Prospan

Tarkib

1 ml sirop tarkibida quyidagilar mavjud:

Faol moddasi: pechakgul bargining quruq ekstrakti (5-7,5:1) - 7,000 mg.

Yordamchi moddalar: tozalangan suv, kaliy sorbati, suvsiz limon kislotasi, sorbitolning 70% li eritmasi (kristall), ksantan smolasi, olchali xushbo‘ylantirgich (2,5 ml eritma 0,963 g sorbitol = 0,08 non birligini saqlaydi).

Tavsif

Qo‘ng‘ir rangli, biroz loyqa, yoqimli mevali ta’mli va olcha hidiga ega qiyom.

Farmakoterapevtik guruh

Balg‘am ko‘chiruvchi vositalar. ATX kodi: R05CA.

Dori shakli

Sirop.

Farmakologik xususiyatlari

O‘simlik preparati. Tarkibida saponinlar, triterpenoidlar, flavonoidlar bor. Balg‘am ko‘chiruvchi, yo‘talga qarshi va spazmolitik ta’sir ko‘rsatadi. Balg‘amning yopishqoqligini pasaytiradi va ajralishini osonlashtiradi. Mikroblarga qarshi faollikka ega.

Qo‘llanilishi

Yuqori nafas yo‘llari va o‘pkaning yallig‘lanish kasalliklarini kompleks davolashda simptomatik vosita sifatida.

Qo‘llash usuli va dozalari

1 yoshgacha bo‘lgan bolalarga kuniga 2 mahal 2,5 ml dan, 1 yoshdan 5 yoshgacha bo‘lgan bolalarga kuniga 3 mahal 2,5 ml dan, 6 yoshdan 9 yoshgacha bo‘lgan bolalarga kuniga 3 mahal 5 ml dan, kattalar va 10 yoshdan oshgan bolalarga kuniga 3 mahal 5-7,5 ml dan ustiga qo‘yilgan o‘lchov qalpoqchasi yordamida beriladi.

Har safar ichishdan oldin flakonni yaxshilab chayqatib turish kerak.

Har bir qabuldan so‘ng flakonni mahkam yoping!

Qabul qilish davomiyligi.

Davolash kursi 1 hafta bo‘lishi kerak. Terapevtik ta’sirni mustahkamlash uchun kasallik belgilari yo‘qolganidan keyin yana 2-3 kun davomida davolashni davom ettirish tavsiya etiladi.

Nojo‘ya ta’sirlari

kamdan-kam hollarda surgi ta’siri;

allergik reaksiyalar.

Qarshi ko‘rsatmalar

preparat komponentlariga yuqori sezuvchanlik;

fruktozani ko‘tara olmaslik.

Dorilarning o‘zaro ta’siri

Aniqlanmagan.

Maxsus ko‘rsatmalar

Prospan® yo‘tal siropi tarkibida spirt, shakar va bo‘yoqlar mavjud emas.

Terapevtik samarali chirmovuq ekstraktini ajratib olish uchun adsorbent sifatida 30 hajm.% etanol ishlatiladi, u keyinchalik quritish jarayonida ekstraktdan to‘liq chiqarib tashlanadi.

Homiladorlik va laktatsiya davri

Preparatni homiladorlik va laktatsiya davrida faqat kutilayotgan foydali ta’sir va ehtimoliy xavf o‘rtasidagi nisbat obyektiv baholangandan so‘ng qo‘llash mumkin.

Transport vositasini yoki potensial xavfli mexanizmlarni boshqarish qobiliyatiga ta’sir

Ta’sir qilmaydi.

Dozani oshirib yuborish

Preparatni uch kunlik dozadan ortiq miqdorda qabul qilish ko‘ngil aynishi, qusish va ich ketishiga olib kelishi mumkin.

Davolash - simptomatik.

Chiqarish shakli

Flakonda 100 ml li sirop. Karton qutida 1 flakon, o‘lchov qopqog‘i va qo‘llash bo‘yicha yo‘riqnoma bilan birga.

Saqlash shartlari

25 °C dan yuqori bo‘lmagan haroratda saqlanadi.

Bolalar qo‘li yetmaydigan joyda saqlang!

Diqqat!

Saqlash jarayonida chirmovuq ekstrakti miqdori tufayli eritmaning biroz loyqalanishi va ta’mining biroz o‘zgarishi mumkin, bu esa preparatning terapevtik ta’siriga ta’sir qilmaydi.

Saqlash muddati

3 yil.

Yaroqlilik muddati o‘tgandan keyin qo‘llanilmaydi.

Dorixonalardan berish shartlari

Retseptsiz.

Ishlab chiqaruvchi

Engelhard Arzneimittel GmbH & Co. KG

Engelxard Arsnaymittel GmbX & Ko. KG

Xersbergshtrasse 3, 61138 Niderdorfelden, Germaniya.