Tiogamma (Thiogamma) plyonka bilan qoplangan tabletkalar 600 mg №60 (6 blister х 10 tabletka)

Tarkib

Qobiq bilan qoplangan 1 ta tabletka quyidagilarni o‘z ichiga oladi:

ta’sir etuvchi modda: tiokt kislotasi - 600 mg;

yordamchi moddalar: gipromelloza 25,00 mg, kolloid kremniy dioksidi 25,00 mg, mikrokristallik sellyuloza (PH112 turi) 49,00 mg, laktoza monogidrati 49,00 mg, natriy krosskarmelloza 16,00 mg, talk 36,364 mg, dimetikon 3,636 mg, magniy stearati 16,00 mg;

qobiq: makrogol 6000 - 0,60 mg, gipromelloza 2,80 mg, talk 2,00 mg, natriy laurilsulfat 0,025 mg.

Tavsif

Plyonkali qobiq bilan qoplangan, silliq va biroz yaltiroq yuzali, har ikki tomonida bitta ajratuvchi chiziqli, sariq rangli, oq va to‘q sariq rangli dog‘lar bo‘lishi mumkin bo‘lgan cho‘ziq, ikki tomonlama qavariq tabletkalar.

Chiqarish shakli

Plyonkali qobiq bilan qoplangan tabletkalar 600 mg.

Farmakoterapevtik guruh

Metabolik vosita. Tiokt kislota. ATX kodi: A16AX01.

Farmakologik xususiyatlari

Farmakodinamika

Tiokt kislota - endogen antioksidant (erkin radikallarni bog‘laydi).

Organizmda oksidlanishli dekarboksillanishda alfa-ketoksilot hosil bo‘ladi.

Mitoxondrial multiferment komplekslarning koenzimi sifatida pirouzum kislotasi va alfa-ketokislotalarning oksidlanishli dekarboksillanishida ishtirok etadi. Qonda glyukoza konsentratsiyasining pasayishiga va jigarda glikogenning ko‘payishiga hamda insulinga chidamlilikning pasayishiga yordam beradi.

Lipid va uglevod almashinuvini boshqarishda ishtirok etadi, xolesterin almashinuviga ta’sir etadi, jigar faoliyatini yaxshilaydi, og‘ir metall tuzlari bilan zaharlanganda va boshqa intoksikatsiyalarda dezintoksikatsion ta’sir ko‘rsatadi. Gepatoprotektor, gipolipidemik, gipoxolesterinemik, gipoglikemik ta’sir ko‘rsatadi. Neyronlar trofikasini yaxshilaydi.

Qandli diabetda tiokt kislota glikirlanishning oxirgi mahsulotlari hosil bo‘lishini kamaytiradi, endonevral qon aylanishini yaxshilaydi, glutation miqdorini fiziologik qiymatgacha oshiradi, natijada diabetik polineyropatiyada periferik nerv tolalarining funksional holati yaxshilanishiga olib keladi.

Farmakokinetika

Ichga qabul qilinganda oshqozon-ichak yo‘llarida tez va to‘liq so‘riladi, ovqat bilan bir vaqtda qabul qilinganda so‘rilishni kamaytiradi. Jigar orqali "birinchi o‘tish" effekti tufayli biosinguvchanligi 30-60%. Maksimal konsentratsiyaga erishish vaqti (4 mkg/ml) - taxminan 30 daqiqa. Jigarda yon zanjirning oksidlanishi va konyugatsiya yo‘li bilan metabolizmga uchraydi. Tiokt kislota va uning metabolitlari buyraklar orqali (80-90%), oz miqdorda - o‘zgarmagan holda chiqariladi. Yarim chiqarilish davri 25 min.

Ko‘rsatmalar

Diabetik polineyropatiya va alkogol polineyropatiyasi.

Qarshi ko‘rsatmalar

Tiokt kislotasi yoki preparatning boshqa komponentlariga yuqori sezuvchanlik.

18 yoshgacha bo‘lgan bolalar yoshi.

Galaktozani irsiy ko‘tara olmaslik, laktaza yetishmovchiligi yoki glyukoza-galaktoza malabsorbsiyasi.

