Ampitsillin Trigidrat

Tarkib

faol modda: ampitsillin (trigidrat shaklida) 500 mg;

yordamchi moddalar: kartoshka kraxmali, magniy stearati, talk, polivinilpirrolidon, tvin-80.

Dori shakli

Tabletkalar.

Farmakologik xususiyatlari

Ta’sir doirasi keng bo‘lgan yarim sintetik penitsillinlar guruhiga mansub antibiotik. Bakteriyalar hujayra devori sintezini susaytirish hisobiga bakteritsid ta’sir ko‘rsatadi.

Gram-musbat aerob bakteriyalarga nisbatan faol: Staphylococcus spp. (penitsillinaza ishlab chiqaruvchi shtammlardan tashqari), Streptococcus spp. (shu jumladan Enterococcus spp.), Listeria monocytogenes; grammanfiy aerob bakteriyalar: Neisseria gonorrhoeae, Neisseria meningitidis, Escherichia coli, Shigella spp., Salmonella spp., Bordetella pertussis, Haemophilus influenzae ning ba’zi shtammlari.

Penitsillinaza ta’sirida parchalanadi. Kislotaga chidamli.

Farmakokinetika

So‘rish:

Ichga qabul qilingach, oshqozonning kislotali muhitida parchalanmasdan, MIYdan yaxshi so‘riladi. Parenteral yuborilgandan so‘ng (m/o va v/i) qon plazmasida yuqori konsentratsiyada aniqlanadi.

Taqsimot:

Organizm to‘qimalari va biologik suyuqliklariga yaxshi o‘tadi, plevra, peritoneal va sinovial suyuqliklarda terapevtik konsentratsiyalarda aniqlanadi. Yo‘ldosh to‘sig‘i orqali o‘tadi. Gematoensefalik to‘siqdan yomon o‘tadi, lekin miya pardalari yallig‘langanda GEBning o‘tkazuvchanligi keskin oshadi.

Metabolizm:

Ampitsillinning 30% i jigarda metabolizmga uchraydi.

Chiqarish:

T1/2 - 1-1,5 soat. Asosan siydik bilan chiqariladi, bunda siydikda o‘zgarmagan preparatning juda yuqori konsentratsiyasi hosil bo‘ladi. O‘t bilan qisman chiqariladi. Takroriy yuborilganda kumulyatsiyalanmaydi.

Qo‘llash usuli va dozalari

Kechishining og‘irligiga, infeksiyaning joylashishiga va qo‘zg‘atuvchining sezuvchanligiga qarab individual ravishda belgilanadi.

Ichga qabul qilinganda kattalar uchun bir martalik doza 250-500 mg, sutkalik doza 1-3 g. Maksimal sutkalik doza - 4 g.

Bolalarga preparat kunlik 50-100 mg/kg dozada, tana vazni 20 kg gacha bo‘lgan bolalarga 12,5-25 mg/kg dozada buyuriladi.

Sutkalik doza 4 qabulga bo‘linadi. Davolashning davomiyligi infeksiyaning og‘irligi va davolash samaradorligiga bog‘liq.

Tabletkalar ovqatlanishdan qat’i nazar ichiladi.

Og‘ir infeksiyalarda sutkalik doza 10 g gacha va undan ham ko‘proq oshirilishi mumkin.

Nojo‘ya ta’sirlari

Allergik reaksiyalar: teri toshmasi, eshakem, Kvinke shishi, qichishish, eksfoliativ dermatit, ko‘p shaklli eritema; kamdan-kam hollarda - anafilaktik shok.

Ovqat hazm qilish tizimi tomonidan: ko‘ngil aynishi, qusish, diareya, glossit, stomatit, psevdomembranoz kolit, ichak disbakteriozi, jigar transaminazalari faolligining oshishi.

Qon yaratish tizimi tomonidan: anemiya, leykopeniya, trombotsitopeniya, agranulotsitoz.

