Sedavit og'iz eritmasi 100 ml (flakon)

Tarkib

100 ml preparat tarkibida quyidagilar mavjud:

Faol moddalar: LRS: valeriana ildizi bilan ildizpoyasi, do‘lana mevasi, dalachoy o‘ti, qalampir yalpiz barglari, qulmoq qubbalari aralashmasidan sedovit, suyuq ekstrakt (1:4,5) - 94 ml, piridoksin gidroxlorid (vitamin B6) - 0,06 g; nikotinamid (vitamin PP) - 0,3 g.

Yordamchi moddalar: sorbit (E 420), etanol 35%.

Dori shakli

Oral eritma.

Tavsif

Ochiq jigarrangdan jigarranggacha bo‘lgan suyuqlik. Saqlashda biroz cho‘kma hosil bo‘lishiga yo‘l qo‘yiladi.

Farmakoterapevtik guruh

Uyqu va sedativ vositalar kombinatsiyasi. ATX kodi: N05CX10.

Farmakologik xususiyatlari

Preparatning ta’siri uning tarkibiga kiruvchi komponentlarning xususiyatlariga bog‘liq. Dorivor o‘simliklar ekstraktlarining biologik faol moddalari asab tizimi faoliyatiga ijobiy ta’sir ko‘rsatadi va asosan tinchlantiruvchi, anksiolitik ta’sirga ega bo‘lib, qo‘rquv va zo‘riqish hissini yo‘qotadi.

Farmakokinetika

Preparatning farmakologik samaradorligi uning tarkibiy qismlarining birgalikdagi ta’siriga bog‘liq, shuning uchun kinetik tadqiqotlar o‘tkazish imkonsiz, chunki barcha tarkibiy qismlarni markerlar yoki biologik tadqiqotlar yordamida kuzatib bo‘lmaydi.

Qo‘llanilishi

Asabiylashish, xavotirlanish, qo‘rquv, charchoq, parishonxotirlik, xotiraning buzilishi, ruhiy toliqish bilan kechadigan nevrasteniya va nevrasteniya reaksiyalari; migren; qichishadigan dermatozlar (ekzema, eshakemi); uyqusizlik (yengil shakllari); "menejer" sindromi (doimiy ruhiy zo‘riqish holati); asabiy zo‘riqish tufayli bosh og‘rig‘i; klimakterik sindromda simptomatik vosita sifatida.

Qo‘llash usuli va dozalari

Kattalar va 12 yoshdan oshgan bolalarga kuniga 3 mahal 5 ml dan ichishga buyuriladi. Zarurat tug‘ilganda bir martalik doza 10 ml gacha oshiriladi. Istalmagan tormozlanish paydo bo‘lgan taqdirda ertalab va kunduzi 2,5 ml dan, kechasi esa 5 ml dan buyuriladi. Qabullar orasidagi interval - 8 soat. Preparatni mo‘ljallangan hissiy yuklamadan 20-30 daqiqa oldin 5-10 ml dan bir marta qo‘llash mumkin. Preparat suyultirilmagan holda yoki ichimliklar (choy, sharbat) bilan birga qabul qilinadi. Ko‘ngil aynishi paydo bo‘lgan taqdirda, preparatni ovqatlanish vaqtida qabul qilish lozim.

Nojo‘ya ta’sirlari

Allergik reaksiyalar - giperemiya, terida toshmalar, shishlar, eshakemi, og‘ir holatlarda - anafilaktik reaksiyalar; markaziy asab tizimi tomonidan - uyquchanlik, charchoq, bosh aylanishi, hissiy holatning pasayishi; oshqozon-ichak tizimi tomonidan - ko‘ngil aynishi, qusish, jig‘ildon qaynashi, qabziyat; yurak-qon tomir tizimi tomonidan - bradikardiya, qon bosimining pasayishi; tayanch-harakat tizimi tomonidan - oyoq-qo‘llarda uvishish, mushaklar kuchsizligi.

Qarshi ko‘rsatmalar

Depressiya va MAT susayishi bilan kechadigan holatlar, oshqozon va 12 barmoqli ichak yara kasalligi, jigar kasalliklari, yurak ishemik kasalligi, spazmofiliya, miasteniya, preparat komponentlariga yuqori sezuvchanlik bilan og‘rigan bemorlar, 12 yoshgacha bo‘lgan bolalar.

Dorilarning o‘zaro ta’siri

Preparat markaziy asab tizimiga susaytiruvchi ta’sir ko‘rsatuvchi moddalar hamda alkogol ta’sirini kuchaytiradi. Levodopa va piridoksin gidroxlorid bir-birini susaytirishi mumkin.

Maxsus ko‘rsatmalar

Ovqat hazm qilish traktining og‘ir organik kasalliklari bo‘lgan bemorlarga preparatni buyurishda ehtiyot bo‘lish lozim.

Homiladorlik va laktatsiya davrida qo‘llash

1-trimestr davomida va emizish davrida ehtiyot bo‘lish kerak.

Bolalar

Preparatni 12 yoshli bolalarda qo‘llash haqida ma’lumot yo‘q.

Avtomobil va murakkab mexanizmlarni boshqarish qobiliyatiga ta’siri

Sadavitni qo‘llovchi bemorlar yuqori diqqat va tez harakat hamda ruhiy reaksiyani talab qiladigan potensial xavfli faoliyat turlaridan (transport vositalarini boshqarish, murakkab mexanizmlar bilan ishlash) o‘zlarini tiyishlari zarur.

Preparat yaroqlilik muddati tugaganidan keyin qo‘llanilmasligi va bolalar qo‘li yetmaydigan joyda saqlanishi lozim.

Dozani oshirib yuborish

Belgilari: Tushkunlik va uyquchanlik hissi. Keyinchalik bu belgilar ko‘ngil aynishi, mushaklar kuchsizligi, bo‘g‘imlarda og‘riq va oshqozonda og‘irlik hissi bilan kechishi mumkin. Shuningdek, nikotinamid dozasini oshirib yuborish belgilari (taxikardiya, tremor, ko‘ngil aynishi, qusish, terlash, yo‘tal, teri toshmasi, arterial gipotenziya) namoyon bo‘lishi mumkin.

Davolash: Shifokor tomonidan tayinlanadigan simptomatik terapiya.

Chiqarish shakli

Shisha flakonlar yoki bankalarda yoki polimer flakonlarda 100 ml dan, yoki dozatorli qutiga solingan shisha flakonlarda 200 ml dan.

Saqlash shartlari

Asl qadoqda 25 °C dan yuqori bo‘lmagan haroratda saqlansin.

Yaroqlilik muddati

2 yil.

Dorixonalardan berish shartlari

Retseptsiz.

Ishlab chiqaruvchi

"Galichfarm" AJ.

Ukraina, 79024, Lvov shahri, Oprishkovskaya ko‘chasi, 6/8.