Ампициллин Радикс таблетки по 500 мг №20 (2 блистера х 10 таблеток)

Фаол модда: ампициллин тригидрат.

Ёрдамчи моддалар: картошка крахмали, магний стеарати ёки кальций стеарати, тальк.

Оқ рангли ёки оқ сарғиш тусли ўзига хос ҳидли таблеткалар.

Таблеткалар.

Антибиотиклар (пенициллинлар гуруҳи). АТХ коди: J01CA01.

Ампициллин - кенг таъсир доирасига эга бўлган яримсинтетик пенициллинлар гуруҳига мансуб антибиотик. Микроорганизмлар ҳужайраси девори синтезини бостириб бактерицид таъсир қилади. Пенициллиназа таъсирида парчаланади. Кислотага чидамли.

Препаратга пенициллиназа ишлаб чиқармайдиган Streptococci A, B, C, F, G; Str.pneumoniae ва қуйидаги микроорганизмлар: L.monocytogenes, Corynebacterium diphtheriae, Erysipelothrix rhusopathiae, Eikenella corrodens, N.meningitidis, Bordetella pertussis, Clostridium spp., Propioniobacterium acnes, Peptostreptococcus spp., Actinomyces spp., Leptospira spp., Treponema доимо сезгир; Enterococcus faecalis, E.coli, Proteus mirabilis, Salmonella spp., Vibrio cholerae, H.influenzae, N.gonorrhoeae, Fusobacterium spp., Prevotella spp. лар доимий сезгир эмас.

Препаратга чидамли микроорганизмлар: Staphylococcus spp., B.catarrhalis, Klebsiella spp., Enterobacter spp., C.diversus, C.freundii, Proteus vulgaris, Providencia rettgeri, Morganella morganii, Y.enterocolitica, Pseudomonas spp., Acinetobacter spp., Xanthomonas spp., Flavobacterium spp., Alcaligenes spp., Nocardia spp., Campylobacter spp., Legionella pneumophila, Mycobacterium spp., Bacteroides spp., Mycoplasma spp., Chlamydia spp.

Фармакокинетикаси

Препарат ичга қабул қилинганида меъданинг кислотали муҳити таъсирида парчаланмайди, қонга яхши сўрилади. Ичга қабул қилингандан сўнг плазмадаги энг юқори миқдорига тахминан 1,5-2 соатда эришилади. Организмнинг тўқималари ва суюқликларига киради, терапевтик дозаларда плеврал, перитонеал ва синовиал суюқликларида, ўт-сафрода аниқланади.

Препарат йўлдош тўсиғи орқали ўтади, она сутига чиқарилади. Ярим чиқарилиш даври тахминан 1 соат, анурияда бу давр 12-20 соатгача узаяди.

Препаратнинг асосий қисми организмдан буйраклар орқали чиқарилади, шунинг учун сийдикда антибиотикнинг жуда юқори миқдори хосил бўлади.

Препарат қайта юборилганида, организмда тўпланиб қолмайди, бу уни катта дозаларда ва узоқ вақт қабул қилишга имконият беради.

Бактериал инфекциялар: бронхит, пневмония, дизентерия, сальмонеллёз, сальмонеллаларни узоқ вақт ташувчилик, холецистит, кўк йўтал, пиелонефрит, уретрит, эндокардит, тери ва юмшоқ тўқималарнинг инфекциялари, гинекологик инфекциялар, қулоқ, томоқ бурун,инфекциялари, одонтоген инфекциялар, менингит, сепсис ва препаратга сезгир микроорганизмлар чақирган бошқа инфекциялар.

Ўртача оғирликда кечувчи инфекцияларда, суткалик дозаси катталар учун 2-3 г, оғир инфекцияларда - 10 г, менингитда - 14 г буюрилади.

Болаларга препарат 50-100 мг/кг суткалик дозада буюрилади. Бир ёшгача бўлган болалар учун суткалик доза 0,25-0,75 г, 1 ёшдан 6 ёшгача - суткалик 0,75-1,5 г, 6 ёшдан 15 ёшгача - суткалик 1,5-2 г ташкил қилади. Суткалик доза 2-4 қабулга, менигитда 6-8 қабулга бўлинади.

Гонококкли уретрит бундан истисно, унда 3,5 г препарат ичга бир қабулда бир марта буюрилади. Препарат овқатдан 0,5-1 соат олдин қабул қилинади.

