Rabez-D kapsulalari 20 mg + 30 mg №30 (3 blister х 10 kapsula)

Tarkib

Har bir kapsulada quyidagilar mavjud:

faol moddalar: rabeprazol - 20 mg, domperidon - 30 mg;

yordamchi moddalar: laktoza, kraxmal, asal, shakar, dikalsiy fosfat, magniy stearat, talk, senchuri-40, gidroksipropilmetil sellyuloza, metakril kislota kopolimeri, polisorbat-80, glitseril monostearat, kalsiy karbonat, mannitol, etil sellyuloza, natriy metilparaben, natriy propilparaben, "sariq shafaq" bo‘yog‘i, titan dioksidi, temir qizil oksidi.

Tavsif

Qizil/shaffof qattiq jelatinli kapsulalar, 2 o‘lchamli, tarkibida to‘q sariq, jigarrang va oq sharsimon granulalar mavjud.

Dori shakli

Kapsulalar.

Farmakoterapevtik guruh

Ovqat hazm qilish trakti va modda almashinuviga ta’sir etuvchi preparatlar. Kislotalilik buzilishi bilan bog‘liq kasalliklarni davolash uchun preparatlar. Yaraga qarshi va gastroezofageal reflyuksni davolash uchun preparatlar. Proton nasosi ingibitorlari. Rabeprazol boshqa preparatlar bilan kombinatsiyada.

Farmakologik xususiyatlari

Rabeprazol oshqozon qoplovchi hujayralarida N+K+ATF-aza faolligini tormozlash orqali oshqozonda xlorid kislota sekretsiyasini pasaytiradi, lekin bunda antixolinergik preparatlar yoki N2-gistamin retseptorlari blokatorlariga xos xususiyatlarni namoyon qilmaydi. Rabeprazol proton nasosini bloklab, faol sulfonamidga aylanish orqali oshqozonda xlorid kislota sintezining yakuniy bosqichi darajasida kislota hosil bo‘lish jarayoniga aralashadi.

Domperidon - qusishga qarshi ta’sir ko‘rsatadi, hiqichoqni tinchlantiradi va ba’zi hollarda ko‘ngil aynishini bartaraf etadi. Oshqozon-ichak traktining harakat faolligiga tartibga soluvchi va me’yorlashtiruvchi ta’sir ko‘rsatadi, bu oshqozon-ichak traktining dofamin retseptorlariga (D2) bloklovchi ta’siri bilan bog‘liq. Ta’siri jihatidan metoklopramidga yaqin. Metoklopramiddan farqli o‘laroq, u gematoensefalik to‘siqdan (qon va miya to‘qimasi o‘rtasidagi to‘siq) o‘tmaydi va ekstrapiramidal buzilishlarni (harakatlar hajmining kamayishi va titrashi bilan harakat koordinatsiyasining buzilishi) keltirib chiqarmaydi.