Homiladorlik va emizish davri. ("Homiladorlik va emizish triodida qo‘llash" bo‘limiga qarang).

Preparatni qabul qilishdan oldin albatta shifokor bilan maslahatlashing.

Qo‘llash usuli va dozalari

Tiogamma® preparatidan 600 mg (1 tabletka) sutkada 1 marta ichishga buyuriladi. Tabletkalar och qoringa, chaynamay, oz miqdordagi suyuqlik bilan ichiladi. Davolash kursining davomiyligi kasallikning og‘irlik darajasiga qarab 30-60 kunni tashkil etadi. Davolash kursini yiliga 2-3 marta takrorlash mumkin.

Nojo‘ya ta’sirlari

Salbiy nojo‘ya ta’sirlarning namoyon bo‘lish chastotasi JSST tasnifiga muvofiq keltirilgan:

Juda tez-tez davolanayotgan har 10 kishidan 1 tasida

Ko‘pincha 10 tadan 1 tasida kamroq, ammo davolanayotgan 100 tadan 1 tasida ko‘proq uchraydi

100 tadan 1 tadan kam, ammo davolanayotgan 1000 tadan 1 tadan ko‘p holatda

Kamdan-kam hollarda 1000 tadan 1 tasida, ammo davolanayotgan 10000 tadan 1 tasida ko‘proq uchraydi

Juda kamdan-kam hollarda 10 000 tadan 1 tadan kam, shu jumladan ayrim hollarda

Noma’lum mavjud ma’lumotlardan o‘rnatib bo‘lmaydi

Juda kamdan-kam hollarda (< 1/10000) quyidagi nojo‘ya ta’sirlar rivojlanadi:

Oshqozon-ichak trakti (OIT) tomonidan buzilishlar: ko‘ngil aynishi, qusish, qorin og‘rig‘i, ich ketishi;

Immun tizimi tomonidan buzilishlar: allergik reaksiyalar (anafilaktik shok rivojlanishigacha), teri toshmalari, eshakemi, qichishish;autoimmun insulin sindromi (AIS), AISning klinik ko‘rinishlari quyidagilar bo‘lishi mumkin: bosh aylanishi, terlash, mushaklar titrashi, yurak urishining tezlashishi, ko‘ngil aynishi, bosh og‘rig‘i, ongning chalkashishi, ko‘rish qobiliyatining buzilishi, hushni yo‘qotish, koma.

Asab tizimidagi buzilishlar: ta’m bilish sezgisining o‘zgarishi yoki buzilishi;

Moddalar almashinuvi va ovqatlanishdagi buzilishlar: glyukoza o‘zlashtirilishining yaxshilanishi tufayli qondagi glyukoza konsentratsiyasining pasayishi mumkin. Bunda gipoglikemiya belgilari - bosh aylanishi, ko‘p terlash, bosh og‘rig‘i, ko‘rishning buzilishi paydo bo‘lishi mumkin.

Chastotasi noma’lum (mavjud ma’lumotlardan aniqlash imkonsiz):

Teri va teri ostidagi buzilishlar: ekzema.

Agar yo‘riqnomada ko‘rsatilgan nojo‘ya ta’sirlarning birortasi kuchaysa yoki yo‘riqnomada ko‘rsatilmagan boshqa nojo‘ya ta’sirlarni sezsangiz, bu haqda shifokorga xabar bering.

Dozani oshirib yuborish

Belgilari: ko‘ngil aynishi, qusish, bosh og‘rig‘i.

Alkogol bilan birgalikda 10 dan 40 g gacha tiokt kislotasi qabul qilinganda, zaharlanish, hatto o‘lim holatlari kuzatilgan.

O‘tkir dozani oshirib yuborish alomatlari: psixomotor qo‘zg‘alish yoki ongning xiralashuvi, odatda keyinchalik tarqalgan tutqanoqlar rivojlanishi va laktoatsidoz shakllanishi bilan. Shuningdek, gipoglikemiya, shok, rabdomioliz, gemoliz, tarqalgan tomir ichi qon ivishi, suyak ko‘migi depressiyasi va ko‘p a’zoli yetishmovchilik holatlari ham tasvirlangan.

