Sef-Fod Ji kapsulalari 400 mg №10 (1 blister)

Tarkib

Ta’sir etuvchi moddasi: sefiksim.

Tavsif

Sef-Fod GI kapsulalari 400 mg.

Dori shakli

Kapsulalar.

Farmakoterapevtik guruh

Beta-laktamli boshqa antibakterial preparatlar. Uchinchi avlod sefalosporinlari. Sefiksim. ATX kodi: J01DD08.

Farmakologik xususiyatlari

Farmakokinetika

Ichga qabul qilinganda sefiksimning biosinguvchanligi ovqat qabul qilishdan qat’i nazar 40 dan 50% gacha bo‘ladi, biroq sefiksimning qon zardobidagi maksimal konsentratsiyasi preparat ovqat bilan qabul qilinganda 0,8 soatga tezroq erishiladi. 200 mg preparat qabul qilinganda qon zardobidagi maksimal konsentratsiyasiga 4 soatdan keyin erishiladi va 3,5 mkg/ml ni tashkil etadi.

Plazma oqsillari, asosan albuminlar bilan bog‘lanishi 65% ni tashkil etadi. Sefiksimning yarim chiqarilish davri o‘rtacha 3-4 soatni tashkil etadi, ammo 9 soatgacha yetishi mumkin. O‘rtacha buyrak yetishmovchiligi (kreatinin klirensi 20 dan 40 ml/min gacha) bo‘lgan bemorlarda preparatning yarim chiqarilish davri 6,4 soatgacha, og‘ir buyrak yetishmovchiligi (kreatinin klirensi 5 dan 20 ml/min gacha) bo‘lgan bemorlarda esa 11,5 soatgacha uzayadi.

Ko‘rsatmalar

faringit, tonzillit va sinusit;

o‘tkir bronxit va surunkali bronxitning kuchayishi;

o‘rta otit;

siydik yo‘llarining asoratlanmagan infeksiyasi;

asoratlanmagan uretral va servikal so‘zak;

bakterial gastroenterit

Qo‘llash usuli va dozalari

Sef-Fod JI ning tavsiya etilgan dozasi kuniga 400 mg (bitta kapsula) ni tashkil etadi. Asoratlanmagan uretral yoki servikal gonokokk infeksiyasini davolash uchun Sef-Fod JI 400 mg dozada bir marta ichishga tavsiya etiladi.

Chiqarish shakli

Kapsulalar.

Ishlab chiqaruvchi

JAYXUN INVEST.