Nutriflav infuzion eritmasi 500 mg / 100 ml, 100 ml (flakon)

Tarkib

Faol moddasi: devofloksatsin (Levofloxacin).

Dori shakli

Infuziya uchun eritma.

Farmakoterapevtik guruh

Antibakterial preparatlar - xinolon hosilalari.

Qo‘llanilishi

Mikroorganizmlarning sezgir shtammlari keltirib chiqaradigan infeksiyalar:

pastki nafas yo‘llari infeksiyalari (surunkali bronxitning o‘tkir xurujlari (kuchsiz yoki o‘rtacha ifodalangan), shifoxonadan tashqari pnevmoniya);

yuqori nafas yo‘llari infeksiyalari (o‘tkir sinusit (kuchsiz yoki o‘rtacha ifodalangan));

teri va yumshoq to‘qimalarning asoratlanmagan va asoratlangan infeksiyalari (kuchsiz yoki o‘rtacha ifodalangan);

siydik yo‘llarining asoratlangan infeksiyalari (kuchsiz yoki o‘rtacha ifodalangan), o‘tkir piyelonefrit (kuchsiz yoki o‘rtacha ifodalangan) surunkali bakterial prostatit;

silning dorilarga chidamli shakllarini kompleks davolash tarkibida;

kuydirgi kasalligining oldini olish va davolash.

Qo‘llash usuli va dozalari

Dozalash

Dozalash tartibi infeksiyaning xususiyati va og‘irligi, shuningdek, taxmin qilinayotgan qo‘zg‘atuvchining sezuvchanligi bilan belgilanadi.

Preparatni vena ichiga tomchilab, kuniga bir yoki ikki marta sekin yuborish kerak. Tavsiya etilgan infuziya davomiyligi 250 mg levofloksatsinni yuborish uchun kamida 30 daqiqa, 500 mg yuborish uchun 6 daqiqa bo‘lishi kerak.

Nutriflav preparati natriy xloridning 0,9% li eritmasi, glyukozaning 5% li eritmasi, Ringer eritmasidagi glyukozaning 2,5% li eritmasi hamda parenteral oziqlantirish uchun kombinatsiyalangan eritmalar (aminokislotalar, uglevodlar, elektrolitlar) bilan mos keladi.

Nutriflav preparati eritmasini geparin yoki ishqoriy reaksiyaga ega bo‘lgan eritmalar bilan aralashtirish mumkin emas!

Davolash davomiyligi kasallikning kechishiga qarab o‘zgaradi. Boshqa antibakterial preparatlarni qo‘llashda bo‘lgani kabi, Nutriflav bilan davolashni tana harorati normallashgandan yoki qo‘zg‘atuvchi ishonchli eradikatsiyalangandan keyin kamida 48-72 soat davomida davom ettirish tavsiya etiladi. Davolash kursini shifokor ko‘rsatmasisiz to‘xtatish yoki muddatidan oldin to‘xtatish mumkin emas.

KK > 50 ml/daqiqa bo‘lgan kattalardagi dozalash tartibi

Kasalliklar Dozalash tartibi Davolash davomiyligi

Kasalxonadan tashqari pnevmoniya 500 mg dan kuniga 1-2 marta 7-14 kun davomida

Siydik yo‘llarining asoratlangan infeksiyalari 500 mg dan kuniga 1 marta 7-14 kun davomida

Piyelonefrit 500 mg dan kuniga 1 marta 7-10 kun davomida

Asoratlanmagan siydik yo‘llari infeksiyalari 250 mg dan kuniga 1 marta 3 kun davomida

Surunkali bakterial prostatit 500 mg dan kuniga 1 marta 28 kun davomida

Teri va yumshoq to‘qimalar infeksiyasi 500 mg dan kuniga 1-2 marta 7-14 kun davomida

Silning dorilarga chidamli shakllarini kompleks davolash tarkibida 500 mg dan kuniga 1-2 marta 3 oygacha

Kuydirgining o‘pka shaklining oldini olish va davolash 500 mg dan kuniga 1 marta 8 haftagacha

Bir necha kunlik davolanishdan so‘ng, preparatning vena ichiga yuboriladigan infuziyalari og‘iz orqali yuborish yo‘li bilan almashtirilishi mumkin (preparatni qabul qilishda biosinguvchanligi 99-100% ni tashkil etadi, dozani tuzatish talab etilmaydi). O‘tish vaqti bemorning holatiga va klinik vaziyatning xususiyatlariga bog‘liq, lekin odatda 2 kundan 4 kungacha davom etadi. Davolashning ko‘rsatilgan tavsiya etilgan davomiyligi infuziya uchun eritma ko‘rinishidagi Nutriflav preparatini va preparatning tabletka shaklini qo‘llashni o‘z ichiga oladi.

