Epo

Ҳар бир флакон қуйидагиларни сақлайди:

фаол модда: рекомбинант одам эритропоэтини (СНО-ҳужайралар) (rhEPO) 2000 ХБ, 3000 ХБ, 4000 ХБ, 10000 ХБ;

ёрдамчи моддалар: одам зардоб альбумини, лимон кислотаси, натрий цитрати, натрий хлориди.

Тиниқ, рангсиз, ҳидсиз суюқлик.

Инъекция учун эритма.

Эритропоэзни рағбатлантирувчи восита. АТХ коди: B03XA01.

Таъсир механизми

Эритропоэтин (ЭПО) суяк кўмигида мувофиқ ўтмишдош-ҳужайраларни бўлинишини рағбатланиши ва дифференциацияси орқали қизил қон ҳужайралари ҳосил бўлишини бошқарувчи гликопротеин ҳисобланади. Эритропоэтиннинг тахминий молекуляр массаси 32,00040,000 дальтонни ташкил этади. Молекуланинг протеин қисми 58% ни ташкил этади ва 165 аминокислотадан таркиб топган. Тўртта углерод занжири учта N-гликозид боғи ҳамда битта О-гликозид боғи орқали протеинга боғланади.

Ген технологияси ёрдамида олинган эритропоэтин альфа гликолизга учрайди ва таркиби бўйича эндоген одам эритропоэтинининг углеводли қисми ва аминокислоталари билан бир хил бўлади.

Рекомбинант одам эритропоэтини худди табиий ЭПО нинг биологик фаоллигига ўхшаш фаолликка эга.

Катталарда деярли 90% ЭПО буйракларда ишлаб чиқарилади, қолган қисми жигарда ишлаб чиқарилади. Нормал шароитларда эндоген эритропоэтинни ҳосил бўлиши тўқималарни оксигенация даражасига қараб бошқарилади. Гипоксия ва анемия асосан эритропоэтинни ҳосил бўлишини оширади, у ўз навбатида эритропоэзни рағбатлантиради. Соғлом организмда плазмада эритропоэтиннинг даражаси 0,01 дан 0,03 ТБ/мл гача қийматларда тебранади ва гипоксия ҳамда анемияда 100-1000 мартагача ошади.

Сурункали буйрак етишмовчилиги бўлган пациентларда эритропоэтинни ҳосил бўлиши издан чиққан бўлади, шунинг учун эритропоэтинни танқислиги бундай пациентларда анемияни биринчи сабаби ҳисобланади. Сурункали буйрак етишмовчилиги буйрак фаолиятини зўрайиб борувчи ва одатда қайтмас бузилиши кузатиладиган клиник ҳолатдир. Бундай пациентларда буйрак фаолиятини бузилишини қатор белгилари, жумладан анемия намоён бўлиши мумкин, аммо бундай пациентларга мунтазам равишда диализ ўтказиш талаб этилмайди. Буйрак касаллигини охирги босқичи бўлган пациентлар диализ сеансларини мунтазам равишда оладилар ёки уларга буйракларни кўчириб ўтказиш талаб этилади. Эритропоэтин етук ўтмишдош ҳужайраларни, эритроид колония-рағбатлантирувчи бирликларни (CFU-E) проэритробластларга айлантириш учун керак бўлади. ЭПО мавжуд бўлмаса, ушбу трансформация амалга ошмайди ва ўтмишдош ҳужайралар нобуд бўлади. ЭПО гемоглобин ва нормал эритробластларда жойлашган бошқа протеинларни фаоллаштиради. ЭПО шунингдек бош мияда, кейинчалик қон ҳавзасига ўтиши мумкин бўлган ретикулоцитларнинг силжишини чақиради. Рекомбинант одам эритропоэтини сурункали буйрак етишмовчилиги билан хасталанган анемия бўлган пациентларда, шу жумладан диализдаги пациентларда, шунингдек мунтазам диализга муҳтож бўлмаган пациентларда эритропоэзни рағбатлантиради.

Рекомбинант одам эритропоэтинини ҳар ҳафтада уч марта юборишга нисбатан биринчи далилий клиник жавоб реакцияси бўлиб 10 кун давомида ретикулоцитларнинг миқдорини ошиши ҳисобланади, бу жараён одатда 2-6 ҳафта давомида эритроцитлар, гемоглобин ва гематокритнинг миқдорини ошиши билан кечади. Эритропоэз учун керак бўладиган вақт оралиғи давомида эритроидларни ўтмишдошлари, етилиши ва қон ҳавзасига тушиши учун бир неча кун гематокритни клиник аҳамиятли ошиши одатда 2 ҳафта даволаш давомида кузатилмайди, баъзи пациентларда жавоб реакциясини кузатиш учун 6 ҳафтагача бўлган муддат талаб этилиши мумкин.

