Singlon plyonka bilan qoplangan planshetlar 10 mg №28 (4 blister x 7 tabletka)

Ҳар бир плёнка қобиқ билан қопланган таблетка қуйидагиларни сақлайди:

фаол модда: монтелукаст 10 мг (натрий монтелукасти 10,4 мг кўринишида);

ёрдамчи моддалар: лактоза моногидрати, микрокристаллик целлюлоза 101, гидроксипропилцеллюлоза, натрий кроскармеллозаси, магний стеарати.

Плёнка қобиғи: сариқ опадрай 20B32427 (гипромеллоза 3сР, гидроксипропилцеллюлоза, титан диоксиди (Е171), макрогол 400, гипромеллоза 50сР, темир II оксиди (Е172)).

Думалоқ, иккиёқлама қабариқ, сариқ рангли, бир томонида R15 рельефли ёзуви бор, диаметри тахминан 8 мм бўлган, плёнка қобиқ билан қопланган таблеткалар.

Плёнка қобиқ билан қопланган таблеткалар.

Нафас йўлларининг обструктив касалликларини даволаш учун воситалар. Лейкотриен рецепторлар антагонисти. АТХ коди: R03DC03.

Фармакодинамика

Таъсир кўрсатиш механизми

Цистеинил лейкотриенлар (LTC4, LTD4, LTE4) турли хужайралардан, шу жумладан семиз ҳужайралар ва эозинофиллардан ажралиб чиқувчи яллиғланишнинг кучли эйкосаноидларидир. Бу муҳим про-астматик медиаторлар организмнинг нафас йўлларида жойлашган цистеинил лейкотриен рецепторлари (CysLT) билан боғланади. CysLT1-1-тур рецептори (CysLT1) одам организмининг нафас йўлларида (шу жумладан силлиқ мушак ҳужайралари ва нафас йўлларининг макрофагаларида) ва бошқа яллиғланишга мойил ҳужайраларнинг юзасида (шу жумладан эозинофиллар ва баъзи миелоид ўзак ҳужайралар) да бор. CysLTs бронхиал астма ва аллергик ринитнинг патофизиологияси билан боғлиқдир. Бронхиал астмада лейкотриенга боғлиқ самаралар, шу жумладан бронхоспазм, шиллиқнинг секрецияси, қон томирлари ўтказувчанлигини ўзгариши ва эозинофилларнинг мобилизацияси юз беради. Аллергик ринитда CysLTs аллерген таъсиридан кейин реакциянинг эрта ва кечки фазасида бурун шиллиқ қавати томонидан чиқарилади; бу рецепторлар аллергик ринитнинг симптомлари билан боғлиқдирлар. CysLTs ни интраназал провокацион юборилиши юқори нафас йўлларининг қаршилигини оширади ва бурун битиши симптомларини кучайтиради.

Монтелукаст ичга қабул қилинганда фаолликка эга бўлган препарат бўлиб, у CysLT1 рецепторларига юқори даражадаги яқинликка эга ва у билан танлаб боғланади.

Клиник самараси ва хавфсизлиги

Клиник тадқиқотларида монтелукаст 5 мг бўлган кичик дозаларда ҳам LTD4 ингаляцияси билан қўзғатилган бронхоспазмга қаршилик кўрсатади. Препарат ичга қўлланганидан кейин 2 соат давомида бронходилатация кузатилган. Бета-адреномиметиклар билан қўзғатилган бронходилатация самараси монтелукаст билан қўзғатилган бронходилатация самарасига қўшимча бўлган. Монтелукаст билан даволаш антиген таъсири билан қўзғатилган ҳам эрта, ҳам кечиккан бронхоспазмни босган. Монтелукаст плацебо билан қиёсланганда катта пациентлар ва болаларнинг периферик қонида эозинофилларнинг сонини камайтирган. Алоҳида тадқиқотда монтелукастни қўллаш нафас йўлларида (балғамда аниқланганда) эозинофилларнинг сонини аҳамиятли даражада камайтирган. Катта ёшли пациентларда ва 2 ёшдан 14 ёшгача бўлган болаларда монтелукаст плацебога нисбатан периферик қонда эозинофилларнинг сонини камайтирган ва бронхиал астманинг клиник кечиши устидан назоратни яхшилаган.

