Mikroyodid ( Microiodid) tabletkalari 100 mkg №50 (5 blister х 10 tabletka)

Tarkib

1 ta tabletka tarkibida quyidagilar mavjud:

Ta’sir etuvchi modda: kaliy yodid - 0,131 mg (100 mkg yodga ekvivalent).

Yordamchi moddalar: laktoza monogidrati, saxaroza, kolloid kremniy dioksidi (aerosil), kalsiy stearati.

Tavsif

Dumaloq yassi silindrsimon, oq yoki deyarli oq rangli, faskali va chiziqli tabletkalar.

Dori shakli

Tabletkalar.

Farmakoterapevtik guruh

Tiroksin sintezi regulyatori - yod preparati.

Farmakologik xususiyatlari

Farmakokinetika

Ichga qabul qilinganda kaliy yodid ingichka ichakda deyarli to‘liq so‘riladi. Sog‘lom odamlar uchun taqsimotning o‘rtacha hajmi taxminan 23 litrni (tana vaznining 38%) tashkil etadi. Yodning plazmadagi konsentratsiyasi normada 0,001 dan 0,005 mkg/ml gacha bo‘ladi. Qalqonsimon bez, so‘lak bezlari, sut bezlari va me’da to‘qimalarida to‘planadi. So‘lak, oshqozon shirasi va ko‘krak sutidagi konsentratsiyasi qon plazmasiga qaraganda taxminan 30 baravar yuqori. Buyraklar orqali chiqariladi, siydikdagi yodning kreatinga nisbatan konsentratsiyasi (mkg/g) uning organizmga tushishini ko‘rsatuvchi indikator hisoblanadi.

Farmakodinamika

Yod hayotiy muhim mikroelementlar sirasiga kiradi. Yodsiz qalqonsimon bezning normal ishlashi mumkin emas, chunki u tiroksin va triyodtironinning tarkibiy qismi hisoblanadi. Tireoid gormonlar barcha a’zolar va tizimlarning rivojlanishida, bolalar, o‘smirlar, homilador va emizikli ayollar uchun yod tanqisligi almashinuvini boshqarishda ishtirok etadi.

Mikroyodid 100® yod manbai bo‘lib, organizmdagi yod tanqisligini to‘ldiradi, yod tanqisligi kasalliklari rivojlanishiga to‘sqinlik qiladi, ovqatda yod yetishmasligi bilan bog‘liq buqoq rivojlanishining oldini oladi; yangi tug‘ilgan chaqaloqlar, bolalar, o‘smirlar va kattalarda qalqonsimon bez hajmini me’yorlashtiradi.

Qo‘llanilishi

yod tanqisligi kasalliklari, shu jumladan endemik bo‘qoqning oldini olish (ayniqsa homilador va emizikli ayollarda);

jarrohlik yo‘li bilan olib tashlangandan so‘ng yoki qalqonsimon bez gormonlari preparatlari bilan davolash tugagandan so‘ng bo‘qoqning qaytalanishining oldini olish;

chaqaloqlar, bolalar, o‘smirlar va katta yoshdagi yosh bemorlarda diffuz eutireoid bo‘qoqni davolash.

Qo‘llash usuli va dozalari

Mikroyodid 100® preparatining kerakli dozasini aniqlashda yodning ovqat bilan birga tushishining mintaqaviy va individual xususiyatlarini hisobga olish lozim. Ayniqsa, bu preparat yangi tug‘ilgan chaqaloqlar va 4 yoshgacha bo‘lgan bolalarga buyurilganda muhim hisoblanadi.

Yod tanqisligi kasalliklarining oldini olish:

Chaqaloqlar va bolalar: kuniga 50-100 mkg yod (1\2-1 tabletka Mikroyodid 100® preparati);

O‘smirlar va kattalar: kuniga 100-200 mkg yod (1-2 tabletka Mikroyodid 100® preparati);

Homiladorlik va emizish davrida: kuniga 100-200 mkg yod (1-2 tabletka Mikroyodid 100® preparati).

Jarrohlik yo‘li bilan olib tashlangandan so‘ng yoki qalqonsimon bez gormonlari preparatlari bilan davolash tugagandan so‘ng buqoq qaytalanishining oldini olish:

Har kuni 100-200 mkg yod (1-2 tabletka Mikroyodid 100® preparati).

Eutireoid buqoqni davolash:

Yangi tug‘ilgan chaqaloqlar va bolalar: kuniga 100-200 mkg yod (1-2 tabletka Mikroyodid 100® preparati); O‘smirlar va katta yoshdagi yosh bemorlar: kuniga 200 mkg yod (2 tabletka Mikroyodid 100® preparati).

