Ibufen Forte malinali xushbo'y bolalar uchun suspenziya D / vnut. taxminan 100 ml (shisha)

Tarkib

5 ml suspenziya tarkibiga quyidagilar kiradi:

ta’sir etuvchi modda: ibuprofen 200 mg;

yordamchi moddalar: makrogol glitserilgidroksistearat, ksantan yelimi, glitserol, natriy benzoat, natriy fosfat dodekagidrat (yoki digidrat), limon kislotasi monogidrat, natriy saxarinat, maltitol suyuq, tozalangan suv.

Dori shakli

Ichga qo‘llash uchun suspenziya.

Farmakoterapevtik guruh

Nosteroid yallig‘lanishga qarshi va revmatizmga qarshi vositalar. Propion kislota hosilalari. ATX kodi: M01AE01.

Farmakologik xususiyatlari

Ibuprofen propion kislotasining hosilasidir. Og‘riq qoldiruvchi, isitma tushiruvchi va yallig‘lanishga qarshi ta’sir ko‘rsatadi.

Ibuprofenning ta’sir mexanizmi, eng avvalo, araxidon kislotasining prostaglandinlar, prostatsiklin va tromboksanga aylanishini boshqaruvchi ferment — siklooksigenaza (SOG) faolligini pasaytirish hisobiga prostaglandinlar biosintezini susaytirishga bog‘liq. Bunda araxidon kislotasi metabolizmining siklooksigenaza yo‘li qaytmas tormozlanishi natijasida prostaglandinlar hosil bo‘lishi kamayadi. Yallig‘lanish joyida prostaglandinlar konsentratsiyasining kamayishi bradikinin, endogen pirogenlar, boshqa biologik faol moddalar, kislorod radikallari va azot (II) oksidi hosil bo‘lishining kamayishi bilan kechadi. Bularning barchasi yallig‘lanish jarayoni faolligining pasayishiga olib keladi (buprofenning yallig‘lanishga qarshi ta’siri) va og‘riq sezgisining pasayishi bilan kechadi (og‘riq qoldiruvchi ta’sir). Orqa miya suyuqligida prostaglandinlar konsentratsiyasining kamayishi tana haroratining me’yorlashishiga olib keladi (antipiretik ta’sir).

Ichga qabul qilingandan so‘ng ibuprofenning 80% dan ortig‘i ovqat hazm qilish yo‘llaridan so‘riladi. Preparatning 90% i qon plazmasi oqsillari (asosan albuminlar) bilan bog‘lanadi. Och qoringa qabul qilinganda qon plazmasida maksimal konsentratsiyaga erishish davri 45 daqiqa, ovqatdan keyin qabul qilinganda 1,5-2,5 soat; sinovial suyuqlikda 2-3 soat, bu yerda qon plazmasiga qaraganda ko‘proq konsentratsiyalar hosil bo‘ladi. Preparat organizmda to‘planmaydi.

Ibuprofen asosan jigarda metabolizmga uchraydi. Tizimdan oldingi va keyingi metabolizmga uchraydi. So‘rilgandan so‘ng, ibuprofenning farmakologik faol bo‘lmagan shaklining taxminan 60% sekinlik bilan faol shaklga aylanadi. Preparatning 60-90% buyraklar orqali metabolitlar va ularning glyukuron kislotasi bilan birikish mahsulotlari shaklida, kamroq darajada o‘t bilan chiqariladi va o‘zgarmagan holda 1% dan ko‘p bo‘lmagan miqdorda ajraladi. Bir martalik doza qabul qilingandan so‘ng, preparat 24 soat ichida to‘liq chiqib ketadi.

