Oksatsid og'iz suspenziyasi 200 ml (flakon)

Tarkib

Har 5 ml tarkibida quyidagilar mavjud:

faol modda: alyuminiy gidroksid gel 250 mg, magniy gidroksid pasta 250 mg, simetikon 50 mg;

yordamchi moddalar: natriy metilparaben, natriy propilparaben, Enisweet ER xushbo‘ylantirgich, natriy saxarin, glitserin, sorbitolning 70% li eritmasi, natriy sitrat, bronopol, limon kislotasi (monogidrat), ArrowGum Super, natriy karboksimetilsellyuloza, guar yelimi, Ponso 4R bo‘yog‘i, xushbo‘y yalpiz moyi, Coolen M-5366 xushbo‘ylantirgich, tozalangan suv.

Tavsif

O‘ziga xos hidli, pushti rangli gomogen suspenziya.

Dori shakli

Ichish uchun suspenziya.

Farmakoterapevtik guruh

Antatsid vositalar yel haydovchi vositalar bilan birgalikda. ATX kodi: A02AF02.

Farmakologik xususiyatlari

Farmakodinamika

Oksatsid ikkita antatsid va shamol haydovchi simetikonning muvozanatli aralashmasi hisoblanadi. Ikkita antatsidga tez ta’sir qiluvchi magniy gidroksid antatsidi va sekin ta’sir qiluvchi alyuminiy gidroksid antatsidi kiradi. Ushbu agentlarning kombinatsiyasida davolash samarasining tez boshlanishi va umumiy himoya vaqtining oshishi ta’minlanadi. Alyuminiy gidroksidning o‘zi burishtiruvchi bo‘lib, qabziyatni keltirib chiqarishi mumkin. Uning bu ta’siri magniy gidroksidining ta’siri bilan muvozanatlashadi, u boshqa magniy tuzlari kabi, odatda, surgi ta’siriga ega.

Simetikon - kremniy polimeri, meteorizmni kamaytirish uchun vosita bo‘lib, u sirt tarangligini kamaytiradi va kichik pufakchalarning katta pufakchalarga yig‘ilishiga imkon beradi, keyin ular oshqozon yoki ichakdan osonroq chiqib ketishi mumkin. U kimyoviy jihatdan inert bo‘lib, ma’lum tizimli ta’sir ko‘rsatmaydi. Alyuminiy gidroksid asosan antatsid sifatida ishlatiladi. Alyuminiy gidroksidning asosiy klinik qo‘llanilishi uning xlorid kislotani neytrallash qobiliyatidir. Alyuminiy gidroksid pH 3 dan yuqori bo‘lganda pepsin adsorbenti sifatida ta’sir qiladi. Alyuminiy gidroksid tuzlari oshqozonning bo‘shashini va oshqozon-ichak trakti silliq mushaklarining bo‘shashishini sekinlashtiradi. Bu alyuminiy gidroksidning mustahkamlovchi ta’sirini ta’minlaydi.

Shuningdek, u shilliq sekretsiyasini rag‘batlantirish orqali shilliq kislotaga qarshi to‘siq yaratishga yordam beradi. U ichak bo‘shlig‘ida erimaydigan alyuminiy fosfat hosil qilish orqali fosfatlarning so‘rilishiga to‘sqinlik qiladi. Shuningdek, u ftor ionlarining so‘rilishini susaytiradi va ichakdagi ba’zi yog‘ kislotalari hamda oqsillar bilan bog‘lanadi. Alyuminiy gidroksid o‘t kislotalari bilan xolestiraminga o‘xshash moyillik bilan bog‘lanadi. Magniy gidroksid surgi ta’siriga ega bo‘lib, ko‘pincha qotiruvchi ta’sirga ega bo‘lgan alyuminiy gidroksid geli bilan birga beriladi. Eruvchanligi yo‘qligi sababli antatsid ta’siri odatda bir necha soat davom etadi. Magniy gidroksid ichak peristaltikasini kuchaytiradi. Demak, Oksatsid tarkibida alyuminiy gidroksid va magniy gidroksid birikmalari ichak faoliyatini sezilarli darajada yaxshilash uchun zarur bo‘lgan to‘g‘ri nisbatda mavjud.

