Rotavit Kalsiyum Forte og'iz orqali yuborish uchun eritma uchun granulalar, 3,6 g № 30 (paketlar)

Tarkib

1 ta paketda quyidagilar mavjud:

Faol moddalar: kalsiy (kalsiy karbonat DC 90 shaklida) - 1000 mg; vitamin D3 (xolekalsiferol) - 880 XB.

Yordamchi moddalar: alfa-tokoferol, modifikatsiyalangan oziq-ovqat kraxmali, makkajo‘xori kraxmali, o‘rta zanjirli triglitseridlar, kristall natriy askorbat, saxaroza, kremniy dioksidi, suvsiz limon kislotasi, limon aromatizatori, kaliy atselsulfam, aspartam.

Tavsif

Granulalari deyarli oqdan sarg‘ish ranggacha bo‘lib, limon hidiga ega.

Dori shakli

Ichish uchun eritma tayyorlash uchun granulalar.

Farmakoterapevtik guruh

Kalsiy boshqa preparatlar bilan kombinatsiyada. ATX kodi: A12AX.

Farmakologik xususiyatlari

Kalsiy va fosfor almashinuvini, ayniqsa suyak to‘qimasida boshqaradigan kombinatsiyalangan preparat. Organizmda kalsiy va D3 vitamini tanqisligini tiklab, rezorbsiyani (suyaklardan kalsiyning yuvilishini) kamaytiradi va organizmda suyak to‘qimasining zichligini oshiradi.

Preparatning ta’siri tarkibiga kiruvchi komponentlarning ta’siri bilan belgilanadi.

Kalsiy suyak to‘qimasining shakllanishida, tishlarning minerallashuvida, nerv o‘tkazuvchanligi va mushak qisqarishlarini boshqarishda, yurak faoliyatini barqaror saqlashda ishtirok etadi, qon ivish tizimining tarkibiy qismi hisoblanadi.

D3 vitamini kalsiyning ichakda so‘rilishini va suyak to‘qimasida birikishini kuchaytiradi, organizmda kalsiy va fosfor almashinuvini boshqaradi.

Kalsiy va D3 vitaminini qo‘llash suyak rezorbsiyasining kuchayishi (suyaklardan kalsiyning yuvilishi) stimulyatori bo‘lgan paratireoid gormon (PTG) ishlab chiqarilishining ko‘payishiga to‘sqinlik qiladi.

Farmakokinetika

D3 vitamini ingichka ichakda so‘riladi. Kalsiy ingichka ichakning proksimal qismida faol, D vitaminiga bog‘liq transport mexanizmi hisobiga ionlashgan shaklda so‘riladi.

Qabul qilingan kalsiy miqdorining taxminan 30% qismi oshqozon-ichak trakti orqali so‘riladi. Kalsiyning 99 foizi organizmning qattiq tuzilmalarida (suyaklar, tishlar) to‘planadi, 1 foizi ichki va tashqi muhitda qoladi. Qondagi kalsiyning taxminan 50% i fiziologik faol ionlashgan shaklda bo‘ladi. Deyarli 10% sitratlar, fosfatlar va boshqa anionlar bilan kompleksda, qolgan 40% oqsillar, asosan, albuminlar tarkibiga kiradi. Kalsiy najas, siydik va ter bilan chiqariladi.

D3 vitamini ingichka ichakda oson so‘riladi. Xolekalsiferol va uning metabolitlari qonda o‘ziga xos globulinlar ko‘rinishida aylanib yuradi. Xolekalsiferol jigarda 25-gidroksixolekalsiferolning gidroksil faol shakliga aylanadi, keyin buyraklarda 1,25-gidroksixolekalsiferolga aylanadi, u kalsiyning kuchli so‘rilishi uchun javobgardir. Metabolizmga uchramagan D3 vitamini mushak va yog‘ to‘qimalarida saqlanadi. D3 vitamini najas va siydik bilan chiqariladi.

