Traumel S

Tarkib

1 ta tabletka tarkibida:

faol moddalar: Achillea millefolium D3 - 15 mg, Aconitum napellus D3 - 30 mg, Arnica montana D2 - 15 mg, Atropa bella-donna D4 - 75 mg, Bellis perennis D2 - 6 mg, Calendula officinalis D2 - 15 mg, Echinacea D2 - 6 mg, Echinacea purpurea D2 - 6 mg, Hamamelis virginiana D2 - 15 mg, Hepar sulfuris D8 - 30 mg, Hypericum perforatum D2 - 3 mg, Matricaria recutita D3 - 24 mg, Mercurius solubilis Hahnemanni D8 - 30 mg, Symphytum officinale D8 - 24 mg;

yordamchi moddalar: magniy stearat; laktoza, monogidrat.

Tavsif

Yumaloq, yassi, faskali, oqdan sariq-oq ranggacha, bitta-yarimta to‘q sariq dog‘lar bo‘lishi mumkin, hidsiz yoki sal shirinroq hidli.

Dori shakli

Tabletkalar.

Farmakoterapevtik guruh

Kompleks gomeopatik preparat. ATX kodi: V03AX.

Farmakologik xususiyatlari

Preparat yallig‘lanishga qarshi, og‘riq qoldiruvchi, ekssudativga qarshi, immunokorreksiyalovchi, reparativ ta’sir ko‘rsatadi, bu ta’sir preparat tarkibiga kiruvchi o‘simlik va mineral moddalar hisobiga organizmning himoya kuchlarini faollashtirish va buzilgan funksiyalarni normallashtirishga asoslangan.

Ko‘rsatmalar

Bunday kasallik va holatlarda kompleks terapiyada: jarohatlarda (sport, maishiy) to‘qimalarning lat yeyish, cho‘zilish, chiqish, gematoma, suyak va bo‘g‘imlarning sinishi ko‘rinishidagi shikastlanishi; bosh miya chayqalishi.

Tayanch-harakat apparatining o‘tkir va surunkali yallig‘lanish kasalliklari (tendovaginit, yelka-kurak periartriti, bursit, chanoq-son, tizza bo‘g‘imlari hamda oyoq va qo‘l panjalari bo‘g‘imlari artriti), tish-jag‘ apparati (periodontit, parodontit, gingivit) osteoxondroz.

Qo‘llash usuli

Bir martalik doza:

kattalar va 12 yoshdan oshgan bolalarga - til ostiga 1 tabletka (to‘liq so‘rilguncha);

12 yoshgacha bo‘lgan bolalarga - 1 tabletkani kukun holiga keltirib, yaxshilab aralashtirib, xona haroratidagi 20 ml (4 choy qoshiq) qaynatilgan suvda eritiladi.

Yoshga oid bir martalik dozani qabul qilish:

1 yoshgacha bo‘lgan bolalarga - 1 choy qoshiq;

1 yoshdan 6 yoshgacha bo‘lgan bolalarga - 2 choy qoshiq;

6 yoshdan 12 yoshgacha bo‘lgan bolalarga - 3 choy qoshiq (eritma qoldiqlari yorug‘likdan himoyalangan joyda, xona haroratida bir sutkadan ko‘p bo‘lmagan muddatda saqlanadi).

Bir martalik yosh dozasi kuniga 3 mahal ovqatdan 15-20 daqiqa oldin yoki ovqatdan 1 soat keyin qabul qilinadi. Kasallik o‘tkir boshlangan taqdirda, birinchi 2 soat davomida har 15 daqiqada bir martalik yoshga mos dozani qabul qilish. So‘ngra kuniga 3 marta qabul qilishga o‘tiladi.

Davolash kursi 2-4 hafta.

Bolalar

Preparat bola tug‘ilganidan boshlab qo‘llash uchun tavsiya etilgan.

Nojo‘ya ta’sirlari

Preparat odatda yaxshi o‘zlashtiriladi, ammo juda kam hollarda murakkabguldoshlar oilasiga mansub o‘simliklarga (masalan, Arnica, Calendula, Achillea millefolium) yoki preparatning boshqa tarkibiy qismlariga yuqori sezuvchanligi bo‘lgan shaxslarda gipersalivatsiya, allergik reaksiyalar, shu jumladan qizarish, shish, toshma, qichishish, eshakemi paydo bo‘lishi mumkin - bunday hollarda preparatni qo‘llashni to‘xtatish kerak.

Echinacea ekstraktlarini o‘z ichiga olgan preparatlarni qo‘llashdan keyin ovqat hazm qilish trakti tomonidan reaksiyalar (jumladan, ko‘ngil aynishi, qorin og‘rig‘i); hayz ko‘rishning buzilishi; akne, eshakem, qo‘zg‘alish, uyquning buzilishi; terida toshmalar, qichishish, kamdan kam hollarda - yuz shishi, nafas olishning qiyinlashuvi (hansirash), bosh aylanishi va qon bosimining pasayishi kuzatildi.

Qarshi ko‘rsatmalar

Preparatning faol tarkibiy qismlari yoki yordamchi moddalariga, arnika, moychechak, bo‘ymodaron yoki murakkabguldoshlar oilasiga mansub boshqa o‘simliklarga yuqori sezuvchanlik.

Sil, leykoz, biriktiruvchi to‘qimalarning yallig‘lanish kasalliklari (kollagen kasalliklari), autoimmun kasalliklar, tarqoq skleroz, qon tizimi kasalliklari, OITS, OIV infeksiyasi, turli etiologiyali immunosupressiya yoki immunodefitsit va boshqa surunkali virusli kasalliklar.

Dozani oshirib yuborish

Belgilanmagan. Nojo‘ya ta’sirlar kuchayishi mumkin.

Ehtiyot choralari va qo‘llash xususiyatlari

Preparat tarkibida laktoza mavjud, shuning uchun galaktozani ko‘tara olmaslikning kam uchraydigan irsiy shakllari, laktaza yetishmovchiligi yoki glyukoza-galaktoza malabsorbsiyasi sindromi bo‘lgan bemorlar preparatni qo‘llashlari kerak emas.

Agar alomatlar yo‘qolmasa yoki ahvol yomonlashsa, shifokor bilan maslahatlashish zarur.

Homiladorlik va laktatsiya davrida qo‘llash

Homiladorlik va emizish davrida qo‘llanilganda dori vositasi tarkibiga kiruvchi gomeopatik suyultirilgan moddalarning zaharliligi aniqlanmagan.

Hech qanday nojo‘ya ta’sirlar haqida xabar berilmagan.

Preparatni homilador va emizikli ayollarda qo‘llash maqsadga muvofiqligi masalasini shifokor foyda/xavfni hisobga olgan holda individual ravishda hal qiladi.

Transport vositasi yoki potensial xavfli mexanizmlarni boshqarish qobiliyatiga ta’sir

Ta’sir qilmaydi.

Boshqa dori vositalari bilan o‘zaro ta’siri

Boshqa dori vositalari bilan mos keladi.

Chiqarish shakli

Karton qutida 50 ta tabletka uchun polipropilen konteyner.

Saqlash shartlari

25 °C dan yuqori bo‘lmagan haroratda saqlanadi.

Yaroqlilik muddati

5 yil.

Ta’til shartlari

Retseptsiz.

Ishlab chiqaruvchi

Biologishe Xaylmittel Xeel GmbX/

Biologische Heilmittel Heel GmbH.

D-r Rekeveg-shtrasse 2-4, 76532 Baden

Germaniya/Dr. Reckeweg-Str. 2-4, 76532 Baden-Baden, Germany.