Катталарда ўтказилган тадқиқотларда монтелукаст 10 мг дозада суткада бир марта плацебога нисбатан тонги жадал нафас чиқариш ҳажм (ЖНЧҲ1) кўрсаткичини сезиларли даражада (дастлабки даража 2,7% га нисбатан 10,4%), тонги нафас чиқариш тезлигининг максимал (НЧТМ) кўрсаткичини (дастлабки даража 3,3 л/мин га нисбатан 24,5 л/мин) яхшилаган, ва бета-адреномиметикларга эҳтиёжни сезиларли (дастлабки даража -4,6% га нисбатан-26,1%) пасайтирган.Пациентлар томонидан баҳоланган бронхиал астманинг кундузги ва тунги симптомларини яхшиланиши, плацебо гуруҳига нисбатан препарат олган пациентлар гуруҳида анча яққолроқ намоён бўлган.

Катталарда текширишлар монтелукастнинг ингаляцион глюкокортикостероидларнинг клиник таъсирини кучайтириш қобилиятини намоший этди (монтелукаст билан мажмуадаги ингаляцион беклометазон қўлланишидаги дастлабки даражага нисбатан, фақат беклометазоннинг ўзини қўллашдаги ўзгаришлар % : ЖНЧҲ1: 5,43% га қарши 1,04%; бета-адреномиметиклар қўлланилиши: -8,70% га қарши 2,64%). Гарчи 12- ҳафталик текширишлар давомида беклометазон яққолроқ терапевтик самара кўрсатаётган бўлсада (беклометазонга қараганда монтелукаст қўлланганидаги дастлабки даражасига нисбатан ўзгаришлар % мувофиқ равишда ЖНЧҲ1 учун: 7,49% га қарши 13,3%; бета-адреномиметикларни қўлланиши: -28,28% га қарши -43,89%), монтелукаст ингаляцион беклометазонга (200 мкг дан суткада икки марта спейсерни қўллаганда) нисбатан тезроқ дастлабки жавобни намойиш этди. Бироқ беклометазон билан қиёслаганда монтелукастни қабул қилган ва ўхшаш клиник самарага эришган пациентлар улуши етарли даражада сезиларли бўлган (масалан, беклометазон гуруҳида 50% пациентларда ЖНЧҲ1 ни дастлабки даражага нисбатан тахминан 11% га яхшиланишига эришилган, айни пайтда монтелукаст гуруҳидаги тахминан 42% пациентда худди шундай самара қайд этилган).

Бронхиал астмаси бўлган 15 ёшдан ошган ўсмирлар ва катта ёшдаги пациентларда ёндош мавсумий аллергик ренитни симптоматик даволашда монтелукастнинг самарадорлигини баҳолаш учун клиник тадқиқотлар ўтказилган. Бу тадқиқотда кунига бир марта қабул қилинган 10 мг дан монтелукаст таблеткалари, плацебога нисбатан, ринитнинг суткалик симптомлари учун бал кўринишидаги баҳоларни статистик аҳамиятли яхшиланишини намойиш этди. Бу бал кўринишидаги баҳолар кундузги симптомлар (бурунни ўртача битиши, ринорея, аксириш ва бурунда қичишиш) ва тунги симптомлар (уйғонганда бурунни ўртача битиши, уйқуга кетишни қийинлашиши, тунда уйғонишлар) учун ўртача бўлган. Шифокорлар ва пациентлар томонидан аллергиу ринитнинг симптомларини умумий баҳолаш, плацебога нисбатан жиддий яхшиланиши аниқланган. Бронхиал астма симптомларини баҳолаш ушбу тадқиқотда асосий мақсад ҳисобланмаган.

Болалар

6-14 ёшли болаларда ўтказилган 8-ҳафталик тадқиқотларларда 5 мг монтелукаст кунига бир марта қабул қилинганида плацебога қараганда нафас фаолиятини сезиларли даражада яхшилаган (ЖНЧҲ1: дастлабки даража 4,16% га нисбатан 8,71%; НЧТМ: куннинг биринчи ярмида: дастлабки даража 17,8 л/мин га нисбатан 27,9) ва қисқа муддат таъсирига эга бета-адреномиметикларга бўлган эҳтиёжни камайтирган (дастлабки даража +8,2% га нисбатан -11,7%).

