Oftan Katahrom

Tarkib

Faol moddalar: sitoxrom S 0,675 mg/ml, adenozin 2 mg/ml, nikotinamid 20 mg/ml.

Yordamchi moddalar: benzalkoniy xlorid 40 mkg/ml, natriy suksinat, sorbit, natriy fosfat, ikki almashingan 2-suvli, natriy fosfat bir almashingan 2-suvli, inyeksiya uchun suv.

Tavsif

Shaffof, qizg‘ish, kuchsiz kislotali, hidsiz eritma.

Dori shakli

Ko‘z tomchilari.

Farmakoterapevtik guruh

Kataraktani davolash uchun preparat. ATX kodi: S01XA.

Qo‘llanilishi

Oftan® Kataxrom ko‘z tomchilari kataraktani davolash uchun qo‘llaniladi. Asoratlarning oldini olish uchun tomchilarni faqat oftalmolog tavsiyasi bilan qo‘llang.

Qo‘llash usuli va dozalari

Tavsiya etilgan doza - zararlangan ko‘zga kuniga uch marta 1-2 tomchidan.

Nojo‘ya ta’sirlari

Oftan® Kataxrom ko‘z tomchilari bemorlar tomonidan yaxshi qabul qilinadi.

Tomizilgandan so‘ng kamdan-kam hollarda ko‘zning qisqa muddatli achishishi va qizarishi kuzatilishi mumkin.

Ko‘ngil aynishi, qon bosimining pasayishi, hansirash, issiqlik hissi, bosh aylanishi, holsizlik va boshda pulsatsiya juda kam kuzatiladi.

Agar preparatning nojo‘ya ta’sirlari to‘xtamasa yoki bu yerda ko‘rsatilmagan boshqa noxush alomatlar paydo bo‘lsa, shifokoringizga murojaat qiling.

Qarshi ko‘rsatmalar

Oftan® Kataxrom ko‘z tomchilari preparatning tarkibiy qismlaridan biriga allergiyasi ma’lum bo‘lgan bemorlarga qarshi ko‘rsatma hisoblanadi.

Dorilarning o‘zaro ta’siri

Hech qanday muhim o‘zaro ta’sirlar aniqlanmadi.

Maxsus ko‘rsatmalar

Kontakt linzalar: Oftan® Kataxrom ko‘z tomchilari tarkibida konservant sifatida benzalkoniy xlorid mavjud bo‘lib, ularni kontakt linzalar taqib yurganda qo‘llash tavsiya etilmaydi.

Preparatni qo‘llashdan oldin kontakt linzalarni olib tashlash va ularni kamida 15 daqiqadan keyin qayta o‘rnatish lozim.

Homiladorlik va emizish

Oftan® Kataxrom ko‘z tomchilarini homiladorlik yoki emizikli davrda qo‘llash tavsiya etilmaydi. Agar siz homilador yoki emizikli bo‘lsangiz, tomchilarni qo‘llash zarurligi haqida shifokoringiz bilan maslahatlashing.

Bolalarda qo‘llanilishi

Oftan® Kataxrom ko‘z tomchilarini klinik ma’lumotlar yetarli bo‘lmaganligi sababli bolalarda qo‘llash tavsiya etilmaydi.

Haydovchilar uchun ogohlantirish va kasbiy faoliyatga ta’siri

Oftan® Kataxrom ko‘z tomchilari avtomobil boshqarish qobiliyatiga ta’sir ko‘rsatmaydi.

Preparat yaroqlilik muddati tugaganidan keyin qo‘llanilmasligi va bolalar qo‘li yetmaydigan joyda saqlanishi lozim.

Dozani oshirib yuborish

Mahalliy qo‘llashda hech qanday sezilarli nojo‘ya ta’sirlar aniqlanmagan.

Chiqarish shakli

Ko‘z tomchilari polietilen flakon-tomizgichda 10 ml dan.

Saqlash shartlari

Salqin joyda saqlanadi.

Yaroqlilik muddati

Qadoqda ko‘rsatilgan yaroqlilik muddati tugagandan keyin qo‘llanilmasin.

Flakon ochilgandan keyin eritmani bir oy davomida ishlatish mumkin. Flakon ochilganidan keyin bir oy o‘tgach, ishlatilmagan eritmani tashlab yuborish kerak.

Dorixonalardan berish shartlari

Retsept bo‘yicha.

Ishlab chiqaruvchi

SantenOy / Santen AJ

Niitttihakankatu 20

33720 Tamperalar

Finlyandiya.