Glitserin (Glycerin) Dentafill Plus tabletkalari 100 mg №50 (1 blister)

Tarkib

1 ta tabletka tarkibida quyidagilar mavjud:

faol modda: glitsin - 100 mg;

yordamchi moddalar: natriy karboksimetilsellyuloza yoki suvda eriydigan metilsellyuloza, magniy stearat yoki kalsiy stearat.

Tavsif

Tabletkalar oq yoki sarg‘ish tusli oq rangda, marmarsimon, faskali yassi silindrsimon shaklda bo‘lishiga ruxsat etiladi.

Dori shakli

Tabletkalar.

Farmakoterapevtik guruh

Metabolik jarayonlarni korreksiyalash vositalari. ATX kodi: B05CX03.

Farmakologik xususiyatlari

Glitsin moddalar almashinuvining regulyatori bo‘lib, markaziy asab tizimidagi himoyaviy tormozlanish jarayonlarini me’yorlashtiradi va faollashtiradi, psixoemotsional zo‘riqishni kamaytiradi, aqliy ish qobiliyatini oshiradi.

Glitsin- va GAMK-ergik, alfa-adrenobloklovchi, antioksidant, antitoksik ta’sirga ega.

Glutamat (NMDA) retseptorlari faoliyatini tartibga soladi, shu tufayli preparat quyidagilarga qodir:

ruhiy-hissiy zo‘riqish, tajovuzkorlik, nizolarni kamaytirish, ijtimoiy moslashuvni oshirish;

kayfiyatni yaxshilash;

uyquga ketishni osonlashtirish va uyquni me’yorlashtirish;

aqliy ish qobiliyatini oshirish;

vegetativ-qon tomir buzilishlarini (shu jumladan klimakterik davrda ham) kamaytirish;

ishemik insult va bosh miya shikastlanishida umumiy miya buzilishlarining ifodalanishini kamaytirish;

alkogolning, markaziy asab tizimi faoliyatini susaytiruvchi dori vositalarining zaharli ta’sirini kamaytirish.

Farmakokinetika

Organizmning ko‘pchilik biologik suyuqliklari va to‘qimalariga, shu jumladan bosh miyaga ham oson o‘tadi.

Suv va karbonat angidridgacha metabolizmga uchraydi, to‘qimalarda to‘planmaydi.

Ko‘rsatmalar

aqliy ish qobiliyatining pasayishi;

stressli vaziyatlar - ruhiy-hissiy zo‘riqish (imtihonlar davrida, nizoli va shu kabi vaziyatlarda);

bolalar va o‘smirlar xulq-atvorining deviant shakllari;

asab tizimining yuqori qo‘zg‘aluvchanlik, hissiy beqarorlik, aqliy ish qobiliyatining pasayishi va uyquning buzilishi bilan kechadigan turli funksional va organik kasalliklari: nevrozlar, nevrozga o‘xshash holatlar va vegetativ-tomir distoniyasi, neyroinfeksiyalar va bosh miya jarohati oqibatlari, perinatal va ensefalopatiyaning boshqa shakllari (shu jumladan alkogol genezli);

ishemik insult

Qo‘llash usuli va dozalari

Preparat sublingval yoki transbukkal 0,1 g dan (tabletkalarda yoki tabletkani maydalagandan so‘ng kukun holida) qo‘llaniladi.

Amaliy sog‘lom bolalar, o‘smirlar va kattalarga psixoemotsional zo‘riqishlar, xotira, diqqat, aqliy ish qobiliyatining pasayishi, aqliy rivojlanishning kechikishi, xulq-atvorning deviant shakllarida glitsin 1 tabletkadan kuniga 2-3 marta 14-30 kun davomida buyuriladi.