Bemorlarning alohida toifalari

Buyrak faoliyatining buzilishi (KK ≤ 50 ml/daqiqa)

Kreatinin klirensi Dozalash tartibi

250 mg/kun 500 mg/kun 500 mg/12 soat

Birinchi doza 250 mg 500 mg 500 mg

50-20 ml/daqiqa 125 mg/kun 250 mg/kun 250 mg/12 soat

19-10 ml/daqiqa 125 mg/48 soat 125 mg/kun 125 mg/12 soat

10 ml/daqiqadan kam* 125 mg/48 soat 125 mg/kun 125 mg/kun

*shu jumladan peritoneal dializ va gemodializ. Gemodializ yoki peritoneal dializda bo‘lgan bemorlarga qo‘shimcha dozalar kiritish talab etilmaydi.

Jigar faoliyatining buzilishi

Dozalash tartibini o‘zgartirish talab etilmaydi, chunki levofloksatsin jigarda ozgina metabolizmga uchraydi.

Keksalik

Dozalash tartibini tuzatish talab etilmaydi.

Qarshi ko‘rsatmalar

levofloksatsinga yoki boshqa xinolonlarga va/yoki preparatning boshqa komponentlariga yuqori sezuvchanlik;

epilepsiya;

ilgari ftorxinolonlar bilan davolanganda yuzaga kelgan pay shikastlanishlari;

18 yoshgacha bo‘lgan bolalar va o‘smirlar (skelet o‘sishining tugallanmaganligi sababli, chunki tog‘ay o‘sish nuqtalarining shikastlanish xavfini to‘liq istisno qilib bo‘lmaydi);

homiladorlik va emizish davri;

soxta paralitik miasteniya (mastenia gravis).

Dozani oshirib yuborish

Preparat dozasini oshirib yuborish holatida markaziy asab tizimi tomonidan simptomlarning paydo bo‘lishi va/yoki og‘irlashishi: ongning chalkashishi, bosh aylanishi, talvasalar, ongning buzilishi, gallyutsinatsiyalar, tremor, shuningdek, QT intervalining uzayishi eng muhim klinik ahamiyatga ega.

Davolash: bemorning holatini sinchkovlik bilan kuzatish, elektrokardiografik monitoring, zarurat tug‘ilganda - simptomatik terapiya. Maxsus antidot bo‘lmaydi. Gemodializ samara bermaydi.

Ehtiyot choralari va qo‘llash xususiyatlari

Maxsus shartlar

Ftorxinolonlar talvasa tayyorgarligi chegarasini pasaytirishga qodir. Levofloksatsin anamnezida tutqanoq xurujlari bo‘lgan bemorlarga qarshi ko‘rsatma bo‘lib, boshqa ftorxinolonlar kabi tutqanoq rivojlanishiga moyil, anamnezida bosh miya shikastlanishi (miya qon aylanishining buzilishi, jarohatlar) bo‘lgan, shu jumladan, tutqanoqqa tayyorgarlik chegarasini pasaytiruvchi dorilar qabul qilayotgan bemorlarda alohida ehtiyotkorlik bilan qo‘llanilishi kerak. Levofloksatsin bilan davolash fonida tutqanoq xuruji rivojlanganda, preparat zudlik bilan bekor qilinishi kerak.

Glyukoza-6-fosfatdegidrogenaza yetishmovchiligi bo‘lgan bemorlarda levofloksatsin bilan davolash fonida gemoliz rivojlanishi mumkin. Bunday bemorlarga preparat tayinlash zarur bo‘lganda, ularning holati gemolitik reaksiyalar rivojlanishi nuqtai nazaridan diqqat bilan nazorat qilinishi kerak.

