Gioksizon Dentafill Plyus malhami 10 g (naycha)

faol modda: gidrokortizon atsetat 1 g, oksitetratsiklin gidroxlorid 3 g;

yordamchi moddalar: nipagin (metilparagidroksibenzoat), vazelin moyi, vazelin, oksitetratsiklin gidroxlorid 30 mg, gidrokortizon atsetat 10 mg.

Sirtga qo‘llash uchun surtma. Sariq rangli malham.

Kombinatsiyalangan preparat, preparat tarkibiga kiruvchi komponentlarning umumiy ta’siri natijasida bakterial infeksiya bilan asoratlangan terining yallig‘lanish reaksiyalari, ayniqsa allergik kelib chiqishini rivojlanishini to‘xtatadi. Oksitetratsiklin tetratsiklinlar guruhiga mansub antibiotik bo‘lib, bakteriostatik ta’sir ko‘rsatadi. Gram-musbat va grammanfiy bakteriyalar, Rickettsia spp., Treponema spp., Chlamydia spp., Mycoplasma spp. Gidrokortizon - GKS yallig‘lanishga qarshi, allergiyaga qarshi, antiekssudativ va qichishishga qarshi ta’sir ko‘rsatadi. Fagotsitozni tormozlaydi.

Fosfolipaza A2 faolligini susaytirish hisobiga hujayra qobig‘i fosfolipidlaridan araxidon kislotasi hosil bo‘lishini kamaytiradi. Yallig‘lanishga qarshi ta’sirga ega bo‘lgan interleykinlar va boshqa sitokinlarning ajralib chiqishini susaytiradi; gistamin ajralib chiqishini va mahalliy allergik reaksiyalarning paydo bo‘lishini tormozlaydi. Terida oqsillar sintezi va kollagen to‘planishini kamaytiradi, biriktiruvchi to‘qima rivojlanishiga to‘sqinlik qiladi, proliferativ jarayonlarni susaytiradi. Aerozol shaklidagi preparat surtmaga nisbatan yuqori absorbsiya qobiliyatiga, shuningdek, to‘qimalarning gaz almashinuvini qiyinlashtirmagan holda qurituvchi ta’sirga ega. Tez bug‘lanish qo‘shimcha og‘riqsizlantiruvchi va sovituvchi ta’sirni keltirib chiqaradi.

Farmakokinetika

Preparatni terapevtik dozalarda tashqi qo‘llashda ta’sir etuvchi moddalarning qonga transdermal so‘rilishi juda kam. Okklyuzion bog‘lamlarni qo‘llash gidrokortizon va oksitetratsiklinning transdermal so‘rilishini oshiradi,bu esa tizimli nojo‘ya ta’sirlar rivojlanish xavfini oshirishi mumkin.

Chaqaloqlar dermatiti (pufakli va eksfoliativ), infeksiyalangan terlash, follikulitlar, furunkulyoz, karbunkul, impetigo, saramas yallig‘lanishi; infeksiyalangan ekzemalar va yaralar, eroziyalar; chaqaloq eshakemi; oddiy va allergik dermatit, seboreya; "quyoshli" eritematoz toshmalar; ko‘p shaklli ekssudativ eritema; hasharotlar chaqishi; tashqi eshituv yo‘lining allergik va yiringli kasalliklari; boldir varikoz yaralari, kuyishlar, sovuq urishi.

Mahalliy, tashqi. Surtma 0,5-1 g miqdorda terining zararlangan sohalariga kuniga 1-3 mahal yupqa qatlam qilib yoki steril doka bog‘lam ostiga surtiladi. Davolashning davomiyligi individual.

Kamdan kam hollarda allergik reaksiyalar, terining ta’sirlanishi, qichishish, toshmalar paydo bo‘lishi mumkin.

Uzoq muddat qo‘llanilganda va/yoki katta yuzalarga surtilganda GKSning tizimli nojo‘ya ta’sirlari kuzatiladi.

Yuz terisiga qo‘llanilganda - teleangioektaziyalar, og‘iz sohasida teri osti kletchatkasining atrofiyasi kuzatilishi mumkin.

Terining ta’sirlanishi, qichishish, toshmalar; superinfeksiya, allergik reaksiyalar. Yuz terisiga qo‘llanilganda: teleangioektaziyalar, og‘iz sohasidagi teri osti kletchatkasining atrofiyasi. Uzoq muddat qo‘llanilganda va/yoki katta yuzalarga surtilganda - glyukokortikosteroidlarga xos bo‘lgan tizimli nojo‘ya ta’sirlar kuzatiladi.

• yuqori sezuvchanlik;

• teri sili;

• teri o‘smalari, saraton oldi holatlari, mikoz;

• terining virusli kasalliklari (gerpes, suvchechak);

• homiladorlik, emizish davri (keng zararlanish o‘choqlarida qo‘llanilganda).

Simptomlari: uzoq muddat qo‘llanganda va/yoki yuqori dozalarda buyrak usti bezi funksiyasining susayishi, ikkilamchi buyrak usti bezi yetishmovchiligi va giperkortitsizm belgilari, jumladan Itsenko-Kushing sindromi rivojlanishi mumkin. Oksitetratsiklin bilan yuqori dozalarda uzoq vaqt davolash sezgir bo‘lmagan mikrofloraning o‘sishiga olib kelishi mumkin. Davolash: preparatni bekor qilish. Tegishli simptomatik terapiya. Zarurat bo‘lganda elektrolit buzilishlarini tuzatish.

Glyukokortikosteroidlar (GKS) bilan davolash vaqtida chechakka qarshi emlash o‘tkazilmasligi va boshqa immunizatsiya turlari rejalashtirilmasligi kerak (GKSning immunodepressiv ta’siri tufayli).

Bolalarda preparatni keng yuzalarga va okklyuzion bog‘lamlar ostiga surtishdan saqlanish kerak.

Preparatni yuz terisiga qo‘llash zarur bo‘lganda, so‘rilishning kuchayishi va nojo‘ya ta’sirlar paydo bo‘lishi mumkinligi sababli davolash qisqa bo‘lishi kerak.

Homiladorlik va emizish davrida

Preparat homiladorlik va laktatsiya davrida (katta zararlanish o‘choqlarida qo‘llanganda) qo‘llash mumkin emas.

Boshqa dori vositalari bilan o‘zaro ta’sir yoki nomutanosiblik holatlari tavsiflanmagan.

Mahalliy va tashqi qo‘llash uchun surtma. 10 g alyuminiy tubalarda.

25 °C dan yuqori bo‘lmagan haroratda. Bolalar qo‘li yetmaydigan joyda saqlang.

Ishlab chiqarilgan sanadan boshlab 3 yil. Yaroqlilik muddati tugagandan keyin preparatni ishlatmang.