Жисмоний зўриқиш фонида юз берган бронхоспазмнинг сезиларли камайиши катта пациентларда ўтказилган 12-ҳафталик текширувларда кузатилган, (ЖНЧҲ1 ни максимал пасайиши плацебо 32,40% га нисбатан монтелукаст учун 22,33%; ЖНЧҲ1 дастлабки даражага қайтишгача бўлган вақт ±5%: монтелукаст учун: 44,22 минут, плацебо учун эса 60,64 минут). Самара бутун 12-ҳафталик даври давомида ўзгармаган ҳолда қолган. Жисмоний зўриқиш фонида юз берган бронхоспазмнни кучсизланиши 6 ёшдан 14 ёшгача бўлган болаларда ўтказилган қисқа муддатли тадқиқотларда ҳам намоён бўлган (ЖНЧҲ1 ни максимал пасайиши 18,27% га қарши 26,11%; ЖНЧҲ1 дастлабки даражага қайтишгача бўлган вақт ±5%: 17,76 минутга нисбатан 27,98 минут). Иккала тадқиқотда хам самарага дори препаратини кунига бир марта қабул қилиш орасидаги оралиқлар охирида эришилган.

Аспиринга сезувчан ва ингаляцион ва/ёки перорал глюкокортикостероидлар билан йўлдош даволаш олаётган астматик-пациентларда, плацебога қараганда монтелукаст билан даволаш, бронхиал астма симптомларининг назоратини сезиларли яхшиланишига олиб келган (ЖНЧҲ1 дастлабки даражага нисбатан -1,74% га қарши 8,55% ва бета-адреномиметикларга умумий эҳтиёжни камайиши - дастлабки даражага нисбатан 2,09% га қарши 27,78% ).

Фармакокинетика

Сўрилиши

Монтелукаст ичга қабул қилинганидан сўнг тез сўрилади. 10 мг ли плёнка қобиқ билан қопланган таблетка учун плазмадаги ўртача чўққи концентрациясига (Cmax) катта пациентлар оч қоринга препаратни қабул қилгандан кейин 3 соат (Tmax) ўтгач эришилади. Ичга қабул қилгандан кейин биокиришаолишлиги ўртача 64% ни ташкил қилади. Одатдаги озиқ-овқат маҳсулотлари препаратнинг биокиришаолишлигига ва Cmax га таъсир қилмайди. Клиник тадқиқотларда овқат қабул қилиш вақтидан қатъий назар, 10 мг плёнка қобиқ билан қопланган таблеткаларнинг хавфсизлиги ва самарадорлиги намойиш этилган.

5 мг чайналадиган таблеткалар учун Cmax катта пациентларда препарат оч қоринга қабул қилинганидан кейин 2 соат ўтгач эришилади. Препаратни ўртача биокиришаолишлиги 73% ни ташкил қилади; у, препарат стандарт овқат қабул қилгандан кейин қабул қилинганида 63% га камаяди.

Тақсимланиш ва қон плазмаси оқсиллари билан боғланиши.

Монтелукаст плазма оқсиллари билан 99% дан ортиқ боғланади. Монтелукастнинг тақсимланиш ҳажми мувозанатли ҳолатда ўртача 8-11 литрни ташкил қилади. Нишонланган монтелукаст билан каламушларда ўтказилган тадқиқотлар препаратнинг гематоэнцефалик тўсиқдан минимал даражада ўтишини кўрсатди. Нишонланган радиофаол модданинг концентрацияси препарат қўлланганидан кейин 24 соатдан сўнг бошқа барча тўқималарда минимал бўлган.

Метаболизми (Парчаланиши)

Монтелукаст фаол метаболизмга учрайди. Терапевтик дозалари билан ўтказилган тадқиқотларда монтелукаст метаболитларининг концентрацияси плазмадаги барқарор ҳолатида катталар ва болаларда аниқлаш чегараси паст бўлган.

