Sefazolin (Cefazolinum) vena ichiga va mushak ichiga yuborish uchun eritma uchun biosintez kukuni, 1 g (flakon)

Tarkib

Sefazolin natriy sefazolinga hisoblaganda 1,0 g.

Dori shakli

Eritma tayyorlash uchun kukun.

Farmakologik ta’siri

Farmakoterapevtik guruhi: Sefalosporinlar guruhiga mansub antibiotik. ATX kodi: J01DA04.

Farmakologik xususiyatlari

Farmakodinamika

Parenteral qo‘llash uchun I avlod sefalosporinli yarim sintetik antibiotik. Penitsillin bog‘lovchi oqsillarni (masalan, transpeptidazalarni) bloklab, bakteritsid ta’sir ko‘rsatadi, mikroorganizmlar hujayra devorining sintezini buzadi. Ta’sir doirasi keng. Orttirilgan rezistentlikning tarqalishi geografik farqlarga ega bo‘lishi, shuningdek, vaqt o‘tishi bilan o‘zgarishi mumkin, ayniqsa og‘ir infeksiyalarni davolashda mahalliy ma’lumotlarni hisobga olish zarur.

Sefazolinga sezgir mikroorganizmlar

Gram-musbat aeroblar: Staphylococcus aureus (metitsillinga sezgir), Staphylococcus saprophyticus, Streptococcus pneumoniae, Streptococcus agalactiae, Streptococcus pyogenes, Corynebacterium diphtheria, Bacillus anthracis.

Grammanfiy mikroorganizmlar: Neisseria meningitidis, Neisseria gonorrhoeae, Shigella spp., Salmonella spp., Treponema spp., Leptospira spp.

Sefazolinga o‘rtacha sezgir mikroorganizmlar

Gram-musbat aeroblar: Staphylococcus aureus, Staphylococcus epidermidis*, Staphylococcus haemolyticus*, Staphylococcus hominis*, Steptococcus pneumoniae* (penitsillinlarga o‘rtacha sezgir);

Grammanfiy aeroblar: Escherichia coli, Haemophilus influenzae**, Klebsiella oxytoca***, Klebsiella pneumoniae, Proteus mirabilis.

Sefazolinga tabiiy chidamlilikka ega bo‘lgan mikroorganizmlar

Gram-musbat aeroblar: Enterococcus spp., Staphylococcus aureus (metitsillinga chidamli), Staphylococcus pneumoniae (penitsillinga chidamli).

Gram-manfiy aeroblar: Acinetobacter baumanii, Citrobacter freundii, Enterobacter spp.; Morganella morganii, Moraxella catarrhalis, Proteus vulgaris, Pseudomonas aeruginosa, Serratia marcescens, Stenotrophomonas maltophilia.

Anaeroblar: Bacteroides fragilis.

Boshqa mikroorganizmlar: Chlamydia spp., Chlamydophila spp., Legionella spp., Mycoplasma spp.

Penitsillinga chidamli Streptococcus pneumoniae, sefalosporinlarga o‘zaro chidamlilik mavjudligi sababli, sefalosporinlarga, shu jumladan sefazolinga sezgir emas.

* ba’zi hududlarda mikroorganizmlarning chidamlilik darajasi 50% dan oshishi mumkin;

** chidamlilikning tarqalishi bo‘yicha dolzarb ma’lumotlar mavjud emas, tadqiqotlarda (5 yildan ortiq) mikroorganizmlar chidamliligi chastotasi 50% dan yuqori ekanligi ma’lum qilingan.

Farmakokinetika

So‘rish

Sefazolin ichilganda so‘rilmaydi, shuning uchun u faqat parenteral yo‘l bilan qo‘llaniladi. Sefazolin mushak orasiga (m/i) yuborilgandan keyin inyeksiya joyidan tez so‘riladi. Boshqa ko‘pchilik sefalosporinlarga nisbatan sefazolinning qon plazmasidagi konsentratsiyasi yuqori va uzoqroq saqlanadi.