Даволаш курсининг муддати одатда 5-10 кун, ўткир пиелонефритда 2-3 ҳафта, сурункали пиелонефритда 6 ойдан ортиқни ташкил қилади.

Аллергик реакциялар (эшакеми, эритемия, Квинке шиши, ринит, конъюктивит; кам ҳолларда иситма, бўғимларда оғриқлар, эозинофилия; жуда кам ҳолларда анафилактик шок).

Марказий нерв тизимига заҳарли таъсир кўрсатиши (буйрак етишмовчилиги бўлган беморларга жуда катта дозаларда қўлланганида), диспепсик кўринишлар (диарея, кўнгил айниши, қайт қилиш), кандидоз, ичак дисбактериози кузатилиши мумкин.

Мутлоқ: пенициллин қатори антибиотикларига юқори сезувчанликда.

Жигар фаолиятининг оғир бузилишлари.

Миастения. Бир ёшгача бўлган болалар.

Препаратга сезгир бўлмаган штаммлар, айниқса псевдомонадалар ва стафилококклар чақирган инфекцион касалликлар.

Нисбий: цефалоспоринларга юқори сезувчанлик, анамнезда аллергия, бронхиал астма, пичан тумови ёки эшакеми бўлиши, инфекцион мононуклеоздаги, лимфолейкоздаги, иккиламчи инфекциялар, лактация даври, ҳомиладаорликда қўллаш мумкин эмас.

Бактериостатик антибиотиклар (тетрациклин, хлорамфеникол, эритромицин ва б.) билан бир вақтда қўлланганида ўзаро антагонизм юзага келади.

Аминогликозид антибиотиклари билан микробларга қарши самарадорлигида синергизм кузатилади.

Пробеницидни бирга буюриш, препаратни сийдик билан чиқарилишини камайтиради ва унинг қон зардобидаги миқдорини ошишига олиб келади, аллопуринол билан эса, препаратнинг метаболизмини секинлаштиради ва тери тошмасининг пайдо бўлиши тез-тезлигини оширади.

Кам ҳолларда препарат перорал контрацептивларни таъсирини сусайтиради.

Аллергик реакциялар пайдо бўлган ҳолатда препарат қабул қилишни тўхтатиш ва десенсибилизацияловчи даволашни ўтказиш керак.

Препарат сепсисли беморларда қўлланганида бактериолиз реакцияси (Яриш-Герксгеймер реакцияси) ривожланиши мумкин.

Ҳолсизланган беморларни узоқ вақт даволаш препаратга чидамли микроорганизмлар (ачитқисимон замбуруғлар, грамманфий микроорганизм) чақирган суперинфекция ривожланиши мумкин. Бу беморларга препарат билан даволаш даврида В гуруҳи витаминларини ва С витаминини, буюриш, зарурати бўлганда, нистатин ва леворинни бериш мақсадга мувофиқдир. Бронхиал астмада, пичан иситмасида ва бошқа аллергик касалликларда, зарур холларда препарат билан бир вақтда десенсибилизацияловчи воситалар буюрилади.

Препарат хомиладор ва эмизикли аёлларга эҳтиёткорлик билан буюрилади.

Буйраклар, жигар фаолиятини ва қон манзарасини мунтазам назорат қилиш керак.

Буйрак етишмовчилиги бўлган пациентларга препарат буюрилганида эҳтиёткорликка риоя қилиш лозим.

Ҳомиладорлик ва эмизиш даврида қўлланилиши

Агар даволашда кутиладиган она учун фойда ҳомила учун потенциал ҳавфдан юқори бўлса, ҳомиладорликда қўллаш мумкин.

Даволаш вақтида эмизишни тўхтатиш керак.

Препарат болалар ололмайдиган жойда сақлансин ва уни яроқлилик муддати ўтганидан кейин ишлатилмасин.

Симптомлари: кўнгил айниши, қусиш, диарея, сув-электролит балансини бузилиши (қусиш ва диареяни асорати натижасида).

Даволаш: меъдани ювиш, фаоллаштирилган кўмирни буюриш, тузли сурги воситалари, сув-электролит балансини тутиб туриш, симптоматик даволаш. Гемодиализ орқали чиқарилади.

250 мг ва 500 мг дан таблеткаларда.

Қуруқ жойда, 25 °С дан юқори бўлмаган ҳароратда сақлансин.

2 йил.

Рецепт бўйича.

“RADIKS” ХИИЧК

Ўзбекистон Республикаси, Тошкент ш., 100054, Лутфий кўч, 50.

тел: 273-92-31, факс: 273-80-58.