Kaltsemin Silver (Calcemin Silver) bilan qoplangan planshetlar №60 (flakon)

Tarkib

Faol moddalar: kalsiy (kalsiy sitrat va kalsiy karbonat) - 500 mg, vitamin D3 - 400 XB, magniy - 40 mg, rux - 7,5 mg, mis - 1 mg, marganes - 1,8 mg, bor - 250 mkg.

Yordamchi moddalar: mikrokristall sellyuloza (E460), stearin kislotasi (E570), natriy krosskarmelloza, soya polisaxaridi, natriy laurilsulfat, magniy stearati (E572).

Qobiq: gipromelloza, magniy silikati (E553a), titan dioksidi (E171), triatsetin (E1518), mineral moy (E905), FD&C Ko‘k No2 Lak (E132), FD&C Sariq No6 Lak (E110).

Tavsif

Oval tabletkalar och kulrang tusda, bir tomonida kertik, singan joyi oq rangda.

Dori shakli

Qobiq bilan qoplangan tabletkalar.

Farmakoterapevtik guruh

Kalsiy preparatlari boshqa preparatlar bilan kombinatsiyada.

Farmakologik xususiyatlari

Tarkibida vitaminlar, makro/mikroelementlar bo‘lgan, fosfor-kalsiy almashinuviga ta’sir etuvchi kombinatsiyalangan preparat.

Keksa yoshdagilarda kelib chiqishi turlicha bo‘lgan osteoporozning oldini olish va davolashga yordam beradi. Suyak to‘qimasining zichligini oshiradi, osteoporozda sinish xavfini kamaytiradi, tayanch-harakat tizimi kasalliklari va jarohatlarini kompleks davolashda qo‘llaniladi, 50 yoshdan oshgan odamlarda kalsiy, D3 vitamini va minerallar tanqisligini to‘ldiradi.

Qo‘llanilishi

Turli genezli osteoporozni kompleks davolash: menopauzal, senil, idiopatik, steroid va boshqalar.

Antirezorbentlar (o‘rinbosar gormonal terapiya, kalsitonin, bisfosfonatlar) va suyak to‘qimasi shakllanishining stimulyatorlari qo‘llanilganda bazis terapiya.

Turli joylardagi sinishlar xavfini kamaytirish va kompleks davolash, 50 yoshdan oshgan odamlarda kalsiy, D3 vitamini va minerallar tanqisligini to‘ldirish.

Qo‘llash usuli va dozalari

Ichkariga. 1 tabletkadan kuniga ikki mahal ovqatlanish vaqtida.

Nojo‘ya ta’sirlari

Juda kam hollarda allergik reaksiyalar bo‘lishi mumkin.

Ovqat hazm qilish trakti tomonidan buzilishlarning namoyon bo‘lishi mumkin (qabziyat, qorin dam bo‘lishi, qorin og‘rig‘i, ko‘ngil aynishi, ich ketishi).

Preparatni uzoq vaqt davomida yuqori dozalarda qabul qilish giperkalsiemiya va giperkalsiuriyaga olib kelishi mumkin, D vitamini gipervitaminozi kuzatilishi mumkin.

Qarshi ko‘rsatmalar

Preparatning biron-bir tarkibiy qismiga shaxsiy yuqori sezuvchanlikda, giperkalsiyemiya yoki giperkalsiuriyada, buyrak kasalliklarida, siydik-tosh kasalligida, qalqonsimon bez oldi bezlari kasalliklarida, suyaklardagi o‘sma metastazlarida, D vitamini gipervitaminozida qabul qilinmaydi.

12 yoshgacha bo‘lgan bolalar.

Dozani oshirib yuborish

Dozaning oshirib yuborilishi nojo‘ya reaksiyalar namoyon bo‘lishining kuchayishi bilan kechishi mumkin. Bunday hollarda preparatni bekor qilish va shifokorga murojaat qilish kerak. Alohida hollarda oshqozonni yuvish va simptomatik davolash ko‘rsatilishi mumkin.

Maxsus ko‘rsatmalar

Ko‘rsatilgan dozadan oshirmaslik kerak. Tarkibida kalsiy yoki D vitamini bo‘lgan boshqa preparatlar bilan bir vaqtda qabul qilinmaydi.

Davolash vaqtida qon zardobi va siydikdagi kalsiy miqdorini tekshirish tavsiya etiladi.

Homiladorlik va laktatsiya

Preparatni homiladorlik va laktatsiya davrida qo‘llash tavsiya etilmaydi.

Dorilarning o‘zaro ta’siri

Fenitoin, barbituratlar va glyukokortikoidlar vitamin D samaradorligini pasaytiradi. Levotiroksin kalsiy ionlarining so‘rilishini pasaytiradi.

Preparat oshqozon-ichak traktidan tetratsiklinlar absorbsiyasini oshirishi va bisfosfonatlar yoki natriy ftorid absorbsiyasini kamaytirishi mumkin, shuning uchun Kalsemin Silver va ko‘rsatilgan dori vositalarini qabul qilish oralig‘i mos ravishda 3 va 2 soatdan kam bo‘lmasligi kerak.

Kalsiy preparatlari yurak glikozidlarining toksik ta’sirini kuchaytirishi mumkin.

Tiazidli diuretiklar Kaltsemin Silver bilan bir vaqtda qo‘llanganda giperkalsiyemiya xavfini oshiradi, furosemid esa buyraklar orqali kalsiy ekskretsiyasini oshiradi.

Saqlash shartlari

25 °C dan yuqori bo‘lmagan haroratda. Bolalar qo‘li yetmaydigan joyda saqlang.

Yaroqlilik muddati

3 yil. Qadoqda ko‘rsatilgan yaroqlilik muddati tugagandan keyin ishlatilmasin.

Qadoq

Flakonda 30 yoki 60 ta tabletka. Flakon qo‘llash bo‘yicha yo‘riqnoma bilan birga qutiga joylangan.

Dorixonalardan berish shartlari

Retseptsiz.

Ishlab chiqaruvchi

Bayer Konsyumer Ker AG,

Peter Marian Strasse 84, 4052 Bazel, Shveytsariya

Farmakal Korporeyshn shartnomasi,

135 Adams Avenue, Hopog, New York 11788, USA