Demoton-B Neo

Tarkib

2 ml eritma tarkibiga quyidagilar kiradi:

faol moddalar: tiamin gidroxlorid 10 mg, piridoksin gidroxlorid 4 mg, riboflavin natriy fosfat 5,47 mg, riboflavinga ekvivalent (4 mg), nikotinamid 40 mg, dekspantenol 6 mg;

yordamchi moddalar: fenol, xlorid kislota, inyeksiya uchun suv.

Tavsif

Sariq rangli, o‘ziga xos hidli tiniq eritma.

Dori shakli

Inyeksiya uchun eritma.

Farmakoterapevtik guruh

Vitaminlar. B guruhi vitaminlari. ATX kodi: A11EA.

Farmakologik xususiyatlari

Farmakokinetika

Piridoksin me’da-ichak yo‘llaridan tez so‘riladi. U jigarda metabolizmga uchraydi va buyrak (siydik) orqali chiqariladi. Yarim chiqarilish davri 15-20 kunga teng.

Tiamin jigarda metabolizmga uchraydi va buyraklar orqali metabolitlar shaklida chiqariladi. Tiamin dozasi oshirib yuborilgan taqdirda, u o‘zgarmagan holda siydik va ter ajralishi bilan chiqariladi.

Riboflavin oshqozon-ichak yo‘llaridan tez so‘riladi. U buyraklar orqali qisman metabolitlar shaklida chiqariladi. Doza oshirilganda buyraklar orqali o‘zgarmagan holda ko‘proq miqdorda ajraladi.

Nikotinamid oshqozon-ichak traktidan tez so‘riladi va tana to‘qimalariga keng tarqaladi. Ozroq miqdori o‘zgarmagan holda buyraklar orqali chiqariladi.

Dekspantenolning biosinguvchanligi yuqori. Plazma oqsillari, asosan beta-globulin va albumin bilan bog‘lanadi. Asosan buyraklar orqali, oz miqdorda axlat bilan chiqariladi.

Farmakodinamika

Demoton - B Neo, inyeksiya uchun eritma - V1-V2-V3-V5-V6 vitaminlarining samarali kombinatsiyasi.

B1 vitamini (tiamin gidroxlorid) adenozintrifosfat (ATF) bilan birgalikda pirofosfat tiaminni koenzimga aylantiradi. Uning uglevodorodlar metabolizmidagi roli piruvatlar va α-ketokislotalarni dekarboksillashdan iborat. B1 vitamini hujayralarning energiyaga bo‘lgan ehtiyojini qoplash uchun zarur bo‘lgan energiyani ishlab chiqarish va taqsimlashda muhim rol o‘ynaydi.

Vitamin B2 (Riboflavin) organizmda koenzim sifatida nafas olish tizimi to‘qimalari metabolizmida muhim rol o‘ynaydigan Flavin Adenin Dinukleotid (FAD) va Flavin Mononukleotid (FMN) shaklida ta’sir ko‘rsatadi.

Vitamin B3 (Nikotinamid) organizm tomonidan nikotin kislotasining resursi sifatida ishlatiladi. Bu muhim vitamin lipidlar metabolizmi, nafas olish tizimi to‘qimalari va glikogenolizda muhim rol o‘ynaydi.

B5 vitamini (Dekspantenol) koenzim-A (CoA) hosil bo‘lishi uchun zarur bo‘lib, uglevodlar, oqsillar va yog‘lar metabolizmi hamda sintezida muhim ahamiyatga ega.

Vitamin B6 (piridoksin gidroxlorid) oqsillar, uglevodlar va yog‘lar almashinuvida koenzim sifatida ta’sir ko‘rsatadi. Proteinlar metabolizmida ko‘proq o‘ziga xos bo‘lib, u aminokislotalarning dekarboksillanishida, triptofanning niatsin yoki serotonga aylanishida va dezaminlanishida, shuningdek, aminokislotalarning sulfolanishida ishtirok etadi.

Umuman olganda, ushbu vitaminlar majmuasi uglevodlar almashinuviga katalitik ta’sir ko‘rsatib, markaziy asab tizimi, qalqonsimon bez, jigar va gemopoetik a’zolar, oshqozon-ichak trakti, teri va shilliq qavatlarning normal ishlashi uchun zarurdir. Tadqiqotlar asosida aniqlanishicha, B guruhi vitaminlarining yetishmasligi organizmning infeksiyalarga qarshiligining keskin pasayishiga sabab bo‘ladi.

Ko‘rsatmalar

B guruhi vitaminlari yetishmovchiligi bilan bog‘liq holatlarning oldini olish va davolash, parenteral oziqlantirishda bo‘lgan bemorlar.

Qo‘llash usuli va dozalari

Mushak orasiga, vena ichiga inyeksiya yoki infuziya shaklida yuboriladi.

Kattalar

Preparat dozasi kasallikning og‘irligiga qarab individual ravishda 1 yoki 2 ampuladan kuniga 1 marta tanlanadi.

