Muskomed in'ektsiya uchun eritmasi 4 mg / 2 ml, 2 ml №6 (ampulalar)

Tarkib

Preparatning 1 ampulasi quyidagilarni o‘z ichiga oladi:

Faol moddasi: tiokolxikozid 4 mg.

Yordamchi moddalar: natriy xlorid, xlorid kislota, inyeksiya uchun suv.

Tavsif

Och sariq rangli tiniq eritma.

Dori shakli

Inyeksiya uchun eritma.

Farmakoterapevtik guruh

Markaziy ta’sirga ega miorelaksantlar. ATX kodi: M03BX05.

Farmakologik xususiyatlari

Muskomed faol modda sifatida tabiiy glikozid kolxikoziddan olinadigan yarim sintetik miorelaksant tiokolxikozidni o‘z ichiga oladi. Gamma-aminomoy kislotasi (GAMK) va glitsin retseptorlariga nisbatan selektiv affinlik namoyon qiladi, bu esa preparatning asab tizimining turli darajalarida, ham mahalliy xarakterdagi, ham markaziy kelib chiqishga ega bo‘lgan spazmlarda ta’sirini belgilaydi.

Muskomed kuraresimon ta’sir ko‘rsatmaydi, falaj qilmaydi, yurak-qon tomir va nafas olish tizimiga ta’sir qilmaydi.

Farmakokinetika

Tiokolxikozid mushak orasiga yuborilganda qonda tez tarqaladi, plazmadagi konsentratsiyasining cho‘qqisiga 15-45 daqiqadan so‘ng erishiladi. Tiokolxikozid 4 mg dozada bir marta mushak orasiga yuborilgandan so‘ng, plazmadagi maksimal konsentratsiya 61 ng/ml ni tashkil etadi.

Oqsillar (asosan albumin) bilan bog‘lanishi 13% ni tashkil etadi. Taqsimlanishning o‘rtacha ko‘rinma hajmi - 4 mg dozada bitta mushak ichiga inyeksiyadan keyin 76 l.

Yarim chiqarilish davri 2,5-5 soat. Qabul qilingan dozaning taxminan 20% siydik bilan o‘zgarmagan metabolitlar ko‘rinishida chiqariladi, 75-81% najas bilan chiqariladi.

Qo‘llanilishi

Og‘riqli mushak spazmlarini simptomatik davolash.

Qo‘llash usuli va dozalari

Muskomed mushak orasiga 2 ml (4 mg) dan sutkada 2 marta qo‘llaniladi. Preparatning inyeksion shakli bilan davolashning tavsiya etilgan muddati - 3-5 kun. Zarurat tug‘ilganda, dori vositasining peroral shakllari bilan davolashni 16 mg tiokolxikozidning umumiy sutkalik dozasida (kuniga 2 marta 8 mg dan) 5-7 kun davomida davom ettirish.

Fizioterapevtik muolajalarga tayyorgarlik ko‘rishda mushaklarni bo‘shashtirish davri mushak ichiga inyeksiyadan keyin 30-40 daqiqani tashkil etadi.

Nojo‘ya ta’sirlari

Kamdan-kam hollarda: teri toshmasi, shishlar, allergik va psevdoallergik reaksiyalar (allergik vaskulit), gastralgiya, diareya.

Juda kam hollarda: gipotenziya, asabiylashish va mudroq bosishi.

Qarshi ko‘rsatmalar

preparatning tarkibiy qismlariga yuqori sezuvchanlik;

mushaklar gipotoniyasi;

yengil falajlik;

15 yoshgacha bo‘lgan bolalar yoshi;

homiladorlik;

laktatsiya davri

Dorilarning o‘zaro ta’siri

Dorilarning o‘zaro ta’siri haqida ma’lumotlar yo‘q. Biroq, boshqa miorelaksantlar bilan bir vaqtda qabul qilishda ehtiyot bo‘lish tavsiya etiladi.

Markaziy nerv sistemasini susaytiruvchi preparatlar, shu jumladan alkogol, antigipertenziv vositalar, kuraresimon preparatlar bilan bir vaqtda qo‘llanganda miorelaksatsiya kuchayishi va MNS susayishi, gipotoniya rivojlanishi mumkin.

Antikoagulyantlar bilan bir vaqtda qo‘llanganda qon ketish xavfi ortadi.

Maxsus ko‘rsatmalar

Mushkomed buyrak yoki jigar faoliyati buzilganda ehtiyotkorlik bilan qo‘llanilishi kerak. Preparatni epilepsiya yoki tutqanoq xavfi bo‘lgan bemorlarda ehtiyotkorlik bilan qo‘llash lozim.

Homiladorlik va emizish davrida qo‘llash

Muskomed homiladorlikda va emizish davrida qo‘llanilmaydi.

Pediatriyada qo‘llanishi

Preparat 15 yoshgacha bo‘lgan bolalarga qo‘llash mumkin emas.

Preparatni bolalar qo‘li yetmaydigan joyda saqlash va yaroqlilik muddati tugaganidan keyin ishlatmaslik lozim.

Avtomobil va boshqa mexanizmlarni boshqarish qobiliyatiga ta’siri

Davolash davrida avtotransportni boshqarishda va diqqatning yuqori konsentratsiyasini hamda psixomotor reaksiyalar tezligini talab qiladigan boshqa potensial xavfli faoliyat turlari bilan shug‘ullanishda ehtiyot bo‘lish zarur.

Dozani oshirib yuborish

Belgilari: nojo‘ya ta’sirlarning kuchayishi mumkin.

Davolash: simptomatik va qo‘llab-quvvatlovchi terapiya.

Chiqarilish shakli: inyeksiya uchun eritma. Konturli yacheykali o‘ramda 2 ml dan 6 ta rangsiz shisha ampula. Karton qutida qo‘llash bo‘yicha yo‘riqnoma bilan birga 1 ta konturli yacheykali qadoq.

Saqlash shartlari

25 °C dan yuqori bo‘lmagan haroratda saqlanadi.

Yaroqlilik muddati

3 yil.

Dorixonalardan berish shartlari

Retsept bo‘yicha.

Ishlab chiqaruvchi

Savdo belgisi va ro‘yxatdan o‘tkazish guvohnomasining egasi kompaniya hisoblanadi

"WORLD MEDICINE ILACH SAN. VE TIDJ. A.Sh.," TURKIYA

("WORLD MEDICINE İLACH SAN. VE TİC. A.Sh.," TURKEY).

Ishlab chiqarilgan

"Mefar Ilaj Sanayi A.Sh.," Turkiya

(Ramazonul max. Ensar Jad. No 20, 34906 Kurtko‘y-Pendik/Istanbul)

"Mefar İlach Sanayi A.Sh.," Turkey

(Ramazono‘g‘li Mah. Ensar Cad. No: 20, 34906 Kurtko‘y-Pendik/İstanbul).