Qo‘llanilishi

Ibufen® Forte isitma tushiruvchi, og‘riq qoldiruvchi va yallig‘lanishga qarshi ta’sir ko‘rsatadi. Tana haroratining ko‘tarilishi, og‘riq va shish kabi alomatlarning paydo bo‘lgan joyiga ta’sir etish orqali ularning namoyon bo‘lishini kamaytiradi. Preparat tarkibida qand yo‘q, shuning uchun diabet bilan og‘rigan shaxslarda qo‘llanilishi mumkin. Ibufen® Forte quyidagi hollarda qo‘llash uchun mo‘ljallangan:

Quyidagi holatlarda turli sabablarga ko‘ra tana haroratining ko‘tarilishi:

shamollash kasalliklari;

o‘tkir respirator virusli infeksiyalarda;

gripp;

angina (faringit);

tana harorati ko‘tarilishi bilan kechadigan bolalar infeksiyalarida;

emlashdan keyingi reaksiyalarda.

Quyidagi holatlarda kelib chiqishi turlicha bo‘lgan kuchsiz va o‘rtacha intensivlikdagi og‘riq sindromi:

o‘rta quloq yallig‘langanda quloq og‘rig‘i;

tish og‘rig‘i, tishlarning og‘riqli chiqishi;

bosh og‘rig‘i, migren;

og‘riqli hayz ko‘rish;

nevralgiyalar;

revmatik og‘riqlarda;

mushaklar va bo‘g‘imlardagi og‘riqlar;

tayanch-harakat apparati jarohatlari.

Qo‘llash usuli va dozalari

Ichish uchun.

5 ml suspenziya 200 mg ibuprofen saqlaydi. Ishlatishdan oldin bir xil suspenziya hosil bo‘lguncha chayqatiladi.

Dori preparati ovqatdan keyin suyuqlik bilan ichiladi. Qadoqqa ilova qilingan shkalali o‘lchov stakani preparatni aniq dozalash imkonini beradi. Doza yoshi va tana vazniga qarab belgilanadi. Ibufen® Forte preparatining bir martalik dozasi bolaning tana vazniga 5-10 mg/kg sutkasiga 3-4 marta. Suspenziyaning maksimal sutkalik dozasi tana vazniga nisbatan 20-30 mg/kg ni tashkil etadi.

Preparat quyidagi sxema bo‘yicha bir martalik dozalarda buyuriladi:

1 yoshdan 2 yoshgacha bo‘lgan bolalar (10-12 kg): bir martalik dozasi 2,5 ml (bu 100 mg ibuprofenga to‘g‘ri keladi). Maksimal sutkalik doza 7,5 ml (300 mg ibuprofen).

3 yoshdan 5 yoshgacha bo‘lgan bolalar (13-19 kg): bir martalik dozasi 2,5 ml (bu 100 mg ibuprofenga to‘g‘ri keladi). Maksimal sutkalik doza 10 ml (400 mg ibuprofen).

6 yoshdan 9 yoshgacha bo‘lgan bolalar (20-29 kg): bir martalik dozasi 5,0 ml (bu 200 mg ibuprofenga to‘g‘ri keladi). Maksimal sutkalik doza 15 ml (600 mg ibuprofen).

10 yoshdan 12 yoshgacha bo‘lgan bolalar (30-39 kg): bir martalik dozasi 5,0 ml (bu 200 mg ibuprofenga to‘g‘ri keladi). Maksimal sutkalik doza 20 ml (800 mg ibuprofen).

12 yoshdan katta bolalar va kattalar (40 kg dan ortiq): bir martalik doza 5,0-10,0 ml (bu 200-400 mg ibuprofenga to‘g‘ri keladi). Maksimal sutkalik doza 30 ml (1200 mg ibuprofen).

Navbatdagi dozalar orasidagi minimal interval 4-6 soatni tashkil etadi. 1 yoshgacha bo‘lgan bolalarga dori vositasini faqat shifokor bilan maslahatlashgan holda, uning tavsiyalariga muvofiq qo‘llash mumkin. Preparatni shifokor nazoratisiz 3 kundan ortiq qo‘llash mumkin emas. Nojo‘ya ta’sirlar preparatni simptomlarni nazorat qilish imkonini beruvchi eng kam samarali dozada eng kam zarur vaqt davomida qo‘llash orqali kamaytirilishi mumkin.

