Klaridol tabletkalari 10 mg №7 (1 blister)

Tarkib

1 ta tabletka tarkibida quyidagilar mavjud:

faol modda: loratadin - 10 mg;

yordamchi moddalar: mikrokristallik sellyuloza, kraxmal, natriy metilparaben, suvsiz kolloid kremniy dioksidi, magniy stearati, natriy kraxmal glikolati, tozalangan talk, tozalangan suv.

Tavsif

Tabletkalar oqdan deyarli oq ranggacha, yumaloq, yassi, chetlari qiyshiq va bir tomonida sinish chizig‘i bor.

Dori shakli

Tabletkalar.

Farmakoterapevtik guruh

Tizimli qo‘llash uchun antigistamin preparatlar.

Farmakologik ta’siri

Loratadin tizimli ta’sirga ega bo‘lgan antigistamin preparatlar, N1-gistamin retseptorlari blokatorlari qatoriga kiradi. Allergiyaga, qichishishga, ekssudatsiyaga qarshi ta’sirga ega. Kapillyarlar o‘tkazuvchanligini kamaytiradi, to‘qimalar shishining oldini oladi, silliq mushaklar spazmini bartaraf etadi. Allergiyaga qarshi ta’siri preparatni qabul qilgandan 30 daqiqa o‘tgach rivojlanadi, 8-12 soatdan keyin maksimal darajaga yetadi va 24 soat davom etadi.

Markaziy asab tizimiga ta’sir ko‘rsatmaydi va o‘rganib qolishga olib kelmaydi.

Farmakokinetika

Loratadin me’da-ichak yo‘llaridan tez va to‘liq so‘riladi. Ovqatning mavjudligi so‘rilishni sekinlashtiradi. Zardobdagi maksimal konsentratsiyaga qabul qilingandan keyin 1 soat ichida erishiladi. Plazma oqsillari bilan bog‘lanish 95% dan ortiq. Jigarda deskarboetoksiloratadinning faol metaboliti hosil bo‘lishi bilan metabolizmga uchraydi. Gematoensefalik to‘siqdan o‘tmaydi. Yarim chiqarilish davri 8 soat atrofida bo‘lib, qariyalarda va surunkali alkogolizmda uzayadi. O‘t va buyraklar orqali chiqariladi.

Surunkali buyrak yetishmovchiligida va gemodializ o‘tkazilganda farmakokinetika deyarli o‘zgarmaydi.

Ko‘rsatmalar

mavsumiy va yil davomida davom etadigan allergik rinit;

allergik konyunktivit;

pollinoz;

eshakem (shu jumladan surunkali idiopatik eshakem);

allergik qichimali dermatozlar;

psevdoallergik reaksiyalar;

hasharotlar chaqishiga nisbatan allergik reaksiyalar;

turli etiologiyali qichishish;

Kvinke shishi.

Qo‘llash usuli va dozalari

Preparat ichga qo‘llaniladi.

Kattalar (shu jumladan, qariyalar) va 12 yoshdan oshgan bolalarga 10 mg dan (1 tabletka yoki 2 choy qoshiq sirop) sutkasiga 1 marta buyuriladi. Sutkalik dozasi - 10 mg.

Tana vazni <30 kg bo‘lgan 2 yoshdan 12 yoshgacha bo‘lgan bolalarga 5 mg dan (1/2 tabletka yoki 1 choy qoshiq sirop) sutkasiga 1 marta buyuriladi. Sutkalik doza - 5 mg.

Tana vazni 30 kg dan ortiq bo‘lgan 2 yoshdan 12 yoshgacha bo‘lgan bolalarga 10 mg dan (1 tabletka yoki 2 choy qoshiq sirop) sutkasiga 1 marta buyuriladi. Sutkalik dozasi - 10 mg.

Jigar faoliyati buzilgan bemorlarga loratadin klirensi buzilishi mumkinligi sababli Klaridol 5 mg/sut boshlang‘ich dozada tayinlanishi kerak.

Nojo‘ya ta’sirlari

Kamdan-kam hollarda og‘iz qurishi, ko‘ngil aynishi, qusish, gastrit, jigar faoliyatining buzilishi, bosh og‘rig‘i, tez charchash, qo‘zg‘aluvchanlik (bolalarda), bosh aylanishi, yo‘tal, taxikardiya, allergik reaksiyalar. Ayrim hollarda - alopetsiya.

Qarshi ko‘rsatmalar

Preparatning har qanday tarkibiy qismiga yuqori sezuvchanlik. Yuqori sezuvchanlik, homiladorlik, emizish davri, 2 yoshgacha bo‘lgan bolalar.

Ehtiyotkorlik bilan - jigar yetishmovchiligi.

Dozani oshirib yuborish

Belgilari: uyquchanlik, taxikardiya, bosh og‘rig‘i.

Davolash: oshqozonni yuvish, qusishni qo‘zg‘atish, faollashtirilgan ko‘mir buyurish. Zarurat tug‘ilganda simptomatik terapiya o‘tkaziladi.

Maxsus shartlar

Davolash davrida yuqori diqqat va psixomotor reaksiyalar tezligini talab qiladigan potensial xavfli faoliyat turlari bilan shug‘ullanishdan tiyilish kerak.

Bolalarda qo‘llanilishi

2 yoshdan kichik bolalarda qiyomni qo‘llash tavsiya etilmaydi.

Homiladorlik va emizish davrida

Preparat homiladorlik va emizish davrida qo‘llash mumkin emas.

Dorilarning o‘zaro ta’siri

Klaridol eritromitsin, simetidin, ketokonazol bilan bir vaqtda qo‘llanganda qon plazmasida loratadin konsentratsiyasining oshishi mumkin (bu klinik ahamiyatga ega emas va EKGga ta’sir ko‘rsatmaydi).

Mikrosomal oksidlanish induktorlari (fenitoin, barbituratlar, siksorin, rifampitsin, fenilbutazon, tritsiklik antidepressantlar) va etanol loratadinning samaradorligini kamaytiradi.

Saqlash shartlari

Tabletkalarni bolalar qo‘li yetmaydigan, quruq joyda, 30 °S dan yuqori bo‘lmagan haroratda saqlash lozim.

Yaroqlilik muddati

Ishlab chiqarilgan sanadan boshlab 3 yil. Yaroqlilik muddati tugaganidan keyin ishlatilmasin.

Chiqarish shakli

Tabletkalar 10 mg N7 (1x7); N10 (1x10) (blisterlar).

Ishlab chiqaruvchi

Shreya Life Sciences Pvt. Ltd, Hindiston