Terbizid

Tarkib

1 g krem tarkibida quyidagilar mavjud:

Faol moddasi: terbinafin gidroxlorid 10 mg.

Yordamchi moddalar: setostearil spirti, oq vazelin, suyuq parafin, polisorbat 80, trolamin, benzil spirti, tozalangan suv.

Tavsif

Oq rangli bir xil krem, hidsiz.

Chiqarish shakli

Krem 1% 20 g alyuminiy naychada.

Karton qutida alyuminiy naycha qo‘llanmasi bilan birga.

Farmakoterapevtik guruh

Sirtga qo‘llash uchun zamburug‘larga qarshi preparatlar.

Farmakologik xususiyatlari

Terbinafin kimyoviy jihatdan allilamin bo‘lib, zamburug‘larga qarshi keng ta’sir doirasiga ega. Ta’sir mexanizmi zamburug‘larning hujayra membranasida sterinlar biosintezining dastlabki bosqichini o‘ziga xos tarzda susaytirishi bilan bog‘liq. Bu ergosterin yetishmasligiga va skvalenning hujayra ichida to‘planishiga olib keladi, bu esa zamburug‘ hujayralarining nobud bo‘lishiga sabab bo‘ladi. Terbinafinning ta’siri zamburug‘larning hujayra membranasidagi skvalenepoksidazani ingibirlash orqali amalga oshiriladi. Ushbu ferment sitoxrom R450 tizimiga tegishli emas, shuning uchun Terbizid gormonlar yoki boshqa dori vositalarining metabolizmiga ta’sir ko‘rsatmaydi.

Terbinafin dermatofitlarga, achitqisimon va mog‘or zamburug‘lariga, ba’zi dimorf zamburug‘larga ta’sir ko‘rsatadi. Past konsentratsiyalarda u dermatofitlarga (Trychophyton rubrum, Trychophyton mentagrophytes, Trychophyton verrucosum, Trychophyton violaceum, Trychophyton tonsurans, Microsporum canis, Epidermophyton floccosum), mog‘or zamburug‘lariga (shu jumladan Aspergillus, Cladosporium, Scopulariopsis brevicaulis) qarshi fungitsid faollikka ega. Candida avlodiga mansub achitqi zamburug‘lariga (asosan Candida albicans) ta’siri zamburug‘ turiga qarab fungitsid yoki fungostatik bo‘lishi mumkin. Mahalliy qo‘llanganda terbinafin, shuningdek, kepaksimon (rang-barang) temiratki qo‘zg‘atuvchisi Pityrosporum orbiculare (Malassezia furfur) ga nisbatan ham faol.

Farmakokinetika

Sirtga qo‘llanganda preparat terining dermal qatlamidan tez o‘tadi va lipofil shox qavatida to‘planadi. Terbinafin yog‘ bezlari sekretiga ham kirib, soch follikulalari va tirnoqlarda yuqori konsentratsiya hosil qiladi. Dozaning 5% dan kamrog‘i so‘riladi, shuning uchun terbinafinning tizimli qon oqimiga absorbsiyasi ahamiyatsiz.

Qo‘llanilishi

terining zamburug‘li infeksiyalari: Trichophyton spp., shu jumladan Trichophyton rubrum, Trichophyton mentagrophytes, Trichophyton verrucosum, Trichophyton violaceum, Microsporum canis va Epidermophyton floccosum dermatofitlari keltirib chiqaradigan oyoq mikozlari (tinea pedis), chov epidermofitiyasi (tinea cruris), tananing silliq terisining zamburug‘li shikastlanishlari (tinea corporis);

achitqi zamburug‘lari, asosan Candida turkumi (masalan, C. albicans) keltirib chiqaradigan teri infeksiyalari;

Malassezia furfur qo‘zg‘atadigan rang-barang temiratki.

Qo‘llash usuli va dozalari

Faqat tashqi qo‘llash uchun.