Farmakokinetika

Rabeprazol - 20 mg rabeprazol ichga qabul qilingandan so‘ng, qon zardobidagi maksimal konsentratsiyasi Stax 2 soatdan 5 soatgacha bo‘lgan oraliqda kuzatiladi (Tmax). Konsentratsiya va egri chiziq ostidagi maydon 10-40 mg doza oralig‘ida chiziqli bog‘liqlikka ega. Rabeprazol 10-40 mg dozada sutkasiga bir marta qabul qilinganda kumulyatsiya kuzatilmaydi, dozani bir necha qabulga bo‘lganda rabeprazol farmakokinetikasi o‘zgarmaydi. Qon plazmasida yarim parchalanish davri 1-2 soatni tashkil etadi. Rabeprazol 20 mg uchun mutlaq bioekvivalentlik 52% ni tashkil etadi. Rabeprazolning so‘rilishiga ovqat ta’sir qilmaydi. Qon plazmasi oqsillari bilan bog‘lanishi 96,3%. Rabeprazol jigarda ekstensiv metabolizmga uchraydi Qon plazmasida rabeprazolning tioefir va sulfon shaklidagi birlamchi metabolitlari topiladi. Nishonlangan 14S-rabeprazolning 20 mg bir martalik dozasi ichga qabul qilingandan so‘ng, birikmaning taxminan 90% siydikda, asosan, karboksil kislotasining tioefiri, glyukuronid va merkaptur kislotasi metabolitlari shaklida aniqlanadi. Yuborilgan dozaning qolgan qismi axlatda topiladi. Aniqlangan radioaktiv moddaning umumiy miqdori 99,85%. Rabeprazol o‘zgarmagan holda siydikda ham, najasda ham topilmaydi. Domperidon - og‘iz orqali qabul qilingandan so‘ng so‘rilishi, och qoringa - tez (ovqatdan keyin qabul qilish, oshqozon shirasining kislotaliligi pasayishi so‘rilishni sekinlashtiradi va kamaytiradi). Maksimal konsentratsiyaga erishish vaqti (MSmax) - 1 soat. Biologik o‘zlashtirilishi - 15% (jigar orqali "birinchi o‘tish" ta’siri). Plazma oqsillari bilan bog‘lanishi - 90%. Turli to‘qimalarga kiradi, gematoensefalik to‘siqdan yomon o‘tadi. Jigar va ichak devorida (gidroksillanish va IM-dezalkillanish orqali) metabolizmga uchraydi. Ichak (66%) va buyraklar (33%) orqali chiqariladi, shu jumladan o‘zgarmagan holda - mos ravishda 10 va 1%. Yarim chiqarilish davri (T1/2) - 7-9 soat, yaqqol surunkali buyrak yetishmovchiligida uzayadi.

Qo‘llanilishi

gastroezofageal reflyuks kasalligi 2-4 bosqich;

me’da va 12 barmoqli ichak yara kasalligi qo‘zish bosqichida;

surunkali yuza gastrit;

oshqozonning eroziv-yarali shikastlanishlari;

oshqozon bo‘shashining sekinlashishi, oshqozon-qizilo‘ngach reflyuksi, ezofagit bilan bog‘liq dispeptik alomatlar (epigastral sohada to‘lish hissi, qorin dam bo‘lishi hissi, qorinning yuqori qismida og‘riq, meteorizm, ko‘ngil aynishi, qusish, jig‘ildon qaynashi, kekirish).

Qo‘llash usuli va dozalari

Preparat ovqatdan qat’i nazar, kuniga bir kapsuladan qabul qilinadi. Davolash davomiyligini davolovchi shifokor belgilaydi.

Nojo‘ya ta’sirlari

Rabeprazol bilan bog‘liq:

diareya, qabziyat, qorin og‘rig‘i, meteorizm, og‘iz qurishi;

bosh og‘rig‘i, bosh aylanishi, asteniya;

jigar fermentlari darajasining oshishi, gepatit, sariqlik, jigar ensefalopatiyasi;

podagra, mialgiya, artralgiyaning kuchayishi;

interstitsial nefrit;

periferik shishlar;

ginekomastiya;

kamdan kam hollarda - trombotsitopeniya, neytropeniya, leykopeniya;

allergik reaksiyalar: teri toshmasi; kamdan-kam hollarda - eritema, eshakem toshmalari, ko‘p shaklli eritema, toksik epidermal nekroliz, Stivens-Jonson sindromi, bullyoz toshmalar.

Domperidon bilan bog‘liq:

Og‘iz qurishi, bosh og‘rig‘i, ich ketishi (diareya), allergik reaksiyalar (teri toshmasi, qichishish), oshqozon silliq mushaklarining spazmi kuzatilishi mumkin.

