Struktum kapsulalari 500 mg №60 (3 blister х 20 kapsula)

Tarkib

Bir kapsula quyidagilarni o‘z ichiga oladi:

Faol modda: xondroitinsulfat natriy - 500 mg.

Yordamchi moddalar: talk, jelatin, titan dioksidi, indigotin.

Tavsif

Jelatin kapsulalari havorang, hidsiz.

Dori shakli

Kapsulalar 500 mg.

Farmakoterapevtik guruh

To‘qima trofikasi va regeneratsiyasi stimulyatori.

Farmakologik xususiyatlari

Struktum gialin tog‘ayidagi almashinuv jarayonlariga ta’sir ko‘rsatadi, bo‘g‘im tog‘ay to‘qimasidagi degenerativ o‘zgarishlarni kamaytiradi, glyukozaminoglikanlar biosintezini rag‘batlantiradi. Struktum uzoq muddatli ta’sirga ega bo‘lib, osteoartroz xurujlari sonini kamaytiradi. Og‘riq qoldiruvchi va yallig‘lanishga qarshi ta’sir ko‘rsatadi, tinch holatda va yurganda og‘riqni kamaytiradi. Struktum preparati bilan davolanganda og‘riq kamayadi, zararlangan bo‘g‘imlarning harakatchanligi yaxshilanadi, nosteroid yallig‘lanishga qarshi dorilarga bo‘lgan ehtiyoj kamayadi.

Farmakokinetika

Ichga qabul qilingandan so‘ng xondroitinsulfat me’da-ichak yo‘llaridan tez so‘riladi. Qon plazmasidagi maksimal konsentratsiyasi qondagi xondroitinsulfatning dastlabki miqdoriga qarab, preparat qabul qilingandan so‘ng o‘rtacha 3-4 soat o‘tgach erishiladi. Xondroitin sulfatning biosinguvchanligi 13% ni tashkil etadi. Xondroitinsulfat asosan bo‘g‘imlarning sinovial suyuqligida to‘planadi. Asosan buyraklar orqali 24 soat davomida chiqariladi.

Qo‘llanilishi

Bo‘g‘im va umurtqa pog‘onasining degenerativ kasalliklari: osteoartrozlar, umurtqalararo osteoxondroz.

Qo‘llash usuli va dozalari

Struktum suv bilan ichiladi.

Kattalarga kuniga 1000 mg dan - 1 kapsuladan 500 mg dan kuniga 2 marta buyuriladi.

Dastlabki davolash kursining tavsiya etilgan davomiyligi 6 oyni tashkil etadi, dori vositasi to‘xtatilgandan keyingi ta’sir davri kasallikning joylashuvi va bosqichiga qarab 3-5 oyni tashkil etadi, takroriy davolash kurslarining davomiyligi individual ravishda belgilanadi va artroz hamda osteoxondrozning joylashuvi hamda darajasiga bog‘liq bo‘ladi.

Nojo‘ya ta’sirlari

allergik reaksiyalar;

ko‘ngil aynishi, epigastral sohada og‘riq, meteorizm, ich ketishi, qabziyat.

Qarshi ko‘rsatmalar

preparatni individual ko‘tara olmaslik;

qon ketishga moyillik, tromboflebitlar;

fenilketonuriya;

homiladorlik va laktatsiya;

12 yoshgacha bo‘lgan bolalar yoshi.

Dorilarning o‘zaro ta’siri

Struktum boshqa dori vositalari bilan bir vaqtda qo‘llanganda bilvosita antikoagulyantlar, antiagregantlar, fibrinolitiklar ta’sirini kuchaytirishi mumkin.

Maxsus ko‘rsatmalar

Transport va potensial xavfli mexanizmlarni boshqarish qobiliyatiga ta’sir etish xususiyatlari

Ta’sir qilmaydi.

Qon ketishga moyilligi bo‘lgan bemorlarga ehtiyotkorlik bilan buyurish kerak.

Preparatni bolalar qo‘li yetmaydigan joyda saqlash va yaroqlilik muddati tugaganidan keyin ishlatmaslik kerak.

Dozani oshirib yuborish

Belgilari: nojo‘ya ta’sirlarning kuchayishi.

Davolash: oshqozonni yuvish, simptomatik terapiya.

Chiqarish shakli

500 mg li kapsulalar (60 ta kapsula) blisterlarga qadoqlangan:

12 donadan: karton qutida 5 ta blister;

15 donadan: karton qutida 4 ta blister;

20 donadan: karton qutida 3 ta blister;

karton quti ichida qo‘llash bo‘yicha yo‘riqnoma bilan.

Saqlash shartlari

25 °C dan yuqori bo‘lmagan haroratda saqlanadi.

Yaroqlilik muddati

3 yil.

Dorixonalardan berish shartlari

Retsept bo‘yicha.

Ishlab chiqaruvchi

"Pyer Fabr Medikament Prodakshn," Fransiya

Projifarm, 45500 Jiyen.