Kattalar va 12 yoshdan oshgan bolalarga ko‘rsatmalarga qarab sutkada 1 yoki 2 marta buyuriladi.

Preparatni surtishdan oldin zararlangan sohalarni tozalash va quritish lozim. Krem zararlangan teri va unga yaqin joylarga yupqa qilib surtiladi va yengilgina ishqalanadi. So‘rilish bilan kechadigan infeksiyalarda (sut bezlari ostida, barmoqlar oralig‘ida, dumba oralig‘ida, chov sohasida) krem surtilgan joylarni, ayniqsa kechasi doka bilan yopish mumkin.

Davolashning o‘rtacha davomiyligi:

oyoq kafti, tana, boldir dermatomikozlari 1 hafta davomida kuniga 1 marta;

teri kandidozi 1-2 hafta kuniga 1-2 marta;

rang-barang temiratki 2 hafta davomida kuniga 1-2 marta.

Simptomlar odatda bir necha kun ichida yengillashadi. Muntazam bo‘lmagan davolash yoki dori bilan davolashni muddatidan oldin to‘xtatish kasallikning qaytalanishiga olib kelishi mumkin. Davolash boshlanganidan bir hafta o‘tgach, ahvol yaxshilanish belgilari kuzatilmasa, tashxisni tasdiqlash lozim.

Keksa yoshdagi bemorlarda dozani tuzatishga hojat yo‘q.

Nojo‘ya ta’sirlari

Surtilgan joyning qizarishi, qichishish yoki achishish hissi, ammo bu hodisalar kamdan-kam hollarda davolanishni to‘xtatishga olib keladi.

Kamdan-kam hollarda: rivojlanishi davolashni to‘xtatishni talab qiladigan allergik reaksiyalar.

Qarshi ko‘rsatmalar

preparat komponentlariga yuqori sezuvchanlik;

12 yoshgacha bo‘lgan bolalarda qo‘llash tavsiya etilmaydi;

homilador ayollarga shifokorning qat’iy ko‘rsatmalari asosida buyuriladi.

Preparat jigar va/yoki buyrak yetishmovchiligi bo‘lgan bemorlarga, surunkali alkogolizm bilan og‘rigan bemorlarga, suyak ko‘migida qon yaratilishi susayganda, o‘smalarda, moddalar almashinuvi kasalliklarida, oyoq-qo‘l tomirlarining okklyuzion kasalliklarida, shuningdek, bolalik davrida (yetarli klinik tajriba yo‘qligi) ehtiyotkorlik bilan buyuriladi.

Dorilarning o‘zaro ta’siri

Terbizidning dorilar bilan o‘zaro ta’siri noma’lum.

Maxsus ko‘rsatmalar

Preparatning ko‘zga tushishidan saqlanish kerak. Agar krem tasodifan ko‘zga tushib qolsa, uni darhol oqar suv bilan yuvish lozim.

Terbizid bilan davolanganda umumiy gigiyena qoidalariga rioya qilish kerak, bu esa qayta infeksiya tushishining oldini oladi (kiyim-kechak, poyabzal orqali).

Preparat tarkibidagi setostearil spirti mahalliy nojo‘ya ta’sirlarga (masalan, kontakt dermatitga) olib kelishi mumkin. O‘ta sezuvchanlik reaksiyasi paydo bo‘lganda davolashni to‘xtatish kerak.

Homiladorlik va laktatsiyada qo‘llash

Homiladorlik davrida Terbizidni qo‘llashning klinik tajribasi cheklanganligi sababli, preparatni faqat ona uchun kutilayotgan ijobiy ta’sir homila uchun potensial xavfdan yuqori bo‘lgan taqdirdagina buyurish lozim.

Terbinafin ko‘krak suti bilan ajraladi, shuning uchun preparatni buyurish zarur bo‘lganda emizishni to‘xtatish kerak.