Nojo‘ya ta’siri

Nojo‘ya ta’sirlar paydo bo‘lish chastotasiga ko‘ra quyidagi ta’riflar yordamida tasniflangan: juda tez-tez: ≥ 1/10, tez-tez: ≥ 1/100 dan < 1/10, tez-tez emas: ≥ 1/1000 dan < 1/100 gacha, kamdan-kam hollarda: ≥ 1/10 000 dan < 1/1000 gacha, juda kam hollarda: < 1/10 000.

Ibufen® Forte 2-3 kun davomida qo‘llanganda nojo‘ya ta’sirlar deyarli kuzatilmaydi. Uzoq muddat qo‘llanilganda quyidagi nojo‘ya ta’sirlar paydo bo‘lishi mumkin:

Oshqozon-ichak trakti tomonidan:

Kamdan-kam: ko‘ngil aynishi, jig‘ildon qaynashi, ich ketishi, qorin og‘rig‘i.

Kamdan-kam hollarda: qusish, meteorizm, qabziyat, oshqozon-ichak trakti yallig‘lanishi.

Juda kam hollarda: oshqozon-ichak shilliq qavatining yaralanishi, qon ketishi, jigar funksiyasining buzilishi.

Asab tizimi tomonidan: Kamdan-kam hollarda: bosh og‘rig‘i.

Kamdan-kam hollarda: bosh aylanishi, qo‘zg‘alish, uyqusizlik, uyquchanlik.

Ayrim hollarda quyidagilar tasvirlangan: eshitish qobiliyatining pasayishi, quloqlarda shovqin, depressiya.

Siydik ajratish tizimi tomonidan:

Kamdan-kam: shish sindromi.

Juda kam hollarda: o‘tkir buyrak yetishmovchiligi, allergik nefrit, poliuriya, sistit.

Qon yaratish a’zolari tomonidan: Juda kam hollarda: anemiya (shu jumladan gemolitik, aplastik), trombotsitopeniya va trombotsitopenik purpura, agranulotsitoz, leykopeniya.

Allergik reaksiyalar: Kamdan-kam: teri toshmasi, qichishish, eshakemi. Juda kam hollarda: Kvinke shishi, angionevrotik shish, anafilaktoid reaksiyalar, anafilaktik shok, bronxospazm, isitma, ko‘p shaklli ekssudativ eritema, toksik epidermal nekroliz, eozinofiliya, allergik rinit.

Yurak-qon tomir tizimi tomonidan: YAQNDV bilan davolanganda quyidagilar paydo bo‘lishi mumkin: yurak yetishmovchiligi, qon bosimining ko‘tarilishi, taxikardiya. Barcha nojo‘ya (g‘ayrioddiy) ta’sirlar, shu jumladan varaqa-qo‘shimcha varaqada ko‘rsatilmagan ta’sirlar paydo bo‘lishi haqida davolovchi shifokorga xabar berish zarur.

Qarshi ko‘rsatmalar

Ibufen® Forte preparatini quyidagi hollarda qo‘llash tavsiya etilmaydi:

atsetilsalitsil kislotasi yoki boshqa nosteroid yallig‘lanishga qarshi preparatlarni qo‘llashdan keyin burun oqishi, teri toshmalari yoki bronxospastik reaksiyalar ko‘rinishidagi allergiya belgilarining ilgari namoyon bo‘lishi;

me’da va o‘n ikki barmoqli ichak yara kasalligining qo‘zish bosqichida;

jigar va buyraklar faoliyatining yaqqol ifodalangan yetishmovchiligi;

og‘ir yurak yetishmovchiligi (NYHA tasnifi bo‘yicha IV sinf);

qon kasalliklari: gemofiliya, gipokoagulyatsiya, gemorragik diatez;

homiladorlikning III trimestrida.

