Kefentek

Tarkib

Har bir plastir varag‘i (10 sm x 7 sm, 2,36 mg) tarkibida: ketoprofen 30 mg.

Tavsif

Plastir yuzasi rangsiz shaffof pastani o‘z ichiga olgan paxta tolasi bilan qoplangan bo‘lib, uning ustida silliq, yupqa qog‘oz qoplamasi joylashadi.

Ko‘rsatmalar

Quyidagi kasalliklarning belgilari va alomatlarini davolash uchun ko‘rsatilgan:

Deformatsiyalovchi artroz, revmatoid artrit, yelka-kurak periartritlari (og‘riq, harakat cheklanishi, uvishish bilan kechadigan), tendovaginitlar va vaginitlar, mialgiyalar, jarohatlar (lat yeyish, deformatsiyalar va boshqalar) natijasida yuzaga keladigan og‘riq va shishlar.

Qo‘llash usuli

Plastirning yopishqoq yuzasidan himoya plyonkasini olib tashlang va uni og‘riqli sohaga qo‘ying. Plastir sutkada 1 marta qo‘yiladi.

Qarshi ko‘rsatmalar

Anamnezida ketoprofenga yuqori sezuvchanlik; anamnezida aspirindan keyingi astmoid holatlari (nosteroid yallig‘lanishga qarshi analgetiklarni qabul qilgandan keyingi astmoid holatlar) bo‘lgan bemorlar.

Ehtiyot choralari

Shuni ta’kidlash kerakki, yallig‘lanishga qarshi analgetiklar bilan davolash etiotrop emas, balki simptomatik hisoblanadi.

Surunkali kasalliklarda (deformatsiyalovchi artroz va h.k.) plastirni boshqa yallig‘lanishga qarshi vositalar bilan birga buyurish zarur. Ehtimoliy nojo‘ya ta’sirlarning paydo bo‘lishini kuzatib borish kerak.

Homiladorlikda qo‘llash

Homilador ayollarda qo‘llash xavfsizligi aniqlanmagan.

Pediatriyada qo‘llash

Bolalarda xavfsizligi aniqlanmagan.

Applikatsiyada ehtiyot choralari.

Ko‘z yoki shilliq qavat sohasiga qo‘llamang.

Epidermis butunligi buzilganda vaqtinchalik og‘riq yoki terining ta’sirlanishi kuzatilishi mumkin.

Okklyuzion bog‘lam sifatida ishlatilmaydi.

Chiqarish shakli

Plastir 1 varaq (10 sm x 7 sm).

Saqlash shartlari

Yaxshi yopilgan yorug‘likka chidamli xaltachalarda xona haroratida saqlanadi.

Yaroqlilik muddati

3 yil. Plastirni qadoqda ko‘rsatilgan yaroqlilik muddati tugaganidan keyin ishlatmang.

Ishlab chiqaruvchi

JEIL PHARM. CO., LTD. Seul, Koreya.