Vagimilt

Tarkib

1 ta yumshoq jelatinli qin kapsulasi quyidagilarni o‘z ichiga oladi:

faol moddalar: klindamitsin fosfat BF klindamitsinga ekvivalent 100,00 mg, klotrimazol BF 100,00 mg;

yordamchi moddalar: polietilenglikol 400, polietilenglikol 4000, propilenglikol, jelatin, glitserin, Ponso 4R (E 124), titan dioksidi.

Dori shakli

Yumshoq jelatinli vaginal kapsulalar N7 (1x7) (blisterlar).

Farmakoterapevtik guruh

Mikroblarga qarshi vosita. ATX kodi: G01AA10.

Farmakologik xususiyatlari

Klindamitsin - linkosamidlar guruhiga mansub antibiotik bo‘lib, bakterial vaginozlarning asosiy qo‘zg‘atuvchilariga nisbatan faol: Gardnerella vaginalis, Mobiluncusolueris, Mobiluncus curtisii, Bacteroides spp., Mycoplasma hominis, Peptostreptococcus spp., ribosomalarning 508 subbirliklari bilan bog‘lanib, bakteriya hujayrasida oqsil sintezini ingibirlaydi. Klotrimazol - mahalliy qo‘llash uchun imidazol hosilalari guruhidan keng ta’sir doirasiga ega bo‘lgan antimikotik preparat bo‘lib, achitqi zamburug‘larining o‘sishini istisno qiladi. Klotrimazolning ta’sir doirasiga dermatofitlar, achitqi zamburug‘lari, grammusbat (stafilokokklar, streptokokklar) va grammanfiy bakteriyalar (Bacteroides spp., Gardnerella vaginalis), shuningdek, Trichomonas vaginalis, Malassezia furfur, Corynebacterium minutissium kiradi. Zamburug‘ga qarshi ta’siri ergosterin sintezi va zamburug‘ hujayra membranasining buzilishi bilan bog‘liq. Fungistatik yoki fungitsid faolligi mikroorganizm shtammlarining turiga bog‘liq.

Farmakokinetika

100 mg klindamitsin saqlovchi qin kapsulalari kuniga 1 marta intravaginal yuborilganda, preparatning taxminan 3-30% tizimli so‘rilishiga uchraydi. Qin ichiga yuborilganda 5 dan 10% gacha klotrimazol absorbsiyalanadi. So‘rilgan moddalar jigarda metabolizmga uchraydi va o‘t bilan chiqariladi.

Ko‘rsatmalar

preparatga sezgir bakteriyalar va zamburug‘lar keltirib chiqaradigan bakterial vaginoz va boshqa ginekologik infeksiyalar;

ginekologik muolajalardan oldin jinsiy yo‘llarni sanatsiya qilish.

Qo‘llash usuli va dozalari

Intravaginal. Yotgan holatda kapsula qinga iloji boricha chuqurroq kiritiladi. Davolash hayz ko‘rish davriga to‘g‘ri kelmasligi kerak. Bakterial vaginoz va boshqa ginekologik infeksiyalarni davolash: kuniga bir kapsuladan 7 kun davomida, uyqudan oldin. Ginekologik muolajalardan oldingi profilaktika: rejalashtirilgan muolajadan uch kun oldin va to‘rt kun keyin bir kapsuladan sutkada bir marta.

Nojo‘ya ta’sirlari

Ayrim hollarda quyidagilar bo‘lishi mumkin:

Siydik-tanosil tizimi tomonidan: servitsit, vaginit, vulvaning ta’sirlanishi, mahalliy shish, qinda og‘riq, qindan ajralma kelishi, qin infeksiyalari, dizuriya, piyelonefrit, hayz siklining buzilishi.

Ovqat hazm qilish tizimi tomonidan: qorin og‘rig‘i, ko‘ngil aynishi, qusish, ich ketishi, psevdomembranoz kolit.

Markaziy asab tizimi tomonidan: bosh aylanishi, bosh og‘rig‘i.

Allergik reaksiyalar: teri toshmalari, eshakemi, achishish (shu jumladan yuborilgan joyda).

Qarshi ko‘rsatmalar

preparatning tarkibiy qismlariga yuqori sezuvchanlik;

davolash paytida spermitsidlar, diafragma va lateks kontratseptivlaridan foydalanish.

Dozani oshirib yuborish

Preparatning past so‘rilishi tufayli dozani oshirib yuborish ehtimoli kam. Preparat tasodifan ichga qabul qilinganda quyidagi alomatlar kuzatilishi mumkin: anoreksiya, ko‘ngil aynishi, qusish, gastralgiya, jigar faoliyatining buzilishi; kamdan-kam hollarda - uyquchanlik, gallyutsinatsiyalar, pollakiuriya, teri allergik reaksiyalari. Bunday hollarda ichishga faollashtirilgan ko‘mir buyurish kerak.

Maxsus shartlar

Homiladorlik va emizish davrida

I trimestrda preparatni qo‘llash tavsiya etilmaydi. Klinik va eksperimental tadqiqotlarda klindamitsin va klotrimazolni homiladorlikning II va III trimestrlarida qin orqali qo‘llash ayol yoki homila sog‘lig‘iga salbiy ta’sir ko‘rsatishi aniqlanmagan. Vagimilt preparatining ona sutiga kirishi haqida ma’lumotlar yo‘q. Shuning uchun preparat tavsiya etilgan dozalarga qat’iy rioya qilgan holda shifokor tomonidan aniqlanadigan ayol uchun foyda/homila (bola) uchun xavf nisbatini sinchiklab baholaganidan keyingina qo‘llaniladi.

Dorilarning o‘zaro ta’siri

Klindomitsin va eritromitsin o‘rtasida antagonistik o‘zaro ta’sir bo‘lishi mumkin, klotrimazol intravaginal yuborilganda amfoteritsin V va boshqa ioliyen antibiotiklarning faolligini pasaytiradi.

Nistatin bilan bir vaqtda qo‘llanganda klotrimazolning faolligi pasayishi mumkin.

Preparat tarkibida lateks yoki kauchukdan tayyorlangan mahsulotlar, masalan, prezervativlar yoki homiladorlikka qarshi qin diafragmalarining mustahkamligini pasaytirishi mumkin bo‘lgan komponentlar mavjud, shuning uchun davolash paytida bunday mahsulotlardan foydalanish tavsiya etilmaydi.

Saqlash shartlari

25 °C dan yuqori haroratda, bolalar qo‘li yetmaydigan joyda saqlanadi.

Chiqarish shakli

Chiqarilish shakli: Yumshoq jelatinli vaginal kapsulalar N7 (1x7) (blisterlar). Karton qadoqdagi 7 ta kapsuladan iborat 1 ta blister.

Yaroqlilik muddati

Ishlab chiqarilgan sanadan boshlab 2 yil. Yaroqlilik muddati tugaganidan keyin ishlatilmasin.