Cefotaxim kukuni D/in. 1 g (shisha)

1 флакон қуйидагиларни сақлайди: цефотаксим натрий (цефотаксимга қайта ҳисоблаганда) - 1,0 г.

Оқ ёки сарғиш тусли оқ кукун.

Вена ичига ва мушак ичига юбориш учун эритма тайёрлаш учун кукун.

Антибиотиклар (цефалоспоринлар гуруҳи). АТХ коди: J01DD01.

Парентерал юбориш учун III авлод цефалоспорин антибиотикидир. Микроорганизмларнинг ҳужайра деворининг синтезини бузиб бактерицид таъсир кўрсатади. Кенг таъсир доирасига эга. Бошқа антибиотикларга чидамли граммусбат ва грамманфий микроорганизмларга нисбатан фаол: Staphylococcus spp. (шу жумладан Staphylococcus aureus, хусусан пенициллиназа ҳосил қилувчи штаммлари), Staphylococcus epidermidis, Streptococcus pneumoniae, Streptococcus pyogenes, Streptococcus agalactiae, Enterococcus species, Enterobacter spp., Escherichia coli, Haemophilus influenzae (шу жумладан пеницилиназа ҳосил қилувчи штаммлари), Haemophilus parainfluenzae, Klebsiella spp. (шу жумладан Kl.pneumoniae), Morganella morganii, Neisseria gonorrhoeae (шу жумладан пеницилиназа ҳосил қилувчи штаммлари), Acinetobacter species, Corynebacterium diphtheriae, Erysipelothrix insidiosa, Eubacterium spp., Propionibacterium spp., Bacillus subtilis, Clostridium spp. (шу жумладан Clostridium perfringens), Escherichia coli, Citrobacter spp., Proteus mirabilis, Proteus indole, Proteus vulgaris, Providencia spp. (шу жумладан Providencia rettgeri), Serratia spp., Pseudomonas aeruginosa, Neisseria meningitidis, Bacteroides spp. (шу жумладан Bacteroides fragilis нинг айрим штаммлари), Fusobacterium spp. (шу жумладан Fusobacterium nucleatum), Peptococcus spp., Peptostreptococcus spp. Граммусбат ва грамманфий микроорганизмларнинг кўпчилик бета-лактамазаларига, стафилококклар, Clostridium difficile нинг пенициллиназасига нисбатан чидамли.

Фармакокинетикаси

Вена ичига (в/и) 1,0 г бир марта юборилганидан кейин максимал концентрацияга (Сmах) 5 минутдан кейин эришилади ва у 100 мкг/мл ни ташкил қилади. Мушак ичига (м/и) 1,0 г дозада юборилганидан кейин Сmах га 0,5 соатдан кейин эришилади ва у 21 мкг/мл ни ташкил қилади. Плазма оқсиллари билан боғланиши - 25-40% ни ташкил қилади. Организмнинг кўпчилик тўқималари (миокард, суяклар, ўт қопчаси, тери, юмшоқ тўқималар) ва суюқликларида (синовиал, перикардиал, плеврал, орқа мия суюқлиги балғам, сафро, сийдик,) терапевтик концентрацияларни ҳосил қилади. Тақсимланиш ҳажми (Vd) 0,25-0,39 л/кг ни ташкил қилади. Ярим чиқарилиш даври (Т1/2) в/и юборилганида - 1 соатни, м/и юборилганида 1-1,5 соатни ташкил қилади. Буйраклар орқали 60-70% ўзгармаган ҳолда, қолган қисми эса метаболитлари кўринишида (15-25%) чиқарилади. Сурункали буйрак етишмовчилигида ва кекса ёшли беморларда Т1/2 икки марта узаяди. Янги туғилган чақалоқларда Т1/2 - 0,75-1,5 соат, чала туғилган чақалоқларда 4,6 соатгача узаяди. Такрорий в/и 14 кун давомида 1,0 г дозада ҳар 6 соатда юборилганида кумуляция кузатилмайди. Йўлдош тўсиғи орқали ўтади ва кўкрак сутига киради.

