Kaltsiy glyukonat (Calcii Gluconas) 500 mg № 10 tabletkalar (blister)

Tarkib

1 ta tabletka tarkibida quyidagilar mavjud:

Ta’sir etuvchi modda: kalsiy glyukonat monogidrati - 500 mg

Yordamchi moddalar: kartoshka kraxmali - 16 mg, talk - 2,7 mg, polisorbat-80 - 6 mg, kalsiy stearat - 5,3 mg.

Tavsif

Oq rangli, dumaloq yassi silindrsimon, faskali va chiziqli tabletkalar. Marmarsimon bo‘lishiga ruxsat etiladi.

Chiqarish shakli

Tabletkalar, 500 mg.

Farmakoterapevtik guruh

Kalsiy-fosfor almashinuvi regulyatori. Kalsiy glyukonat. ATX kodi: A12AA03.

Farmakologik xususiyatlari

Farmakodinamika

Kalsiy preparati nerv impulslarini uzatish, skelet va silliq mushaklarning qisqarishi, miokard faoliyati, suyak to‘qimasining shakllanishi, qonning ivishi jarayonini amalga oshirish uchun zarur bo‘lgan kalsiy ionlari tanqisligini to‘ldiradi.

Farmakokinetika

Og‘iz orqali yuborilgan preparatning taxminan 1/5-1/3 qismi ingichka ichakda so‘riladi; bu jarayon D vitamini, pH, parhez xususiyatlari va kalsiy ionlarini bog‘lay oladigan omillarning mavjudligiga bog‘liq. Kalsiy ionlarining so‘rilishi - u yetishmaganda va kalsiy ionlari miqdori kamaytirilgan parhezdan foydalanilganda ortadi. 20% ga yaqini buyraklar orqali, qolgan qismi (80%) ichaklar orqali chiqariladi.

Ko‘rsatmalar

Gipokalsiyemiya, hujayra membranalari (jumladan, tomirlar) o‘tkazuvchanligining oshishi, mushak to‘qimasida nerv impulslari o‘tkazilishining buzilishi bilan kechadigan kasalliklar.

Gipoparatireoz (latent tetaniya, osteoporoz), D vitamini almashinuvining buzilishi: raxit (spazmofiliya, osteomalyatsiya), surunkali buyrak yetishmovchiligi bo‘lgan bemorlarda giperfosfatemiya.

Kalsiy ionlariga bo‘lgan ehtiyojning ortishi (homiladorlik, laktatsiya davri, organizmning kuchli o‘sish davri), ovqatda kalsiy ionlarining yetarli bo‘lmasligi, uning almashinuvining buzilishi (menopauzadan keyingi davrda).

Kalsiy ionlarining kuchli chiqarilishi (uzoq vaqt yotoq rejimi, surunkali diareya, diuretiklar va tutqanoqqa qarshi dori vositalarini, glyukokortikosteroidlarni uzoq vaqt qabul qilish fonida ikkilamchi gipokalsiyemiya).

Magniy tuzlari, oksalat va ftorid kislotalari hamda ularning eruvchan tuzlari bilan zaharlanish (kalsiy glyukonat bilan ta’sirlashganda erimaydigan va zaharsiz kalsiy oksalat hamda kalsiy ftorid hosil bo‘ladi).

Paroksizmal mioplegiyaning giperkaliyemik shakli.

Qarshi ko‘rsatmalar

Preparat komponentlariga yuqori individual sezuvchanlik. Giperkalsiemiya (kalsiy konsentratsiyasi 12 mg % yoki 6 mEkv/l dan oshmasligi kerak); giperkalsiuriya, og‘ir buyrak yetishmovchiligi, trombozlarga moyillik, nefrourolitiaz (kalsiyli), sarkoidoz, bir vaqtning o‘zida yurak glikozidlarini qabul qilish (aritmiya xavfi). 3 yoshgacha bo‘lgan bolalar yoshi.

Ehtiyotkorlik bilan

Elektrolit buzilishlar (giperkalsiyemiya rivojlanish xavfi), degidratatsiya, diareya, malabsorbsiya sindromi, oshqozon-ichak traktining surunkali kasalliklari, anamnezda kalsiyli nefrourolitiaz, surunkali yurak yetishmovchiligi, qorinchalar fibrillyatsiyasi, tarqalgan ateroskleroz, giperkoagulyatsiya.

Qo‘llash usuli va dozalari

Ichga, qabul qilishdan oldin yoki ovqatdan 1-1,5 soat o‘tgach (sut bilan ichiladi).

Ishlatishdan oldin maydalanadi.

Kattalar: 1 - 3 g (2 - 6 tabletka) sutkada 2-3 marta.