Гематокритнинг даражаси кутилган мақсабли диапазонга (30% - 36%) етиши билан, унинг даражаси, темир танқислиги ва ёндош касалликлар бўлмаган шароитларда, рекомбинант одам эритропоэтини билан даволаш орқали бир маромда тутиб турилиши мумкин.

Гематокритни ошиб бориш темпи пациентлар ўртасида ўзгариб туради ва рекомбинант одам эритропоэтинининг дозасига боғлиқ, тахминан 50-300 бирлик/кг ҳафтада уч марта юбориладиган терапевтик диапазонлар чегарасида бўлади. Аҳамиятли даражадаги клиник жавоб реакцияси 300 бирлик/кг дозадан ошганида кузатилмайди. Клиник жавоб реакциясининг даражасига таъсир кўрсатувчи бошқа омиллар темирнинг заҳираси, гематокритнинг бошланғич даражаси, шунингдек ёндош касалликлар ҳисобланади.

Фармакокинетикаси

Тери остига юборилганидан сўнг эритропоэтин (ЭПО) юборилган жойдан секин сўрилади. Зардобда эритропоэтиннинг концентрациясини ошиши юборилгандан сўнг 2 соатдан кейин кузатилади. Қонда максимал концентрациясига 18 соатдан кейин эришилади. Суяк кўмиги ўзига хос абсорбция қилувчи аъзо ҳисобланади. ЭПО асосан жигар ва буйракларда сўрилади. Ҳайвонларда (каламушларда) ўтказилган тажриба, ЭПО асосан жигарда метаболизмга учрашини кўрсатди, ЭПО нинг фақат озгина қисмигина буйраклар, суяк кўмиги ва талоққа тақсимланади. Буйраклар ЭПОни организмдан чиқарадиган асосий аъзо ҳисобланади. Анемия билан хасталанган, ЭПО олаётган пациентларда буйраклар орқали ўзгармаган ҳолда чиқариладиган препаратнинг миқдори 10% дан камроқ қийматни ташкил этади.

Буйрак етишмовчилиги сабаб бўлган анемия, шу жумладан сурункали буйрак етишмовчилиги бўлган ва гемодиализ сеансини оладиган ва диализсиз даволанадиган беморларга қўлланади.

Буйрак анемияси

Рекомбинант одам эритропоэтини (РоЭПО) шифокорнинг кўрсатмаси бўйича қўлланади. РоЭПОни тери остига ва вена ичига ҳафтада 2-3 марта юбориш мумкин. Анемияни даражаси, пациентнинг ёши ва бошқа омилларга қараб, препаратнинг дозасига тузатиш киритилиши керак. Қуйидаги даволаш тартиби тавсия этилади:

Бошланғич дозаси: гемодиализдаги пациентлар учун тавсия этиладиган бошланғич доза ҳафтада тана вазнига 100-150 ХБ/кг, диализ муолажасини олмайдиган пациентлар учун ҳафтада тана вазнига 75-100 ХБ/кг ни ташкил этади. Агар гематокритни ошиши ҳафта давомида 0,5 ҳажм% ни ташкил этса, 4 ҳафтадан кейин препаратнинг дозасини тана вазнига 15-30 ХБ га ошириш мумкин. Бироқ дозани максимал даражада ҳафтада 30 ХБ/кг дан оширмаслик керак. Гематокрит 30-33 ҳажм% гача оширилиши керак (аммо 34 ҳажм% дан ошмаслиги керак).

Самарасини тутиб турувчи доза: Гематокритнинг қиймати 30-33% ҳажм% га етган заҳоти ёки гемоглобиннинг даражаси 100-110 г/л гача ошган заҳоти, даволашни самарани тутиб турувчи босқичига ўтказиш керак, бунда дозани терапевтик босқичидаги дозанинг 2/3 қисмигача тузатиш киритиш тавсия этилади. Бу даврда дозага ўз вақтида тузатиш киритиш, ҳаддан ташқари эритропоэзни олдини олиш ва гематокрит ва гемоглобиннинг даражаларини керакли қийматларда тутиб туриш учун гематокритни ҳар 2-4 ҳафтада текшириш керак.