Yuqori qo‘zg‘aluvchanlik, emotsional labillik va uyquning buzilishi bilan kechadigan markaziy nerv sistemasining funksional va organik zararlanishlarida uch yoshgacha bo‘lgan bolalarga 0,5 tabletkadan (0,05 g) kuniga 2-3 marta 7-14 kun davomida, keyinchalik 0,05 g dan kuniga 1 marta 7-10 kun davomida buyuriladi. Sutkalik dozasi - 0,1-0,15 g, kurs dozasi - 2,0-2,6 g. Uch yoshdan katta bolalar va kattalarga 1 tabletkadan kuniga 2-3 marta buyuriladi, davolash kursi 7-14 kun. Davolash kursini 30 kungacha uzaytirish mumkin, zarur bo‘lsa, kurs 30 kundan keyin takrorlanadi.

Uyqu buzilganda glitsin uyqudan 20 daqiqa oldin yoki bevosita uyqudan oldin 0,5-1 tabletkadan (yoshiga qarab) buyuriladi.

Bosh miyaning ishemik insultida: insultning rivojlanishidan dastlabki 3-6 soat davomida 1 g transbukkal yoki sublingval bir choy qoshiq suv bilan, keyin 1-5 sutka davomida kuniga 1 g dan, keyin keyingi 30 sutka davomida 1-2 tabletkadan kuniga 3 marta buyuriladi.

Narkologiyada glitsin aqliy ish qobiliyatini oshiruvchi va remissiya davrida psixoemotsional zo‘riqishni kamaytiruvchi vosita sifatida ensefalopatiya hodisalarida, markaziy va periferik asab tizimining organik shikastlanishlarida 1 tabletkadan kuniga 2-3 marta 14-30 kun davomida qo‘llaniladi. Zarurat tug‘ilganda kurslar yiliga 4-6 marta takrorlanadi.

Nojo‘ya ta’sirlari

Allergik reaksiyalar bo‘lishi mumkin.

Qarshi ko‘rsatmalar

Preparat komponentlariga nisbatan individual yuqori sezuvchanlik.

Dozani oshirib yuborish

Kuzatilmagan.

Ehtiyot choralari va qo‘llash xususiyatlari

Arterial gipotoniyaga moyillikda, keksa yoshdagi shaxslarga ehtiyotkorlik bilan buyuriladi.

Homiladorlik va laktatsiya davri

Preparatning homiladorlik va laktatsiya davrida organizmga ta’siri batafsil o‘rganilmagan, shuning uchun preparatni bu davrda qo‘llash tavsiya etilmaydi.

Avtomobil va murakkab mexanizmlarni boshqarish qobiliyatiga ta’siri

Avtotransportni boshqarishda yoki boshqa mexanizmlar bilan ishlashda, shuningdek, potensial xavfli faoliyat turlari bilan shug‘ullanishda ehtiyot bo‘lish zarur.

Boshqa dori vositalari bilan o‘zaro ta’siri

Antipsixotrop vositalar (neyroleptiklar), anksiolitiklar, antidepressantlar, uxlatuvchi va talvasaga qarshi vositalarning nojo‘ya ta’sirlari ifodalanganligini susaytiradi.

Chiqarish shakli

100 mg li tabletkalar. Tibbiy qo‘llash bo‘yicha yo‘riqnoma bilan birga kontur-yacheykali o‘ramda 50 tadan tabletka.

Saqlash shartlari

Yorug‘likdan himoyalangan joyda, 25 °C dan yuqori bo‘lmagan haroratda saqlang.

Bolalar qo‘li yetmaydigan joyda saqlang.

Yaroqlilik mudati

3 yil.

Yaroqlilik muddati tugagandan keyin qo‘llanilmaydi.

Ta’til shartlari

Retseptsiz.

Ishlab chiqaruvchi

"Dentafill Plyus" MCHJ

100102, O‘zbekiston Respublikasi, Toshkent shahri, Sergeli tumani, Marg‘ib ko‘chasi, 1-uy.

Tel./Faks: (+998 71) 231-78-00