Sermin tomir ichiga yuborish uchun eritma, 100 ml (flakon)

Ҳар бир 1000 мл эритма сақлайди:

L-Пролин - 1,00, L-Серин - 1,00, L-Аланин - 2,00, L-Изолейцин - 3,52, L-Лейцин - 4,90, L- Аспарагин кислотаси - 2,50, L-Тирозин - 0,25, L- Глутамин кислотаси - 0,75, L-Фенилаланин - 5,33, L-Аргинин гидрохлориди - 5,00, L-Лизин гидрохлориди - 4,30, L-Валин - 3,60, L-Треонин - 2,50, L-Гистидин гидрохлориди - 2,50, L-Триптофан - 0,90, L-Метионин - 2,25, L-Цистин - 0,10, L-Глицин - 7,60, Сорбитол - 50,00, Натрий бисульфити - 0,50, Инъекция учун сув - q.s.

Тиниқ, рангсиз ёки оч-сариқ рангли эритма.

Вена ичига юбориш учун эритма.

Парентерал озиқлантириш учун восита. АТХ коди: А16АА.

Сермин - парентерал озиқлантириш учун препарат (аминокислоталар эритмаси).

Сермин препаратининг таркибига кирувчи аминокислоталар табиий физиологик компонентлар ҳисобланади. Парентерал юборилгандан кейин улар организмнинг эркин аминокислоталар заҳирасига ўтади ва ҳамма метаболик жараёнларда иштирок этади, хусусан гормонлар, антителалар ва оқсиллар синтези учун ишлатилади. Тўқималарни битиши тезлаштириш ва нормал физиологик фаолиятларни тикланиши учун қўлланилади.

Фармакокинетикаси

Вена ичига юбориладиган аминокислоталарнинг фармакокинетик характеристикалари овқат билан тушувчи аминокислоталар каби бир хил. Аммо овқат оқсилларининг аминокислоталари аввал жигарнинг портал венасига сўнгра тизимли айланиб юрувчи қонга ўтади, венага юборилувчи аминокислоталар эса тўғридан-тўғри айланиб юрувчи қон тизимига ўтади.

Аминокислоталар томир ичи бўшлиғидан ҳужайралараро суюқликка тақсимланади ва турли тўқималар ҳужайраси ичига ўтади.

Қон плазмаси ва тўқималардаги эркин аминокислоталар концентрацияси беморнинг ёши, озиқланиш ҳолатига ва клиник ҳолатига боғлиқ тор доирадаги эндоген механизмлар билан бошқарилади.

Сермин секин юборилганда аминокислоталарнинг физиологик заҳирасини аҳамиятли даражада ўзгартирмайди.

Инфузия йўли орқали юборилган аминокислоталарнинг фақат кўп бўлмаган қисми буйраклар орқали чиқарилади.

• Тўлиқ ёки қисман парентерал озиқланиш.
• Агарда перорал ёки энтерал озиқланишни иложиси бўлмаганда, мумкин бўлмаганда ёки етарлича бўлмаганда оқсил йўқотилишини даволаш ва профилактикаси.
• Онг йўқлигида кома туфайли овқат қабул қилиш мумкин бўлмаганда.
• Операциядан олдин ва кейинги даврда: операция давридаги турли асоратлар (кўп қон йўқотиш, клиник ўлим ва бошқалар) ва операциядан кейинги (йирингли-септик асоратлар, чок етишмовчилиги, тромбоэмболия; ўртача оғирликдаги ва оғир жароҳатлар: кўп плазмореяли ва йиринглаш билан кузатилувчи ҳамма даражадаги куйишлар; қизилўнгач ёки меъдани заҳарли моддалар билан жароҳатланиши; меъда-ичак йўллари стенози; диффуз перитонит; остеомиелит; оқсил-энергетик етишмовчилиги билан операциядан кейинги ЎСВ аппаратида узоқ бўлган беморларда (тана вазнининг танқислиги, кўп суякларни синиши).
• Одатий озиқланишни истисно қилувчи неврологик ва психик касалликлар.
• Яққол интоксикация, юқори иситма, давомий диарея синдроми, носпецифик ярали колит, мальабсорбция синдроми ҳолатлари билан оғир кечувчи инфекцион касалликлар.
• Нефропатия, амилоидоз.
• ОИТС-инфекция.
• Трансплантация.
• Оғир даражали оқсил-энергетик етишмовчилигининг ҳамма этиологик ва клиник шакллари (алиментар, эндокрин, психоген, ракли кахексия ва бошқалар).
• Суяк-мия жароҳатлари.
• Жигар циррози.

