Terfalin tabletkalari 250 mg №14 (1 blister)
- Tovar haqida hamma narsa
- Dorixonalardagi narxlar
![Sotib olish Terfalin tabletkalari 250 mg №14 (1 blister) Terfalin tabletkalari 250 mg №14 (1 blister)](https://liki.uz/content/shop/products/32932/terfalin-tabletki-po-250-mg-14-1-blister-nobel-pharmsanoat-prod-400x400-1f92.jpg)
Uchun ko‘rsatma Terfalin tabletkalari 250 mg №14 (1 blister)
Фаол модда: тербинафин гидрохлориди (250 мг тербинафинга эквивалент);
ёрдамчи моддалар: гидроксипропилметилцеллюлоза, натрий кроскармеллоза, микрокристаллик целлюлоза, сувсиз коллоид кремний, магний стеарати.
Таблеткалар.
Замбуруғга қарши воситалар.
Тербинафин препаратининг фаол моддаси, замбуруғларга қарши кенг таъсир доирасига эга бўлган аллиламиндир. Trichophyton (T.rubrum, T.mentagroplytes, T. tonsurans, T. verrucosum, T. violaceum), Microsporum canis, Epidermophyton floccosum каби дерматофитларга нисбатан фаол. Паст концентрацияларда дерматофитларга, моғор замбуруғларига (Aspergillus, Cladosporhum, Seopulariopsie brevicauslis ва бошқалар) ва айрим диморф замбуруғларга нисбатан фунгицид таъсир кўрсатади. Candida оиласи ачитқи замбуруғларга ва унинг мицелиал шаклларига таъсири, замбуруғнинг турига қараб фунгицид ёки фунгистатик бўлиши мумкин.
Тербинафин шунингдек турланувчи (кепакланувчи) темиратки қўзғатувчиси Pityrosporum orbiculare га нисбатан ҳам фаол. Тербинафин замбуруғнинг ҳужайра мембранасида жойлашган скваленэпоксидаза ферментини ингибирлаш йўли орқали замбуруғларда юз берадиган эргостерол биосинтезини бузади.
Бу эргостерол танқислигига ва ҳужайра ичида скваленни тўпланишига олиб келади, бу эса замбуруғ ҳужайрасини нобуд бўлишига олиб келади.
Бу фермент Р450 цитохроми тизимига таалуқли эмас.
Фармакокинетикаси
Тербинафинни ичга 250 мг дозада бир марта қабул қилинганида плазмада максимал концентрациясига (Сmax) 2 соатдан кейин эришилади ва у 0,97 мкг/мл ни ташкил қилади. Ярим сўрилиш даври 0,8 соатни, ярим парчаланиш даври эса 4,6 соатни ташкил қилади. Овқат билан бир пайтда қабул қилинганида препаратнинг дозасини тўғрилаш талаб қилинмайди.
Қон плазмаси оқсиллари билан юкори даражада (99%) боғланади. Терининг дермал қавати орқали тез ўтади ва липофил шох қаватда тўпланади. Тербинафин шунингдек ёғ безлари секретига киради, бу соч фолликулаларида, сочда ва ёғ безларига бой терида юқори концентрацияларда йиғилишига олиб келади. Шунингдек даволаш бошланганидан кейинги биринчи бир неча ҳафталарда тербинафинни тирноқ пластинкаларига кириши кузатилган.
Тербинафин тез ва аҳамиятли даражада Р450 цитохромининг камида 7 изоферменти иштирокида метаболизмга учрайди, бунда асосий ролни CYP2C9, CYP1A2, CYP3A4, CYP2C8 ва CYP2C19 изоферментлари ўйнайди. Тербинафиннинг биотрансформацияси натижасида замбуруғларга қарши фаолликка эга бўлмаган ва асосан сийдик билан чиқариладиган метаболитлари ҳосил бўлади. Ярим чиқарилиш даври (Т1/2) 17 соатни ташкил қилади. Препаратни организмда тўпланиб қолиши ҳақида хеч қандай далиллар йўқ.
Алоҳида клиник ҳолатлардаги фармакокинетикаси.
Препаратнинг плазмадаги мувозанатли концентрациясини (Сss) ёшга боғлиқ ўзгаришлари аниқланмаган, аммо буйрак ёки жигар фаолиятини бузилиши бўлган пациентларда препаратни чиқарилиш тезлиги пасайиши мумкин, бу тербинафинни қонда юқорироқ концентрациясига олиб келади.
