning boshqa hosilalariga yuqori sezuvchanlik;

ko‘z to‘r pardasining patologiyasi;

homiladorlik;

laktatsiya davri

Dozani oshirib yuborish

Belgilari: nojo‘ya ta’sirlarning kuchayishi qayd etiladi.

Davolash: oshqozonni yuvish, faollashtirilgan ko‘mir qabul qilish, zarur bo‘lsa, shifokorga murojaat qilish.

Qo‘llash xususiyatlari

Avtotransport va mexanizmlarni boshqarish qobiliyatiga ta’siri

Preparat avtomobilni boshqarish va psixomotor reaksiyalarning yuqori tezligini talab qiladigan ishlarni bajarish qobiliyatiga ta’sir qilmaydi.

Homiladorlik va laktatsiyada qo‘llash

Homiladorlik va emizish davrida gelmadolni qo‘llash mumkin emas.

Pediatriyada qo‘llanishi

Preparat pediatriya amaliyotida ishlatiladi.

Boshqa dori vositalari bilan o‘zaro ta’siri

Deksametazon va simetidin qonda albendazol sulfoksid konsentratsiyasini oshiradi.

Chiqarish shakli

Gelmadol 200 mg

Plyonkali qobiq bilan qoplangan tabletkalar.

Blisterda 2 yoki 6 tabletka.

1 ta blister karton qutida varaq-qo‘shimcha bilan birga.

Blisterda 10 ta tabletka.

Karton qutida varaq-qo‘shimcha bilan birga 1 yoki 4 ta blister.

Gelmadol 400 mg

Plyonkali qobiq bilan qoplangan tabletkalar.

1, 2 yoki 3 ta tabletka blisterda.

1 ta blister karton qutida varaq-qo‘shimcha bilan birga.

Blisterda 10 ta tabletka.

Karton qutida varaq-qo‘shimcha bilan birga 1 yoki 6 ta blister.

Saqlash shartlari

25 °C dan yuqori bo‘lmagan haroratda saqlanadi.

Bolalar qo‘li yetmaydigan joyda saqlang.

Yaroqlilik muddati

Ishlab chiqarilgan sanadan boshlab 3 yil.

Yaroqlilik muddati o‘tgandan keyin qo‘llanilmaydi.

Dorixonalardan berish shartlari

Retsept bilan beriladi.

Ishlab chiqaruvchi

Ye.i.p.i., Misr.