РоЭПО ни узоқ вақт давомида олиш керак. Бироқ айрим ҳолларда даволашни исталган вақт тўхтатиш мумкин.

Ракни кимётерапияси билан боғлиқ бўлган анемия

Зардобда эритропоэтиннинг даражалари > 200 mu/мл бўлган пациентларга препаратни қўллаш тавсия этилмаган. Клиник маълумотлар, зардобдаги эритропоэтиннинг дастлабки даражалари паст бўлган пациентларда даволаш самарадорлиги, зардобда эритропоэтиннинг дастлабки даражалари юқори бўлган пациентларга нисбатан юқори эканлигини кўрсатди. Бошланғич дозаси тана вазнига 150 ХБ/кг ни ташкил этади, тери остига бир вақтда ҳафтада 3 марта юборилади. Агар 8 ҳафта даволаш давомида трансфузия сонини камайиши ёки гематокритни ошиши кузатилмаса, доза тана вазнига 200 ХБ/кг гача оширилади, тери остига бир вақтда, ҳафтада 3 марта юборилади. Агар гематокрит >40% ташкил этса, гематокрит 36% га пасайгунича, камайтирилган дозани қўллаш керак. Гематокритни керакли даражада тутиб туриш учун, даволаш қайтадан бошланганида ёки дозага тузатиш киритилганида, дозаси 25% га камайтирилади. Агар бошланғич дозаси гематокритни жуда тез ошишига (масалан, 2 ҳафта давомида 4% га ошишига) олиб келса, дозани камайтириш керак.

Препарат яхши ўзлаштирилади. Нохуш реакциялар енгил характерга эга.

Умумий реакциялар: даволаш бошланишида айрим пациентларда бош оғриғи, енгил иситма ва гиподинамия кузатилиши мумкин. Кўп бўлмаган пациентларда миалгия ва артралгия юз бериши мумкин. Ушбу симптомларнинг кўпчилиги мувофиқ даволанганида камаяди ва шунинг учун улар РоЭПО қўллаш давомийлигига таъсир қилмайди. Кам ҳолларда, юқорида кўрсатилган симптомлар сақланиб турса, препаратни қўллашни тўхтатиш керак.

Аллергик реакциялар: айрим пациентларда тошма ёки эшакеми, шу жумладан аллергик шок каби аллергик реакциялар кузатилиши мумкин. Тўлиқ доза билан даволашдан олдин, ЭПО препаратини биринчи марта олаётган ёки даволаш қайтадан бошланаётган пациентларга препаратнинг кичик дозаларини қўллаш тавсия этилган. Аномал реакциялар пайдо бўлганида препаратни қўллашни тўхтатиш ва мувофиқ даволаш ўтказиш керак.

Юрак-қон томир тизими: АБ ошиши, гипертензияни кечишини ёмонлашиши, бош оғриғи, онгни бузилиши, спазм, ҳатто гипертензив энцефалопатия оқибатида бош мияга қон қуйилиши мумкин. Шу сабабли, РоЭПО қўлланаётган вақтда қон босимини синчиклаб кузатиш ва зарурат бўлганида РоЭПО нинг дозасига тузатиш киритиш / даволашни тўхтатиш ва мувофиқ гипотензив препаратлар билан даволаш керак.

Қон-томирлар тизими: РоЭПО препарати қўлланганида гематокрит ошиши билан қоннинг қовушқоқлиги аҳамиятли даражада ошиши мумкин, шунинг учун тромбозни бартараф қилиш чораларини кўриш керак.

Жигар: кам ҳолларда АЛТ ва АСТ ларнинг даражасини ошиши кузатилиши мумкин.

Меъда ва ичак: баъзида кўнгил айниши, қусиш, иштаҳани йўқолиши, диарея кузатилиши мумкин.

Назорат қилиб бўлмайдиган оғир гипертензия.

Ушбу препаратга ёки сут эмизувчиларнинг ҳужайраларидан олинадиган маҳсулотларга ва одам зардоби альбуминига маълум ўта юқори сезувчанлик.

Ёндош назорат қилиш бўлмайдиган инфекцияда қўллаш мумкин эмас: мувофиқ даволаш ўтказилганидан кейин препаратни қўллаш мумкин.