Препаратнинг бир марталик дозаларини жигарнинг йўлдош касалликлари бўлган беморлардаги фармакокинетик текширишлар, препаратнинг клиренсини 50% га пасайиши мумкинлигини кўрсатган.
- дерматофит замбуруғлари чакирган онихомикоз;
- бошнинг сочли кисми микозлари;
- терининг замбуруғли инфекциялари тана, болдир, товон дерматомикозларини, шунингдек Candida тури замбуруғлари (масалан, Candida albicans) чақирган терининг ачитқи инфекцияларини даволаш, жойлашуви, инфекциянинг яққоллиги ёки тарқалганлиги перорал даволашни мақсадга мувофиқлигини кўрсатган ҳолатларда қўлланади.
Маҳаллий қўллаш учун препаратдан фарқли равишда, ичга қабул учун препарат рангбаранг (кепаксимон) темираткида самарали эмас.
Даволаш давомийлиги кўрсатмалар ва касалликнинг кечишини оғирлигига боғлиқ.
2 ёшгача бўлган болаларда препаратни қўллаш бўйича маълумотлар (уларнинг тана вазни одатда 12 кг дан кам) йўқ. 2 ёшдан катта болаларда ичга қабул қилинганида препаратни ўзлаштирилиши яхши. Препаратни суткада бир марта буюрилади. Бир марталик доза боланинг тана вазнига боғлиқ кўлланилади.
Тана вазни | Доза |
20 кг дан кам | 62,5 мг |
20 дан 40 кг гача | 125 мг |
40 кг дан кўп | 250 мг |
Катталарга суткада 250 мг дан бир марта буюрилади. Товон дерматомикозида тавсия қилинадиган даволаш давомийлиги (бармоқлараро, оёқ кафти, ёки пайпоқлар тури бўйича) 2-6 ҳафта, тана, болдирларнинг дерматомикозида 2-4 ҳафта, тери кандидозида 2-4 ҳафтани ташкил этади. У билан боғлиқ инфекцияни ва шикоятларни тўлиқ йўқолиши фақат микологик текширувлардан сўнг бир неча ҳафтадан кейин бошланиши мумкин.
Бошнинг сочли қисми микозида тавсия қилинадиган даволаш давомийлиги 4 ҳафтани ташкил қилади. Бошнинг сочли қисми микози асосан болаларда кузатилади.
Онихомикозда кўпчилик пациентларда самарали даволаш давомийлиги 6 дан 12 ҳафтагачани ташкил қилади. Панжалар онхимикозида кўпчилик ҳолларда 6 ҳафта даволаш етарлидир. Оёқ панжаларининг онихомикозида кўпчилик ҳолларда 12 ҳафта даволаш етарли ҳисобланади. Тирноқларини ўсиш тезлиги пасайган айрим беморларда узоқроқ даволаш талаб қилиниши мумкин. Оптимал клиник самара микологик тузалгандан ва даволаш тўхтатилганидан кейин бир неча ойдан сўнг кузатилади. Бу соғлом тирноқни ўсиши учун зарур бўлган вақт даври билан белгиланади.
Кекса ёшдаги шахслар учун препаратнинг дозасини ўзгартиришни талаб қилишга, ёки уларда ёшроқ пациентлардан фарқланадиган ножўя таъсирларни кузатилиши мумкин деб тахмин қилишга асос йўқ. Бу ёш гуруҳида препаратни таблеткаларда қўллаш ҳолларида жигар ёки буйраклар фаолиятини йўлдош бузилишларини бўлиши мумкинлигини ҳисобга олиш лозим.
Препарат умуман яхши ўзлаштирилади, ножўя самаралари одатда кучсиз ёки ўртача ифодаланган ва ўткинчи характерга эга бўлади. Қуйида клиник синовларда ёки препарат бозорга чиққанидан кейин кузатилган нохуш ҳолатлар келтирилган.
Ножўя самараларни учраш сонини баҳолашда қуйидаги градациялар ишлатилган: жуда кўп (³0,1), кўп (³0,01, <0,1), баъзида (³0,001, <0,01), кам (³0,0001, <0,001), жуда кам (<0,0001), алоҳида хабарларни ҳам қўшиб хисоблаганда.