Davolash kursining davomiyligi bemorning klinik holatini baholashga bog‘liq.

Nojo‘ya ta’sirlari

Kamdan-kam hollarda: allergik reaksiyalar, periferik nevrologik reaksiyalar, xususan, paresteziyalar, teginishda sezuvchanlikning pasayishi va uyquchanlik (B6 vitaminining yuqori dozalarini uzoq vaqt ishlatgandan keyin kuzatiladi), husnbuzar toshmalari paydo bo‘lishi, qichishish, eshakyemi ko‘rinishidagi teri reaksiyalari, anafilaktik shok, arterial gipertenziya.

Qarshi ko‘rsatmalar

preparatning alohida tarkibiy qismlariga yuqori sezuvchanlik;

homiladorlik va laktatsiya davri;

18 yoshgacha bo‘lgan bolalar va o‘smirlar.

Dozani oshirib yuborish

Simptomlari - dori vositasining nojo‘ya ta’sirlari kuchayishi mumkin.

B6 vitaminini kuniga 2-7 g (yoki > 0,2 g kuniga > 2 oy) qabul qilgan bemorlarda ataksiya va qo‘l-oyoqlarning uvishishi bilan kechuvchi sensor nevropatiya rivojlangan. Piridoksindan foydalanish to‘xtatilgandan so‘ng alomatlar kamayadi. Sezuvchanlikning tiklanishi uchun 6 oy kerak bo‘lishi mumkin.

Davolash - simptomatik terapiya.

Dorilarning o‘zaro ta’siri

Vitamin B1 (tiamin gidroxlorid) oksidlanish-qaytarilish eritmalari bilan mos keladi va neytral yoki ishqoriy eritmalarda (karbonatlar, sitratlar, barbituratlar, eritromitsin laktobionat IV) barqaror emas.

Tarkibida dition kislota tuzi bo‘lgan eritmalar tiamin bilan mos kelmaydi.

Vitamin B3 (Nikotinamid) simpatik asab tizimini susaytiruvchi gipotenziv dorilarning ta’sirini kuchaytiradi va izoniazid agonisti hisoblanadi.

Levodopa vitamin B6 (piridoksin gidroxlorid) ning terapevtik dozalari ta’sirini kamaytiradi. Levodopa bilan bir vaqtda buyurishdan saqlanish kerak, agar bu preparatni qabul qilish periferik dopa-dekarboksilaza ingibitorlarini qabul qilish bilan birga olib borilmasa. Piridoksin fenobarbital va fenitoinning terapevtik samarasini kamaytiradi.

Maxsus ko‘rsatmalar

Preparat qabul qilinganda siydikning sariq rangga bo‘yalishi mumkin, bu klinik ahamiyatga ega emas va preparat tarkibida riboflavin mavjudligi bilan bog‘liq.

Nikotinamidni vena ichiga yuborish shok chaqirishi mumkin.

Kamdan-kam hollarda va ma’lum holatlarda tarkibida B1 vitamini bo‘lgan preparatlarni mushak orasiga takroriy yuborish ularga moyil bemorlar orasida anafilaktoid reaksiyalarni keltirib chiqarishi mumkin.

Katta dozalarni uzoq vaqt qo‘llash gepatotoksiklikni keltirib chiqarishi mumkin.

Diabet bilan og‘rigan bemorlarda, shuningdek giperglikemiya holatida alohida e’tibor talab etiladi.

Keksa yoshda preparatni qo‘llash bo‘yicha alohida ogohlantirishlar yo‘q.

Dori vositasining avtotransport va potensial xavfli mexanizmlarni boshqarish qobiliyatiga ta’sirining o‘ziga xos xususiyatlari

Avtotransportni va potensial xavfli mexanizmlarni boshqarish qobiliyatiga ta’siri haqida ma’lumotlar mavjud emas.

Chiqarish shakli

2 ml dan qahrabo rangli shisha ampulalarga (I tip) quyiladi.

Ampulaga o‘zi yelimlanadigan etiketka yopishtiriladi.

5 ta ampula plastik idishga solinadi. 2 tadan plastik konteyner davlat va rus tillarida qo‘llanilishi bo‘yicha yo‘riqnoma bilan birga karton qutiga joylashtiriladi.

Saqlash shartlari

Yorug‘likdan himoyalangan joyda, 25 °C dan yuqori bo‘lmagan haroratda saqlang.

Bolalar qo‘li yetmaydigan joyda saqlang!

Saqlash muddati

2 yil. Yaroqlilik muddati tugagandan keyin qo‘llanilmaydi.

Ta’til shartlari

Retsept bo‘yicha.

Ishlab chiqaruvchi

DEMO S.A. Farmatsevtika sanoati, UZ

21 km Milliy yo‘l Afina Lamia 145 68 Krioneri, Afina, Gretsiya.