Lira og'iz eritmasi 100 mg/ml, 30 ml (flakon)

1 мл препарат қуйидагиларни сақлайди:

фаол модда: 100 мг цитиколинга ҳисобланганда 104,5 мг натрий цитиколин;

ёрдамчи моддалар: метилпарагидроксибензоат (Е218); пропилпарагидроксибензоат (Е216); калий сорбати; натрий цитрати; лимон кислотаси моногидрати; сорбит (Е420); натрий сахарини; Понсо 4R (Е124); «Клубника 653; 665» озуқа ароматизатори; глицеролформаль; глицерин; тозаланган сув.

Пушти рангли тиниқ суюқлик.

Орал эритма.

Психостимулятор ва ноотроп воситалар. АТХ коди: N06ВХ06.

Фармакодинамикаси

Цитиколин нейронлар мембранасидаги тузилмавий фосфолипидлар биосинтезини рағбатлантиради, бу мембраналар фаолиятини, шу жумладан ион алмашинувчи насослар ва нейрорецепторлар фаолиятини яхшиланишига ёрдам беради. Мембранага барқарорлаштирувчи таъсир туфайли, цитиколин шишга қарши хусусиятларга эга, шунинг учун мия шишини камайтиради. Тадқиқотлар натижалари шуни кўрсатадики, цитиколин айрим фосфолипазалар фаолиятини сўндиради, эркин радикалларни қолдиқ ажралиб чиқишига тўсқинлик қилади, мембрана тизимлари шикастланишини олдини олади ва ҳимоя антиоксидант тизими сақланишини таъминлайди.

Цитиколин ҳужайраларнинг ҳалок бўлишини олдини олган, апоптоз механизмларига таъсир кўрсатган ҳолда шикастланган тўқима ҳажмини камайтиради ва холинергик узатилишини яхшилайди. Цитиколин шунингдек миянинг ўчоқли инсультларида профилактик нейропротектор таъсир кўрсатади.

Цитиколин мияда қон айланишини ўткир бузилишларида мия тўқималарини ишемик шикастланишларини камайтирган ҳолда пациентларни тезда функционал реабилитациясига ёрдам беради, бу рентгенологик тадқиқотлар натижалари билан тасдиқланади.

Бош-мия жароҳатларида цитиколин тикланиш даври давомийлигини қисқартиради ва постравматик синдром жадаллигини камайтиради.

Цитиколин мия фаолияти даражасини ошишига ёрдам беради, амнезия даражасини пасайтиради, мия ишемиясида кузатиладиган когнитив, сенситив ва мотор бузилишларида ҳолатни яхшилайди.

Фармакокинетикаси

Цитиколин перорал, мушак ичига ва вена ичига юборилганида яхши сўрилади. Препарат қўлланганидан кейин қон плазмасида холинлар даражасини сезиларли ошиши кузатилади. Перорал қўлланганида препарат деярли тўлиқ сўрилади. Тадқиқотлар шуни кўрсатадики, перорал ва парентерал юборилганда биокираолишлиги деярли бир хил.

Препарат холин ва цитидинни ҳосил қилган ҳолда ичак ва жигарда метаболизмга учрайди. Қабул қилинганидан кейин цитиколин мия тўқималари билан ўзлаштирилади, бунда холинлар фосфолипидларга, цитидин эса цитидин нуклеоидлари ва нуклеин кислоталарига таъсир кўрсатади. Цитиколин мия тўқималарига тез етиб боради ва фосфолипидлар фаолиятини фаоллаштирган ҳолда хужайралар мембраналарига, цитоплазмага ва митохондрияларга фаол жойлашади.

Юборилган дозанинг фақат унча катта бўлмаган миқдори (3% дан кам) сийдик ва ахлат билан чиқарилади. Юборилган дозанинг тахминан 12% нафас йўллари орқали чиқарилади. Препаратни сийдик билан ва нафас йўллари орқали чиқарилиши икки фазага эга: биринчи фаза тез чиқарилиши (биринчи 36 соат давомида сийдик билан, биринчи 15 соат давомида - нафас йўллари орқали), иккинчи фаза секин чиқарилиши. Препарат дозасининг асосий қисми метаболизм жараёнларига киришади.

Ўткир фазадаги инсульт ва унинг неврологик оқибатлари. Бош-мия жароҳати ва унинг неврологик асоратлари. Сурункали қон томирлари ва дегенератив церебрал бузилишлар оқибатида когнитив бузилишлар ва феъл-атвор бузилишлари.

