Levomitsetin (Laevomycetinum) Irbitskiy HFZ tabletkalari 500 mg №10 (1 blister)

Бир таблетка қуйидагиларни сақлайди:

фаол модда: хлорамфеникол (100% моддага қайта ҳисобланганда) - 250 мг ёки 500 мг;

ёрдамчи моддалар: картошка крахмали 20 мг ёки 40 мг, повидон К17 2,5 мг ёки 5 мг, стеарин кислотаси 2,5 мг ёки 5 мг.

Оқ ёки бироз сарғиш тусли оқ рангли, яссицилиндрик шаклли, бир томонида фаска ва рискали таблеткалар.

Таблеткалар.

Антибиотик. АТХ коди: J01ВА01.

Фармакодинамикаси

Кенг таъсир доирасига эга бактериостатик антибиотик, микроб хужайрасида оқсил синтези жараёнини бузади. Пенициллинлар, тетрациклинлар, сульфаниламидларга чидамли бактерияларнинг штаммларга нисбатан самарадор. Кўпчилик грамманфий ва граммусбат бактериялар, йирингли инфекциялар, қорин тифи, дизентерия, менингококк инфекциясининг қўзғатувчилари: Escherichia coli, Shigella dysenteria, Shigella flexneri spp., Shigella boydii spp., Shigella sonnei spp., Salmonella spp. (шу жумладан Salmonella typhi, Salmonella paratyphi), Staphylococcus spp., Streptococcus spp (шу жумладан Streptococcus pneumoniae), Neisseria meningitides, Neisseria gonorrhoeae, Proteus spp. нинг қатор штаммлари, Burkholderie pseudomallei, Rickettsia spp., Treponema spp., Leptospira spp., Chlamydia spp. (шу жумладан Chlamydia trachomatis), Coxiella burnetii, Ehrlichia canis, Bacteroides fragilis, Klebsiella pneumoniae, Haemophilus influenzae га нисбатан фаол.

Кислотага чидамли бактериялар (шу жумладан Mycobacterium tuberculosis) га, кўкйиринг таёқчаси, клостридийларга, метициллинга чидамли стафилоккок штаммларига, Acinetobacter, Enterobacter, Serratia marcescens, Proteus spp., Pseudomonas aeruginosa spp. нинг индолмусбат штаммларига, содда ҳайвонлир ва замбуруғларга таъсир қилмайди. Микроорганизмларнинг чидамлилиги аста-секин ривожланади.

Фармакокинетикаси

Сўрилиши 90% (тез ва деярли тўлиқ). Биокираолишлиги 80%. Плазма оқсиллари билан боғланиши 50-60%. Перорал қабул қилинганидан кейин максимал концентрацияга эришиш вақти 1-3 соат. Тақсимланиш ҳажми 0,6-1,0 л/кг. Қондаги терапевтик концентрацияси қабул қилинганидан сўнг 4-5 соат давомида сақланади. Организмнинг суюқликлари ва тўқималарига яхши ўтади. Энг юқори концентрациялари жигар ва буйракларда ҳосил бўлади. Киритилган дозанинг 30% гачаси сафрода аниқланади. Орқа мия суюқлигида максимал концентрацияси ичга бир марта юборилганидан сўнг 4-5 соатдан кейин аниқланади ва мия пардалари яллиғланмаганида орқа мия суюқлигида плазмадаги максимал концентрациясининг 21-50% га, мия пардалари яллиғланганида эса 45-89% га етиши мумкин. Йўлдош тўсиғи орқали ўтади, препаратнинг ҳомила қон зардобидаги концентрацияси она қонидаги концентрациясининг 30 80% ни ташкил қилиши мумкин. Кўкрак сутига ўтади. Асосий миқдори (90%) жигарда метаболизмга учрайди. Ичакда ичак бактерияларининг таъсири остида фаол бўлмаган метаболитларининг ҳосил бўлиши билан гидролизланади. Препаратнинг 90% 24 соат давомида буйраклар орқали (5-10% ўзгармаган шаклда калавалар фильтрацияси йўли билан, 80% найчалар секрецияси йўли билан фаол бўлмаган метаболитлари шаклида), 1-3% ичак орқали чиқарилади.

Катталарда ярим чиқарилиш даври - 1,5-3,5 соат, буйраклар фаолияти бузилганида 3-11 соат. 1 ойликдан 16 ёшгача бўлган болаларда препаратнинг ярим чиқарилиш даври 3-6,5 соат. Гемодиализда кам миқдори чиқарилади.

Препаратга сезгир микроорганизмлар чақирган касалликлар, шу жумладан бош мия абцесси, қорин тифи, паратиф, сальмонеллёз (асосан тарқалган шакллари), дизентерия, бруцеллёз, туляремия, Ку иситмаси, менингококк инфекцияси, риккетциозлар (шу жумладан тошмали тиф, трахома, қояли тоғларнинг доғли иситмаси), чов лимфогранулёмаси, хламидиозлар, иерсиниозлар, эрлихиоз, сийдик чиқариш йўлларининг инфекциялари, йирингли жароҳат инфекцияси, пневмония, йирингли перитонит, ўт чиқариш йўлларининг инфекциялари, йирингли отитда қўлланади.

Ичга овқатдан 30 минут олдин буюрилади.

