Prostoral tabletkalar №30 (2 blister х 15 tabletka)

Tarkib

Har bir tabletka tarkibiga quyidagilar kiradi:

faol moddalar: soyabonsimon qishlovka (Chimaphila umbellate) - 75,0 mg, temir pikrati (Ferrum picricum) - 30,0 mg, daraxtsimon gortenziya (Hydrangea arborescens) - 30,0 mg, baxmal pareyra (Chondrodendron tomentosum) - 50,0 mg, mayda tishli sabal palmasi (Sabal serrulata) - 60,0 mg, panjasimon shpornik (Staphysagria macrocarpa) - 75,0 mg, g‘arbiy tuya ( Thuja occidentalis) - 80,0 mg;

yordamchi moddalar: sut-shakar asosi (laktoza) yetarli miqdorda.

Tavsif

Tabletkalar sarg‘ish rangda, dumaloq, ikki tomoni qavariq, qobiqsiz va bir tomonida BP belgisi bor.

Dori shakli

Tabletkalar.

Farmakoterapevtik guruh

Prostata bezi kasalliklarida qo‘llaniladigan vosita. ATX kodi: G04CX.

Farmakologik xususiyatlari

Soyabongul: prostata bezining patologik kattalashishi va ta’sirlanishida, prostata bezining o‘tkir og‘riqli yallig‘lanishida ko‘rsatiladi.

Temir pikrati: prostata bezining qarilik gipertrofiyasida ko‘rsatilgan.

Daraxtsimon gortenziya: prostata bezi gipertrofiyasi tufayli siydik ajralishi qiyinlashganda ko‘rsatiladi.

Baxmal pareyra: siydik yo‘llari kasalliklarida, buyrak sanchig‘ida, prostata bezi kasalliklarida va qovuq katarida ko‘rsatiladi.

Mayda tishli sabal palmasi: prostata bezi kattalashganda, siyish qiyinlashganda, siydik-tanosil tizimi a’zolari ta’sirlanganda qo‘llaniladi.

Panjasimon shpornik: prostata bezi kasalliklarida, tez-tez siyishda, siyishdan keyingi og‘riq va qistashlarda ko‘rsatiladi.

G‘arbiy tuya: bo‘yin sohasidagi og‘riq va achishishda ko‘rsatiladi.

Qo‘llanilishi

Prostata bezining patologik kattalashishi va og‘riqli yallig‘lanishiga qarshi juda samarali vosita. Prostata bezining kattalashishi natijasida kelib chiqqan siydik ajratish funksiyasining buzilishini bartaraf etadi.

Qo‘llash usuli va dozalari

1 tabletkadan kuniga 3 mahal.

Suv bilan ichiladi. Simptomlar 5-7 kun ichida yengillashadi, ammo xavfsiz giperplaziya va hamroh simptomlarni to‘liq bartaraf etish uchun davolash kursini 2 oy davomida davom ettirish tavsiya etiladi.

Nojo‘ya ta’sirlari

Hozirgacha preparatning nojo‘ya ta’sirlari haqida ma’lumotlar yo‘q.

Qarshi ko‘rsatmalar

Hozirgi vaqtgacha preparatning qarshi ko‘rsatmalari haqida ma’lumotlar yo‘q.

Dorilarning o‘zaro ta’siri

Hozirgi vaqtgacha preparatning o‘zaro ta’siri haqida ma’lumotlar yo‘q.

Maxsus ko‘rsatmalar

Preparatni qabul qilishda bunday holatlar kuzatilmaydi.

Homiladorlik va laktatsiya davrida qo‘llash

Ushbu preparatning homiladorlik va laktatsiya davridagi samaradorligi va xavfsizligini tasdiqlovchi ma’lumotlar yetarli emas. Shifokor bilan maslahatlashish tavsiya etiladi.

Avtotransport va mexanizmlarni boshqarish qobiliyatiga ta’siri

Aniqlanmagan.

Preparatni bolalar qo‘li yetmaydigan joyda saqlash va qadoqda ko‘rsatilgan yaroqlilik muddati tugagandan so‘ng ishlatmaslik lozim.

Dozani oshirib yuborish

Hozirgi vaqtgacha preparatning dozasini oshirib yuborish haqida ma’lumotlar yo‘q.

Chiqarish shakli

15 ta tabletkadan 2 ta blister qo‘llanilishi bo‘yicha yo‘riqnoma bilan birga karton qadoqqa joylangan.

Saqlash shartlari

Salqin, quruq va yorug‘likdan himoyalangan joyda, 25 ̊C dan yuqori bo‘lmagan haroratda saqlang.

Yaroqlilik muddati

5 yil.

Dorixonalardan berish shartlari

Retseptsiz.

Ishlab chiqaruvchi

Bxargava Fitolab Pvt. Ltd.

E-1216, Feyz-1, Ekstenshin, Gxatal,

Bhuvadi Industrial Eria, Bhuvadi (Raj.) Hindiston

E-mail: export@ Samargavaphytolab.com

Veb-sayt: www.ghargavaphytolab.com