Қон яратиш тизими томонидан: жуда кам нейтропения, агранулоцитоз, тромбоцитопения.
Иммун тизими томонидан: жуда кам анафилактоид реакциялар (шу жумладан ангионевротик шиш), терининг тизимли қизил югурики.
Асаб тизими томонидан: кўп бош оғриғи, баъзида таъм билиш ҳиссини бузилиши, уларни йўқотишни ҳам қўшиб (одатда тикланиш даволаш тўхтатилганидан кейин бир неча ҳафта мобайнида юз беради). Таъм билиш ҳиссининг узоқ бузилиши тўғрисида алоҳида хабарлар бор. Алоҳида ҳолларда препаратни қабул қилиш фонида овқат истеъмол қилишни пасайиши аниқланган, тана вазнини аҳамиятли пасайишга олиб келади.
Жигар томонидан: кам ҳолларда гепатобилиар дисфункция (асосан холестатик табиатли), шу жумладан оғир жигар етишмовчилигининг ривожланишини жуда кам ҳоллари (айримлари ўлим билан якунланадиган ёки жигарни кўчириб ўтказилиши талаб қилинадиган). Жигар етишмовчилиги ривожланган кўпчилик ҳолларда пациентларда жиддий тизимли йўлдош касалликлари бўлган ва жигар етишмовчилиги туфайли препаратни қабул қилиш билан боғлиқлиги шубҳали бўлган.
Меъда-ичак йўллари томонидан: жуда кўп ҳолларда меъдани тўлиб кетиши ҳисси, иштаҳани йўқолиши, диспепсия, кўнгил айниши, қоринда кучсиз оғриқлар, диарея.
Дерматологик реакциялар: жуда кўп оғир бўлмаган тери реакциялари (тошма, эшакеми); жуда кам жиддий тери реакциялари (шу жумладан Стивенс-Джонсон синдроми), терида псориазсимон тошмалар ёки псориазни зўрайиши. Жуда кам соч тўкилиши ҳоллари аниқланган бўлсада, бундай ҳолатнинг сабабини препаратни қабул қилиш билан боғлиқлиги аниқланмаган. Агар кучаядиган тери тошмалари ривожланса, препарат билан даволашни тўхтатиш керак.
Суяк-мушак тизими томонидан: жуда кўп артралгия, миалгия.
Бошқалар: жуда кам чарчоқлик ҳисси.
Препаратнинг компонентларига юқори сезувчанлик.
Ҳомиладорлик ва лактация
Экспериментал текширишларнинг маълумотлари фертилликга нисбатан нохуш ҳолатларни ва ҳомилага нисбатан заҳарлилигини борлигини тахмин қилишга асос бўлмайди. Препаратни ҳомиладорликда қўллаш бўйича клиник тажрибанинг жуда чекланганлиги туфайли, препаратни ҳомиладорлик даврида даволашдан кутиладиган фойда потенциал хавфдан устун бўлган ҳоллардан ташқари ҳолларда қўллаш мумкин эмас.
Тербинафин кўкрак сути билан чиқарилади, шунинг учун препаратни ичга қабул қилаётган аёллар эмизмасликлари керак.
Тербинафиннинг плазма клиренси метаболизм индукторлари таъсири остида тезлашиши ва Р450 цитохороми ингибиторлари таъсири остида бостирилиши мумкин. Юқорида кўрсатилган препаратларни бир вақтда қўллаш зарурати бўлганида, охиргисининг дозалаш тартибини мувофиқ равишда тўғрилаш талаб қилиниши мумкин.
Циметидин тербинафиннинг таъсирини кучайтириши ёки унинг плазмадаги концентрациясини ошириши, клиренсини 33% га камайтириши мумкин.
Рифампицин тербинафиннинг таъсирини сусайтириши ёки унинг плазмадаги концентрациясини камайтириши, тербинафиннинг клиренсини 100% га ошириши мумкин.
in vitro шароитида ва соғлом кўнгиллиларда ўтказилган тадқиқотларнинг натижалари, тербинафин, CYP2DA иштирокида метаболизмга учрайдиганларидан ташқари, цитохроми Р450 тизими иштирокида метаболизмга учрайдиган кўпчилик препаратлар (масалан, терфенадин, триазолам, толбутамид ёки перорал контрацептивларнинг) клиренсини сусайтириши ёки кучайтириш бўйича бироз потенциалга эгалигини кўрсатди.
