Dengiz shimoli

фаол модда: чаканда мойи концентрати (каротиноидлар миқдори билан 350 мг) - 51,43 мг;

ёрдамчи моддалар: кунгабоқар мойи - 100 мг гача.

Тўқ сариқ-қизғиш рангли, ўзига хос ҳидли, мойли суюқлик.

Тўқималар трофикаси ва регенерациясини рағбатлантирувчи воситалар.

Ўсимликдан олинган восита, А, Е, К витаминларининг манбаи. Таркибида табиий биологик фаол моддалар бўлганлиги туфайли, токсик моддаларни, перекисларни, бошқа агрессив омилларнинг шикастловчи таъсирларини камайтиради ва ҳужайра қобиғини, ҳужайра ички структураларини ҳимоя қилади. Препарат тери қопламалари ва шиллиқ қаватларининг шикастланишида битиш жараёнларини рағбатлантиради, яллиғланишга қарши, ўраб олувчи ва сафро ҳайдовчи таъсирларни намоён қилади. Чаканда мойи ҳужайрани озиқланиш жараёнларига, овқат ҳазм қилиш аъзоларининг ишига яхши таъсир қилади. Препаратнинг сўрилишини жадаллиги қўллаш усулига боғлиқ. Чаканда мойи ичга қўлланганида алмашинув маҳсулотлари аҳлат ва сийдик билан чиқарилади.

Сиртга қўлланилади. Куйишларни, ётоқ яраларни, тери ва шиллиқ қаватларини нур билан шикастланишини, гинекологик касалликларни (кольпитлар, эндоцервицитлар, бачадон бўйни эрозияси), проктологик патологияни (тўғри ичакнинг эрозив-ярали, атрофик ва бошқа патологиялари, анус ёриғи, геморрой) даволашда қўлланилади.

Препарат маҳаллий бодомсимон безларини (тонзиллитлар, ангиналар), гайморова бўшлиғини (гайморитлар), кўзнинг шох қаватини (кератитлар), кўзнинг бириктирувчи қаватларини (конъюнктвитлар) сурункали касалликларини ва ўткир патологиясидан кейинги тикланиш даврида даволаш учун, қовоқларнинг четларини яллиғланишида (блефаритлар), кўз шох пардасини яраларида қўлланади.

Чаканда мойи сиртга ва ичга қўлланади.

Терининг шикастланишларида мойли боғловлар кўринишида қўлланади. Терининг олдиндан некротик тўқималардан тозаланган соҳасига чаканда мойи, сўнгра пахта-докали боғлов қўйилади, у кунора алмаштирилади. Даволаш грануляциялар пайдо бўлгунича ўтказилади.

Кольпитларни, эндоцервицитларни, бачадон бўйни эрозиясини, геморройни, тўғри ичакнинг ёриқларини даволашда, чаканда мойи яхшилаб шимдирилган тампонлар кўринишида қўлланади. Даволаш курси кольпитларда 10-15 муолажа, эндоцервицитларда, бачадон бўйни эрозияларида 8-12 муолажа.Тўғри ичак ёриқлари ва геморройни даволашда даволаш курси 5-7 кунни ташкил қилади.

Препаратга шахсий юқори сезувчанлик, ўт қопи, жигар, меъда ости безининг яллиғланиш жараёнлари, ўт-тош касаллиги (препаратни ичга қабул қилинганида)да қўллаш мумкин эмас.

Препарат одатда яхши ўзлаштирилади. Аммо оғизда аччиқ таъм, ич кетиши, (ичга қабул қилинганида) аллергик реакциялар: терини қичиши, қизариши, шишиши, тери тошмалари, ачишишни ҳис қилиш (сиртга қўлланганида), кузатилиши мумкин.

Одам организмига чаканда мойини бошқа дори воситалари билан ўзаро таъсирлашганидаги патологик таъсири таърифланмаган.

Препаратни болалар ололмайдиган жойда сақлансин ва яроқлилик муддати ўтгач ишлатилмасин.

50 ва 100 мл дан флаконларда. Ҳар бир флакон қўллаш бўйича йўриқномаси билан бирга картон қутига жойланади.

Қуруқ, ёруғликдан ҳимояланган жойда, 15 °С дан юқори бўлмаган ҳароратда сақлансин.

1 йил 6 ой.

Рецептсиз.

"MERRYMED FARM" МЧЖ,

Ўзбекистон Республикаси, 160602. Наманган вилояти, Наманган тумани, Боғишамол ҚФЙ, Шербулоқ кўчаси, 1 уй.