Ичга қабул қилинади. Катталар учун тавсия этиладиган доза суткада 500 мг (5 мл) дан 2000 мг (20 мл) гачани ташкил этади ва уларни 2-3 марта қабул қилиш учун тақсимланади. Овқатланишдан қатъий назар қабул қилиш мумкин.

Эритманинг керакли миқдорини шприц-дозаторга олинади ва кўп бўлмаган миқдордаги сув билан аралаштирилади ҳамда шприц-дозатор ёрдамида қабул қилинади. Шприц-дозаторни ҳар бир қўлланилишидан кейин сув билан ювиш зарур.

Препарат дозалари ва даволаш муддати мия шикастланишини оғирлик даражасига боғлиқ ва шифокор томонидан индивидуал равишда белгиланади. Минимал тавсия этиладиган даволаш муддати 45 сутка.

Кекса ёшдаги пациентлар учун дозага тузатиш киритиш талаб қилинмайди.

Ножўя реакциялар жуда кам ҳолларда (<1/10000), шу жумладан якка ҳолларда юзага келади.

Руҳий бузилишлар: галлюцинациялар.

Нерв тизими томонидан бузилишлар: кучли бош оғриғи, бош айланиши.

Юрак-қон томири тизими томонидан бузилишлар: артериал гипертензия, артериал гипотензия, тахикардия.

Нафас олиш тизими томонидан бузилишлар: диспноэ.

Овқат ҳазм қилиш йўллари томонидан бузилишлар: кўнгил айниши, қусиш, диарея.

Умумий бузилишлар: қалтираш, шиш, аллергик реакциялар, шу жумладан: тошмалар, пурпура, қичишиш, ангионевротик шиш, анафилактик шок.

Препарат компонентларига юқори сезувчанлик. Парасимпатик нерв тизимини юқори тонуси.

Цитиколин леводопа таъсирини кучайтиради. Препаратни таркибида меклофеноксат сақлайдиган дори воситалари билан бир вақтда буюриш мумкин эмас.

Препарат таркибида айниқса ацетилсалицил кислотасига юқори сезувчанликка эга бўлган пациентларда аллергик реакцияларни, астматик хуружни келтириб чиқариши мумкин бўлган Понсо 4R бўёғини сақлайди. Фруктозага толерантлиги юзасидан ирсий бузилишлари бўлган пациентлар препарат таркибида сорбитни сақлагани туфайли, перорал қабул қилинадиган Лира препаратининг эритмасини қабул қилмасликлари керак. Препарат таркибида сақланадиган метилпарагидроксибензоат ва пропилпарагидрокси-бензоат аллергик реакцияларни (одатда секин намоён бўлувчи типдаги) чиқариши мумкин.

Ушбу дори воситаси 5 мл препаратда 1,2 ммоль натрий сақлайди. Натрийни назорат қилувчи парҳезни қўлловчи пациентлар томонидан қўлланганида эҳтиёткорликка риоя қилишлари керак.

Ҳомиладорлик ва лактация даврида қўлланилиши

Цитиколинни ҳомиладор аёлларга қўллаш ҳақидаги етарли маълумотлар йўқ. Цитиколинни кўкрак сутига чиқарилиши ва уни ҳомилага таъсири ҳақидаги маълумотлар йўқ. Шунинг учун ҳомиладорлик ёки лактация даврида препаратни фақат она учун келтирадиган фойда ҳомила учун потенциал хавфдан юқори бўлган ҳолда буюрилади.

Болалар

Цитиколинни болаларда қўллаш бўйича етарли маълумотлар йўқ.

Автотранспортни ёки бошқа механизмларни бошқаришда реакция тезлигига таъсир қилиш қобилияти

Алоҳида ҳолларда марказий нерв тизими томонидан айрим ножўя реакциялар автотранспортни бошқариш ёки мураккаб механизмлар билан ишлаш қобилиятига таъсир кўрсатиши мумкин.

Препарат болалар олаолмайдиган жойда сақлансин ва яроқлилик муддати ўтгач қўлланилмасин.

Дозани ошириб юборилиши ҳоллари баён қилинмаган.

30 мл ёки 60 мл дан флаконда. 1 флакондан қутида.

Оригинал ўрамида, 25 °С дан юқори бўлмаган ҳароратда сақлансин.

Музлатилмасин ва совитилмасин.

2 йил.

Рецепт бўйича.

«Фармак» ЖАЖ, Украина.