Novobaktam 1 g (flakon) + erituvchi 5 ml (ampula) in'ektsiya eritmasini tayyorlash uchun kukun

Бир флакон сақлайди:

Цефоперазонга қайта ҳисобланганд:

0,5 г цефоперазон натрийли тузи.

Сульбактамга қайта ҳисобланганда:

0,5 г сульбактам натрийли тузи.

Инъекцион эритмани тайёрлаш учун кукун.

Антибиотиклар (цефалоспоринлар гуруҳи).

Цефоперазон натрий - фақат парентерал юбориш учун мўлжалланган кенг таъсир доирасига эга яримсинтетик цефалоспорин антибиотиги. Сезгир микроорганизмларга уларни фаол кўпайиши даврида, хужайра деворининг мукопептидининг биосинтезини сусайтириш йўли билан таъсир қилади.

Сульбактам натрий - пенициллиннинг асосий ядросининг хосиласидир. Бета-лактамазаларнинг қайтмас ингибиторидир ва фақат парентерал қўллаш учун мўлжалланган. Кимёвий тузилиши бўйича натрий пенициллинат сульфондир. Сульбактам клиник аҳамиятли антибактериал фаолликка эга эмас (Neisseriaceae ва Acinetobacter бундан мустасно). Ҳужайраларни сақламайдиган бактериал тизимларни ишлатиш билан ўтказилган биокимёвий тадқиқотларда, у бета-лактам антибиотикларга чидамли микроорганизмлар ишлатиб чиқарувчи кўпчилик асосий бета-лактамазаларнинг қайтмас ингибитори эканлиги кўрсатилган.

Препарат цефоперозонга сезгир барча микроорганизмларга нисбатан фаол. Бундан ташқари, турли микроорганизмларга нисбатан синергизмга эга, авваламбор қуйидагиларга нисбатан: Haemophilus influenza, Bacteroides spp., Staphylococcus spp., Acientobacter calcoaceticus, Enterobacter aerogenes, Escherichia coli, Proteus mirabilis, Klebsiella pneumoniae, Morganella morganii, Citrobacter freundii, Enterobacter cloacae, Citrobacter diversus.

Цефоперазон натрий + сульбактам натрий in vitro шароитида клиник аҳамиятли микроорганизмларнинг кенг доирасига нисбатан фаол. Граммусбат микроорганизмлар: пенициллиназани ҳосил қилувчи ва ҳосил қилмайдиган Staphylococcus epidermidis, Staphylococcus pneumaniae, Staphylococcus pyogenes (А гурухи бета- гемолитик стрептококки), Staphylococcus agalactiae (В гурухи бета- гемолитик стрептококки), бета- гемолитик стрептококкларнинг кўпчилик бошқа штаммлари, Staphylococcus faecalis кўпчилик штаммлари (энтерококк). Грамманфий микроорганизмлар: Escherchia coli, Klebsiella spp., Enterobacter spp., Citrobacter spp., Haemophilus influenzae, Proteus mirabilis, Proteus vulgaris, Morganella morganii (эски номи Proteus morganii), Providencia rettgeri ( эски номи Proteus rettgeri), Providencia species, Serratia spp.(шу жумладан S. marcescens), Salmonella ва Shigella spp., Pseudomonas aeruginosa ва Pseudomonas spp., айрим бошка штаммлари Acintobacter calcoaceticus, Niesseria gonorrhoeae, Niesseria meningitides, Bordetella pertussis, Yersinia enterocolitica. Анаэроб микроорганизмлар: грамманфий таёқчалар (жумладан Bacteroides fragilis, бошка Bacteroides spp. ва Fusobacterium spp.); граммусбат ва грамманфий кокклар: (шу жумладан Peptococcus spp, Peptostreptococcus spp. ва Veillonella species); граммусбат таёқчалар (шу жумладан Clostridium spp, Eubacterium ва Lactobacillus spp.).

