Stopdiar kapsulalari 200 mg №12 (1 blister)

Tarkib

1 kapsulada quyidagilar mavjud:

Ta’sir etuvchi moddasi: nifuroksazid - 200 mg.

Yordamchi moddalar: makkajo‘xori kraxmali, saxaroza, jelatinlashdan oldingi makkajo‘xori kraxmali, magniy stearati.

Kapsula tarkibi:

qopqoq: jelatin, titan dioksidi, sariq rangli temir oksidi bo‘yog‘i;

korpus: jelatin, titan dioksidi, sariq temir oksidi bo‘yog‘i.

Tavsif

Qattiq jelatinli kapsulalar, No 1 o‘lcham. Kapsulaning qopqog‘i va korpusi sariq rangda.

Kapsula tarkibi - sariq rangli kukun.

Chiqarish shakli

Kapsulalar 200 mg.

Farmakoterapevtik guruh

Mikroblarga qarshi vosita, nitrofuran. Nifuroksazid. ATX kodi: A07AX03.

Farmakologik xususiyatlari

Farmakodinamika

Nifuroksazid - mikroblarga qarshi vosita, nitrofuran hosilasi. Degidrogenazalar faolligini bloklaydi va nafas olish zanjirlarini, uch karbon kislotalar siklini va mikrob hujayrasidagi boshqa bir qator biokimyoviy jarayonlarni susaytiradi. Mikrob hujayrasi membranasini yemiradi, mikroorganizmlar tomonidan toksinlar ishlab chiqarilishini kamaytiradi. Campylobacter jejuni, Escherichia coli, Salmonella spp., Shigella spp., Clostridium perfringens, Vibrio cholerae, patogen Vibrion va Vibrio parahaemolytique, Staphylococcus spp. Nifuroksazidga kam sezgir: Citrobacter spp., Enterobacter cloacae va Proteus indologenes. Nifuroksazidga chidamli: klebsiella ,spp., Proteus mirabilis, Providencia spp., Pseudomonas spp.

Ichak mikroflorasi muvozanatini buzmaydi. O‘tkir bakterial diareyada ichak eubiozini tiklaydi. Enterotrop viruslar bilan zararlanganda bakterial superinfeksiya rivojlanishiga to‘sqinlik qiladi.

Farmakokinetika

Peroral qo‘llangandan so‘ng, nifuroksazid deyarli hazm yo‘lidan so‘rilmaydi va o‘zining antibakterial ta’sirini faqat ichak bo‘shlig‘ida ko‘rsatadi. Nifuroksazid ichak orqali chiqariladi: 20% o‘zgarmagan holda, nifuroksazidning qolgan miqdori esa kimyoviy o‘zgargan holda.

Ko‘rsatmalar

Umumiy ahvolning yomonlashuvi, tana haroratining ko‘tarilishi, intoksikatsiya kuzatilmasdan kechadigan o‘tkir bakterial diareya.

Qarshi ko‘rsatmalar

Nifuroksazid, nitrofuran hosilalari va preparatning boshqa komponentlariga yuqori sezuvchanlik, homiladorlik, 3 yoshgacha bo‘lgan bolalar (ushbu dori shakli uchun), fruktozani ko‘tara olmaslik, glyukoza-galaktoza malabsorbsiyasi sindromi yoki saxaraza va izomaltaza yetishmovchiligi.

Qo‘llash usuli va dozalari

Ichga qo‘llaniladi.

3 yoshdan 6 yoshgacha bo‘lgan bolalarga: 200 mg nifuroksazid (1 kapsula) kuniga 3 marta (qabul qilish oralig‘i 8 soat).

6 yoshdan 18 yoshgacha bo‘lgan bolalarga: 200 mg nifuroksazid (1 kapsula) sutkada 3-4 marta (qabul qilish oralig‘i 6-8 soat).

Kattalarga: 200 mg nifuroksazid (1 kapsula) kuniga 4 mahal (qabul qilish oralig‘i 6 soat).