Р4502C8 цитохроми монтелукаст метаболизмида иштирок этувчи фаол фермент ҳисобланади. Бунда ташқари CYP3A4 ва 2С9 бироз ҳисса қўшиши мумкин, аммо итраконазол, CYP3A4 ингибитори, суткада 10 мг монтелукаст қабул қилган соғлом одамларда фармакокинетика кўрсаткичлари ўзгартирмаслиги аниқланган. Инсон жигари микросомаларидаги in vitro тадқиқотларда, плазмадаги монтелукастнинг терапевтик концентрацияси цитохром P450 3A4, 2C9, 1A2, 2A6, 2C19 ва 2D6 ларни ингибирламаслиги аниқланган. Монтелукастнинг терапевтик таъсирида метаболитларининг ҳиссаси минимал.

Чиқарилиши

Катта ёшли соғлом одамларда монтелукастнинг плазма клиренси ўртача 45 мл/минут ни ташкил қилади. Нишонланган монтелукаст ичга қабул қилинганидан кейин препаратнинг 86% и 5 кун давомида ахлатда ва < 0,2% и сийдикда аниқланган. Монтелукаст ичга қабул қилинганидан кейин унинг кўзда тутилган биокиришаолишлиги билан боғлиқ натижалар, препарат ва унинг метаболитлари асосан сафро билан чиқарилишидан далолат беради.

Алоҳида гуруҳ пациентларидаги фармакокинетикаси

Кекса ёшли ёки енгил ва ўрта оғир жигар етишмовчилиги мавжуд пациентлар учун дозани тўғрилаш талаб этилмайди. Буйрак етишмовчилиги бўлган беморларда текширувлар ўтказилмаган. Монтелукаст ва унинг метаболитлари сафро билан чиқарилиши туфайли, буйрак етишмовчилиги бўлган пациентлар учун дозани тўғрилаш талаб қилинмайди. Оғир жигар етишмовчилиги бўлган пациентларда (Чайлд-Пью шкаласи бўйича баҳолаш > 9 балл) монтелукаст фармакокинетикаси бўйича маълумотлар йўқ.

Монтелукаст юқори дозаларда берилганда (катталар учун тавсия этилган дозадан 20 60 маротаба ортиқ) қон плазмасида теофиллин миқдори камайиши кузатилган. Бу самара суткада бир маротаба 10 мг тавсия этилган доза берилганда кузатилмаган.

Синглон препарати енгил ёки ўртача даражадаги персистирловчи бронхиал астмаси бўлган, касаллиги ингаляцион глюкокортикостероидларни қабул қилиш билан назорат қилиб бўлмайдиган пациентларда ва зарурати бўлганида қисқа таъсирга эга бета-адреномиметикларни ишлатилиши етарли клиник самара таъминланмаганида қўшимча даволаш сифатида қўлланади.

Синглон препарати бронхиал астмани даволаш учун буюрилган пациентларда мавсумий аллергик ринитнинг симптомларини енгиллаштириши мумкин.

Синглон препарати жисмоний юклама фонида пайдо бўладиган асосий компоненти бронхоспазм бўлган бронхиал астмани хуружлари профилактикаси учун мўлжалланган.

Дозалар

Катталар ва 15 ёшли ва ундан катта ўсмирларда бронхиал астмани ёки бронхиал астма ва йўлдош мавсумий аллергик ринитни даволаш учун ичга, 10мг ли бир таблеткадан ҳар куни кечқурун қабул қилинади.

Навбатдаги доза ўтказиб юборилган бўлса, бемор кейинги дозани белгиланган вақтда қабул қилиши керак. Бемор иккита дозани кетма-кет қабул қилмаслиги керак.

Умумий тавсиялар

Монтелукастнинг терапевтик самараси бронхиал астма билан боғлиқ параметрларга таъсири кун давомида намоён бўлади. Монтелукастни овқат қабул қилишдан қатъий назар қабул қилиш мумкин. Пациентга бронхиал астманинг кечиши назорат қилинадиган даврда ҳам, шунингдек касалликнинг кечиши ёмонлашган даврларда ҳам монтелукаст қабул қилишни давом эттириши тавсия қилинади. Синглонни худди шундай фаол модда монтелукаст сақловчи маҳсулотлар билан бирга қабул қилиш мумкин эмас.

Енгил ва ўртача даражали буйрак ёки жигар етишмовчилиги бўлган пациентлар учун дозани тўғрилаш талаб қилинмайди. Оғир жигар етишмовчилиги бўлган пациентлар хақида маълумотлар йўқ. Препаратнинг дозаси эркак ва аёл пациентлар учун ҳам бир ҳилдир.