Bolalarga: 3-4 yoshda 2 tabletkadan (1,0 g); 5-6 yoshda 2-3 tabletkadan (1,0 -1,5 g), 7-9 yoshda 3-4 tabletkadan (1,5 - 2,0 g), 9-14 yoshda 4-6 tabletkadan (2,0 - 3,0 g). Kuniga 2-3 mahal ichiladi.

Nojo‘ya ta’sirlari

Allergik reaksiyalar, qabziyat, oshqozon-ichak yo‘li shilliq qavatining ta’sirlanishi.

Agar yuqorida ko‘rsatilgan nojo‘ya ta’sirlarning birortasi kuchaysa yoki siz yo‘riqnomada ko‘rsatilmagan boshqa nojo‘ya ta’sirlarni sezsangiz, bu haqda shifokorga xabar bering.

Dozani oshirib yuborish

Belgilari: giperkalsiyemiya (zardobdagi umumiy kalsiy konsentratsiyasi 3 mmol/l dan yuqori). Davolash: uni yo‘qotish uchun 5-10 XB/kg/sutka kalsitonin yuboriladi (u 0,5 l 0,9% li natriy xlorid eritmasida suyultiriladi). Yuborish davomiyligi 6 soat.

O‘zaro aloqa

Xinidin bilan bir vaqtda qo‘llanganda qorincha ichi o‘tkazuvchanligi sekinlashishi va xinidinning zaharliligi oshishi mumkin.

Tetratsiklin qatori antibiotiklari bilan erimaydigan komplekslar hosil qiladi (antibakterial ta’sirini pasaytiradi).

Tetratsiklinlar, digoksin, temirning peroral preparatlari so‘rilishini sekinlashtiradi (ularni qabul qilish oralig‘i 2 soatdan kam bo‘lmasligi kerak).

Tiazidli diuretiklar bilan birgalikda qo‘llanilganda giperkalsiemiyani kuchaytirishi, giperkalsiemiyada kalsitonin ta’sirini kamaytirishi mumkin. Fenitoinning biosinguvchanligini kamaytiradi.

Karbonatlar, salitsilatlar, sulfatlar bilan farmatsevtik jihatdan mos kelmaydi (erimaydigan yoki qiyin eriydigan kalsiy tuzlarini hosil qiladi).

Sekin kalsiy kanallari blokatorlarining ta’sirini kamaytiradi.

Maxsus ko‘rsatmalar

Uncha katta bo‘lmagan giperkalsiuriya (zardobdagi umumiy kalsiy darajasi 3 mmol/l gacha), buyrak faoliyatining uncha katta bo‘lmagan buzilishlari (kreatinin klirensi 45 ml/min) yoki anamnezida siydik-tosh kasalligi bo‘lgan bemorlarga preparatni ehtiyotkorlik bilan buyurish va siydik bilan kalsiy ekskretsiyasi darajasini muntazam nazorat qilib borish lozim. Siydikda toshlar hosil bo‘lishiga moyilligi bo‘lgan bemorlarga iste’mol qilinadigan suyuqlik miqdorini oshirish tavsiya etiladi. Boshqa dori vositalari bilan bir vaqtda qo‘llash zarur bo‘lganda, shifokor nazorati zarur.

Kalsiy glyukonat terapevtik dozalarda ichga qabul qilinganda avtomobil boshqarish va yuqori diqqat talab qiladigan ishlarni bajarish qobiliyatiga ta’sir ko‘rsatmaydi.

Qadoq

Polimer qoplamali konturli yacheykasiz qog‘oz o‘ramga 10 tadan tabletka solinadi.

Termik payvandlanadigan qoplamali polivinilxlorid plyonkasi va alyuminiy bosma folgasidan tayyorlangan 10 ta tabletkadan iborat konturli yacheykali o‘ram.

PND PE2NT-2212 markali past bosimli polietilendan tayyorlangan burama qopqoqli, PND PE2NT-76-17 markali past bosimli polietilendan tayyorlangan polimer bankalarga 20, 25, 30, 40, 50, 60 tadan tabletkalar solinadi.

Har bir banka yoki 1, 2, 3, 4, 5 ta konturli yacheykali o‘ramlar qo‘llash bo‘yicha yo‘riqnoma bilan birga iste’mol idishlari uchun karton qutiga joylashtiriladi.

50 tadan 200 tagacha polimer bankalar yoki 50 tadan 300 tagacha konturli yacheykasiz o‘ramlar karton qutiga joylashtiriladi.

Saqlash shartlari

Asl qadoqda 25 °C dan yuqori bo‘lmagan haroratda.

Bolalar qo‘li yetmaydigan joyda saqlang.

Yaroqlilik muddati

5 yil.

Yaroqlilik muddati o‘tgandan keyin qo‘llanilmaydi.

Dorixonalardan berish shartlari

Retseptsiz

Ro‘yxatdan o‘tganlik guvohnomasi egasi

URALBIOFARM OAJ Rossiya

Ishlab chiqaruvchi

URALBIOFARM OAJ Rossiya