Pediatriyada qo‘llanishi

Ushbu preparatni 12 yoshgacha bo‘lgan bolalarda qo‘llash tavsiya etilmaydi.

Bolalar qo‘li yetmaydigan joyda saqlanadi va yaroqlilik muddati tugaganidan keyin iste’mol qilinmaydi.

Homiladorlik davrida Terbizidni qo‘llashning klinik tajribasi cheklanganligi sababli, preparatni faqat ona uchun kutilayotgan ijobiy ta’sir homila uchun potensial xavfdan yuqori bo‘lgan taqdirdagina buyurish lozim.

Terbinafin ko‘krak suti bilan ajraladi, shuning uchun preparatni buyurish zarur bo‘lganda emizishni to‘xtatish kerak.

Pediatriyada qo‘llanishi

Ushbu preparatni 12 yoshgacha bo‘lgan bolalarda qo‘llash tavsiya etilmaydi.

Bolalar qo‘li yetmaydigan joyda saqlanadi va yaroqlilik muddati tugaganidan keyin iste’mol qilinmaydi.

Homiladorlik davrida Terbizidni qo‘llashning klinik tajribasi cheklanganligi sababli, preparatni faqat ona uchun kutilayotgan ijobiy ta’sir homila uchun potensial xavfdan yuqori bo‘lgan taqdirdagina buyurish lozim.

Terbinafin ko‘krak suti bilan ajraladi, shuning uchun preparatni buyurish zarur bo‘lganda emizishni to‘xtatish kerak.

Pediatriyada qo‘llanishi

Ushbu preparatni 12 yoshgacha bo‘lgan bolalarda qo‘llash tavsiya etilmaydi.

Bolalar qo‘li yetmaydigan joyda saqlanadi va yaroqlilik muddati tugaganidan keyin iste’mol qilinmaydi.

Homiladorlik davrida Terbizidni qo‘llashning klinik tajribasi cheklanganligi sababli, preparatni faqat ona uchun kutilayotgan ijobiy ta’sir homila uchun potensial xavfdan yuqori bo‘lgan taqdirdagina buyurish lozim.

Terbinafin ko‘krak suti bilan ajraladi, shuning uchun preparatni buyurish zarur bo‘lganda emizishni to‘xtatish kerak.

Pediatriyada qo‘llanishi

Ushbu preparatni 12 yoshgacha bo‘lgan bolalarda qo‘llash tavsiya etilmaydi.

Bolalar qo‘li yetmaydigan joyda saqlanadi va yaroqlilik muddati tugaganidan keyin iste’mol qilinmaydi.

Avtomobil va boshqa mexanizmlarni boshqarish qobiliyatiga ta’siri

Preparat avtotransportni boshqarish qobiliyatiga, shuningdek, diqqatning yuqori konsentratsiyasi bilan bog‘liq ishlarni bajarishga ta’sir ko‘rsatmaydi.

Dozani oshirib yuborish

Dozani oshirib yuborish ehtimoli kam, faqat tasodifan ichilganda sodir bo‘lishi mumkin.

Belgilari: bosh og‘rig‘i, ko‘ngil aynishi, oshqozon og‘rig‘i va bosh aylanishi.

Davolash: faollashtirilgan ko‘mir tayinlash va oshqozonni yuvish, zarurat bo‘lganda simptomatik qo‘llab-quvvatlovchi terapiyadan foydalanish.

Saqlash shartlari

Quruq, yorug‘likdan himoyalangan joyda, 25 °C dan yuqori bo‘lmagan haroratda.

Yaroqlilik muddati

3 yil.

Dorixonalardan berish shartlari

Retsept bo‘yicha.

Ishlab chiqaruvchi

AGIO PHARMACEUTICALS LTD.

A-38, Nandjyot sanoat maydoni,

Kurla-Andheri Road, Safedpool,

Mumbay - 400 072, Hindiston.

At: T-82,M.I.D.C.,Bhosari,Pune-411026.

HINDISTON.