Preparatning sutkalik dozasini bir mahalda, ovqatdan keyin, yetarli miqdorda suyuqlik bilan ichish lozim. Preparat yangi tug‘ilgan chaqaloqlar va 3 yoshgacha bo‘lgan bolalarga buyurilganda, tabletkani oz miqdorda (1 osh qoshiq) xona haroratidagi qaynatilgan suvda eritish tavsiya etiladi.

Preparatni profilaktika maqsadida qo‘llash, odatda, bir necha oy yoki yil davomida, ko‘pincha esa butun hayot davomida amalga oshiriladi.

Yangi tug‘ilgan chaqaloqlarda bo‘qoqni davolash uchun aksariyat hollarda 2-4 hafta kifoya qiladi; bolalar, o‘smirlar va kattalarda odatda 6-12 oy yoki undan ko‘proq vaqt talab etiladi. Davolash muddati shifokor tomonidan belgilanadi.

Preparatni faqat ko‘rsatmalarga, qo‘llash usuliga va yo‘riqnomada ko‘rsatilgan dozalarda qo‘llang.

Nojo‘ya ta’sirlari

Kamdan-kam hollarda allergik reaksiyalar: teri toshmasi, Kvinke shishi uchrashi mumkin.

Agar sizda yo‘riqnomada ko‘rsatilgan nojo‘ya ta’sirlar kuzatilsa yoki ular og‘irlashsa yoki yo‘riqnomada ko‘rsatilmagan boshqa nojo‘ya ta’sirlarni sezsangiz, bu haqda shifokorga xabar bering.

Qo‘llashga qarshi ko‘rsatmalar

kaliy yodidga va/yoki preparat tarkibidagi biror yordamchi moddaga yuqori sezuvchanlik;

manifest gipertireoz;

sutkasiga 150 mkg dan ortiq miqdorda yod qabul qilinganda subklinik gipertireoz;

qalqonsimon bezning solitar toksik adenomalari va qalqonsimon bezning funksional avtonomiyasi (fokal va diffuz), tugunli toksik bo‘qoq (qalqonsimon bezni blokada qilish maqsadida operatsiyadan oldingi davolashdan tashqari);

laktoza, fruktozani ko‘tara olmaslik, laktaza, saxaraza/izomaltaza yetishmovchiligi, glyukoza-galaktoza malabsorbsiyasi;

gerpetiksimon (qarilik) Dyuring dermatiti.

Mikroyodid 100® gipotireozda qabul qilinmasligi kerak, gipotireozning rivojlanishi yaqqol yod tanqisligi tufayli yuzaga kelgan holatlar bundan mustasno.

Preparatni radioaktiv yod bilan davolashda, qalqonsimon bez saratoni mavjud bo‘lganda yoki unga shubha qilinganda qo‘llashdan saqlanish kerak.

Ehtiyotkorlik bilan: Buyrak faoliyati buzilgan bemorlar.

Dozani oshirib yuborish

Belgilari: shilliq pardalarning jigarrang tusga kirishi, reflektor qusish (ovqatda kraxmal saqlovchi komponentlar bo‘lsa, qusuq ko‘k rangga kiradi), qorinda og‘riq va ich ketishi (najasda qon bo‘lishi mumkin). Og‘ir hollarda degidratatsiya va shok rivojlanishi mumkin. Kamdan kam hollarda qizilo‘ngach stenozlari kuzatilgan. O‘lim holatlari faqat ko‘p miqdorda yod (30-250 ml yod nastoykasi) qabul qilingandan so‘ng kuzatilgan.

Kamdan kam hollarda kaliy yodidning dozasini uzoq vaqt oshirib yuborish "yodizm" deb ataladigan holatga olib kelishi mumkin, ya’ni yod bilan zaharlanish: og‘izda metall ta’mi, shish va shilliq qavatlarning ta’sirlanishi (tumov, konyunktivit, gastroenterit, bronxit). Kaliy yodid sil kabi yashirin yallig‘lanish jarayonlarini faollashtirishi mumkin. Shishlar, eritema, husnbuzarsimon va bullyoz toshmalar, gemorragiyalar, isitma va ta’sirchanlik rivojlanishi mumkin.

O‘tkir intoksikatsiyada davolash: oshqozonni kraxmal, oqsil eritmasi yoki 5% li natriy tiosulfat eritmasi bilan yodning barcha izlari yo‘qolguncha yuvish. Suv-elektrolit muvozanati buzilishining simptomatik terapiyasi, shokka qarshi terapiya.