Доза шифокор буюртмасига кўра, вена ичига секин 250 мл ёки 500 мл дан юборилади.

Клиник хулосаларга мувофиқ (азот ва сув баланслари мониторинги) умумий суткалик доза оқсилни ҳар кунги талабига боғлиқ.

Кекса пациентлар учун, шунингдек жигар ва буйрак фаолиятини бузилишлари бўлган пациентларга дозани индивидуал танлаш керак.

Парентерал юборилганда шишлар, мочевинани ошиши ва аҳамиятсиз ацидоз кузатилади.

Нотўғри юборилганда иситма пайдо бўлиши, юбориш жойида яллиғланиш, флебит ва тромбозлар, транссудация ва гиперволемия пайдо бўлиши мумкин.

Юборилганда иссиқлик ҳисси ва эритема каби маҳаллий реакциялар кам пайдо бўлади.

Юборилган жойга бошқа дори препарати юборилганда аллергик реакциялар, тромбозлар ва флебитлар пайдо бўлиши мумкин.

Жуда кам ҳолларда кўнгил айниши, қусиш, кўкрак соҳасида ёқимсиз ҳислар, тахикардия, қалтираш, иссиқлик ёки бош оғриғи пайдо бўлиши мумкин.

Оғир ножўя реакциялар пайдо бўлганида юборишни тўхтатиш ва тез ёрдам муолажаларини ўтказиш керак.

Аминокислоталар метаболизмини бузилишида, анурия, буйрак комаси, оғир жигар ва буйрак етишмовчилигида, уремияда.

Препаратнинг компонентларига юқори сезувчанликда қўллаш мумкин эмас.

Метаболик ацидозда ва юрак етишмовчилигида эҳтиёткорлик билан қўллаш керак.

• Глюкоза ва электролит даражаси, осматик босим, аммиакниқонда сақланиши, рН аҳамияти, гематокрит ва лейкоцитлар даражаси, азотли, кислота-ишқор ва сув баланси каби кўрсаткичларни мониторингини ўтказиш керак. Жигар ва буйрак ҳолатларини текшириш зарур.
• Гипергидротацияда юрак фаолияти бузилишлари, шунингдек буйрак ва ўпка етишмовчилиги бўлган пациентларда эҳтиёткорлик билан қўллаш керак.
• Жигар етишмовчилиги билан бўлган пациентларга препаратни юбориш аминокислоталар метаболизмини бузилишига, гипераммониемияга ва комага олиб келиши мумкин.
• Гипераммониемия кўпинча болаларда кузатилади. Аммиак даражасини назорат қилиш талаб қилинади. Гипераммониемиябелгилари пайдо бўлганида юборишни тўхтатиш ва тез ёрдам муолажаларини ўтказиш керак.
• Буйрак фаолияти бузилишлари бўлган пациентларга препарат юборилганда электролитлар ушланиб қолишини чақиради.
• Электролитлар балансини аҳамиятли оғишида электролитларни юбориш талаб қилинади.
• Катта ҳажмдаги прпаратлар ёки электролитлар эритмаси билан мажмуада қўлланганда, электролит ва кислота-ишқор балансини мониторингини ўтказиш керак.
• Зарур бўлган калорияни сақлаб туриш учун глюкозани юбориш тавсия этилади. Концентрланган глюкоза эритмаси юборилганда гипергликемия, глюкозурия ва гиперосмоляр синдром кузатилиши мумкин. Қонда ва сийдикда глюкоза сақланишини назорат қилиш керак. Тўсатдан концентрланган глюкоза эритмасини юборишни тўхтатгандан кейин инсулинли самара пайдо бўлиши мумкин.
• Юбориш тезлигини назорат қилиш керак.
• Препарат совуганда кристалланади. Бундай ҳолларда қўллашдан олдин эритмани 60 °C ҳароратда иситиш ва кристалларни тўлиқ эригунигача силкитиш керак.
• Ўрами бутун бўлмаганда, рангини ўзгариши, моғор босиши, чўкма аниқланса қўлланмайди.
• Флакон очилиши билан қўллаш керак. Фақат бир марта қўллаш учун. Яроқлилик муддати ўтган препаратни қўлламанг. Фақат тиниқ, заррачалар сақламайдиган бузилмаган контейнердаги эритмани ишлатинг. Инфузиядан қолган флакондаги ишлатилмаган ҳамма эритмани ташлаб юбориш керак.