Dozani oshirib yuborish

Dori vositasining tavsiya etilganidan yuqori dozasi qabul qilingan taqdirda, darhol shifokor yoki farmatsevtga murojaat qilish lozim.

Dozani oshirib yuborish belgilari: qorinda og‘riq, qusish, tormozlanish, bosh og‘rig‘i, quloqda shovqin, depressiya, uyquchanlik, metabolik atsidoz, koma, gemorragik diatez, qon bosimining pasayishi, talvasalar, o‘tkir buyrak yetishmovchiligi, jigar faoliyatining buzilishi, yurak urishining tezlashishi yoki kamayishi. Ibuprofenning yuqori dozalari, agar bir vaqtning o‘zida boshqa dori vositalari qo‘llanilmasa, odatda yaxshi o‘zlashtiriladi. Doza oshirib yuborilgandagi tadbirlar: oshqozonni yuvish (preparat qabul qilingandan keyin faqat bir soat ichida), faollashtirilgan ko‘mir, ishqoriy ichimlik, simptomatik terapiya (kislota-asos holatini, arterial bosimni tuzatish).

Boshqa dori vositalari bilan o‘zaro ta’siri

Ibuprofenni (xuddi nosteroid yallig‘lanishga qarshi dorilar guruhiga kiruvchi boshqa dori vositalari kabi) quyidagi dori vositalari bilan bir vaqtda qo‘llash mumkin emas: atsetilsalitsil kislotasi. Nojo‘ya ta’sirlarning kuchayishi mumkinligi sababli ibuprofen va atsetilsalitsil kislotasi bilan bir vaqtning o‘zida davolash tavsiya etilmaydi:

mineralokortikoidlar, GKS, estrogenlar, etanolning nojo‘ya ta’sirini kuchaytiradi;

antatsidlar va kolistiramin bir vaqtning o‘zida qabul qilinganda ibuprofen so‘rilishini kamaytiradi;

ibuprofen birgalikda qo‘llanilganda qonda digoksin, litiy preparatlari va metotreksat miqdorini oshiradi;

ibuprofen siklosporinning plazma konsentratsiyasini va uning gepatotoksik ta’sirlari rivojlanish ehtimolini oshiradi;

mikrosomal oksidlanish induktorlari (fenitoin, etanol, barbituratlar, rifampitsin, fenilbutazon, tritsiklik antidepressantlar) birgalikda qo‘llanganda, gidroksillangan faol metabolitlar ishlab chiqarilishini oshirib, og‘ir zaharlanish xavfini oshiradi;

mikrosomal oksidlanish ingibitorlari ibuprofenning gepatotoksik ta’siri rivojlanish xavfini kamaytiradi;

ibuprofen birgalikda qo‘llanilganda vazodilatatorlarning gipotenziv faolligini, furosemid va gidroxlortiazidning natriyuretik ta’sirini pasaytiradi;

siklosporin va oltin preparatlari birgalikda qo‘llanilganda, ibuprofenning buyraklardagi prostaglandin sinteziga ta’sirini kuchaytiradi, bu esa nefrotoksik ta’sirning kuchayishiga olib keladi;

antikoagulyantlar va trombolitik dori vositalari (alteplaza, streptokinaza, urokinaza) bilan bir vaqtda qo‘llanganda qon ketish xavfi ortadi;

ibuprofen bilan birgalikda qo‘llanganda sefamandal, sefoperazin, sefotetan, valproat kislotasi, plikamitsin gipoprotrombinemiya rivojlanish chastotasini oshiradi;

ibuprofen urikozurik dori vositalarining samaradorligini pasaytiradi, bilvosita antikoagulyantlar, antiagregantlar va fibrinolitiklarning ta’sirini kuchaytiradi;

kanalchalar sekretsiyasini to‘suvchi dori vositalari bir vaqtning o‘zida qo‘llanganda ibuprofenning chiqarilishini kamaytiradi va plazmadagi konsentratsiyasini oshiradi;

kofein ibuprofenning og‘riq qoldiruvchi ta’sirini kuchaytiradi.