Taqsimlash

Sefazolinning qon plazmasi oqsillari bilan bog‘lanishi 70-90% ni tashkil etadi. Sefazolin turli a’zo va to‘qimalarga, jumladan, o‘pka, jigar, teri va yumshoq to‘qimalarga, bo‘g‘imlarga, yurakka, qorin pardasiga, o‘rta quloqqa, bodomcha bezlariga, o‘t pufagi devoriga, appendiksga hamda organizmning fiziologik suyuqliklariga yaxshi o‘tadi. Preparatning juda yuqori konsentratsiyasi 1 g sefazolin yuborilgandan so‘ng buyraklarda hosil bo‘ladi, uning siydikdagi konsentratsiyasi 4000 mkg/ml ga yetadi.

O‘t yo‘llari obstruksiyasi bo‘lmaganda, preparat yuborilgandan keyin 90-120 daqiqa o‘tgach, sefazolin o‘tda qon plazmasiga qaraganda ko‘proq konsentratsiyada aniqlanadi. Shuni hisobga olish kerakki, o‘t yo‘llari o‘tkazuvchanligi buzilgan bemorlarda preparatning o‘tdagi konsentratsiyasi plazma konsentratsiyasidan ancha past bo‘lishi mumkin.

Preparat yo‘ldosh to‘sig‘i orqali o‘tadi, ko‘krak sutida aniqlanadi. Orqa miya suyuqligiga (OMS) kam miqdorda o‘tadi, yumshoq miya pardasining yallig‘lanishi fonida preparatning OMSdagi konsentratsiyasi 00,4 mkg/ml ni tashkil etadi.

Sefazolin suyaklardagi kapillyar membranalar orqali o‘tib, sog‘lom suyaklarda ham, osteomiyelit bilan kasallangan suyaklarda ham bakteritsid konsentratsiyaga erishadi. Sefazolinning bo‘g‘im suyuqligidagi konsentratsiyasi qon plazmasidagi konsentratsiyaga yaqin. Terapevtik konsentratsiyalarda assit va plevra suyuqliklarida, yallig‘lanish ekssudatida topiladi.

Metabolizm

Sefazolin inson organizmida metabolizmga uchramaydi.

Chiqarish

Yuborilgan sefazolinning katta qismi buyraklar orqali koptokchalar filtratsiyasi va kanalchalar sekretsiyasi hisobiga mikrobiologik faol shaklda chiqariladi. Sefazolin yuborilgan vaqtdan boshlab dastlabki 6 soat ichida buyraklar orqali 60-90% sefazolin chiqariladi, kun davomida esa yuborilgan dozaning 70-95% chiqariladi. Sefazolinning ozgina qismi organizmdan o‘t bilan chiqib ketadi.

Buyrak faoliyati buzilgan bemorlarda yarim chiqarilish davri 20-40 soatgacha uzayishi mumkin.

Ko‘rsatmalar

Sefazolinga sezgir mikroorganizmlar keltirib chiqaradigan bakterial infeksiyalar:

Sefazolinga sezgir mikroorganizmlar keltirib chiqaradigan bakterial infeksiyalar:

nafas yo‘llari infeksiyalari;

siydik va jinsiy yo‘llarning infeksiyalari;

o‘t yo‘llari infeksiyalari;

teri, yumshoq to‘qimalar, suyaklar va bo‘g‘imlar infeksiyalari,

bakterial endokardit, sepsis;

operatsiya vaqtida infeksiyalar rivojlanishining oldini olish (sefazolinni profilaktik qo‘llash operatsiyadan keyingi davrda infeksiya rivojlanish ehtimolini kamaytirishi mumkin).

Antibiotiklarning in vitro sezuvchanligi geografik hududga qarab va vaqt o‘tishi bilan o‘zgarib turadi, shuning uchun antibakterial terapiyani tanlashda chidamlilik haqidagi mahalliy ma’lumotlarni hisobga olish zarur. Imkoniyat bo‘lsa, qo‘zg‘atuvchining antibakterial preparatlarga sezuvchanligini aniqlash lozim. Terapiya empirik tarzda, antibiotiklarga sezuvchanlik testi natijalari olingunga qadar boshlanishi mumkin.

Qo‘llash usuli va dozalari

Sefazolin faqat parenteral yuborish uchun mo‘ljallangan preparat vena ichiga (oqimli yoki tomchili) yoki chuqur vena ichiga yuborilishi kerak. Preparatning dozalari va davolash kursining davomiyligi infeksiyaning kechishi va lokalizatsiyasining og‘irligi, shuningdek, qo‘zg‘atuvchining potensial sezuvchanligini hisobga olgan holda individual ravishda belgilanadi.