Антипирин ёки дигоксиннинг клиренсига таъсир қилмайди. Препаратни перорал контрацептивлар билан бирга қабул қилган беморларда ҳайз кўриш циклининг бузилишини, гарчи бу бузилишларнинг тез-тезлиги фақат перорал контрацептивларни қабул қилган пациенткалардаги бундай бузилишларнинг ўртача тез-тезлигидан ошмасада, бундай бузилишларнинг бир неча ҳоллари тўғрисида хабарлар мавжуд.
Тербинафин кофеиннинг таъсирини кучайтириши ёки унинг плазмадаги концентрациясини ошириши мумкин. Вена ичига юборилган кофеиннинг клиренсини 19% га, дезипраминнинг клиренсини 82% га пасайтиради.
Циклоспориннинг таъсирини сусайтириши ва унинг плазмадаги концентрациясини камайтириши мумкин, клиренсини 15% га оширади.
Препаратни жигарнинг сурункали ёки фаол касалликлари бўлган пациентларга буюриш тавсия қилинмайди. Препарат таблеткасини буюришдан олдин пациентда жигарнинг йўлдош касалликлари борлигини аниқлаш керак.
Гепатотоксиклик жигарнинг йўлдош касалликлари бўлган ёки уларсиз пациентларда пайдо бўлиши мумкин.
Препарат буюрилган пациентлар препаратни қабул қилиш фонида турғун кўнгил айниши, иштаҳани йўқолиши, чарчоқлик ҳисси, қусиш, ўнг қовурға остидаги оғриқлар, сариқлик, сийдикни ёки оч рангли аҳлат каби белгиларни пайдо бўлгани тўғрисида дарҳол даволовчи шифокорга хабар қилиш кераклиги ҳақида огоҳлантирилган бўлишлари керак. Бундай белгилар пайдо бўлган ҳолда препарат қабул қилишни дарҳол тўхтатиш ва жигар фаолиятини текширувини ўтказиш керак.
Тербинафин CYP2DA6 ферменти орқали бўладиган метаболизмни камайтириши кўрсатилган. Шунинг учун препарат билан бир вақтда бу фермент иштирокида метаболизмга учрайдиган препаратларни (учциклик антидепрессантлар, бета-адреноблокаторлар, серотонинни қайта қамраб олинишини селектив ингибиторлари, 1С синфи аритмияга қарши препаратлар ва МАО ингибиторларини) билан даволанган беморларни, агарда бир вақтда қўлланаётган препарат кичик терапевтик концентрация диапозонида бўлса, доимий кузатувни амалга ошириш керак.
Препаратни автомобилни ҳайдаш ва механизмлар билан ишлаш қобилиятига таъсири тўғрисида маълумотлар йўқ.
Препарат болалар олаолмайдиган жойда сақлансин ва яроқлилик муддати ўтгач ишлатилмасин.
Симптомлари: дозани ошириб юборилишини бир неча ҳоллари тўғрисида хабарлар бор (қабул қилинган доза 5 г ни ташкил қилган), уларда бош оғриғи, кўнгил айниши, эпигастрал соҳада оғриқ ва бош айланиши аниқланган.
Даволаш: фаоллаштирилган кўмир буюриш, меъдани ювиш ва зарурати бўлганида симптоматик тутиб турувчи даволашни ўтказиш керак.
Таблеткалар 250 мг дан №14, №28.
Қуруқ, ёруғликдан ҳимояланган жойда, 25 °C дан юқори бўлмаган ҳароратда.
2 йил.
Рецепт бўйича.
"NOBEL- PHARMSANOAT" ЧЭК,
Ўзбекистон Республикаси, Ташкент ш., Т.Шевченко кўч., 23, тел.: 256-13-60
Ko`p so`raladigan savollar
Terfalin tabletkalari 250 mg №14 (1 blister) narxi har bir paket uchun
Terfalin tabletkalari 250 mg №14 (1 blister) ni ishlab chiqaruvchi mamlakat O`zbekiston.
Terfalin tabletkalari 250 mg №14 (1 blister) ishlab chiqaruvchisi Nobel-Pharmsanoat hisoblanadi.