Maxsus ko‘rsatmalar

Ibufen® Forte preparatini qabul qilishdan oldin, agar ilgari quyidagilar tasdiqlangan bo‘lsa, shifokor bilan maslahatlashish lozim:

bronxial astma, eshakemi;

jigar va buyrak kasalliklari;

anamnezda oshqozon va o‘n ikki barmoqli ichak yara kasalligi;

arterial gipertoniya

Preparat tarkibida bo‘yoqlar mavjud emas va bo‘yoqlarga allergik reaksiyalarga moyil bo‘lgan bolalarda tavsiya etilgan dozalarda qo‘llanilishi mumkin.

Preparatni simptomlarni yengillashtirish uchun imkon qadar qisqa muddat davomida qabul qilish nojo‘ya ta’sirlar xavfini kamaytiradi. Yallig‘lanishga qarshi/og‘riq qoldiruvchi dori vositalarini, masalan, ibuprofenni qabul qilish, ayniqsa yuqori dozalarda qabul qilinganda, yurak xuruji yoki insult rivojlanish xavfini biroz oshirishi mumkin. Tavsiya etilgan dozalar va davolash davomiyligini oshirmang. Suvsizlangan bolalar va o‘smirlarda buyrak yetishmovchiligi xavfi mavjud. Ibuprofen qo‘llanganda toksik ambliopiyaning (ko‘rish o‘tkirligining susayishi) ayrim hollari qayd etilgan, shuning uchun ko‘rishning barcha buzilishlari haqida shifokorga xabar berish zarur. Ushbu preparat ayollar fertilligiga salbiy ta’sir ko‘rsatishi mumkin bo‘lgan preparatlar (nosteroid yallig‘lanishga qarshi vositalar) guruhiga kiradi. Bu o‘tkinchi ta’sir bo‘lib, terapiya tugagandan keyin o‘tib ketadi.

Homiladorlik va laktatsiya davri

Homiladorlikning dastlabki 6 oyida ibuprofenni qo‘llash ehtiyotkorlikni talab qiladi va faqat shifokor ko‘rsatmasi bilan, taxminiy foyda va ehtimoliy xavflarni baholaganidan so‘ng ruxsat etiladi. Homiladorlikning oxirgi uch oyligida ibuprofenni qo‘llash mumkin emas. Ibuprofen oz miqdorda ko‘krak suti bilan ajralishi mumkin. Chaqaloqlarda nojo‘ya ta’sirlarning paydo bo‘lish holatlari ma’lum emas, biroq ibuprofen bilan davolash davrida emizishni to‘xtatish tavsiya etiladi.

Avtotransportni boshqarish va mexanik uskunalarga xizmat ko‘rsatish qobiliyatiga ta’siri

Ibufen® Forte preparatini qabul qilgandan so‘ng transportni boshqarish va mexanizmlarga xizmat ko‘rsatishga qarshi ko‘rsatmalar haqida ma’lumot yo‘q.

Chiqarish shakli

Kafolat halqasi va o‘lchov stakani bo‘lgan burama qopqoqli plastik flakonlarga 100 ml dan. Har bir flakon vkladish varag‘i bilan birga alohida karton qutilarga joylashtiriladi.

Yaroqlilik muddati

2 yil. Ochilgan flakondan 6 oy davomida foydalanish kerak. Qadoqda ko‘rsatilgan yaroqlilik muddati tugagandan keyin qo‘llanilmasin.

Dorixonalardan beriladigan ruxsatnoma

Retseptsiz.

Saqlash shartlari

Yorug‘likdan himoya qilish uchun asl qadoqda, +25 °C dan past haroratda saqlang. Dori vositasini bolalar qo‘li yetmaydigan joyda saqlash lozim.

Ishlab chiqaruvchi

Pharmaceutical Works POLPHARMA S.A., Polsha ishlab chiqarilgan: Pharmaceutical Works POLPHARMA S.A. Medana Branch in Sieradz.