Kattalar uchun o‘rtacha sutkalik doza 14 g; yuborish soni sutkada 3-4 marta. Maksimal sutkalik doza 6 g. Davolashning o‘rtacha davomiyligi 710 kunni tashkil etadi.

Antibakterial terapiya tamoyillariga muvofiq, davolash kursini isitma bartaraf etilgandan so‘ng yoki qo‘zg‘atuvchining eradikatsiyasi tasdiqlangunga qadar kamida 2-3 kun davomida davom ettirish lozim.

Intraoperatsion infeksiyalarning oldini olish

Operatsiyadan 30 min 1 soat oldin v/i yoki m/o sefazolinning boshlang‘ich dozasi 1 g yuborilishi kerak. Uzoq davom etadigan operatsiyalarda (2 soat va undan ortiq) bevosita operatsiya paytida qo‘shimcha ravishda 0,5 g 1 g preparat yuboriladi. Dozalar va yuborish vaqti operatsiyaning turi va davomiyligiga bog‘liq. Operatsiyadan keyin 24 soat davomida 0,5 g1 g preparat vena ichiga yoki m/o ga 68 soatlik interval bilan yuboriladi.

Agar infeksiyaning rivojlanish ehtimoli bemor uchun katta xavf tug‘dirsa (masalan, yurak operatsiyasi yoki bo‘g‘imni to‘liq almashtirish kabi jiddiy ortopedik operatsiyadan so‘ng), preparatni yuborishni 3-5 kun davomida davom ettirish tavsiya etiladi. Jarrohlik kesmasini bajarish vaqtida qon zardobi va to‘qimalarda antibiotikning yetarli konsentratsiyasi mavjud bo‘lishi uchun yuqorida ko‘rsatilgan muddatlarga rioya qilish muhimdir. Anaerob infeksiya rivojlanish xavfi yuqori bo‘lgan hollarda (masalan, yo‘g‘on ichakda o‘tkazilgan jarrohlik amaliyotidan so‘ng) anaeroblarga nisbatan faol bo‘lgan preparatni qo‘shimcha qo‘llash tavsiya etiladi.

Keksa bemorlar

Dozani tuzatish talab etilmaydi.

1 oylikdan 18 yoshgacha bo‘lgan bolalarda qo‘llash

Yengil va o‘rta og‘ir darajadagi infeksiyalarning ko‘pchiligini davolash uchun 3-4 marta yuborishga bo‘lingan 25-50 mg/kg sutkalik doza yetarli hisoblanadi.

Og‘ir infeksiyalar holatida sutkalik doza maksimal tavsiya etilgan 100 mg/kg gacha oshirilishi mumkin. Yangi tug‘ilgan chaqaloqlarda preparatni qo‘llashning xavfsizligi aniqlanmagan.

Buyrak faoliyati buzilgan bolalarda dozani tuzatish

KK 7040 ml/min/1,73 m2 bo‘lgan bolalarga sefazolinning o‘rtacha sutkalik dozasining 60% i 12 soatdan keyin yuboriladi. KK 3920 ml/min/1,73 m2 bo‘lgan bolalarga preparatning o‘rtacha sutkalik dozasining 25% i 12 soatdan keyin yuboriladi.

KK 195 ml/min/1,73 m2 bo‘lganda sefazolinning o‘rtacha sutkalik dozasining 10% qismi 24 soatlik interval bilan yuboriladi.

Barcha tavsiya etilgan dozalar infeksiyaning og‘irligiga mos keladigan boshlang‘ich dozadan keyin yuboriladi.

Qorishma tayyorlash

M/o yuborish uchun 1 g 4 ml inyeksiya uchun suvda yoki 0,5% li lidokain eritmasida eritiladi. M/o yuborish uchun maksimal bir martalik doza 1 g ni tashkil etadi, preparatni faqat yirik mushaklarga yuborish kerak.

Tarkibida lidokain bo‘lgan eritmani vena ichiga yuborish mumkin emas.

1 g gacha bo‘lgan dozalarni vena ichiga sekin inyeksiya qilish mumkin, preparatning katta dozalarini vena ichiga infuziya qilish kerak.