Монтелукаст билан даволаш ва бронхиал астмани даволаш учун бошқа препаратлар.

Монтелукастни беморнинг оддий даволаниш схемасига қўшимча қилиб қабул қилиш мумкин.

Ингаляцион глюкокортикостероилар.

Монтелукаст бронхиал астмани даволаш учун ингалацион глюкокортикостероидлар ва зарурати бўлганида ишлатиладиган қисқа таъсирга эга бета-адреномиметиклар, касалликнинг зарурий клиник назоратини таъминламаган пациентларга қўшимча даволаш сифатида буюрилади. Монтелукастни ингаляцион глюкокортикостероидларнинг ўрнига ишлатиш мумкин эмас. (“Эҳтиёткорлик чоралари” бўлимини қаранг).

Болалар

Плёнка қобиқ билан қопланган Синглон 10 мг таблеткалари катталар ва 15 ёшдан катта ўсмирлар учун мўлжалланган.

6 ёшдан 14 ёшгача болалар учун 5 мг ли чайналадиган таблеткалар чиқарилади.

2 ёшдан 5 ёшгача болалар учун 4 мг ли чайналадиган таблеткалар чиқарилади.

Синглон препарати 2 ёшдан кичик болаларда қўлланилмайди.

Қўллаш усули

Препарат кечки вақтда ичга қабул қилиш учун мўлжалланган. Плёнка қобиқ билан қопланган 10 мг Синглон препарати таблеткаларини овқат қабул қилинишидан қатъий назар қабул қилиш мумкин.

Монтелукаст клиника тадқиқотларида персистловчи бронхиал астма билан касал пациентларни жалб қилган ҳолда қуйидагича баҳоланган:

• плёнка қобиқ билан қопланган 10 мг таблеткалар тахминан 4000 катта пациентлар ва 15 ёшдан катта ўсмирларда;
• плёнка қобиқ билан қопланган 10 мг таблеткалар бронхиал астма билан боғлиқ мавсумий ринит билан касал тахминан 400 катта пациентлардан ва 15 ёшдан катта ўсмирларда;
• чайналадиган 5 мг таблеткалар - бронхиал астма билан касал 6 ёшдан 14 ёшгача бўлган тахминан 1750 та болаларда.

Клиник тадқиқотларда қуйидаги нохуш реакциялари таърифланган, улар одатда (>1/100, <1/10) плацебо гуруҳи пациентларига қараганда монтелукастни олган бронхиал астма билан касал пациентларда катта тез-тезликда кузатилган:

Пациентларнинг чекланган сони бўлган клиник тадқиқотлар вақтидаги давомли даволашда (катталар учун 2 йилгача ва 6-14 ёшли пациентлар учун 6 ойгача) препаратнинг хавфсизлик профили ўзгармаган.

Постмаркетинг қўлланилиши

Постмаркетинг қўлланилишлар вақтида қуйидаги жадвалда нохуш реакциялар организм тизимлар синфи ва атамалари бўйича келтирилган. Қайтарилиш сони тегишли клиник тадқиқотлар маълумотлари асосида баҳоланган.

Ножўя самаралар қайтарилиши таснифи учун қуйидаги атамалар қўлланган: жуда кўп (≥1/10), кўп (³1/100 дан <l/10 гача), кўп эмас (≥1/1000 дан <1/100 гача), кам (≥1/10,000 дан <1/1000 гача), жуда кам (<1/10000), учраши маълум эмас (мавжуд маълумотлар асосида аниқлаш имконияти йўқ).