QT intervali uzaygan (tug‘ma yoki orttirilgan, IA va III sinf antiaritmiklari, tritsiklik antidepressantlar, makrolidlar, elektrolit buzilishlari, yurak-qon tomir tizimi kasalliklari fonida rivojlangan) bemorlarni levofloksatsin bilan davolashda alohida ehtiyotkorlikka rioya qilish lozim. Ftorxinolonlar, shu jumladan levofloksatsin qabul qilgan bemorlarda QT intervalining uzayishi haqida xabar berilgan. QT uzayishi rivojlanishining ma’lum xavf omillari bo‘lgan bemorlarda ehtiyotkorlikka rioya qilish kerak: suv-elektrolit muvozanatining tuzatilmagan buzilishi (gipokaliyemiya, gipomagniyemiya); QT intervalining tug‘ma uzayishi sindromi; yurak kasalliklari (yurak yetishmovchiligi, miokard infarkti, bradikardiya); QT intervalini uzaytirishga qodir dori vositalarini bir vaqtning o‘zida qabul qilish. Keksa yoshdagi bemorlar va ayol bemorlar QT intervalini uzaytiruvchi dorilar ta’siriga sezgirroq bo‘lishi mumkin. Shuning uchun ularda ftorxinolonlarni, shu jumladan, levofloksatsinni ehtiyotkorlik bilan qo‘llash lozim.

Mikroorganizmlarning ekiladigan shtammlari orttirilgan rezistentligining tarqalishi geografik mintaqaga qarab va vaqt o‘tishi bilan o‘zgarishi mumkin. Shu sababli, ma’lum bir mamlakatda mikroorganizmlarning preparatga chidamliligi haqida ma’lumot talab etiladi. Og‘ir infeksiyalarni davolash uchun yoki davolash samara bermaganda, qo‘zg‘atuvchini ajratib olish va uning levofloksatsinga sezuvchanligini aniqlash bilan mikrobiologik tashxis qo‘yilishi kerak.

Metitsillinga chidamli oltin rangli stafilokokkning ftorxinolonlarga, shu jumladan levofloksatsinga chidamli bo‘lishi ehtimoli yuqori. Shu sababli, levofloksatsin metitsillinga chidamli tillarang stafilokokk keltirib chiqaradigan aniqlangan yoki taxmin qilingan infeksiyalarni davolash uchun tavsiya etilmaydi, agar laboratoriya testlari natijalari ushbu mikroorganizmning levofloksatsinga sezgirligini tasdiqlamasa.

Preparatni infuziya qilishning tavsiya etilgan davomiyligi dozaga qarab 30 minutdan 60 minutgacha davom etadi ("Qo‘llash usuli va dozalari"ga qarang). Preparat infuziyasi vaqtida taxikardiya va arterial bosimning (AB) yaqqol pasayishi rivojlanishi mumkin. Preparatni infuziya qilish vaqtida AB pasayishi aniqlansa, infuziya darhol to‘xtatiladi.

Nutriflav infuziya uchun eritma preparati 100 ml eritmada taxminan 354 mg (15,4 mmol) osh tuzi saqlaydi. Bu ma’lumotlarni osh tuzi iste’molini cheklab parhez tutuvchi bemorlarni davolashda hisobga olish zarur.

Levofloksatsin hatto boshlang‘ich dozalarda qo‘llanilganda ham jiddiy, potentsial halokatli yuqori sezuvchanlik reaksiyalarini (angionevrotik shish, anafilaktik shok) keltirib chiqarishi mumkin ("Nojo‘ya ta’sirlar" bo‘limiga qarang). O‘ta sezuvchanlik reaksiyasi rivojlangan taqdirda, preparatni darhol to‘xtatish lozim.

Levofloksatsinni qabul qilishda Stivens-Jonson sindromi yoki toksik epidermal nekroliz kabi og‘ir bullyoz teri reaksiyalari holatlari kuzatilgan ("Nojo‘ya ta’sirlar" bo‘limiga qarang). Teri va shilliq qavatlarda qandaydir reaksiyalar rivojlanganda, bemor darhol davolovchi shifokorni xabardor qilishi kerak.