Vena ichiga yuborish uchun preparatning bir martalik dozasi 10 ml inyeksiya uchun mo‘ljallangan suvda suyultiriladi, so‘ngra 35 daqiqa davomida asta-sekin yuboriladi.

V/i tomchilab yuborish uchun preparat 50-100 ml 5% li dekstroza yoki 0,9% li natriy xlorid eritmasida suyultiriladi. Suyultirish vaqtida flakonlar to‘liq eriguncha qattiq chayqatiladi. Infuziya 20-30 daqiqa davomida o‘tkaziladi (daqiqasiga 60-80 tomchi yuborish tezligi).

Infuzion eritmani tayyorlash uchun quyidagi erituvchilardan foydalanish mumkin:

0,9% li natriy xlorid eritmasi;

5% li dekstroza eritmasi;

5% li dekstroza eritmasi 0,9% li natriy xlorid eritmasi bilan;

Ringer eritmasi;

Dekstrozaning Ringer eritmasidagi 10% li eritmasi;

Ringer eritmasi 0,9% natriy xlorid eritmalari bilan;

Inyeksiya uchun steril suvda 5% yoki 10% li fruktoza eritmasi;

5% li natriy gidrokarbonat eritmasi.

Yangi tayyorlangan va tiniq eritmalardan foydalanish lozim. Biroq, zarurat tug‘ilganda, tayyorlangan eritmalarni yorug‘likdan himoyalangan joyda 28 °C haroratda 24 soatdan ko‘p bo‘lmagan muddatda sterilligi saqlangan holda saqlash mumkin.

Kukun erigandan keyin paydo bo‘lishi mumkin bo‘lgan sarg‘ish rang dori preparatining xususiyatlarida biron-bir o‘zgarish yoki uning terapevtik samaradorligidagi farqlarni ko‘rsatmaydi.

Nojo‘ya ta’sirlari

Jahon sog‘liqni saqlash tashkiloti (JSST) tasnifiga muvofiq, nojo‘ya reaksiyalar ularning rivojlanish chastotasiga ko‘ra taqdim etilgan: juda tez-tez (>1/10); tez-tez (>1/100, < 1/10), tez-tez emas (>1/1000, < 1/100), kamdan-kam (>1/10000, < 1/1000) va juda kamdan-kam (< 1/10000), chastotasi noma’lum, mavjud ma’lumotlarga ko‘ra paydo bo‘lish chastotasini aniqlash imkonsiz.

Infeksiya va parazitar invaziyalar

Kamdan-kam hollarda: og‘iz bo‘shlig‘i kandidozi (uzoq muddat qo‘llanganda).

Kamdan-kam: genital kandidoz, vaginit.

Qon va limfa tizimidagi buzilishlar:

Kam hollarda: leykopeniya, granulotsitopeniya, neytropeniya, trombotsitopeniya, leykotsitoz, granulotsitoz, monotsitoz, limfotsitoz, trombotsitoz, limfotsitopeniya, bazofiliya, eozinofiliya. Odatda, ushbu noxush hodisalar qisqa muddatli bo‘lib, qaytarilishi mumkin;

Juda kam hollarda: qon ivishining buzilishi va buning oqibatida qon ketishining kuchayishi, anemiya, agranulotsitoz, aplastik anemiya, pansitopeniya, gemolitik anemiya.

Immun tizimi tomonidan buzilishlar:

Kamdan kam: isitma, artralgiya;

Juda kam uchraydi: anafilaktik shok (hiqildoq shishining rivojlanishi, nafas yo‘llari bo‘shlig‘ining torayishi, yurak urish tezligining oshishi, hansirash, qon bosimining pasayishi, til shishi, yuz shishi, anal va/yoki genital qichishish).

Moddalar almashinuvi va ovqatlanishdagi buzilishlar:

Kam hollarda: giperglikemiya yoki gipoglikemiya.

Asab tizimidagi buzilishlar:

Kamdan-kam hollarda: talvasalar rivojlanishi (buyrak faoliyati buzilgan bemorlarda preparatni yuqori dozalarda qo‘llashda dozalash tartibiga rioya qilmaslik);

Kamdan-kam hollarda: bosh aylanishi, lohaslik, umumiy holsizlik, qo‘rqinchli tushlar ko‘rish, vertigo, giperaktivlik, asabiylik yoki xavotirlik, uyqusizlik yoki uyquchanlik, ranglarni idrok etishning buzilishi, ongning chalkashligi, bosh miyaning tirishish faolligining oshishi.

