Bronchipret ichki foydalanish uchun tomchilar, 50 ml (flakon)

Tarkib

100 g Bronxipret® tomchilari quyidagilarni o‘z ichiga oladi:

Faol tarkibiy qismlar:

timyan o‘ti suyuq ekstrakti (1:2-2.5; DAB 10 bo‘yicha ekstraksiyalovchi modda) - 50 g

pechakgul barglari nastoykasi (1:5; ekstraksion modda: etanol 70% hajm.) - 15 g

Etanol miqdori: 19% (hajmiy nisbatda)

Yordamchi moddalar: natriy saxarin digidrat, limon kislota monogidrat, tozalangan suv.

Tavsif

Och jigarrang tusli, timyan hidli tiniq suyuqlik. Saqlash jarayonida biroz cho‘kma tushishi mumkin.

Chiqarish shakli

Ichish uchun tomchilar.

Farmakoterapevtik guruh

O‘simliklardan olingan balg‘am ko‘chiruvchi vosita. Balg‘am ko‘chiruvchi preparatlar kombinatsiyasi. ATX kodi: R05CA10.

Farmakologik xususiyatlari

Farmakodinamika

Preparat balg‘am ko‘chiruvchi, yallig‘lanishga qarshi, sekretolitik, bronxolitik ta’sir ko‘rsatadi, balg‘am yopishqoqligini kamaytiradi va uning evakuatsiyasini tezlashtiradi.

Ko‘rsatmalar

Nafas yo‘llarining yo‘tal va balg‘am hosil bo‘lishi bilan kechadigan o‘tkir va surunkali yallig‘lanish kasalliklarini (traxeit, traxeobronxit, bronxit) davolashda balg‘am ko‘chiruvchi vosita sifatida.

Qarshi ko‘rsatmalar

Preparat komponentlariga yuqori sezuvchanlik, 6 yoshgacha bo‘lgan bolalar.

Tarkibida etanol mavjudligi sababli, alkogolizm, epilepsiya, jigar kasalliklari, bosh miya kasalliklari va jarohatlarida preparatni buyurish tavsiya etilmaydi.

Qo‘llash usuli va dozalari

Preparat ichishga, ovqatdan keyin buyuriladi.

Kattalarga: kuniga 4 mahal 40 tomchidan

O‘smirlarga (12-18 yosh): kuniga 4 mahal 28 tomchidan

Maktab yoshidagi bolalarga (6-11 yosh): 25 tomchidan kuniga 4 mahal.

Davolash kursi - 10-14 kun. Davolash muddatini uzaytirish va takroriy davolash kurslarini o‘tkazish shifokor tavsiyasiga ko‘ra mumkin.

Nojo‘ya ta’sirlari

Allergik reaksiyalar bo‘lishi mumkin.

Dozani oshirib yuborish

Doza oshirib yuborilganda oshqozon sohasida og‘riq, qusish, ich ketishi mumkin.

O‘zaro aloqa

Bronxiprst® tomchilarini yo‘talga qarshi dorilar, shuningdek, balg‘am hosil bo‘lishini kamaytiruvchi dori vositalari bilan bir vaqtda qo‘llash mumkin emas, chunki bu suyultirilgan balg‘amning yo‘talishini qiyinlashtiradi.

Antibakterial dori vositalari bilan kombinatsiyalanishi mumkin.

Maxsus ko‘rsatmalar

Agar preparat 10-14 kun davomida qo‘llanganda kasallik belgilari saqlanib qolsa, shifokor maslahatiga murojaat qilish lozim.

Preparat tarkibida 19% etanol (hajmiy nisbatda) mavjud. Kattalar uchun tavsiya etiladigan preparatning maksimal bir martalik dozasi (50 tomchi = 2,6 ml) 0,39 g alkogolni o‘z ichiga oladi.

Preparatni bolalarga ehtiyotkorlik bilan buyurish kerak (etanolning mumkin bo‘lgan salbiy ta’siri tufayli).

Preparat qandli diabet bilan og‘rigan bemorlarga buyurilishi mumkin, chunki bir martalik doza 0,03 non birligidan kamni o‘z ichiga oladi.

Bronxipret® tomchilari uzoq vaqt saqlanganda xiralashishi mumkin, bu esa uning samaradorligiga ta’sir qilmaydi.

Iste’mol qilishdan oldin flakon ichidagini chayqatish kerak.

Homiladorlik va laktatsiya

Preparatni homiladorlik va emizish davrida qabul qilish tavsiya etilmaydi.

Qadoq

50 yoki 100 ml hajmli to‘q rangli shisha flakonlarda, tepasida dozalovchi tomchi qurilmasi bilan, burama qopqoq va himoya halqasi bilan, qo‘llash bo‘yicha yo‘riqnoma bilan birga yig‘iladigan karton qutiga joylashtiriladi.

Saqlash shartlari

Quruq va yorug‘likdan himoyalangan joyda, 25°S dan yuqori bo‘lmagan haroratda saqlang. Bolalar qo‘li yetmaydigan joyda saqlang.

Yaroqlilik muddati

2 yil.

Yaroqlilik muddati tugagandan so‘ng preparatni qo‘llamang.

Dorixonalardan berish shartlari

Retsept bo‘yicha

Bekor qilish sanasi

2020-05-27

Ro‘yxatdan o‘tish guvohnomasi egasi

BIONORIKA SE Germaniya

Ishlab chiqaruvchi

BIONORICA SE Germaniya