Фармакокинетикаси

Сульбактам ҳам цефоперазон ҳам организмнинг турли тўқима ва суюқликларида, шу жумладан ўт-сафро, ўт пуфаги, тери, аппендикс, фаллопий найлари, тухумдонлар, бачадонда яхши тақсимланади. Препарат мушак ичига юборилганда сульбактам ва цефоперазон ўртасида қандайдир фармакокинетик ўзаро таъсирларнинг борлиги ҳақидаги маълумотлар йўқ. Сульбактам ва цефоперазонинг маълум кисми буйраклар орқали чиқарилади. Цефоперазоннинг қолган қисми асосан ўт-сафро билан чиқарилади.

Препаратга сезгир микроорганизмлар чақирган инфекцион яллиғланиш касаллилкари, юқори ва пастки нафас йўлларининг, сийдик-жинсий тизимининг касалликлари перитонит, холецистит ва бошқа абдоминал инфекциялар, сепсис, менингит, тери ва юмшоқ тўқималарнинг инфекциялари, кичик чаноқ аъзоларининг инфекциялари.

Абдоминал, гинекологик, кардиоваскуляр ва ортопедик операциялардан кейинги инфекцион асоратларини олдини олиш.

Препаратнинг кенг таъсир доирасини ҳисобга олиб, кўпчилик инфекцияларда бу препарат билан монотерапия самаралидир.

М/и ёки в/и юборилади.

Катталар учун в/и юбориладиган доза 2,0-4,0 г дан (2 марта қабул қилиш учун) кейинчалик камайтириш билан юборилади, юбориш орасидаги интервал 12 соат. Катталар учун максимал суткалик дозаси 4,0 г ташкил қилади.

Оғир ёки рефрактор инфекцияларда препаратнинг суткалик дозаси компонентларнинг 1:1 нисбатида 8 г гача оширилиши мумкин (яъни 4 г цефоперазон ва 4 г сульбактам натрий). Цефоперозон натрий + сульбактам натрийни 1:1 нисбатида олаётган беморларга, қўшимча цефоперазонни юбориш талаб қилиниши мумкин. Дозани тенг қисмларга бўлиш ва хар 12 соатда юбориш керак.

Болаларда препаратни 40-80 мг/кг суткалик дозада қўллаш тавсия қилинади. Дозани тенг қисмларга булиш ва хар 6-12 соатларда юбориш керак

Жиддий ва даволашга рефрактер инфекцияларда дозалар препаратнинг компонентлари 1:1 нисбатида суткада 160 мг/кг гача оширилиши мумкин. Суткалик доза 2-4 тенг қисмларга бўлинади.

Янги туғилган чақалоқларда ҳаётнинг биринчи ҳафтаси давомида препаратни ҳар 12 соатда юбориш керак. Сульбактамнинг болалардаги максимал суткалик дозаси суткада 80 мг/кг дан ошмаслиги керак.

Яққол буйрак етишмовчилиги бўлган (КК минутига 30 мл дан кам) беморларда препаратнинг дозаси, препаратнинг таркибига кирувчи сульбактамнинг клиренсини пасайишини компенсация қилиш учун ўзгартирилади. КК минутига 15-30 мл бўлган беморларда сульбактамнинг максимал дозаси хар 12 соатда 1 г ни ташкил қилади (сульбактамнинг максимал суткалик дозаси 2 г.), КК<15 мл/мин булган беморларда эса, сульбактамнинг максимал дозаси хар 12 соатда 500 мг ни ташкил қилади (сульбактамнинг максимал суткалик дозаси 1 г). Оғир инфекцияларда қўшимча цефоперозонни юбориш талаб қилиниши мумкин. Гемодиализда сульбактамнинг фармококинетикаси аҳамиятли ўзгариши ва цефоперазонни зардобдан чиқарилиши бироз пасайиши туфайли, препаратни юборишни диализдан кейин режалаштириш керак.