Tomirlar tomonidan buzilishlar:

Kamdan kam: "suv ko‘tarilishi."

Nafas olish tizimi, ko‘krak qafasi a’zolari va ko‘ks oralig‘i buzilishlari:

Kamdan-kam hollarda: plevra suyuqligi, ko‘krak qafasidagi og‘riq, bronxospazm, hansirash, yo‘tal, o‘tkir respirator distress-sindrom rivojlanishi, rinit.

Oshqozon-ichak tizimidagi buzilishlar:

Ko‘pincha: ishtaha yo‘qolishi, ich ketishi, ko‘ngil aynishi, qusish, qorin og‘rig‘i.

Juda kam: psevdomembranoz kolit rivojlanishi. Bu holat zudlik bilan davolashni talab qiladi (shuningdek, tarqatilgan "Maxsus ko‘rsatmalar"ga qarang).

Jigar va o‘t yo‘llarining buzilishlari:

Kamdan-kam hollarda: "jigar" transaminazalari: alaninaminotransferaza (ALT), aspartataminotransferaza (ACT), ishqoriy fosfataza, gamma-glutamiltransferaza, laktatdegidrogenaza faolligining o‘tib ketuvchi oshishi, qon plazmasida bilirubin konsentratsiyasining oshishi, tranzitor gepatit, xolestatik sariqlik.

Teri va teri osti to‘qimalaridagi buzilishlar:

Ko‘pincha: toshma;

Kam hollarda: eritema, ekssudativ (polimorf) eritema, eshakemi, teri qichishi, angionevrotik shish (Kvinke shishi);

Kamdan-kam hollarda: toksik epidermal nekroliz (Layell sindromi), xavfli ekssudativ eritema (Stivens-Jonson sindromi).

Buyraklar va siydik yo‘llaridagi buzilishlar:

Kamdan-kam hollarda: interstitsial nefrit, proteinuriya, qon plazmasida mochevina konsentratsiyasining o‘tib ketuvchi oshishi (odatda, boshqa nefrotoksik preparatlar bilan birgalikda davolanayotgan bemorlarda), nefropatiya, aniqlanmagan va nefrotoksiklikning boshqa ko‘rinishlari.

Laboratoriya va instrumental tadqiqotlar natijalariga ta’siri:

Chastotasi noma’lum: Kumbsning soxta musbat reaksiyasi, giperkreatininemiya, protrombin vaqtining oshishi, siydikning glyukozaga soxta musbat reaksiyasi.

Yuborish joyidagi umumiy buzilishlar va reaksiyalar:

Ko‘pincha: inyeksiya joyida og‘riq, ba’zan zichlashish rivojlanishi bilan;

Kamdan-kam hollarda: v/i yuborilganda tromboflebit va flebit.

Dozani oshirib yuborish

Belgilari

Bosh og‘rig‘i, bosh aylanishi, paresteziya, hayajonlanish, miokloniya, talvasalar.

Laborator belgilari: qon plazmasida kreatinin va mochevina konsentratsiyasining oshishi, "jigar" transaminazalari faolligi va bilirubin konsentratsiyasining oshishi, Kumbs reaksiyasi musbatligi, trombotsitopeniya yoki trombotsitoz, eozinofiliya, leykopeniya va protrombin vaqtining ortishi.

Davolash

Talvasalar rivojlanganda sefazolinni darhol bekor qilish, hayot faoliyati ko‘rsatkichlarini diqqat bilan nazorat qilish, zarur hollarda simptomatik terapiya o‘tkazish, talvasalar rivojlanganda talvasaga qarshi dorilar buyurish talab etilishi mumkin. Og‘ir dozani oshirib yuborish va boshqa davolash usullari samarasiz bo‘lgan taqdirda gemodializ o‘tkazish mumkin. Peritoneal dializ samarali emas.

Qarshi ko‘rsatmalar

sefazolinga yuqori sezuvchanlik;

anamnezda sefalosporinlarga yoki boshqa beta-laktam antibiotiklarga (penitsillinlar, monobaktamlar, karbapenemlar) nisbatan og‘ir o‘ta sezuvchanlik reaksiyalari (masalan, anafilaktoid reaksiyalar) mavjudligi;

chaqaloqlik davri 1 oygacha, shu jumladan chala tug‘ilgan bolalar.