Davolash simptomatik. Maxsus antidot yo‘q.

O‘zaro aloqa

Tiokt kislotasi glyukokortikosteroid vositalarning yallig‘lanishga qarshi ta’sirini kuchaytiradi. Tiokt kislotasi va sisplatin bir vaqtda buyurilganda, sisplatin samaradorligining pasayishi kuzatiladi.

Tiokt kislota metallarni bog‘laydi, shuning uchun uni tarkibida metallar bo‘lgan preparatlar (masalan, temir, magniy, kalsiy preparatlari) bilan bir vaqtda buyurmaslik kerak - qabul qilishlar orasidagi interval kamida 2 soatni tashkil etishi kerak.

Tiokt kislotasi va insulin yoki peroral gipoglikemik preparatlar bir vaqtda qo‘llanganda ularning ta’siri kuchayishi mumkin.

Etanol va uning metabolitlari tiokt kislota ta’sirini susaytiradi.

Agar siz allaqachon boshqa dorilarni qabul qilayotgan yoki qabul qilmoqchi bo‘lsangiz, Tiogamma® preparatini qabul qilishdan oldin albatta shifokor bilan maslahatlashing.

Maxsus ko‘rsatmalar

Kamdan-kam uchraydigan irsiy fruktozani ko‘tara olmaslik, glyukoza-galaktoza malabsorbsiya sindromi yoki glyukoza-izomaltoza yetishmovchiligi bo‘lgan bemorlar Tiogamma® preparatini qabul qilmasligi kerak.

Qandli diabet bilan og‘rigan bemorlarda, ayniqsa terapiyaning dastlabki bosqichida, qondagi glyukoza konsentratsiyasini doimiy nazorat qilish zarur. Ba’zi hollarda gipoglikemiya rivojlanishining oldini olish uchun insulin yoki peroral gipoglikemik preparat dozasini kamaytirish zarur.

Gipoglikemiya rivojlanganda, Tiogamma® preparatini qabul qilishni darhol to‘xtatish lozim.

Tiogamma® preparatini qabul qilayotgan bemorlar alkogol iste’mol qilishdan tiyilishlari lozim. Tiogamma® preparati bilan davolash paytida spirtli ichimliklarni iste’mol qilish davolash samarasini pasaytiradi va neyropatiyaning rivojlanishi hamda zo‘rayishiga olib keladigan xavf omili hisoblanadi.

Tiogamma® 600 mg preparatining qobiq bilan qoplangan 1 tabletkasi 0,0041 non birligidan kam miqdorda saqlaydi.

Tiokt kislota bilan davolanish vaqtida autoimmun insulin sindromi (AIS) rivojlanish hollari tasvirlangan. AIS paydo bo‘lish ehtimoli bemorlarda HLA-DRB1*04:06 va HLA-DRB1*04:03 allellarining mavjudligi bilan belgilanadi.

Homiladorlik va laktatsiya

Homiladorlik va laktatsiya davrida Tiogamma® preparatini qo‘llash mumkin emas. ("Qarshi ko‘rsatmalar" bo‘limiga qarang).

Qadoqlash

PVX/PVDX/alyuminiy folga blisterida plyonkali qobiq bilan qoplangan 10 tadan tabletka.

Karton qutida qo‘llash bo‘yicha yo‘riqnoma bilan birga 3,6 yoki 10 ta blister.

Saqlash shartlari

25 °C dan yuqori bo‘lmagan haroratda saqlanadi.

Bolalar qo‘li yetmaydigan joyda saqlang.

Yaroqlilik muddati

3 yil.

Qadoqda ko‘rsatilgan muddat tugagandan keyin ishlatilmasin.

Dorixonalardan berish shartlari

Retsept bo‘yicha.

Ro‘yxatdan o‘tganlik guvohnomasi egasi

VERVAG FARMA GMBX I KO KG Germaniya.

Ishlab chiqaruvchi

ARTESAN PHARMA GMBH & CO KG Germaniya.