Катталар учун бир марталик доза 0,25-0,5 г, суткалик 2 г. Инфекциянинг оғир шаклларида стационар шароитларида дозани суткада 3-4 г гача ошириш мумкин (катталар учун максимал суткалик доза қоннинг ҳолати ва жигар ва буйракнинг фаолиятини жиддий назорати остида буюрилади).

3 ёшдан 8 ёшгача бўлган болалар учун препаратнинг бир марталик дозаси 0,15-0,2 г, 8 ёшдан катталарга 0,2-0,3 г дан. Қабул қилишлар сони суткада 3-4 марта.

Даволаш курси 7-10 кунни ташкил қилади.

Овқат ҳазм қилиш тизими томонидан: оғиз бўшлиғи ва томоқ шиллиқ пардасининг таъсирланиши, диспепсия, кўнгил айниши, қусиш (овқатдан 1 соат кейин қабул қилинганида ривожланиш эҳтимоли камаяди), диарея, дерматит, дисбактериоз (нормал микрофлорани бостирилиши).

Қон яратиш аъзолари томонидан: ретикулоцитопения, лейкопения, гранулоцитопения, тромбоцитопения, эритроцитопения; кам ҳолларда апластик анемия, агранулоцитоз.

Нерв тизими томонидан: психомотор бузилишлар, депрессия, онгни чалкашиши, периферик неврит, кўрув нервининг неврити, кўриш ва эшитиш галлюцинациялари, кўриш ўткирлигини ва эшитишни пасайиши, бош оғриғи.

Аллергик реакциялар: тери тошмаси, ангионевротик шиш.

Бошқалар: иккиламчи замбуруғли инфекция.

Суяк кўмигида қон яратилишини сусайиши, препаратнинг компонентларига юқори сезувчанлик, ўткир доимий давом этувчи порфирия, тери касалликлари (псориаз, экзема, замбуруғли шикастланишлар), хомиладорлик, лактация даври, 3 ёшгача бўлган болалар, буйрак ва/ёки жигар фаолиятини яққол бузилишлари, глюкозо-6-фосфатдегидрогеназа ферментининг танқислигида қўллаш мумкин эмас.

Аввал цитостатик препаратлар билан даволанган ёки нур терапиясини қабул қилган беморларга препарат эҳтиёткорлик билан буюрилади.

Фенобарбитал, фенитоин, билвосита антикоагулянтлар билан бир вақтда қўлланганида, бу препаратларнинг метаболизмини пасайиши, организмдан чиқарилишини секинлашиши ва уларнинг плазмадаги концентрациясини ошиши кузатилади (цитохром Р450 фермент тизимини бостиради).

Суяк кўмигида қон яратилишини сусайтирувчи препаратлар, нур терапияси билан бирга қўлланганида ножўя таъсирини ривожланиш хавфи ошади.

Эритромицин, клиндамицин, линкомицин билан бир вақтда қўлланганида, хлорамфеникол ушбу препаратларни боғланган ҳолатидан сиқиб чиқариши мумкинлиги ёки уларни бактериал рибосомаларидаги 50S суббирлиги билан боғланишига тўсқинлик қилиши ҳисобига таъсирини ўзаро сусайтирилиши аниқланади.

Этанол билан бир вақтда қабул қилинганида дисульфирамсимон реакция ривожланиши мумкин.

Пенициллинлар ва цефалоспоринларнинг антибактериал самарасиини пасайтиради. Миелотоксик ДВ препаратнинг гематотоксик кўринишларини кучайтиради.

Перорал гипогликемик препаратлар билан бирга буюрилганида (уларнинг жигардаги метаболизмини бостирилиши ва плазмадаги концентрациясини ошиши ҳисобига) уларнинг таъсирини кучайиши кузатилади.

Юқори заҳарлилиги туфайли оддий инфекцияларни, шамоллаш билан кечувчи касалликларни, грипп, фарингит, бактерия ташувчиликни даволаш ва олдини олиш учун заруратсиз қўллаш тавсия этилмайди. Қон яратиш тизими томонидан кузатиладиган оғир асоратлар, одатда юқори дозалар (суткада 4 г дан кўпроқ) ни узоқ вақт қўллаш билан боғлиқ бўлади.

Алкоголь билан бир вақтда қабул қилинганида дисульфирамсимон реакциялар (тери қопламаларининг гиперемияси, тахикардия, кўнгил айнаши, қусиш, рефлектор йўтал, тиришишлар) ривожланиши мумкин.

Даволаш жараёнида периферик қон манзарасини мунтазам назорат қилиш керак.

Препарат болалар ололмайдиган жойда сақлансин ва яроқлилик муддати ўтгач ишлатилмасин.

Катталарда дозани ошириб юборилиши тўғрисида маълумотлар йўқ.

Таблеткалар 25 мг ва 500 мг.

10 таблеткадан контур уясиз ўрамда ёки контур уяли ўрамда қўллаш бўйича йўриқномаси билан бирга.

2 контур уяли ўрамдан қўллаш бўйича йўриқномаси билан бирга картон қутига жойланади.

Ёруғликдан ҳимояланган жойда.

5 йил.

Рецепт бўйича.

«Ирбитский химико-фармацевтический завод» ОАЖ, 623856, Россия, Свердлов вилояти, Ирбит ш, Киров кўч., 172.