Erituvchi sifatida lidokain eritmasidan foydalanilganda, lidokainni qo‘llash bo‘yicha yo‘riqnomaga qarang.

Ehtiyotkorlik bilan:

boshqa nefrotoksik preparatlarni birgalikda qabul qilish;

anamnezda penitsillinlarga yuqori sezuvchanlikning yengil reaksiyalari;

surunkali buyrak yetishmovchiligi;

ichak kasalliklari (jumladan, anamnezda kolit);

1 oydan 12 oygacha bo‘lgan bolalar yoshi.

Maxsus ko‘rsatmalar

O‘ta sezuvchanlik reaksiyalari

Sefazolinni qo‘llashni boshlashdan oldin, sefalosporinlar va boshqa beta-laktam antibiotiklari o‘rtasida o‘zaro yuqori sezuvchanlik rivojlanishi ehtimoli mavjudligi sababli, bemorning allergologik anamnezi to‘planishi lozim. Sefazolin bilan davolash fonida og‘ir, shu jumladan o‘limga olib keladigan allergik reaksiyalarning rivojlanishi tasvirlangan. Og‘ir o‘ta sezuvchanlik reaksiyasi rivojlanganda sefazolinni bekor qilish, tegishli simptomatik terapiyani tayinlash zarur. Preparat anamnezida sefalosporinlarga yoki boshqa har qanday beta-laktam antibiotiklariga nisbatan yuqori sezuvchanlikning og‘ir reaksiyalari bo‘lgan bemorlarga qarshi ko‘rsatma hisoblanadi.

Allergik reaksiyalarga moyilligi bo‘lgan bemorlarni (allergik rinit, bronxial astma) ayniqsa diqqat bilan kuzatish zarur, chunki bunday holatlar mavjudligi fonida o‘ta sezuvchanlik reaksiyalari xavfi ortadi.

Antibakterial preparatlar bilan bog‘liq diareya

Davolash paytida va davolash tugagandan keyingi birinchi haftalarda og‘ir va doimiy diareyaning rivojlanishi Clostridium difficile keltirib chiqaradigan psevdomembranoz kolitning namoyon bo‘lishi mumkin. Ushbu holat hayot uchun xavfli bo‘lganligi sababli, sefazolinni zudlik bilan bekor qilish va maxsus antibakterial terapiya (masalan, vankomitsin yoki metronidazol) tayinlash lozim. Simptomatik qo‘llab-quvvatlovchi terapiyani o‘tkazish, shu jumladan suv-elektrolit muvozanatini, alimentar buzilishlarni tuzatish ko‘rsatilgan. Ichak peristaltikasini tormozlovchi preparatlarni qo‘llash mumkin emas. Ayniqsa, og‘ir hollarda, o‘tkazilayotgan antibakterial terapiyaga infeksiya rezistent bo‘lsa, kolektomiya o‘tkazish talab etilishi mumkin. Bemor anamnezini sinchiklab yig‘ishga alohida e’tibor berish kerak, chunki antibakterial terapiya o‘tkazilgan vaqtdan boshlab ikki oy ichida psevdomembranoz kolit rivojlanishi holatlari tasvirlangan.

Buyrak funksiyasining buzilishi

Preparatning organizmda to‘planishi natijasida, buyrak faoliyati pasaygan bemorlarda preparat dozasini buyrak yetishmovchiligining ifodalanganligiga muvofiq tanlash lozim (shuningdek, "Qo‘llash usuli va dozalari" bo‘limiga qarang). Sefazolinni qo‘llash kamdan-kam hollarda buyrak funksiyasining buzilishiga va buyrak yetishmovchiligi rivojlanishiga olib kelsa-da, buyrak funksiyasini preparat qo‘llanilishi fonida, ayniqsa og‘ir ahvoldagi bemorlarda, preparatning yuqori dozalari va/yoki boshqa nefrotoksik preparatlar (masalan, aminoglikozidlar, "halqa" diuretiklari) qo‘llanilganda baholash tavsiya etiladi.