Qo‘llanilishi

12 yoshdan oshgan bolalar va o‘smirlarda D3 vitamini va kalsiy tanqisligi yetishmasligi yoki rivojlanish xavfi yuqoriligi;

D3 vitamini va kalsiy tanqisligi bo‘lgan bemorlarda osteoporozning (menopauzal, senil, steroid) oldini olish va kompleks davolash;

suyak sinishlari, suyak to‘qimasining jarohatdan keyingi tiklanish jarayonlarining sekinlashishi;

kalsiy va D3 vitamini yetishmovchiligi rivojlanish xavfi yuqori.

Qo‘llash usuli va dozalari

Paketchadagi masalliqni bir stakan suvda eritib, aralashtirib, tayyor bo‘lgach darhol ichiladi.

Profilaktik vosita sifatida: kuniga 1 paketchadan, asosan ovqatlanish vaqtida.

Osteoporozni kompleks davolashda hamda keksa yoshdagilarda kalsiy va D3 vitamini yetishmovchiligini to‘ldirish uchun: kurs davomiyligi va dozasini shifokor individual belgilaydi.

Nojo‘ya ta’sirlari

Ovqat hazm qilish tizimi tomonidan: qabziyat, meteorizm, ko‘ngil aynishi, gastralgiya, ich ketishi.

Moddalar almashinuvi tomonidan: giperkalsiuriya va yuqori dozalar bilan uzoq vaqt davolangandagi giperkalsiyemiya.

Qarshi ko‘rsatmalar

preparat tarkibiy qismlaridan biriga yuqori sezuvchanlik;

giperkalsiyemiya, giperkalsiuriya;

siydik-tosh kasalligi (nefrolitiaz);

gipervitaminoz D3.

Dorilarning o‘zaro ta’siri

Fenitoin yoki barbituratlarni birga qo‘llash metabolik inaktivatsiya orqali D3 vitaminining ta’sirini pasaytirishi mumkin.

Yurak glikozidlari bilan bir vaqtda davolanganda EKG va klinik holatni nazorat qilish zarur, chunki kalsiy preparatlari yurak glikozidlarining terapevtik va toksik ta’sirini kuchaytirishi mumkin.

Bisfosfonatlar, natriy ftorid yoki tetratsiklinlar og‘iz orqali birga qo‘llangan taqdirda, preparatni faqat 3 soatdan keyin qo‘llash tavsiya etiladi (bisfosfonatlar, natriy ftorid yoki tetratsiklinlarning oshqozon-ichak trakti orqali so‘rilishi pasayishi xavfi mavjud).

Tiazidli diuretiklar qo‘llanilgan taqdirda giperkalsiyemiya xavfi ortadi, chunki ular kalsiyning kanalchalar orqali reabsorbsiyasini oshiradi. Furosemid va boshqa qovuzloqli diuretiklar, aksincha, buyraklar tomonidan kalsiy chiqarilishini oshiradi.

Preparatni glyukokortikosteroidlar bilan qo‘llash kalsiy absorbsiyasining pasayishiga olib kelishi mumkin.

Tarkibida oksalatlar (shovul, ismaloq) va fitin (yorma) bo‘lgan oziq-ovqat mahsulotlarini iste’mol qilish kalsiyning so‘rilishini pasaytiradi, shuning uchun shovul, ismaloq, yorma qabul qilingandan keyin ikki soat ichida Rotavit Kalsiyum Forteni qabul qilmaslik kerak.

Maxsus ko‘rsatmalar

Preparat uzoq vaqt qo‘llanganda, kalsiy miqdorini aniqlash uchun qon zardobi va siydik monitoringi, shuningdek, kreatinin klirensini aniqlash orqali buyrak faoliyatini nazorat qilish tavsiya etiladi. Monitoring, ayniqsa, allaqachon yurak glikozidlari yoki siydik haydovchi vositalarni qo‘llayotgan keksa bemorlar uchun juda muhimdir. Giperkalsiyemiya yoki buyrak yetishmovchiligi holatida preparat dozasini kamaytirish yoki uni qabul qilishni to‘xtatish lozim. Siydikdagi kalsiy miqdori 24 soat davomida 7,5 mmoldan oshganda (24 soat davomida 300 mg) davolashni qisqartirish yoki vaqtincha to‘xtatish tavsiya etiladi.