Инфекциялар ва инвазиялар:

Жуда кўп: юқори нафас олиш йўллари инфекциялари *

Қон ва лимфа тизими томонидан бузилишлар:

Кам: қон кетишларига юқори мойиллик

Иммун тизими томонидан бузилишлар:

Кўп эмас: ўта юқори сезувчанлик реакциялари, шу жумладан анафилактик реакциялар

Жуда кам: жигарнинг эозинофилли инфильтратлари

Руҳий бузилишлар:

Кўп эмас: ғалати тушлар, шу жумладан тунги даҳшатлар, уйқусизлик, ойпарастлик, безовталик, қўзғалиш, шу жумладан тажовузкор хулқ ёки ёвгарчилик, депрессия, психомотор қўзғалиш (шу жумладан безовталик, бетоқатлик, тремор)

Кам: эътибор бузилиши, хотира ёмонланиши

Жуда кам: галлюцинация, ориентация йўқолиши, ўзига суиқасд қилишга қаратилган ҳаёллар ва хулқ (суицидаллик)

Асаб тизими томонидан бузилишлар:

Кўп эмас: бош айланиши, уйқучанлик, парестезия/гипоестезия, тиришишлар

Юрак томонидан бузилишлар:

Кам: юракни тез уриши

Нафас олиш тизими, кўкрак қафаси ва ғов томонидан бузилишлар:

Кўп эмас: бурундан қон кетиши.

Жуда кам: Чарга-Стросс синдроми (ЧСС) (“Эҳтиёткорлик чоралари” бўлимига қаранг), ўпка эозинофилияси.

Меъда-ичак тизими томонидан бузилишлар:

Кам: диарея **, кўнгил айниши **, қусиш **

Кўп эмас: оғизни қуриши, диспепсия

Гепатобилиар тизими томонидан бузилишлар:

Жуда кам: гепатит (шу жумладан холестатик, гепатоцеллюляр ва жигар шикастланишининг аралашган кўриниши)

Кўп: қон зардобида трансаминазаларни (АЛТ, АСТ) фаоллиги ошиши

Тери ва тери ости тўқималар томонидан бузилишлар:

Кўп: тошма**

Кўп эмас: қонталашлар пайдо бўлиши, эшакеми, қичишиш

Кам: ангионевротик шиш

Жуда кам: тугунли эритема, мультишаклли эритема

Суяк-мушак тизими ва бириктирувчи тўқима томонидан бузилишлар:

Кўп эмас: артралгия, миалгия, шу жумладан мушаклар спазмлари.

Тизимли бузилишлар ва юбориш жойидаги асоратлар:

Кўп: иситма**

Кўп эмас: кучсизлик / чарчоқлик, лоҳаслик, шишлар

* Ушбу ножўя асорат монтелукаст қабул қилган пациентларда жуда кўп учрайдиган сифатида қайд этилиб, клиник тадқиқотларида плецебони қабул қилган пациентларда ҳам жуда кўп учрайдиган сифатида қайд этилган.

** Ушбу ножўя асорат монтелукаст қабул қилган пациентларда кўп учрайдиган сифатида қайд этилиб, клиник тадқиқотларида плецебони қабул қилган пациентларда ҳам кўп учрайдиган сифатида қайд этилган.

Учраш тоифаси: кам

Айтиб ўтилган ножўя реакциялар вужудга келса, ҳамда йўриқномада келтирилмаган реакциялар вужудга келса, шифокорга мурожаат қилиш керак.

Фаол моддага ёки “Таркиби” бўлимида қайд этилган ҳар қандай ёрдамчи моддаларга ўта сезувчанлик.

Эҳтиёткорлик чоралари

Пациентлар бронхиал астманинг ўткир хуружларини бартараф қилиш учун монтелукаст перорал препаратларини қўллаш тавсия этилмайди ва ёнларида доимо тез таъсир кўрсатадиган препаратларни олиб юриш тавсия этилади. Хуруж пайдо бўлганида ингаляцион бета-адреномиметикларни ишлатиш тавсия этилади. Қисқа таъсирга эга ингаляцион бета-адреномиметикларни ишлатишга эхтиёж ошганида, пациентлар иложи борича тезроқ шифокорга мурожаат қилишлари керак.

Ингаляцион ёки тизимли глюкокортикостероидларни монтелукастга кескин алмаштириш тавсия этилмайди.

Монтелукастни йўлдош қўлланганида тизимли глюкокортикостероидларнинг дозаларини пасайтириш мумкинлигидан далолат берувчи маълумотлар йўқ.