Kimyoterapevtik ta’sir tufayli yuzaga keladigan ta’sirlar: og‘iz bo‘shlig‘i kandidozi, qin kandidozi.

Qarshi ko‘rsatmalar

penitsillin guruhidagi antibiotiklar va boshqa betalaktam antibiotiklarga yuqori sezuvchanlik;

jigar faoliyatining yaqqol buzilishlari (parenteral qo‘llash uchun).

Dozani oshirib yuborish

Hozirgi vaqtda Ampitsillin preparatining dozasini oshirib yuborish holatlari haqida xabar berilmagan.

Maxsus ko‘rsatmalar

Ehtiyotkorlik bilan va desensibilizatsiyalovchi vositalarni bir vaqtda qo‘llash fonida preparatni bronxial astma, pichan isitmasi va boshqa allergik kasalliklarda buyurish lozim.

Ampitsillinni qo‘llash jarayonida buyrak, jigar faoliyati va periferik qon manzarasini muntazam nazorat qilish zarur.

Jigar yetishmovchiligida preparatni faqat jigar funksiyasi nazorati ostida qo‘llash lozim.

Buyrak faoliyati buzilgan bemorlarda KK ga qarab dozalash tartibini tuzatish talab etiladi.

Buyrak yetishmovchiligi bo‘lgan bemorlarda preparat yuqori dozalarda qo‘llanganda, markaziy asab tizimiga toksik ta’sir ko‘rsatishi mumkin.

Sepsisni davolash uchun preparat qo‘llanganda bakterioliz reaksiyasi (Yarish-Gerksgeymer reaksiyasi) bo‘lishi mumkin.

Ampitsillin qo‘llash fonida allergik reaksiyalar paydo bo‘lganda preparatni bekor qilish va desensibilizatsiyalovchi terapiya tayinlash lozim.

Kuchsizlangan bemorlarda preparatni uzoq vaqt qo‘llash natijasida ampitsillinga chidamli mikroorganizmlar keltirib chiqaradigan superinfeksiya rivojlanishi mumkin.

Kandidoz rivojlanishining oldini olish uchun Ampitsillin bilan bir vaqtda nistatin yoki levorin, shuningdek, B va C guruh vitaminlarini buyurish kerak.

Homiladorlik va emizish davrida qo‘llash

Preparatni homiladorlik davrida, ona uchun foyda homila uchun potensial xavfdan yuqori bo‘lgan hollarda, ko‘rsatmalar bo‘yicha qo‘llash mumkin.

Ampitsillin ona suti bilan past konsentratsiyada ajraladi. Laktatsiya davrida preparatni qo‘llash zarurati tug‘ilganda, emizishni to‘xtatish masalasini hal qilish lozim.

Jigar faoliyati buzilishlarida qo‘llash

Jigar faoliyatining yaqqol buzilishlarida parenteral qo‘llash mumkin emas.

Buyrak faoliyati buzilishlarida qo‘llash

Buyrak faoliyati buzilgan bemorlarda KK ga qarab dozalash tartibini tuzatish talab etiladi.

Buyrak yetishmovchiligi bo‘lgan bemorlarda preparat yuqori dozalarda qo‘llanganda, markaziy asab tizimiga toksik ta’sir ko‘rsatishi mumkin.

Bolalarda qo‘llanilishi

Bolalarga ichish uchun preparat kunlik 50-100 mg/kg dozada, tana vazni 20 kg gacha bo‘lgan bolalarga 12,5-25 mg/kg dozada buyuriladi. Yangi tug‘ilgan chaqaloqlarga preparat parenteral yo‘l bilan kunlik 100 mg/kg dozada, boshqa yoshdagi bolalarga 50 mg/kg dozada buyuriladi. Infeksiya og‘ir kechganda ko‘rsatilgan dozalar ikki baravar ko‘paytirilishi mumkin.

Chiqarish shakli

Oq rangli, yassi silindrsimon, faskali va chiziqli tabletkalar.