Preparatni tarkibida kalsiy va D3 vitamini bo‘lgan vitamin-mineral komplekslari bilan bir vaqtda qo‘llash tavsiya etilmaydi. D3 vitaminining boshqa manbalardan qo‘shimcha kelib tushishi mumkinligini hisobga olish zarur.

Buyrak yetishmovchiligi bo‘lgan bemorlarda vitamin D3 metabolizmining buzilishi kuzatiladi. Agar bunday bemorlar xolekalsiferol qabul qilsalar, uning kalsiy va fosfatlar gomeostaziga ta’sirini tekshirish kerak.

Homiladorlik va laktatsiyada qo‘llash

Homiladorlikda sutkalik doza 1500 mg kalsiy va 600 ME D3 vitaminidan oshmasligi kerak. Rotavit Kalsiy Forte preparatining to‘liq bo‘lmagan dozasini (tayyorlangan eritmaning yarmi) qabul qilish mumkin.

D3 vitamini va uning parchalanish mahsulotlari ona sutiga o‘tadi. Tarkibida D3 vitamini ko‘p bo‘lganligi sababli, Rotavit Kalsiy Forteni laktatsiya davrida qo‘llash tavsiya etilmaydi.

Pediatriyada qo‘llanishi

12 yoshdan oshgan o‘smirlarda Rotavit Kalsiy Forte kuniga 1 paketchadan qabul qilish tavsiya etiladi. Kichik yoshdagi bolalarda preparatni tavsiya etilgan kunlik dozalarga muvofiq, tayyorlangan eritmaning proporsiyasi shaklida qabul qilish mumkin.

Preparatni bolalar qo‘li yetmaydigan joyda saqlash va yaroqlilik muddati tugaganidan keyin ishlatmaslik kerak.

Avtotransport va mexanizmlarni boshqarish qobiliyatiga ta’siri

Avtotransportni boshqarish va mexanizmlarni boshqarish qobiliyatiga ta’siri ehtimoli kam.

Dozani oshirib yuborish

Doza oshirib yuborilganda giperkalsiuriya va giperkalsiyemiya kuzatiladi, ularning belgilari quyidagilar: ko‘ngil aynishi, qusish, chanqash, kuchli chanqash, poliuriya, qabziyat, suvsizlanish.

Dozaning surunkali oshirib yuborilishi giperkalsiyemiya natijasida tomirlar va boshqa a’zolarning kalsinoziga olib kelishi mumkin.

Davolash: kalsiy va vitamin D3 qabul qilishni to‘xtatish, organizmga ko‘p miqdorda suyuqlik yuborish.

Chiqarish shakli

Ichish uchun eritma tayyorlash uchun granulalar 3,6 g dan paketchalarda. 30 ta paketcha qo‘llash bo‘yicha yo‘riqnoma bilan birga karton qutida.

Saqlash shartlari

Harorati 25 °C dan yuqori bo‘lmagan quruq joyda saqlanadi.

Yaroqlilik muddati

3 yil.

Dorixonalardan berish shartlari

Retseptsiz.

Ishlab chiqaruvchi

Savdo belgisi va ro‘yxatdan o‘tkazish guvohnomasining egasi kompaniya hisoblanadi

"Rotafarm," Buyuk Britaniya

("Rotapharm," Buyuk Britaniya).

Ishlab chiqarilgan

K.O. "Slaviya Farm S.R.L.," Teodor Palladi bulvari

No 44S, 3-sektor, Buxarest, Ruminiya

(S.C. "Slavia Pharm S.R.L.," Bd.

no 44C, 3-tuman, Buxarest, Ruminiya).