ЭПО препаратини бошқа препаратлар билан бир шприцда аралаштириш мумкин эмас! Оригинал сиғимдан бошқа сиғимга қуйилгандан кейин ЭПО препаратини суюлтириш ва юборишга йўл қўйилмасин.

Адабиёт маълумотларига кўра, сурункали буйрак етишмовчилиги билан хасталанган пациентлар иштирок этган клиник тадқиқотда, эритропоэзни яхшилаш учун препаратлар қўлланганида гемоглобиннинг даражасини ≥ 3 г/дл дан ошганида ўлим ҳолати, юрак-қон томирлар томонидан оғир даражадаги бузилишлари ва апоплексияни ривожланиш ҳавфи ошганлиги аниқланган. Гемоглобиннинг даражасини 10-12 г/дл диапазонига етказиш ва ушлаб туриш учун препаратни шахсий дозалаш тартибини кузатиш тавсия этилади. Сурункали буйрак етишмовчилиги билан хасталанган, эротропоэзни яхшилаш учун препаратлар билан даволашга нисбатан тўлиқ жавоб реакцияси кузатилмаган пациентларда, ўлим ҳолати ва юрак-қон томирлари бузилишларини ривожланиш ҳавфи бошқа пациентларга нисбатан юқори. Рак билан хасталанган пациентлар иштирокида ўтказилган клиник тадқиқотда эротропоэзни яхшилаш учун қўлланадиган препаратлар ўлим ҳолати ва юрак-қон томирлари томонидан оғир даражадаги бузилишлар ривожланиш ҳавфини ошириши мумкин. Улар миокард инфаркти, шок, димланган юрак етишмовчилиги, гемодиализ вақтида қон-томирлар тромбозидан иборат бўлади. Хавф гемоглобиннинг даражасини 2 ҳафта давомида 1 г/дл дан ортиқ қийматга ошиши билан боғлиқ бўлиши мумкин.

Клиник тадқиқотларнинг натижаларига кўра, сут бези раки, ўпка, бош ва бўйин раки, лимфома, бачадон бўйни раки билан хасталанган пациентларга эритропоэзни яхшилаш учун қўлланадиган препаратларни қўллаш ҳаётни қисқариш хавфи ва/ёки ўсмани ўсиши ва қайталанишларни ривожланиш хавфига олиб келиши мумкинлиги юзасидан маълумотлар бор.

Бундай хавфлар, шу жумладан юрак-қон томир томонидан тромбоэмболияни камайтириш учун қизил қон таначаларини трансфузиясидан сақланиш мақсадида препаратнинг минимал дозаларини ишлатиш тавсия этилади.

Эритропоэзни яхшилаш учун қўлланадиган препаратларни фақат суяк кўмиги фаолиятини сусайтирувчи кимётерапия оқибатида юзага келган, анемияда ишлатиш мумкин. Бундай анемиянинг симптомлари йўқолган ҳолатларда уларни қўллаш яроқли эмас. Кимётерапия тугаганидан сўнг ушбу препаратларни қўллаш тўхтатилади.

Антикоагулянтлар билан периоперацион профилактик даволанган пациентларда ЭПО препаратини қўллаш чуқур веналар тромбозини ривожланиш ҳавфини ошириши мумкинлиги хабар қилинади. Бундай вазиятларни инобатга олиш керак.

Чин эритроцитар анемия ва оғир даражадаги анемия билан хасталанган, бошқа цитопения бўлмаган ёки бўлмаган пациентларда, эритропоэтин антителоларни нейтраллаши мумкинлиги хабар қилинади. Маълумот сурункали буйрак етишмовчилиги билан хасталанган, эритропоэзни яхшилайдиган препаратлар тери остига юборилган пациентларга тегишли.

Шунингдек, чин эритроцитар анемия интерферонни рибавирин билан мажмуада қабул қилган пациентларга шундай препаратлар юборилганида кузатилганлиги хабар қилинади. Препарат билан даволашга нисбатан жавоб реакцияси тўсатдан йўқолганида, оғир даражадаги анемия ривожланганида ва ретикулоцитларнинг миқдори камайганида препаратни қўллашни тўхтатиш ва буйдан кўринишларнинг сабабини ўрганиш, жумладан антителоларни эритропоэтин билан нейтрализация бўлиш эҳтимолини ўрганиш керак. Агар анемия эритропоэтинни антителоларга нисбатан салбий таъсири билан боғлиқлигига шубҳалар бўлса, бундай препаратларни ишлатишни тўхтатиш керак. Бундай пациентларга эритропоэзга таъсир қилувчи препаратларни қўллаш мумкин эмас. Кесишган инфекцияларда ҳам бундай препаратлар гуруҳини ишлатиш тавсия этилмайди.