Surunkali zaharlanishda davolash: kaliy yodidni bekor qilish.

Yod bilan chaqirilgan gipotireozni davolash: kaliy yodidni bekor qilish, qalqonsimon bez gormonlari yordamida moddalar almashinuvini normallashtirish.

Yod bilan chaqirilgan tireotoksikozni davolash: Yengil shakllarida davolash talab etilmaydi; yaqqol shakllarida tireostatik terapiya o‘tkazish talab etiladi, uning ta’siri har doim kechikadi. Eng og‘ir holatlarda (tireotoksik kriz) intensiv terapiya, plazmaferez va tireoidektomiya o‘tkazish zarur.

Gipertireoz holatida dozani oshirib yuborish haqida gap bo‘lishi mumkin emas, chunki gipertireoz boshqa mamlakatlarda normal bo‘lgan yod miqdori tufayli ham yuzaga kelishi mumkin.

Ehtiyot choralari va maxsus ko‘rsatmalar

Shuni hisobga olish kerakki, buyrak yetishmovchiligi bo‘lgan bemorlarda preparat bilan davolash fonida giperkaliyemiya rivojlanishi mumkin.

Davolashni boshlashdan oldin bemorda gipertireoz yoki tugunli toksik buqoq bor-yo‘qligini hamda anamnezida bu kasalliklar bor-yo‘qligini istisno qilish kerak.

Autoimmun tireoid kasalliklarga moyillik bo‘lsa, tireoperoksidazaga qarshi antitelolar hosil bo‘lishi mumkin.

Qalqonsimon bezning yod bilan to‘yinishi terapevtik yoki diagnostik maqsadlarda ishlatiladigan radioaktiv yodning to‘planishiga to‘sqinlik qilishi mumkin. Shu sababli, radioaktiv yod bilan ta’sir o‘tkazishdan oldin preparatni qabul qilish tavsiya etilmaydi.

Preparat tarkibida laktoza monogidrati va saxaroza mavjudligi sababli, laktoza, fruktozani ko‘tara olmaslik, laktaza, saxaraza/izomaltaza yetishmovchiligi, glyukoza-galaktoza malabsorbsiyasi bilan bog‘liq kam uchraydigan irsiy kasalliklari bo‘lgan bemorlar preparatni qabul qilmasligi kerak.

Avtotransportni boshqarish va potensial xavfli mexanizmlarni boshqarish qobiliyatiga ta’siri

Preparatni qo‘llash transport vositalari va mexanizmlarni boshqarish qobiliyatiga ta’sir ko‘rsatmaydi.

Dori vositalarining o‘zaro ta’siri

Qalqonsimon bezga qarshi dori vositalarini bir vaqtda qabul qilish kaliy yodid ta’sirini susaytiradi (o‘zaro).

Kaliy perxlorat va tiotsianat yodning qalqonsimon bez tomonidan so‘rilishini susaytiradi. Tireotrop gormon qalqonsimon bez tomonidan yodning o‘zlashtirilishini yaxshilaydi va uning gormonlari ishlab chiqarilishini rag‘batlantiradi.

Angiotenzin aylantiruvchi ferment ingibitorlarini (jumladan, kaptopril, enalapril, lizinopril) bir vaqtda qabul qilish giperkaliyemiya xavfini oshiradi.

Yodning yuqori dozalari kaliy saqlovchi diuretiklar bilan birgalikda giperkaliyemiyaga olib kelishi mumkin.

Bir vaqtning o‘zida yuqori dozalarda yod va litiy preparatlari bilan davolash buqoq va gipotireoz rivojlanishiga olib keladi.

Kaliy yodid 131I va 123I ning qalqonsimon bez tomonidan qamrab olinishini kamaytiradi.

Agar siz yuqorida sanab o‘tilgan yoki boshqa dori vositalarini (shu jumladan retseptsiz beriladigan dori vositalarini) qabul qilayotgan bo‘lsangiz, Mikroyodid 100®ni qo‘llashdan oldin shifokor bilan maslahatlashing.

Chiqarilish shakli, o‘rami

100 mkg, 200 mkg tabletkalar N50 (10x5), N50 (25x2), N100 (25x4), N150 (25x6), N200 (25x8) (kontur yacheykali o‘ramlar).

Saqlash shartlari

25 °C dan yuqori bo‘lmagan haroratda saqlang.

Dorixonalardan berish shartlari

Retseptsiz.

Ishlab chiqaruvchi

Tatximfarmpreparatlar, AJ, Rossiya.