Парентерал озиқлантириш учун препаратни антибиотиклар билан, гормонал препаратлар, гипертензив воситалар билан аралаштириш мумкин эмас, уларни алоҳида ҳар хил венага ёки Y-шаклли коннектор ёрдамида юбориш керак.

Қон қуйиш учун препарат инфузиясини ва қон препаратларини бир система орқали ўтказиш мумкин эмас, чунки псевдоагглюцинация ривожланиши мумкин.

Инсулинни аминокислоталар эритмаси билан аралаштирилганда инсулин фаоллиги пасаймайди, 20-50 ТБ инсулинни 1000 мл препарат эритмаси билан аралашмаси 24 соат давомида турғун бўлиб қолади. Бу вақт давомида эритма юзасида инсулин кристаллари пайдо бўлади. Инсулинни кам дозасини қўллаш эритмани турғунлигига таъсир қилмайди.

Ҳомиладорлик даврида қўлланилиши (С хавфи тоифаси): ҳомиладорлик ва лактация даврида қўлланилиши хавфсизлиги бўйича ҳайвонларда ва одамларда махсус текширувлар ўтказилмаган. Серминни ҳомиладор аёлларга юборишдан олдин “хавф-фойда”нисбатини баҳолаш керак.

Эмизиш даврида қўлланиши

Лактация даврида қўллашдаги хавфсизликка оид махсус текширувлари ўтказилмаган. Серминни эмизаётган аёлларга юборишдан олдин “хавф-фойда”нисбатини баҳолаш керак.

Болалар

Серминни болаларда қўлланилиши ҳақида клиник текширувлар ўтказилмаган.

Кекса ёш

Буйрак фаолиятини узлуксиз мониторинги, сув ва электролит баланси назорати талаб қилинади. Клиник ҳолатига боғлиқ ҳар бир кекса пациентга шахсий доза танлаш керак.

Автотранспортни бошқариш реакция тезлигига ва бошқа механизмлар билан ишлаш қобилиятига таъсири

Таъсир қилмайди.

Препарат болалар ололмайдиган жойда сақлансин ва яроқлилик муддати ўтгач ишлатилмасин.

Симптомлари: ножўя самараларини кучайиши.

Даволаш: курсни тўхтатиш керак ва симптоматик даволашни бошлаш керак.

Бирламчи ўрам: шиша флакон 100 мл, 250 мл ва 500 мл дан.

Иккиламчи ўрам: шиша флакон ва қўллаш бўйича йўриқномаси билан картон қутига жойланган.

Герметик ёпиқ, салқин ва ёруғликдан ҳимояланган жойда, 25 °C дан юқори бўлмаган ҳароратда сақлансин.

2 йил.

Рецепт бўйича.

Serene Healthcare Pvt. Ltd., Ҳиндистон учун.

Sichuan Kelun Pharmaceutical Co., Ltd., ХХР да.