Умумий эҳтиёткорлик чоралари:

Парентерал усул билан юборилганида аллергик ва бошқа нохуш реакцияларга эътибор бериш керак.

Ортиқча эритропоэздан сақланиш мақсадида гематокритни вақти-вақти билан ўлчаш (даволаш бошланишида ҳафтада бир марта, самарани тутиб турувчи босқичида икки ҳафтада бир марта) керак. Гематокрит 36 ҳажм% дан ошмаслиги керак. Ортиқча эритропоэз ривожланганида энг яхши чора даволашни тўхтатиш ҳисобланади.

Сурункали буйрак етишмовчилиги билан хасталанган, препарат билан даволанаётган пациентларда, кам ҳолларда пациентнинг аҳволини, гематопорфиринни ҳосил бўлиши билан боғлиқ бўлган ёмонлашиши кузатилади. Бундай пациентларга ЭПОни эҳтиёткорлик билан ишлатиш тавсия этилган. Даволаниш вақтида темирни функционал ёки мутлоқ танқислиги аҳамиятга эга бўлиши мумкин. Темирни функционал танқислигида ферритиннинг даражаси нормада қолади, аммо трансферрин билан тўйиниши пасаяди, чунки у суяк кўмигини, эритропоэтин билан рағбатлантирилган эҳтиёжини қондириш учун темир заҳирасини тез тўлдириш ва бўшатиш имкони бўлмайди. Трансферрин билан тўйиниши камида 20% ни ташкил этиши керак, ферритиннинг даражаси камида 100°мкг/мл бўлиши керак. Даволанишдан олдин ва даволаниш вақтида темирнинг ҳолатини кузатиб бориш керак. Кўрсаткичлар қуйидагилардан: трансферрин билан тўйиниши ва зардоб ферритинидан иборат бўлади. Аслида барча пациентлар препарат билан рағбатлантирилган эритроцитларни ишлаб чиқариш эҳтиёжини қондириш учун трансферринни ошириш/тутиб туриш/тўйинтириш учун темирнинг миқдорини оширишга муҳтож бўладилар. Операциядан кейин препаратни олаётган пациентлар, бутун даволаш курси давомида эритроцитлар ишлаб чиқарилишини тутиб туриш ва темирнинг заҳирасини камайишидан сақланиш мақсадида темирни етарли миқдорда олишлари керак.

Даволаниш вақтида қон босими ошиши мумкин, шунинг учун даволаш бошланишидан олдин қон босимини керакли тарзда назорат қилиниши керак. Даволаниш вақтида пациентларда қон босимини қатъий назорат қилиш ва синчиклаб кузатиш керак. Антигипертензив препаратлар билан даволаниш ва парҳезга риоя қилиш муҳимлиги тўғрисида пациентларни огоҳлантириш керак. Агар қон босими назоратдан чиқиб кетса, гемоглобинни пасайтириши мумкин бўлган маҳсулотни ишлатишни камайтириш ёки тўхтатиш керак. Агар гемоглобиннинг даражаси 2 ҳафта давомида 1 г/дл дан юқори қийматга ошса, препаратнинг дозасини камайтириш керак, чунки гемоглобиннинг даражасини ҳаддан ташқари тез ошиши оқибатида гипертензия зўрайиши мумкин. Сурункали буйрак етишмовчилиги билан хасталанган, гемодиализдаги пациентларда, юрак ишемик касаллиги ёки димланган юрак етишмовчилигининг яққол ифодаланган клиник белгилари бўлганида, гемоглобиннинг даражасини 10-12 г/дл диапазонга етказиш ва ушлаб туриш учун дозалаш тартибига тузатиш киритиш керак.

Анамнезида ҳуружлари ва қон касаллиги (ўроқсимон ҳужайрали анемия, миелодисплазия синдроми, гиперкоагуляция) бўлган пациентлар учун препаратнинг ҳавфсизлиги ва самарадорлиги аниқланмаган.

