Tremin Novell in'ektsiya uchun eritmasi 500 mg / 5 ml, 5 ml №10 (ampulalar)

Tarkib

Har bir ampula (5 ml) quyidagilarni o‘z ichiga oladi: traneksam kislotasi 500 mg.

Tavsif

Rangsiz ampulalardagi shaffof rangsiz eritma.

Dori shakli

Inyeksiya uchun eritma.

Farmakologik xususiyatlari

Antifibrinolitik vosita. Plazmin aktivatori va plazminogen ta’sirini ingibirlaydi, fibrinolizning oshishi bilan bog‘liq qon ketishlarda gemostatik ta’sirga, shuningdek, allergik va yallig‘lanish reaksiyalarida ishtirok etuvchi kininlar va boshqa faol peptidlar hosil bo‘lishini to‘xtatish hisobiga allergiyaga va yallig‘lanishga qarshi ta’sirga ega.

Ko‘rsatmalar

Umumiy ortiqcha fibrinoliz bilan bog‘liq qon ketishlarni davolash va oldini olish (oshqozon osti bezi, prostata bezining xavfli o‘smalari; ko‘krak qafasi a’zolaridagi operatsiyalar; tug‘ruqdan keyingi qon ketishlar, yo‘ldoshni qo‘lda olib tashlash; leykoz; jigar kasalliklari; streptokinaza terapiyasining asoratlari; leykemiya, aplastik anemiya, purpura, jarrohlik amaliyotlarida qon ketishi va operatsiyadan keyingi qon ketishi).

Mahalliy ortiqcha fibrinoliz bilan bog‘liq qon ketishlarni davolash va oldini olish (burundan, oshqozon-ichakdan qon ketishi, gematuriya, karsinoma tufayli bachadon bo‘ynining konuslanishi, gemorragik diatez bilan og‘rigan bemorlarda tish olish; pnevmorragiya, genital qon ketishi, buyrakdan qon ketishi, jarrohlik operatsiyalarida qon ketishi va prostatectomiyadan keyin operatsiyadan keyingi qon ketishi).

Qo‘llash usuli va dozalari

Traneksam kislotasining odatdagi kattalar dozasi (250-500 mg) har kuni vena ichiga yoki mushak orasiga bir yoki ikkita teng doza ko‘rinishida yuboriladi.

500-1000 mg dozada vena ichiga inyeksiya qilish yoki 500-2500 mg dozada vena ichiga infuziya qilish, zarurat tug‘ilganda, operatsiya paytida yoki undan keyin qon ketishini nazorat qilish uchun ishlatilishi mumkin. Doza bemorning yoshi yoki holatiga qarab o‘zgartirilishi mumkin.

Nojo‘ya ta’sirlari

O‘ta sezuvchanlik

O‘ta sezuvchanlik reaksiyalari paydo bo‘lganda yuborishni to‘xtatish kerak Dermatologiya Ahyon-ahyonda qichishish yoki teri toshmasi paydo bo‘lishi mumkin Ko‘rish Rangni idrok etishning buzilishi, kamdan-kam bo‘lsa-da, preparatni vena ichiga qo‘llangandan keyin kuzatilishi mumkin.

Shok

Preparat shok chaqirishi mumkin (kamdan-kam bo‘lsa-da). Shuning uchun davolanish vaqtida bemorlar qat’iy tibbiy nazorat ostida bo‘lishlari kerak.

Har qanday alomatlar paydo bo‘lganda, preparatni yuborishni to‘xtatish va tegishli choralarni ko‘rish kerak. Boshqa Ba’zan uyquchanlik yoki bosh og‘rig‘i paydo bo‘lishi mumkin.

Ehtiyot choralari

Quyidagi bemorlarda preparatni qo‘llashda ehtiyot bo‘lish kerak Trombozlar (bosh miya trombozi, miokard infarkti, tromboflebit) yoki tromboembolik kasalliklar xavfi bo‘lgan bemorlar Koagulopatiya bilan og‘rigan bemorlar (bir vaqtning o‘zida geparindan foydalanish kerak).

Kiritishda

Preparat venaga sekin yuboriladi. (Venaga tez yuborish ahyon-ahyonda ko‘ngil aynishi, ko‘krakda noqulaylik hissi, yurakning tez urishi yoki gipotoniyani keltirib chiqaradi).

Boshqalar

Preparatning katta dozalarini uzoq vaqt davomida qo‘llash itlarning ko‘z to‘r pardasidagi o‘zgarishlar bilan bog‘liq bo‘lgan.

Preparat quyida sanab o‘tilgan rezerpin, metiltestosteron va etiltestosteron, lipid tromboplastini, to‘qima tromboplastini, sulf adimetoksin inyeksiyalari ko‘rinishida qo‘llaniladigan dori vositalari bilan mos kelmaydi.

Hayvonlarda o‘tkazilgan ba’zi tadqiqotlar shuni ko‘rsatdiki, preparat va lipid tromboplastinni bir vaqtning o‘zida vena ichiga katta dozalarda yuborish tromblar hosil bo‘lishiga olib kelgan.

Boshqa dorilar bilan o‘zaro ta’siri, boshqa o‘zaro ta’sirlar

Preparatni gemokoagulaza bilan bir vaqtda qo‘llashda ehtiyot bo‘lish kerak, chunki bunday kombinatsiya yuqori dozalarda tromblar hosil bo‘lish ehtimolini oshirishi mumkin.

Chiqarish shakli va qadoqlash

Qutida 5 ml dan 10 ta ampula.

Saqlash shartlari

Germetik idishlarda, 30 °C dan oshmaydigan xona haroratida saqlanadi.

Yaroqlilik muddati

3 yil.

Dorixonalardan berish shartlari

Retsept bo‘yicha.

Ishlab chiqaruvchi

Novell Pharmaceutical Laboratories.

Indoneziya.