Asosan sepsis kabi og‘ir asosiy kasalliklari bo‘lgan bemorlarda levofloksatsinni qo‘llashda jigar nekrozi, shu jumladan o‘limga olib keladigan jigar yetishmovchiligi rivojlanishi holatlari qayd etilgan ("Nojo‘ya ta’sirlar" bo‘limiga qarang). Bemorlar anoreksiya, sariqlik, siydikning qorayishi, qichishish va qorin og‘rig‘i kabi jigar shikastlanishi belgilari va alomatlari paydo bo‘lganda davolanishni to‘xtatish va zudlik bilan shifokorga murojaat qilish zarurligi haqida ogohlantirilishi kerak.

Bir vaqtning o‘zida bilvosita antikoagulyantlar, kumarin hosilalarini qabul qilayotgan bemorlarda qon ivish ko‘rsatkichlarini nazorat qilish zarur ("Dorilarning o‘zaro ta’siri" bo‘limiga qarang).

Kamdan-kam hollarda ftorxinolonlar bilan davolash fonida rivojlangan tendinit paylarning, ayniqsa Axil payining yorilishiga olib kelishi mumkin. Bu nojo‘ya ta’sir terapiya boshlanganidan keyin 48 soat ichida namoyon bo‘ladi. Keksa yoshdagi odamlar va glyukokortikosteroidlar qabul qilayotgan bemorlar uchun tendinit rivojlanish xavfi pastroq. Shuning uchun levofloksatsin bilan davolash vaqtida bunday bemorlarning ahvolini diqqat bilan nazorat qilish zarur. Agar tendinitga shubha bo‘lsa (bemorlarga uning belgilari haqida xabar berish kerak), Nutriflav preparatini zudlik bilan bekor qilish va tegishli davolashni (masalan, immobilizatsiya) boshlash kerak.

Nutriflav bilan davolash paytida yoki undan keyin ich ketishi (ayniqsa, og‘ir, doimiy va/yoki qon aralashmalari paydo bo‘lgan hollarda) Clostridium difficile keltirib chiqaradigan kasallikning alomati bo‘lishi mumkin, uning eng og‘ir shakli psevdomembranoz kolitdir. Agar psevdomemeranoz kolitga shubha bo‘lsa, Nutriflav preparatini zudlik bilan bekor qilish va simptomatik davolashni boshlash kerak (masalan, vankomitsin ichishga). Bu holatda ichak peristaltikasini susaytiruvchi dorilar qo‘llash mumkin emas.

P. aeruginosa keltirib chiqaradigan gospital infeksiyalarni davolash uchun kombinatsiyalangan terapiya zarur.

Nutriflav preparati bilan davolash paytida va uni tugatgandan so‘ng kamida 48 soat davomida fotosensibilizatsiya reaksiyalarining rivojlanishini oldini olish uchun to‘g‘ridan-to‘g‘ri quyosh va sun’iy ultrabinafsha nurlanishdan (solyariy) saqlanish kerak.

Levofloksatsin asosan buyraklar orqali chiqarilishi sababli, buyrak yetishmovchiligi bo‘lgan bemorlarda buyrak faoliyatini nazorat qilish lozim; shuningdek, dozalash tartibini o‘zgartirish talab etilishi mumkin.

Og‘iz orqali gipoglikemik dorilar (masalan, glibenklamid) yoki insulin qabul qilayotgan qandli diabet bilan og‘rigan bemorlarda levofloksatsin qo‘llanilganda gipo-/giperglikemiya rivojlanish xavfi ortadi. Qandli diabet bilan og‘rigan bemorga preparat buyurish zarur bo‘lganda, qon plazmasidagi glyukoza konsentratsiyasi diqqat bilan nazorat qilinishi lozim.

Ftorxinolonlar, shu jumladan levofloksatsin qabul qilgan bemorlarda sensor va sensor-motor periferik neyropatiya qayd etilgan bo‘lib, uning boshlanishi tez kechishi mumkin. Bemorlarda neyropatiya belgilari paydo bo‘lganda, Nutriflav preparatini qo‘llash to‘xtatilishi kerak (qaytmas o‘zgarishlar rivojlanish xavfini kamaytiradi).