Гемодиализ вақтида буйракларни сунъий коагуляцион эмболиясини олдини олиш учун гепарин билан қўшимча даволаш ўтказиш керак. Юрак ишемик касаллиги ёки димланган юрак етишмовчилиги билан ассоциацияланган, сурункали буйрак етишмовчилиги билан хасталанган, катта ёшдаги пациентларда, гематокрит 42% бўлганида тромбоз ҳолатларини ривожланиш ҳавфи гематокрит 30% бўлган пациентларга нисбатан юқори бўлади. Илгари юрак-қон томир касалликларини ўтказган пациентларни қатъий назорат қилиш керак.

Анамнезида миокард инфаркти, ўпка эмболияси, дори воситаларига аллергияси ёки аллергияга мойиллиг бўлган пациентларга препаратни эҳтиёткорлик билан қўллаш керак.

Фолат кислотаси ва В12 витамини танқислиги ушбу препаратнинг самарадорлигини пасайтириши мумкин. Унинг самарадорлигига шунингдек алюминийнинг ҳаддан ташқари катта миқдори ҳам таъсир қилиши мумкин.

Ушбу препарат зардобда калийнинг даражасини ўртача даражада ошириши мумкин. Бундай ҳолатларда овқатланишни тўғрилаш (мувофиқ парҳез тутиш) тавсия этилган, зардобдаги калийнинг даражаси эса шифокорнинг кўрсатмалари мувофиқ ва дозалаш тартибига тузатиш киритиш орқали ушлаб турилиши керак.

Флаконда тирқишлар ва шикастланишлари бўлган, эритма хиралашган ва чўкма ҳосил бўлган препаратни ишлатиш мумкин эмас. Ўрам очилганидан кейин препаратни дарҳол ишлатиш керак. Флаконни кўп марта ишлатишга йўл қўйилмасин.

Спортчиларга препаратни эҳтиёткорлик билан қўллаш керак.

Ҳомиладорликда ва эмизиш даврида қўлланиши

Ҳомиладор ва эмизадиган аёлларга ЭПО препаратини қўллаш ҳавфсизлиги ўрганилмаган.

Педиатрияда қўлланиши

Чала туғилган чақалоқлар, янги туғилган чақалоқлар ва гўдаклар учун препаратнинг ҳавфсизлиги ўрганимаган.

Кекса ёшдаги пациентларда қўлланиши

Кекса ёшдаги пациентларда қон босими ва гематокритни синчиклаб кузатиш, ва мувофиқ равишда препаратни қабул қилишлар сони ва дозасига тузатиш киритиш керак.

Препарат болалар ололмайдиган жойда сақлансин ва яроқлилик муддати тугаганидан сўнг ишлатилмасин.

ЭПО нинг дозасини ошириб юборилиши юрак-қон томир тизими томонидан ўлимга олиб келувчи асоратларни чақирадиган полицитемияга олиб келиши мумкин. Дозаси ошириб юборилганида юрак-қон томир тизими ва гематология томонидан нохуш реакцияларни аниқлаш мақсадида пациентларни синчиклаб кузатиш тавсия этилган. Зарурат бўлганида, клиник кўрсатмалар бўйича, полицитемияни назорат қилиш учун қонни чиқариб юбориш керак. Дозани ошириб юборилиши томонидан чақирилган нохуш реакцияларни назорат остида ушлаб, ушбу препарат билан даволашни қайта бошлаш мумкин, бунда гемоглобиннинг концентрациясини ҳаддан ташқари тез ошмаслиги учун кузатиш керак. Агар концентрациясини ошиши 1 г/дл дан ортиқ қийматни ташкил этса, дозани камайтириш тавсия этилган.

Эритма 1,0 мл дан сиғими 2 мл бўлган тиниқ, рангсиз, шиша флаконда.

1 флакон қўллаш бўйича йўриқномаси билан бирга картон қутига жойланган.

2-8 °С ҳароратда ёруғликдан ҳимояланган жойда сақлансин. Музлатилмасин.

3 йил.

Рецепт бўйича.

Shenzhen Sinobioway Xinpeng Biomedicine Co., Ltd.

Адрес: Xinpeng Bio-tech Garden, 2nd Road Langshan, Hi-tech industrial North Park, Nanshan District, Shenzhen, Guangdong, Хитой.

Ўзбекистон Республикаси худудида дори воситаларининг сифати бўйича эътирозлар (таклифлар) ни қабул қилувчи ташкилот номи ва манзили

“PHARM CAPITAL TRADE” МЧЖ

Ўзбекистон Республикаси, Тошкент ш., Қулоқтепа кўч., 40A,

тел.: +998909100191