Кам ҳолларда, астмага қарши препаратларни, шу жумладан монтелукастни қабул қилаётган пациентларда, баъзида васкулит ва Чарга-Стросс синдромининг клиник кўринишлари билан бирга кечувчи тизимли эозинофилия пайдо бўлиши мумкин - бундай ҳолларда тизимли глюкокортикостероидлар қўлланади. Бундай ҳолатлар одатда, лекин ҳар доим бўлмасада, тизимли глюкокортикостероидларнинг дозасини камайтирилиши ёки бекор қилиниши билан боғлиқ бўлади. Лейкотриен рецепторларининг антагонистларини қабул қилиш Чарга-Стросс синдромини пайдо бўлиши билан боғлиқ бўлиши эҳтимолини на инкор этиш, на тасдиқлаш мумкин эмас. Шифокорлар бу пациентларда эозинофилия, васкулит тошмаларини пайдо бўлиши, ўпка симптомларини зўрайиб бориши, юрак томонидан асоратлар ва/ёки нейропатияни пайдо бўлиши мумкинлиги юзасидан хабардор бўлишлар лозим. Юқорида келтирилган симптомлар пайдо бўлган пациентлар қайта текширувдан ўтишлари керак, уларнинг даволаш тартиби эса қайта кўриб чиқилиши керак.

Монтелукастни қабул қилиш бронхиал астмаси бўлган аспиринга юқори сезувчан пациентларга аспиринни ва бошқа ностероид яллиғланишга қарши препаратларни қабул қилишдан сақланиш заруратига таъсир қилмайди.

Таблеткалар таркибига лактоза моногидрати мавжудлиги сабабли, галактозани ўзлаштираолмаслик, лактаза етишмовчилиги ёки глюкоза-галактозани кам сўрилиш синдроми каби кам учрайдиган наслий бузилишлари бўлган пациентлар ушбу дори воситасини қабул қилмасликлари керак.

Монтелукастни бронхиал астмани даволаш ва профилактика қилиш учун мўлжалланган бошқа дори воситалари билан бирга қабул қилиш мумкин. Дори воситаларнинг ўзаро таъсирини аниқлаш бўйича текширишларда, монтелукаст тавсия этилган дозаларда қуйидаги дори воситаларининг фармакокинетикасига клиник аҳамиятли таъсир кўрсатмаган: теофиллин, преднизон, преднизолон, перорал контрацептивлар (этинилэстрадиол/ норэтиндрон 35/1), терфенадин, дигоксин ва варфарин.

Монтелукастнинг плазмадаги концентрациясининг ”концентрация вақт” фармакокинетик эгри чизиқ остидаги майдон (AUC), бир вақтда фенобарбитал қабул қилган пациентларда тахминан 40% га камайган. CYP 3A4, 2C8 ва 2C9 монтелукастнинг метаболизмида иштирок этиши туфайли, монтелукаст, фенитоин, фенобарбитал ва рифампицин каби CYP 3A4, 2C8 ва 2C9 индукторлари билан бирга, айниқса болаларда қўлланганида эҳтиёткорлик намоён қилиш керак.

In vitro тадқиқотларда монтелукаст CYP 2C8 нинг кучли ингибитори эканлиги аниқланган. Бироқ монтелукаст ва росиглитазон (асосий метаболизми CYP 2C8 ферменти иштирокида амалга ошадиган дорилар учун маркер субстратларнинг вакили) нинг ўзаро таъсирини ўрганиш бўйича клиник тадқиқотларнинг натижалари, in vivo шароитида монтелукастнинг CYP 2C8 га ингибирловчи таъсирини аниқламаган. Шунинг учун монтелукаст ушбу фермент иштирокида метаболизмга учрайдиган препаратлар (масалан, паклитаксел, росиглитазон ва репаглинид) нинг айланишларини сезиларли ўзгартирмаслиги кутилади.

In vitro тадқиқотлар натижаларига кўра, монтелукаст CYP2C8 изоферменти субстрати ҳисобланишини кўрсатди, аммо камроқ даражада у 2C9, ва 3A4 изоферметлари субстрати бўлади. Монтелукаст ва гемфиброзил (CYP2C8 ва 2C9 изоферментлари ингибитори) ўзаро таъсирининг клиника тадқиқотида гемфиброзил монтелукастнинг тизимли экспозициясини 4,4 баробар оширган. Бир вақтда гемфиброзил ёки CYP2C8 изоферментининг бошқа кучли ингибитори билан буюрганда монтелукаст дозаси ўзгартирилиши талаб этилмайди, аммо шифокор ножўя асоратлар ривожланиши эҳтимоли ошиши тўғрисида билиши шарт.