Qarshi ko‘rsatmalar

babeprazol va domperidonga yuqori sezuvchanlik;

ketokonazol, eritromitsin yoki CYP3A4 izofermentining boshqa kuchli ingibitorlarini (flukonazol, itrakonazol, vorikonazol, klaritromitsin va teligromitsin) bir vaqtning o‘zida og‘iz orqali qabul qilish;

uzoq vaqt davomida qabul qilish;

giperprolaktinemiya;

gipofizning prolaktin ishlab chiqaruvchi o‘smasi (prolaktinoma);

oshqozon-ichakdan qon ketishi, mexanik obstruksiya; oshqozon-ichak trakti, oshqozon va ichak devorlarining teshilishi;

oshqozon-ichak yo‘lining xavfli kasalliklari;

18 yoshgacha bo‘lgan bolalar va o‘smirlar;

homiladorlik va laktatsiya davri.

Dozani oshirib yuborish

Belgilari: uyquchanlik, mo‘ljalni yo‘qotish va ekstrapiramidal reaksiyalar.

Davolash: Faollashtirilgan ko‘mir qo‘llash va sinchiklab kuzatish. Antixolinergik vositalar, parkinsonizmni davolash uchun qo‘llaniladigan dorilar yoki antigistamin preparatlar ekstrapiramidal reaksiyalar paydo bo‘lganda samarali bo‘lishi mumkin.

Maxsus ko‘rsatmalar

Rabeprazol va domperidon kombinatsiyasi preparatini oshqozon yarasi bo‘lgan bemorlarga buyurishdan oldin saratonni istisno qilish kerak, chunki xavfli jarayon yara niqobi ostida yashiringan bo‘lishi mumkin. Rabeprazol va domperidon kombinatsiyasini aritmiya xavfi bo‘lgan bemorlarda va ayniqsa yurak aritmiyalari yoki gipokaliyemiya rivojlanishiga moyil bo‘lgan bemorlarda ehtiyotkorlik bilan qo‘llash lozim. Rabeprazolni birinchi marta buyurishda jigar funksiyasining jiddiy buzilishlari bo‘lgan bemorlarni diqqat bilan kuzatish lozim. Buyrak yetishmovchiligi bo‘lgan bemorlarda preparatning bir martalik dozasini tuzatish talab etilmaydi. Ammo preparatni qayta buyurish zarur bo‘lganda, buyrak yetishmovchiligining og‘irligiga qarab doza kamaytirilishi va uni qo‘llash soni qayta ko‘rib chiqilishi kerak.

Yaroqlilik muddati o‘tgandan keyin qo‘llanilmaydi. Bolalar qo‘li yetmaydigan joyda saqlang.

Dorilarning o‘zaro ta’siri

Preparat birgalikda qo‘llanganda qon plazmasidagi ketokonazol konsentratsiyasini 30% ga va digoksinni - 29% ga kamaytiradi, shuning uchun ushbu preparatlarning dozasini Rabez-D bilan bir vaqtda tayinlashda tuzatish tavsiya etiladi.

Rabeprazol va faol metabolit klaritromitsinning plazmadagi konsentratsiyasi bir vaqtning o‘zida qabul qilinganda mos ravishda 24% va 50% ga oshadi.

Rabez-D qondagi atazanavir konsentratsiyasini kamaytiradi, bu esa preparatning terapevtik faolligi pasayishiga yoki rezistentlik rivojlanishiga olib kelishi mumkin.

Antatsid dorilar bilan o‘zaro ta’sirlashishi mumkinligi sababli, Rabez-D ni antatsid dorilarni qabul qilishdan bir soat oldin yoki ikki soat o‘tgach qabul qilish kerak.

Chiqarish shakli va qadoqlash

10 ta kapsula blisterda; Tibbiy qo‘llash bo‘yicha yo‘riqnomaga ega karton qutida 3 ta blister.

Saqlash shartlari

25 °C dan yuqori bo‘lmagan haroratda, yorug‘lik va namlikdan himoyalangan joyda saqlang. Bolalardan asrang.

Yaroqlilik muddati

2 yil.

Dorixonalardan berish shartlari

Shifokor retsepti bo‘yicha.

Ishlab chiqaruvchi

Corona Remedies Pvt. Ltd.

Jatoli qishlog‘i, Pochta bo‘limi - Oachghat, Tehsil va Solan tumani,

Himachal Pradesh - 173 223, Hindiston.