Lakton

Dori preparatining tarkibi

Bitta kapsulada

faol moddalar: laktobakteriyalar sporalari kamida 180 x 106,

yordamchi moddalar: kraxmal, laktoza, ikki asosli kalsiy gidrofosfat, talk, magniy stearat, polivinilpirrolidon (PVP K30), 2-propanol.

kapsula tarkibi: jelatin, titan dioksidi (E171).

Tashqi ko‘rinish, hid, ta’m tavsifi

No2 qattiq jelatinli kapsulalar oq yoki deyarli oq rangda. Kapsula tarkibi oq yoki deyarli oq rangli kukundir.

Dori shakli, dozasi

Kapsulalar

Farmakoterapevtik guruh

Ovqat hazm qilish trakti va moddalar almashinuvi. Diareyaga qarshi, ichak yallig‘lanishiga qarshi/mikroblarga qarshi dorilar. Diareyaga qarshi mikroorganizmlar. Sut kislotasi ishlab chiqaruvchi mikroorganizmlar.

ATX kodi: A07FA01.

Qo‘llanilishi

- antibiotiklar, sulfanilamidlar, nur terapiyasi bilan davolash vaqtida va undan keyin ichak fiziologik florasining buzilishi

- sayohatchilarning ich ketishi

- ovqat hazm qilish yetishmovchiligi sindromi, fermentopatiya, dispepsiya

- ich ketishi, meteorizm, qabziyat

- kompleks davolash tarkibida turli etiologiyali (bakterial va virusli) o‘tkir va surunkali enterokolitlar

Qo‘llash boshlangunga qadar zarur bo‘lgan ma’lumotlar ro‘yxati

Qarshi ko‘rsatmalar

- ta’sir etuvchi moddaga yoki yordamchi moddalarning istalganiga yuqori sezuvchanlik

- xavfli o‘smalar

- galaktozani irsiy ko‘tara olmaslik, Lapp (LAPP) -laktaza fermenti yetishmovchiligi, glyukoza-galaktoza malabsorbsiyasi bo‘lgan shaxslar

- 1 oygacha bo‘lgan bolalar

Qo‘llashda zarur ehtiyot choralari

Lakton-D preparatini qabul qilishdan oldin shifokor bilan maslahatlashing.

Boshqa dori vositalari bilan o‘zaro ta’siri

Antioksidantlar va o‘smaga qarshi dorilarni bir vaqtda qabul qilish terapevtik ta’sirni pasaytiradi, shuningdek, Lakton-D qon plazmasida ushbu dorilar miqdorini kamaytirishi mumkin.

Maxsus ogohlantirishlar

Preparatni immunosupressiv terapiya olayotgan bemorlarga qo‘llash mumkin emas, chunki Lactobacillus sporogenes immunitetni oshiradi.

Laktozani ko‘tara olmaslik

Galaktozani irsiy ko‘tara olmaslik, Lapp (LAPP) -laktaza fermenti tanqisligi, glyukoza-galaktoza malabsorbsiyasi bo‘lgan bemorlar ushbu preparatni qabul qilmasligi kerak.

Pediatriyada qo‘llanishi

1 oygacha bo‘lgan bolalarga qo‘llash mumkin emas.

Homiladorlik yoki emizish davrida

Homiladorlik yoki laktatsiya davrida Lakton-D preparatini qo‘llashning xavfsizligi to‘g‘risida hech qanday xulosa chiqarish mumkin emas.

Preparatning transport vositasini yoki potensial xavfli mexanizmlarni boshqarish qobiliyatiga ta’sirining o‘ziga xos xususiyatlari

Ta’sir qilmaydi.

Qo‘llash bo‘yicha tavsiyalar

Dozalash tartibi

Kattalar:

Antibakterial terapiya yoki kolit va hokazolardan keyin ichakning ta’sirlanish sindromi (ITS) yoki ichak infeksiyasi bilan og‘rigan, ichak florasining buzilishiga olib kelgan kattalarda quyidagi doza tavsiya etiladi: ovqatdan 1 soat oldin 2 kapsuladan kuniga 2 yoki 3 marta.