Мазкур in vitro тадқиқотлар натижалари асосида CYP2C8 кучсизроқ ингибиторлари билан (масалан, триметоприм билан) клиника аҳамиятли ўзаро таъсирланиш кутилмайди. Бир вақтда монтелукаст CYP3A4 изоферментининг кучли ингибитори итраконазол билан буюрилиши, монтелукаст тизимли экспозицияси сезиларли ошишига олиб келмаган.

Ҳомиладорлик ва эмизиш даврида қўллаш

Ҳомиладорлик

Ҳайвонларда ўтказилган тадқиқотларда ҳомиладорлик ўтиши ва эмбрион / ҳомила ривожланиши учун зарар аниқланмаган.

Ҳомиладорликка бўйича маълумотлар базасидаги чекланган маълумотлар монтелукаст ва туғма нуқсонлар (масалан, қўл-оёқларнинг дефектлари билан) орасида сабабли боғлиқликни борлигини тахмин қилиш имкони йўқ, улар кам ҳолларда глобал постмаркетинг тадқиқотлар вақтида аниқланган.

Синглон препаратини ҳомиладорлик даврида фақат жуда зарур ҳоллардагина қўлланиши мумкин.

Эмизиш даври

Каламушларда ўтказилган тадқиқотларда монтелукаст кўкрак сутига ўтишини кўрсатди. Монтелукаст аёл кўкрак сутига ўтиши номаълум.

Эмизиш даврида Синглон преапарати фақат жуда зарур ҳолатлардагина қўлланиши мумкин.

Транспорт воситасини бошқариш ва механизмлар билан ишлаш қобилиятига таъсири

Монтелукаст автомобилни ва механизмларни бошқаришга таъсир қилмаслиги тахмин қилинади.

Бироқ, камдан-кам вазиятларда пациентлар бош айланиши ва уйқучанлик тўғрисида хабар беришган.

Препарат болалар ололмайдиган жойда сақлансин ва яроқлилик муддати ўтгач ишлатилмасин.

Монтелукаст дозаси ошиб кетганда даволаш ҳақида алоҳида маълумот мавжуд эмас. Бронхиал астманинг узоқ муддатли текширувларида монтелукаст катта пациентларга 22 ҳафта давомида суткада 200 мг/сут гача дозада буюрилган, қисқа муддатли текширувларда клиник аҳамиятли бўлган ножўя асоратларсиз бир ҳафта давомида 900 мг/сут гача дозада берилган.

Симптомлар

Клиник тадқиқотларида ва постмаркетинг текширишларда монтелукаст дозасини ошириб юбориш натижасида ўткир заҳарланиш ҳақида маълумотлар олинган. Улар катталарда 1000 мг дан ортиқ дозани қабул қилиш ва болада (42 ҳафталик бола тахминан 61 мг/кг га доза) қабул қилганлиги ҳақида маълумот бор. Клиника ва лаборатория кўрсаткичлари катталар ва болаларда хавфсизлик профилига мос келишини кўрсатди. Дозани ошириб юбориш тўғрисидаги хабарларда ҳеч қандай ножўя асоратлар ҳақида маълумот келтирилмаган. Кўплаб учрайдиган ножўя асоратлар монтелукаст хавфсизлиги профилига жавоб берган ва ўзига қоринда оғриқ, уйқучанлик, чанқаш, бош оғриғи, қусиш ва психомотор қўзғалишни олган.

Даволаш

Монтелукаст перитонеал диализ ёки гемодиализ орқали чиқарилиши номаълум.

Плёнка қобиқ билан қопланган 7 та таблетка Ал/Ал блистерда.

4 блистер қўллаш бўйича йўриқномаси билан картон қутида.

Оригинал ўрамида, 25 °С дан юқори бўлмаган ҳароратда, ёруғлик ва намликдан ҳимояланган жойда сақлансин.

2 йил.

Рецепт бўйича.

«Гедеон Рихтер Польша» МЧЖ, Гродзиск Мазовецкий, Польша «Гедеон Рихтер» ОАЖ, Будапешт, Венгрия учун.