Farmakokinetika

Ko‘rsatkichlar Alyuminiy gidroksid Magniy gidroksid Simetikon

Plazmadan yarim chiqarilish davri ahamiyatsiz ahamiyatsiz ahamiyatsiz

Oqsillar bilan bog‘lanish - -

So‘rish - -

Siydik bilan chiqarish siydik bilan siydik bilan

Ko‘rsatmalar

Oksatsid ovqat hazm qilishning buzilishi, jig‘ildon qaynashi, kislotalilikning oshishi va ushbu holatlar bilan bog‘liq bo‘lgan gaz hosil bo‘lishi va oshqozon buzilishi belgilarini yengillashtirish uchun buyuriladi. Preparat, shuningdek, peptik yara, gastrit, peptik ezofagit va qizilo‘ngach churrasi tashxisi bilan bog‘liq bo‘lgan yuqori kislotalilik belgilarini yengillashtirish uchun, shuningdek, meteorizm belgilarini, shu jumladan gaz hosil bo‘lishi bilan bog‘liq operatsiyadan keyingi og‘riqlarni yengillashtirish uchun meteorizmni bartaraf etuvchi vosita sifatida buyuriladi.

Qo‘llash usuli va dozalari

Ichkariga. Ishlatishdan oldin yaxshilab chayqating.

Kattalar va 12 yoshdan oshgan bolalar: 10 ml dan kuniga 4 mahal yoki davolovchi shifokor ko‘rsatmasiga binoan. Peptik yarani davolash uchun yuqoriroq dozalar talab etiladi.

5-12 yoshli bolalar: 5-10 ml dan kuniga 3-4 mahal.

2-5 yoshli bolalar: 5 ml dan kuniga 3 mahal.

Barcha dozalar ovqatdan 1-2 soat keyin va tunda qabul qilinishi kerak.

Nojo‘ya ta’sirlari

Tegishli hollarda, quyidagi nojo‘ya ta’sirlar chastotasidan foydalaniladi:

Juda tez-tez (≥ 1/10), tez-tez (≥ 1/100 - < 1/10), tez-tez emas (≥ 1/1,000 - < 1/100), kamdan-kam (≥ 1/10,000-< 1/1,000), juda kamdan-kam (< 1/10,000), noma’lum (mavjud ma’lumotlar bo‘yicha baholash imkonsiz).

Immun tizimi tomonidan:

Chastotasi noma’lum: prurit, eshakemi, angionevrotik shish va anafilaktik reaksiyalar kabi yuqori sezuvchanlik reaksiyalari.

Oshqozon-ichak trakti tomonidan: kam hollarda diareya yoki qabziyat.

Me’da-ichak yo‘li tomonidan nojo‘ya ta’sirlar kam uchraydi.

Moddalar almashinuvi (metabolizm) tomonidan:

Chastotasi noma’lum: gipermagnezemiya, giperalyuminemiya, giperfosfatemiya, uzoq muddat qo‘llanilganda yoki fosfor miqdori past bo‘lgan parhezdagi bemorlar preparatni yuqori dozalarda yoki hatto normal dozalarda qo‘llaganda, bu suyak rezorbsiyasining oshishiga, giperkalsiuriyaga, osteomalyatsiyaga olib kelishi mumkin.

Qarshi ko‘rsatmalar

Har qanday faol tarkibiy qism yoki yordamchi moddaga yuqori sezuvchanlikka ega bo‘lgan, kuchli zaiflashgan yoki buyrak yetishmovchiligi yoki gipofosfatemiyadan aziyat chekayotgan bemorlar tomonidan qo‘llanilmasligi kerak.

Dozani oshirib yuborish

Belgilari: qabziyat, ich ketishi, meteorizm, og‘izda metall ta’mi, qorinda og‘riq, qusish.

Ushbu preparatning yuqori dozalari xavf guruhidagi bemorlarda ichak tutilishi va ileus alomatlarini keltirib chiqarishi yoki kuchaytirishi mumkin.

Davolash: oshqozonni yuvish, faollashtirilgan ko‘mir qabul qilish. Alyuminiy va magniy tuzlari siydik bilan chiqariladi; o‘tkir dozani oshirib yuborishni davolash vena ichiga kalsiy glyukonat, regidratatsiya va kuchaytirilgan diurez buyurishdan iborat. Buyrak disfunksiyasi yuzaga kelgan taqdirda gemodializ yoki peritoneal dializni qo‘llash zarur.