Bakterial chidamlilik va superinfeksiyalarning rivojlanishi

Sefazolinni uzoq vaqt qo‘llash bakteriyalarning chidamli shtammlarini keltirib chiqarishi mumkin. Bemorlarning holatini superinfeksiya rivojlanish ehtimoli bo‘yicha diqqat bilan nazorat qilish va u rivojlangan taqdirda tegishli choralarni ko‘rish lozim.

Qon ivishi va qon ketishini kamaytirish

Kamdan-kam hollarda sefazolinni qo‘llash fonida qon ivishining pasayishi mumkin. Xavf omillariga K vitamini tanqisligi, parenteral ovqatlanish, ovqatlanish tanqisligi, buyrak va/yoki jigar yetishmovchiligi, trombotsitopeniya, antikoagulyantlar bilan davolash kiradi. Bundan tashqari, gemofiliya, oshqozon va/yoki o‘n ikki barmoqli ichak shilliq qavatining yaralanishi kabi kasalliklar qon ketishining rivojlanishiga yoki uning kuchayishiga sabab bo‘lishi mumkin. Demak, ushbu kasalliklar mavjudligi ma’lum bo‘lgan bemorlarda koagulogramma ko‘rsatkichlarini nazorat qilish zarur. Agar qon ivishining pasayishi aniqlansa, K vitamini bilan davolashni buyurish kerak (10 mg/hafta).

Homiladorlik va emizish davrida qo‘llash

Homiladorlik

Sefazolin yo‘ldosh orqali o‘tadi. Sefazolinning hayvonlarda klinik oldi tadqiqotlari bevosita yoki bilvosita reproduktiv toksiklik mavjudligini ko‘rsatmadi. Shunga qaramay, sefazolinni qo‘llash xavfsizligi bo‘yicha ma’lumotlar yetarli bo‘lmaganligi sababli, homiladorlik davrida sefazolinni qo‘llash faqat ona uchun kutilayotgan foyda homila uchun potensial xavfdan yuqori bo‘lgan taqdirdagina ruxsat etiladi.

Emizish davri

Sefazolin ona sutiga juda kam miqdorda o‘tadi, sefazolin terapevtik dozalarda qo‘llanganda yangi tug‘ilgan chaqaloqqa ta’siri kam. Agar emizikli chaqaloqda diareya yoki kandidoz belgilari rivojlansa, emizishni to‘xtatish yoki preparatni bekor qilish masalasini hal qilish kerak.

Bolalarda preparatni qo‘llash

Sefazolinni chala tug‘ilgan va yangi tug‘ilgan chaqaloqlarga hayotining 1 oyi davomida buyurmaslik kerak, chunki bugungi kunda bemorlarning ushbu guruhida uni qo‘llash xavfsizligini tasdiqlovchi ma’lumotlar mavjud emas.

Natriy miqdori

1 g sefazolin taxminan 48 mg natriy saqlaydi, buni natriy iste’molini cheklaydigan parhezdagi bemorlarga preparatni qo‘llashda hisobga olish lozim.

Laboratoriya ko‘rsatkichlariga ta’siri

Sefazolinni qo‘llash fonida Benedikt yoki Feling reaktivini qo‘llashda siydikdagi glyukoza konsentratsiyasini aniqlashning soxta musbat reaksiyalari, shuningdek, Kumbsning bevosita va bilvosita sinamasining soxta musbat natijalari bo‘lishi mumkin.

Preparat uzoq vaqt qo‘llanganda periferik qon manzarasini nazorat qilish zarur.

Davolash paytida etanol qabul qilish

Sefazolinni qo‘llash fonida disulfiramsimon reaksiyalar rivojlanishi mumkinligi sababli, davolanish davrida bemorlar alkogol iste’mol qilishdan tiyilishlari lozim.

Intratekal yuborish

Sefazolinni markaziy asab tizimining og‘ir toksik shikastlanishi (shu jumladan talvasalar rivojlanishi) ehtimoli tufayli intratekal yuborish mumkin emas.

Transport vositalari va mexanizmlarini boshqarish qobiliyatiga ta’siri

Sefazolinning transport vositalarini boshqarish va mexanizmlar bilan ishlash qobiliyatiga ta’siri aniqlanmadi. Shunga qaramay, sefazolinni qo‘llash fonida ko‘ngil aynishi, qusish, bosh aylanishi va talvasalar kabi nojo‘ya ta’sirlar rivojlanishi mumkinligi sababli, ushbu faoliyat turlarini bajarishda ehtiyot bo‘lish va ko‘rsatilgan nojo‘ya ta’sirlar rivojlangan taqdirda ulardan voz kechish lozim.