Bolalar:

1 yoshdan 18 yoshgacha bo‘lgan bolalar va 1 yoshdan kichik, lekin 1 oydan katta bolalar, odatda, turli virusli diareyalarga moyil bo‘ladilar. Shuning uchun ularga etiologiyasiga qarab quyidagi dozalarga rioya qilish tavsiya etiladi. Umumiy sanchiqlar va yengil diareya bilan og‘rigan 1 yoshgacha bo‘lgan bolalarni emizish davrida tavsiya etilgan doza kuniga bir yoki ikki marta, odatda emizishdan oldin 1/3 dan 1/2 kapsulagacha bo‘ladi. Yutishda qiyinchilik tug‘ilganda kapsulaning ichini ochib, ozgina yarim qattiq yoki suyuq ovqat bilan aralashtirish mumkin. Shu tarzda tayyorlangan suyuqlikni keyinchalik ishlatish uchun saqlash yaramaydi.

1 yoshdan 18 yoshgacha bo‘lgan bolalarga 1-2 kapsuladan kuniga bir yoki ikki marta buyuriladi.

Keksa yoshdagi bemorlar

Odatda ichak buzilishlari darajasi yuqori bo‘lgan qariyalar uchun doza kattalarniki bilan bir xil.

Jigar yetishmovchiligi bo‘lgan bemorlar

Dozani tuzatish talab etilmaydi.

Buyrak yetishmovchiligi bo‘lgan bemorlar

Dozani tuzatish talab etilmaydi.

Yuborish usuli va yo‘li

Ichish uchun.

Davolash davomiyligi

Davolash davomiyligi o‘tkir ichak infeksiyalaridan tuzalganda va turli etiologiyali ichak disfunksiyasida 4-6 haftani tashkil etadi. Yarali kolit, surunkali kolit va ITSda 1,5 - 2 oygacha; Turli etiologiyali disbakteriozlarda 4-6 hafta davomida. Ichak florasini me’yorlashtirishga qaratilgan davolashda, 1-1,5 oy davomida kuniga 2 marta 1 kapsuladan qo‘llab-quvvatlovchi doza bilan 10-14 kun davomida davolashdan foydalanish tavsiya etiladi.

Doza oshirib yuborilganda ko‘riladigan choralar

Hozirgacha dozani oshirib yuborishning klinik ko‘rinishlari haqida xabar berilmagan.

Dori vositasining bir yoki bir nechta dozasi o‘tkazib yuborilganda zarur bo‘lgan choralar

Ma’lumotlar yo‘q.

Bekor qilish alomatlari xavfini ko‘rsatish

Qo‘llanilmaydi.

Dori vositasini qo‘llash usulini tushuntirish uchun tibbiyot xodimiga murojaat qilish bo‘yicha tavsiyalar

Ushbu preparatni qo‘llash bo‘yicha biror savol tug‘ilsa, davolovchi shifokoringiz yoki farmatsevtingiz bilan bog‘laning.

Dori vositasini standart qo‘llashda yuzaga keladigan nojo‘ya ta’sirlarning tavsifi va bunday holatda ko‘rilishi kerak bo‘lgan choralar

- allergik reaksiyalar

- teri toshmasi

Chiqarilish shakli va qadoqlash

10 tadan kapsula polivinilxlorid plyonkasi va alyuminiy folgasidan yasalgan konturli yacheykali o‘ramga joylashtiriladi.

2 ta konturli o‘ram qozoq va rus tillaridagi tibbiy qo‘llash bo‘yicha yo‘riqnoma bilan birga karton qutiga joylashtiriladi.

Saqlash muddati

3 yil

Yaroqlilik muddati tugaganidan keyin qo‘llanilmasin!

Saqlash shartlari

Asl qadoqda, quruq joyda, 25 °C dan yuqori bo‘lmagan haroratda saqlanadi.

Bolalar qo‘li yetmaydigan joyda saqlang!

Dorixonalardan berish shartlari

Retseptsiz

Ishlab chiqaruvchi tafsilotlari

Protech Biopharma Pvt. Ltd.

4/48 I va 4/49 I-sonli uchastkalar, 1-zona, SIDCO Industrial Growth

Centre, Lassipora, Pulwami Pin-192305 (J&K), Hindiston

Ro‘yxatdan o‘tkazish guvohnomasi egasi

Protech Biopharma Pvt. Ltd.

4/48 I va 4/49 I-sonli uchastkalar, 1-zona, SIDCO Industrial Growth

Centre, Lassipora, Pulwami Pin-192305 (J&K), Hindiston