Maxsus ko‘rsatmalar

Alyuminiy gidroksid qabziyatni keltirib chiqarishi mumkin, magniy tuzlarining dozasini oshirib yuborish esa ichak gipokineziyasini keltirib chiqarishi mumkin; ushbu preparatning katta dozalari yuqori xavf guruhidagi bemorlarda, masalan, buyrak yetishmovchiligi bo‘lgan bemorlarda yoki keksa bemorlarda ichak tutilishi va ileus alomatlarini keltirib chiqarishi yoki yomonlashtirishi mumkin. Alyuminiy gidroksid oshqozon-ichak traktidan yomon so‘riladi va shuning uchun buyrak faoliyati normal bo‘lgan bemorlarda tizimli ta’sirlar kamdan-kam kuzatiladi. Biroq, uzoq vaqt davomida yoki preparatni yuqori dozalarda yoki hatto normal dozalarda qo‘llanilganda, fosfor miqdori past bo‘lgan parhezdagi bemorlarda fosfat tanqisligi (alyuminiy va fosfatlarning bog‘lanishi natijasida) kuzatilishi mumkin, bu suyak rezorbsiyasi va giperkalsiuriyaning kuchayishi bilan birga kechib, osteomalyatsiya rivojlanish xavfini keltirib chiqaradi. Uzoq muddat qo‘llanilganda yoki fosfat tanqisligi xavfi bo‘lgan bemorlarda qo‘llanilganda, tibbiyot mutaxassisi bilan maslahatlashish tavsiya etiladi.

Buyrak yetishmovchiligi bo‘lgan bemorlarda plazmadagi alyuminiy va magniy miqdori ortadi. Ushbu bemorlarda alyuminiy va magniy tuzlarining yuqori dozalari bilan uzoq vaqt ta’sir qilish demensiya va mikrotsitar anemiya rivojlanishiga olib kelishi mumkin. Alyuminiy gidroksid porfiriya bilan og‘rigan bemorlar uchun xavfli bo‘lishi mumkin, bu esa gemodializ o‘tkazishni talab etadi.

Ushbu mahsulot tarkibida suyuq sorbitol mavjud. Kam uchraydigan irsiy fruktozani ko‘tara olmaslik sindromi bo‘lgan bemorlar ushbu preparatni qabul qilmasligi kerak.

Homiladorlik

Homilador va emizikli onalarga Oksatsid preparatini buyurishda ehtiyot bo‘lish kerak.

Ona sutiga cheklangan miqdorda tushishi natijasida, tavsiyalarga muvofiq foydalanilganda, ko‘krak sutiga oz miqdorda alyuminiy gidroksid va magniy tuzlari ajralishi mumkin.

Simetikon oshqozon-ichak traktidan so‘rilmaydi va bolaga hech qanday nojo‘ya ta’sir ko‘rsatmaydi.

Avtotransport va mexanizmlarni boshqarish qobiliyatiga ta’siri

Dori vositasining transport vositalarini boshqarish va yuqori e’tibor talab qiladigan mexanizmlardan foydalanish qobiliyatiga salbiy ta’siri haqida ma’lumotlar yo‘q.

Qadoqlash shakli

200 ml suspenziya burama qopqoqli plastik flakonlarga birinchi ochishni nazorat qilgan holda solinadi. 1 flakon tibbiyotda qo‘llash bo‘yicha yo‘riqnoma bilan birga karton qutiga solinadi.

Saqlash shartlari

Yorug‘likdan himoyalangan quruq joyda, 25 °C dan yuqori bo‘lmagan haroratda saqlanadi.

Bolalar qo‘li yetmaydigan joyda saqlang.

Ishlatishdan oldin yaxshilab chayqating.

Yaroqlilik muddati

3 yil.

Yaroqlilik muddati tugagandan keyin ishlatilmasin.

Ta’til shartlari

Retsept bo‘yicha.

Ishlab chiqaruvchi

Oxford Laboratories Pvt. Ltd.

B 306, Crystal Plaza, New Link Road, Andheri (W), Mumbai - 400 053, Hindiston.