Davolash kursining davomiyligi 5-7 kun, lekin 7 kundan oshmasligi kerak. Agar qabul qilishning dastlabki 3 kunida yaxshilanish kuzatilmasa, shifokorga murojaat qilish kerak. Preparatni faqat yo‘riqnomada ko‘rsatilgan tartibda va dozalarda qo‘llang. Zarur hollarda, iltimos, dori vositasini qo‘llashdan oldin shifokor bilan maslahatlashing.

Nojo‘ya ta’sirlari

Allergik reaksiyalar (teri toshmasi, eshakemi, Kvinke shishi, anafilaktik shok).

Agar yo‘riqnomada ko‘rsatilgan istalmagan reaksiyalarning birortasi og‘irlashsa yoki siz yo‘riqnomada ko‘rsatilmagan boshqa istalmagan reaksiyalarni sezsangiz, bu haqda shifokorga xabar bering.

Dozani oshirib yuborish

Dozani oshirib yuborish belgilari ma’lum emas. Davolash simptomatik.

O‘zaro aloqa

Disulfiramsimon reaksiyalar rivojlanishini chaqiruvchi preparatlar, markaziy nerv sistemasi funksiyasini susaytiruvchi dori preparatlari bilan bir vaqtda qo‘llash tavsiya etilmaydi. Agar siz boshqa dori vositalarini (shu jumladan retseptsiz) qabul qilayotgan bo‘lsangiz, Stopdiar preparatini qo‘llashdan oldin shifokor bilan maslahatlashing.

Maxsus ko‘rsatmalar

Diareyani davolashda nifuroksazid terapiyasi bilan bir vaqtda regidratatsion terapiya o‘tkazish zarur. Tizimli zararlanish belgilari (umumiy holatning yomonlashuvi, tana haroratining ko‘tarilishi, zaharlanish yoki infeksiya belgilari) bilan kechadigan bakterial diareya holatida tizimli ta’sirga ega antibakterial preparatlarni qo‘llash masalasini hal qilish uchun shifokorga murojaat qilish lozim.

O‘ta sezuvchanlik belgilari (hansirash, toshma, qichishish) paydo bo‘lganda preparatni qabul qilishni to‘xtatish lozim. Nifuroksazid bilan davolash vaqtida alkogol iste’mol qilish taqiqlanadi.

Stopdiar preparatining bir martalik dozasi (1 kapsula) tarkibida 72 mg saxaroza mavjud bo‘lib, bu 0,0072 Non Birligiga (XB) to‘g‘ri keladi. Saxarozaning sutkalik dozasi kattalar va 6 yoshdan 18 yoshgacha bo‘lgan bolalar uchun 1 kapsuladan kuniga 4 marta qabul qilinganda 0,0288 XB va 3 yoshdan 6 yoshgacha bo‘lgan bolalar uchun 1 kapsuladan kuniga 3 marta qabul qilinganda 0,0216 XB ni tashkil etadi.

Homiladorlik va laktatsiya

Biroq, ehtiyot chorasi sifatida nifuroksazidni homiladorlik davrida qabul qilish tavsiya etilmaydi. Laktatsiya davrida preparat bilan davolashning qisqa kursi bo‘lsa, emizishni davom ettirish mumkin. Shifokor bilan maslahatlashish zarur.

Transport vositalari va mexanizmlarini boshqarish qobiliyatiga ta’siri

Preparat transport vositalari va mexanizmlarni boshqarish qobiliyatiga ta’sir ko‘rsatmaydi.

Qadoq

PVX va alyuminiy folga blisteriga 12 tadan kapsula solinadi.

1 tadan blister qo‘llanmasi bilan karton qutiga solinadi.

Saqlash shartlari

25 °C dan yuqori bo‘lmagan haroratda.

Bolalar qo‘li yetmaydigan joyda saqlang.

Yaroqlilik muddati

3 yil.

Qadoqda ko‘rsatilgan yaroqlilik muddati tugagandan so‘ng qo‘llanilmaydi.

Dorixonalardan berish shartlari

Retsept bo‘yicha.

Ro‘yxatdan o‘tish guvohnomasi egasi

GIDEON RIXTER OAJ Vengriya.

Ishlab chiqaruvchi

GEDEON RICHTER PLC Vengriya.