Вена ичига юбориш учун эритмани тайерлаш ва қўллаш қоидалари

Такрорий инфузиялар учун хар бир флакондаги препаратни 5% декстроза эритмаси, 0,9 % натрий хлориди эритмаси ва/еки стерил инъекция учун сувнинг адекват хажмида эритилади, сўнгра эса, шу эритувчи билан 20 мл гача суюлтирилади. Инфузия 15-20 минут давомида ўтказилади.

Вена ичига инфузия қилиш учун эритмани тайёрлаш учун Рингер Лактат эритмаси ишлатилиши мумкин, бироқ уни бошланғич эритиш учун қўллаш мумкин эмас.

Вена ичига инъекция қилиш учун ҳар бир флаконнинг ичидагисини юқорида кўрсатилганидек эритиш ва камида 3 минту давомида юбориш керак.

Мушак ичига юбориш учун эритмани тайёрлаш қоидалари

Мушак ичига юбориш учун эритмани тайёрлаш учун 2% ли лидокаин эритмасини ишлатиш мумкин, бироқ куни бошланғич эритиш учун қўллаш мумкин эмас.

Препарат инъекция учун сув, 5% декстроза эритмаси, физиологик эритма, 0,225% натрий хлориди эритмасидаги 5% декстроза эритмаси ва физиологик эритмасидаги 5% декстроза эритмаси билан цефаперазон 10 мг/мл ва сульбактам 10 мг/мл дан цефаперазон 250 мг/мл ва сульбактам 250 мг/мл гача бўлган концентрацияларда мутаносибдир.

Лактатланган Рингер эритмаси билан эритилганида эритмани 2 босқичда тайёрланади: аввал инъекция учун стерил сув ишлатилади, сўнгра олинган эритма лакталанган Рингер, эритмаси билан сульбактамнинг 5 мг/мло концентрациясигача (бошланғич эритманинг 2 мл лактатланган Рингер эритмасининг 50 мл да ёки 4 мл лактатланган Рингер эритмасининг 100 мл да) эритилади.

Овқат ҳазм қилиш тизими томонидан: кўпинча меъда-ичак йўллари фаолияти бузилишлари: диарея, камроқ - кўнгил айниши ва қусиш, соҳтамембраноз колит қайд қилинган.

Аллергик реакциялар: макулопапулез тошма, эшакеми уларнинг пайдо бўлиш хавфи анамнезида аллергик реакциялари бўлган беморларда (айниқса пенициллинларга) юқори.

Умуман организм томонидан: бош оғриғи, иситма, инъекция қилинган жойда оғриқ, этни увишиши.

Пенициллинлар, сульбактам, цефоперазон ёки ҳар қандай бошқа цефалоспоринларга аллергия.

Препарат ва аминогликозидларнинг эритмаларини, улар ўртасидаги физик номутаносибликни ҳисобга олиб, бевосита аралаштириш мумкин эмас. Агарда препарат эса аминогликлозидлар билан мажмуавий даволаш ўтказилаётган бўлса, унда иккала препаратни алоҳида иккиламчи катетерларни ишлатиш билан, кетма-кет инфузия қилиш йўли билан юборилади, бирламчи катетер эса, адекват эритма билан препаратнинг дозаларини юбориш оралиғида ювилади. Препаратни ва аминогликлозидларни юбориш орасидаги интервал кун давомида иложи борича узоқроқ бўлиши керак. Рингер лактат эритмасини кукунни бирламчи эритиш учун, ушбу аралашмани номутаносиблигини ҳисобга олиб, ишлатиш мумкин эмас. Бироқ эритмани икки босқичда тайёрлаш йўли билан мутаносибликка эришиш мумкин: дастлаб кукун инъекция учун сувда эритилади, сўнгра эса Рингер лактат эритмасида суюлтирилади. 2% лидокаин гидрохлориди эритмасини кукунни бошланғич эритиш учун, уларнинг номутаносиблигини ҳисобга олиб, ишлатиш тавсия этилмайди. Бироқ эритмани икки босқичда тайёрлаш йўли билан мутаносибликка эришиш мумкин: дастлаб кукун инъекция учун сувда эритилади, сунгра эса 2% лидокаин гидрохлориди эритмасида суюлтирилади.

