In uchun mukosat eritmasi. 100 mg/ml 2 ml № 10 (2 blister х 5 ampula)

Tarkib

Faol modda: xondroitin natriy sulfat 100 mg.

Yordamchi moddalar: benzil spirti 9 mg, inyeksiya uchun suv 1 ml gacha.

Dori shakli

Inyeksiya uchun eritma.

Asosiy fizik-kimyoviy xossalari: tiniq, rangsiz yoki biroz sarg‘ish tusli, benzil spirti hidiga ega suyuqlik.

Farmakoterapevtik guruh

Tayanch-harakat apparatiga ta’sir etuvchi vositalar. Nosteroid yallig‘lanishga qarshi vositalar. Xondroitin sulfat. ATX kodi: M01AX25.

Farmakologik ta’siri

Preparat xondroprotektor, tog‘ay to‘qimasi regeneratsiyasini rag‘batlantiruvchi, yallig‘lanishga qarshi ta’sirga ega. Tog‘ay va suyak to‘qimasining asosiy moddasi tuzilishida ishtirok etadi, tog‘ay to‘qimasida fosfor-kalsiy almashinuvini yaxshilaydi, bo‘g‘im tog‘ayi tuzilishi va funksiyasini buzuvchi fermentlarni ingibirlaydi, tog‘ay to‘qimasining degeneratsiya jarayonlarini tormozlaydi.

Proteoglikanlar sintezini rag‘batlantiradi, gialin tog‘ayi metabolizmini me’yorlashtiradi, tog‘ay yuzalari va bo‘g‘im xaltasi regeneratsiyasiga yordam beradi. Biriktiruvchi to‘qima kompressiyasining oldini oladi, sinovial suyuqlik ishlab chiqarilishini va zararlangan bo‘g‘imlar harakatchanligini oshiradi, yondosh yallig‘lanish va og‘riqni kamaytiradi, nosteroid yallig‘lanishga qarshi dorilarga bo‘lgan ehtiyojni kamaytiradi. Tog‘ay to‘qimasining degenerativ o‘zgarishlarida o‘rinbosar davolash vositasi hisoblanadi.

Preparatni yuborish boshlanganidan 2-3 hafta o‘tgach, ijobiy samara kuzatiladi. Davolash kursi tugagandan keyin ham terapevtik ta’siri uzoq vaqt (3-6 oy) saqlanadi.

Farmakokinetika

Xondroitin natriy sulfat mushak orasiga yuborilgandan keyin oson so‘riladi. 30 daqiqadayoq qonda sezilarli konsentratsiyalarda aniqlanadi: maksimal konsentratsiyaga 1 soatdan keyin erishiladi, so‘ngra uning miqdori 2 sutka davomida asta-sekin kamayadi.

Xondroitin natriy sulfat asosan tog‘ay to‘qimasida to‘planadi.

Sinovial parda uning bo‘g‘im bo‘shlig‘iga kirishiga to‘siq bo‘lmaydi. Xondrfoitinning mushak orasiga inyeksiyasidan 15 daqiqa o‘tgach, natriy sulfat sinovial suyuqlikda aniqlanadi, so‘ngra u bo‘g‘im tog‘ayiga tushadi, bu yerda uning miqdori 48 soatdan so‘ng maksimal darajaga yetadi.

Ko‘rsatmalar

Bo‘g‘imlar va umurtqa pog‘onasi degenerativ-distrofik kasalliklari:

periferik bo‘g‘imlar osteoartrozi;

umurtqalararo osteoxondroz va osteoartroz.

Sinishlarda suyak qadog‘i hosil bo‘lishini tezlashtirish uchun.

Qarshi ko‘rsatmalar

Preparatga yuqori sezuvchanlik, qon ketishga moyillik, tromboflebitlar.

Homiladorlik va laktatsiya davrida hamda bolalarda qo‘llash.

Hozirgi vaqtda Mukosat® preparatini homiladorlik va emizish davrida, shuningdek, bolalarda qo‘llash bo‘yicha ma’lumotlar mavjud emas.

Nojo‘ya ta’sirlari

Inyeksiya joyida allergik reaksiyalar va gemorragiyalar kuzatilishi mumkin. Bunday hollarda preparat bekor qilinadi.

Boshqa dorilar bilan o‘zaro ta’siri

"Mukosat®" preparati bilan davolash kursini o‘tashda bevosita ta’sir etuvchi antikoagulyantlarni bir vaqtda qo‘llashga ehtiyotkorlik bilan yondashish lozim. Bevosita bo‘lmagan antikoagulyantlar, antiagregantlar va fibrinolitiklarning ta’siri ham kuchayishi mumkin.

Qo‘llash usuli va dozalari

Mukosat® preparati kunora 1 ml dan mushak orasiga yuboriladi. Yaxshi o‘zlashtirilsa, doza to‘rtinchi inyeksiyadan boshlab 2 ml gacha oshiriladi. Davolash kursi 25-30 inyeksiya. Zarurat tug‘ilganda, 6 oydan keyin takroriy kurslarni o‘tkazish mumkin.

Suyak qadog‘i hosil bo‘lishi uchun davolash kursi 3-4 haftani (kundan keyin 10-14 inyeksiya) tashkil etadi.

Saqlash shartlari

0 dan 20 °C gacha bo‘lgan haroratda, yorug‘likdan himoyalangan joyda saqlang. Bolalar qo‘li yetmaydigan joyda saqlang.

Yaroqlilik muddati

3 yil.

Yaroqlilik muddati tugagandan so‘ng preparatni ishlatmang.

Dorixonalardan berish shartlari

Retsept bo‘yicha.

Ishlab chiqaruvchi

Diamed-farma, MCHJ ishlab chiqarilgan Ellara, MCHJ, Rossiya.