Nutriflav preparatini psevdoparalitik miasteniya (myasthenia gravis) bilan og‘rigan bemorlarda neyromushak blokadasi rivojlanishi mumkinligi sababli qabul qilmaslik kerak. Marketingdan keyingi davrda miasteniya bilan og‘rigan bemorlarda ftorxinolonlarni qo‘llash bilan bog‘liq bo‘lgan nojo‘ya ta’sirlar, jumladan, o‘pkaning sun’iy ventilyatsiyasini talab qiladigan nafas yetishmovchiligi va o‘lim holatlari kuzatildi. Miasteniya gravis tashxisi qo‘yilgan bemorlarda preparatni qo‘llash mumkin emas.

Xinolonlarni, shu jumladan levofloksatsinni qo‘llashda psixotik reaksiyalarning rivojlanishi haqida xabar berilgan, ular kamdan-kam hollarda o‘z joniga qasd qilish fikrlari va o‘ziga zarar yetkazish bilan xulq-atvorning buzilishigacha rivojlangan (ba’zan levofloksatsinning bir martalik dozasini qabul qilgandan so‘ng). Bunday reaksiyalar rivojlanganda Nutriflav preparati bilan davolashni to‘xtatish va tegishli terapiyani tayinlash lozim. Preparatni psixozlari bor bemorlarga yoki anamnezida ruhiy kasalliklari bo‘lgan bemorlarga ehtiyotkorlik bilan buyurish lozim.

Ko‘rish qobiliyatining har qanday buzilishi rivojlanganda, zudlik bilan oftalmolog maslahati zarur.

Levofloksatsin bilan davolash fonida, ayniqsa uzoq vaqt davomida, sezuvchan bo‘lmagan mikroorganizmlarning o‘sishi kuchayishi mumkin. Superinfeksiya rivojlanganda tegishli choralar ko‘rilishi kerak.

Levofloksatsin Mycobacterium tuberculosis o‘sishini to‘xtatishi mumkin, shuning uchun silga bakteriologik tekshiruvning soxta manfiy natijasi bo‘lishi mumkin.

Nutriflav preparati bilan davolanayotgan bemorlarda siydikda opiatlarni aniqlashning soxta ijobiy natijalari bo‘lishi mumkin. Bu holda o‘ziga xosroq usullardan foydalanish lozim.

Homiladorlik va emizish davri

Hayvonlarda o‘tkazilgan tadqiqotlar preparatning reproduktiv toksikligini ko‘rsatmadi. Biroq, preparatni odamlarda qo‘llash bo‘yicha shunga o‘xshash ma’lumotlar yo‘qligi sababli, eksperimental ma’lumotlar ftorxinolonlarning skeletning tog‘ay o‘sish nuqtalariga nofaol ta’sir ko‘rsatish imkoniyatini ko‘rsatishini hisobga olgan holda, homiladorlik davrida levofloksatsinni qo‘llash mumkin emas.

Levofloksatsinning ko‘krak sutiga o‘tishi noma’lum. Agar preparatni emizish davrida qo‘llash zarur bo‘lsa, uni to‘xtatish masalasini hal qilish kerak.

Transport vositalarini va mexanizmlarni boshqarish qobiliyatiga ta’siri

Davolash davrida ruhiy va harakat reaksiyalari tezligining pasayishi mumkin, shuning uchun avtotransportni boshqarishdan va diqqatning yuqori konsentratsiyasini hamda psixomotor reaksiyalarning tezligini talab qiladigan boshqa potensial xavfli faoliyat turlari bilan shug‘ullanishdan tiyilish kerak.

Ehtiyotkorlik bilan

Buyrak yetishmovchiligi, glyukoza-6-fosfatdegidrogenaza yetishmovchiligi (gemoliz xavfining oshishi), tubulyar sekretsiyaga ta’sir qiluvchi dorilarni bir vaqtda qabul qilish (masalan, probenetsid va simetidin), qandli diabet, ayol jinsi;