Бета-лактам антибиотикларни, шу жумладан цефолоспоринларни олган беморларда жиддий юқори сезувчанлик реакцияларини ривожланиш ҳоллари таърифланган, улар баъзида ўлимга олиб келган. Бундай реакцияларнинг ривожланиш хавфи, анамнезида турли аллергенларга юқори сезувчанлик реакциялари кузатилган пациентларда юқори. Аллергик реакциялар пайдо бўлганида препаратни бекор қилиш ва адекват даволашни буюриш керак. Жиддий анафилактик реакцияларда адреналинни бошланғич тарзда юбориш керак. Ўт йўлларининг оғир обструкциясида, жигарнинг оғир касалликларида, шунингдек бўйрак фаолиятини юқорида кўрсатилган ҳар қандай ҳолатлар билан бирга қўшилган бузилишларида препаратни дозалаш тартибини тўғрилаш талаб килинади. Жигар фаолиятининг бузилишлари ва буйрак фаолиятини йўлдош бузилишлари бўлган беморларда, цефоперазоннинг зардобидаги концентрациясини мониторингини ва зарурути бўлганида унинг дозасини тўғрилаш керак. Узоқ муддатли даволашда ички аъзоларнинг, шу жумладан буйраклар, жигар ва қон яратувчи тизимини фаолияти кўрсаткичларини, мунтазам назорат қилиш тавсия этилади.

Препарат билан даволаш даврида алкогольни қабул қилишдан сақланиш керак, чунки дисульфирамни таъсирига ўхшаш самаралар (қоринда спазмлар, кўнгил айниши, қусиш, бош оғриғи, гипотензия, хансираш, тахикардия) ривожланиш мумкин.

Ҳомиладорлик ва лактация

Препаратни ҳомиладорликда фақат яққол зарурати бўлган холатида қўллаш керак.

Препарат жуда кам миқдорда она сути билан ажралади, лактация даврида препаратни қўллашда эҳтиёткорликка риоя қилиш керак.

Препарат болалар олаолмайдиган жойда сақлансин ва яроқлилик муддати ўтганидан кейин ишлатилмасин.

Одамда препаратнинг ўткир токсиклиги тўғрисида маълумотлар чекланган.

Симптомлари: доза ошриб юборилганда, препарат ишлатилганда қайд этилган ноҳуш самараларни пайдо бўлишини кутиш мумкин. Цереброспинал суюқликда бета-лактам антибиотикларнинг юқори концентрацияси неврологик бузилишларга, шу жумладан тиришишларга олиб келиши мумкин.

Даволаш: ҳам цефоперазон, ҳам сульбактам гемодиализ ёрдамида қондан чиқарилади, шунинг учун бу даволаш усули буйрак фаолиятини бузилишлари бўлган беморларда доза ошириб юборилган ҳолларда препаратини организмдан чиқарилишига ёрдам бериши мумкин.

Инъекцион эритмани тайёрлаш учун кукун 1,0 г дан флаконларда ёки эритувчиси - инъекция учун сув ампулаларда 5 мл дан билан бирга флаконларда.

Қуруқ, ёруғликдан ҳимояланган жойда, 25 °С дан юқори бўлмаган ҳароратда.

2 йил.

Рецепт бўйича.

«NOVOPHARMA PLUS» МЧЖ ҚК

Ўзбекистон Республикаси, Тошкент ш., 100084, Бодомзор йўли кўч. 37-”А”,

тел/факс: (+99871) 234-77-87.