Dorilarning o‘zaro ta’siri

Sefazolin peroral kontratseptivlarning samaradorligini pasaytirishga qodir. Shu sababli preparat bilan davolanish vaqtida qo‘shimcha kontratsepsiya choralarini qo‘llash lozim.

Sefazolinni bakteriostatik ta’sirga ega bo‘lgan boshqa antibakterial preparatlar (masalan, tetratsiklinlar, sulfanilamidlar, eritromitsin, xloramfenikol) bilan birga qo‘llash mumkin emas, chunki in vitro tekshiruvlarida ushbu preparatlar o‘rtasida antagonizm aniqlangan.

Sefazolin bilan birgalikda qo‘llanganda boshqa antibakterial preparatlarning (masalan, aminoglikozidlar, kolistin, polimiksin B); yod saqlovchi kontrast preparatlarning; metotreksatning yuqori dozalarining; ba’zi virusga qarshi preparatlarning (masalan, atsiklovir, foskarnet); pentamidinning; siklosporinning; takrolimusning; platina saqlovchi preparatlar va diuretiklarning (masalan, furosemid) nefrotoksik xususiyatlari kuchayishi mumkin. Agar ularni sefazolin bilan birga qo‘llash zarur bo‘lsa, buyrak faoliyatini diqqat bilan nazorat qilish kerak.

"Halqa" diuretiklar (masalan, furosemid) bilan bir vaqtda qo‘llanganda, sefazolinning kanalchalar sekretsiyasi blokadasi sodir bo‘ladi, bu esa uning qon plazmasidagi konsentratsiyasining oshishiga olib keladi. Shu sababli, ushbu preparatlarni birgalikda qo‘llashdan saqlanish kerak.

Sefazolin va probenetsid birgalikda qo‘llanganda sefazolinning buyrak klirensi pasayadi, bu esa sefazolinning chiqarilish vaqti uzayishiga va plazmadagi konsentratsiyasi oshishiga olib keladi.

Kamdan-kam hollarda sefalosporinlar qon ivishining buzilishiga olib kelishi mumkin. Peroral antikoagulyantlar bilan birgalikda qo‘llash zarur bo‘lganda, ayniqsa yuqori dozalarda, koagulogramma ko‘rsatkichlarini nazorat qilish lozim.

Ba’zi sefalosporin antibiotiklari, masalan, sefamandol, sefotetan va sefazolin ichak mikroflorasini bostirib, K vitamini metabolizmini buzishga qodir, bu esa organizmda, ayniqsa dastlabki yetishmovchiligi bo‘lgan bemorlarda, uning hosil bo‘lishini kamaytiradi. Trombotsitlar agregatsiyasini pasaytiruvchi preparatlar (masalan, nosteroid yallig‘lanishga qarshi preparatlar) bilan bir vaqtda qo‘llanganda qon ketish xavfi ortadi.

Sefazolin etanol bilan bir vaqtda qo‘llanganda disulfiramga o‘xshash reaksiyalarni keltirib chiqarishi mumkin.

Sefazolin aminoglikozidlar guruhi antibiotiklari (gentamitsin, kanamitsin, amikatsin va b.); tetratsiklinlar (oksitetratsiklin, tetratsiklin va b.); natriy kolistimetat; polimiksin B; eritromitsin (glyukogeptonat tuzi ko‘rinishida); barbitur hosilalari (amobarbital, pentobarbital); bleomitsin; kalsiy tuzlari (kalsiy glyukogeptonat, kalsiy glyukonat); simetidin; askorbin kislotasi bilan farmatsevtik jihatdan mos kelmaydi.

Chiqarish shakli

Vena ichiga va mushak orasiga yuborish uchun eritma tayyorlash uchun kukun.

Saqlash shartlari

Quruq, yorug‘likdan himoyalangan joyda, 25 °C dan yuqori bo‘lmagan haroratda saqlanadi.

Yaroqlilik muddati

2 yil.

Ishlab chiqaruvchi

Biosintez, PAO, Rossiya.