QT intervali uzayishining ma’lum xavf omillari: tug‘ma uzaygan QT intervali sindromi, QT intervalini uzaytirishi mumkin bo‘lgan dorilarni bir vaqtda qabul qilish (masalan, IA va III sinf antiaritmik dorilar, uch siklli antidepressantlar, makrolidlar, neyroleptiklar; keksa bemorlar va ayollar QT intervalini uzaytiruvchi dorilarga sezgir bo‘lishi mumkin), tuzatilmagan elektrolit buzilishlari (masalan, gipomagniyemiya, gipokaliyemiya, giponatriyemiya); keksa yosh; yurak kasalliklari (masalan, yurak yetishmovchiligi, miokard infarkti, bradikardiya);

Tutqanoq reaksiyalariga moyillik (bosh miya tomirlari aterosklerozi, miya qon aylanishining buzilishi (anamnezda), markaziy asab tizimining organik kasalliklari); jigar porfiriyasi; bir vaqtning o‘zida bosh miyaning tutqanoq tayyorgarligi chegarasini pasaytiruvchi dori vositalarini qabul qilish (fenbufen va unga o‘xshash boshqa nosteroid yallig‘lanishga qarshi dorilar (NYAQDV), teofillin); psixozlar va anamnezda boshqa ruhiy buzilishlar.

Boshqa dorilar bilan o‘zaro ta’siri, boshqa o‘zaro ta’sirlar

Levofloksatsin va teofillin o‘rtasida farmakokinetik o‘zaro ta’sir aniqlanmadi. Biroq xinolonlarni teofilliom, nosteroid yallig‘lanishga qarshi dorilar va talvasa tayyorgarligi chegarasini pasaytiruvchi boshqa preparatlar bilan bir vaqtda qo‘llanganda talvasa rivojlanish xavfi oshishi mumkin.

Fenbuten ishtirokida levofloksatsinning konsentratsiyasi taxminan 13% ga oshadi.

Simetidin va probenetsid kalsiy sekretsiyasini bloklashi tufayli levofloksatsinning buyrak klirensini mos ravishda 24% va 34% ga pasaytiradi, shuning uchun levofloksatsinni, ayniqsa buyrak faoliyati buzilgan bemorlarda, kanalchalar sekretsiyasiga ta’sir qiluvchi preparatlar bilan bir vaqtda ehtiyotkorlik bilan qo‘llash lozim.

Kalsiy karbonat, glibenklamid, ranitidin, digoksinning birgalikda qo‘llanilishi levofloksatsinning farmakokinetikasiga klinik jihatdan ahamiyatli ta’sir ko‘rsatmadi.

Levofloksatsinni birga qo‘llashda siklosporin T1/2 33% ga oshadi.

Kumarin (varfarin) hosilalari bo‘lgan bilvosita antikoagulyantlar bilan bir vaqtda qo‘llanganda, qon ivish ko‘rsatkichlarining oshishi (protrombin vaqti/xalqaro normallashgan nisbat (XNN)) kuzatiladi, qon ketishi (shu jumladan og‘ir) rivojlanishi mumkin. Shu sababli, K vitamini antagonistlarini qabul qilayotgan bemorlarda levofloksatsin bilan davolash paytida qon ivish ko‘rsatkichlarini ayniqsa diqqat bilan nazorat qilish lozim.

Levofloksatsin QT intervalini uzaytirishi mumkin, shuning uchun IA va III sinf antiaritmik preparatlari, tritsiklik antidepressantlar, makrolidlar va neyroleptiklar bilan birgalikda qo‘llashda ehtiyot bo‘lish kerak.

Glyukokortikosteroidlar bilan birga qabul qilish paylarning yorilish xavfini oshiradi.

Chiqarilish shakli, o‘rami

Infuziya uchun eritma 5 mg/ml 100 ml infuziya uchun eritma 500 mg/100 ml past zichlikdagi polietilen flakonga. 1 flakon qo‘llash bo‘yicha yo‘riqnoma bilan birga karton qutiga solinadi.

Maxsus saqlash shartlari

Quruq, yorug‘likdan himoyalangan joyda, 25 °C dan yuqori bo‘lmagan haroratda saqlang.

Preparatni bolalar qo‘li yetmaydigan joyda saqlash va yaroqlilik muddati tugagandan so‘ng ishlatmaslik lozim.

Yaroqlilik muddati

2 yil.

Ishlab chiqaruvchi

Cebrenex Limited, Buyuk Britaniya,

M/S Pek Pharma (Hindiston).