Препаратга сезгир микроорганизмлар чақирган оғир кечувчи инфекциялар: марказий нерв тизимининг инфекциялари (менингит), нафас йўллари ва ЛОР-аъзоларининг, сийдик-чиқариш йўлларининг, суяклар, бўғимларнинг, тери ва юмшоқ тўқималарининг, кичик чаноқ аъзоларининг инфекциялари (шу жумладан хламидиоз, гонорея), инфекцияланган жароҳатлар ва куйишлар, перитонит, септицемия, бактериемия, абдоминал инфекциялари, эндокардит, Лайма касаллиги, тиф иситмаси, иммун танқислиги фонидаги инфекциялар, хирургик операциялардан кейинги инфекцияларни олдини олиш учун қўлланади (шу жумладан урологик, акушер-гинекологик, меъда-ичак йўлларидаги).

Препарат м/и ва в/и (оқим билан ёки томчилаб) буюрилади.

Катталар ва тана вазни 50 кг ва ундан катта болаларга: асоратланмаган инфекцияларда, шунингдек сийдик-чиқариш йўлларининг инфекцияларида - м/и ёки в/и 1,0 г дан ҳар 8-12 соатда; асоратланмаган ўткир гонореяда - м/и, 1,0 г бир марта, ўртача оғирликдаги инфекцияларда м/и ёки в/и, 1,0 г- 2,0 г дан ҳар 12 соатда, инфекциянинг оғир кечишида, масалан, менингитда - в/и, 2,0 г дан ҳар 4-8 соатда буюрилади. Максимал суткалик доза - 12 г ташкил қилади. Даволаш давомийлиги шахсий равишда белгиланади.

Инфекцияларнинг ривожланишини олдини олиш мақсадида жарроҳлик операцияси олдидан умумий анестезияга киритиш вақтида бир марта 1,0 г юборилади. Зарурати бўлганида юбориш 6 - 12 соатдан кейин такрорланади.

Кесарев кесишида - қисқичларни киндик венасига қўйиш вақтида - в/и 1,0 г, сўнгра биринчи дозадан кейин 6 ва 12 соат ўтгач - қўшимча 1,0 г дан буюрилади.

Креатинин клиренси (К/К) 20 мл/мин 1,73 м² ва ундан камроқ бўлганида доза 2 мартага камайтирилади.

Чала туғилганларда ва 1 ҳафталиккача бўлган янги туғилган чақалоқларга - в/и 50 мг/кг дан ҳар 12 соатда, 1-4 ҳафталик даврида - в/и 50мг/кг дан ҳар 8 соатда, тана вазни 50 кг гача бўлган болаларга - в/и ёки м/и (2,5 ёшдан ошган болаларга) 50-180 мг/кг дан 4-6 юборишларда. Инфекцияни оғир кечишида, шу жумладан менингитда, суткалик доза болаларда 100-200 мг/кг гача оширилади, м/и ёки в/и 4-6 қабулларда, максимал суткалик доза - 12 г ни ташкил қилади.

Инъекцион эритмаларни тайёрлаш: в/и инъекция учун эритувчи сифатида инъекция учун сув ишлатилади (1,0 г - 4 мл эритувчида); в/и инфузия (томчилаб) учун эритувчи сифатида 0,9% натрий хлориди ёки 5% декстроза эритмаси ишлатилади (1,0 г - 50-100 мл да эритувчида эритилади). Инфузия давомийлиги 50-60 минутни ташкил қилади. М/и юбориш учун инъекция учун сув ёки 1% лидокаин эритмаси ишлатилади (препаратнинг 1,0 г дозаси учун - 4 мл).

Лидокаин сақловчи эритмани вена ичига юбориш мумкин эмас!

Аллергик реакциялари: эшакеми, қалтираш ёки иситма, тошма, қичишиш, кам ҳолларда - бронхоспазм, эозинофилия, хавфли экссудатив эритема (Стивенс-Джонсон синдроми), токсик эпидермал некролиз (Лайелл синдроми), ангионевротик шиш, анафилактик шок.

Нерв тизими томонидан: бош оғриғи, бош айланиши.

Сийдик-чиқариш тизими томонидан: буйраклар фаолиятини бузилиши, олигурия, интерстициал нефрит.

Овқат-ҳазм қилиш тизими томонидан: кўнгил айниши, қусиш, диарея ёки қабзият, метеоризм, қорин оғриғи, дисбактериоз, жигар фаолиятининг бузилиши, кам ҳолларда - стоматит, глоссит, сохта мембраноз энтероколит.

Қон яратиш аъзолари томонидан: лейкопения, нейтропения, гранулоцитопения, тромбоцитопения, гемолитик анемия, гипокоагуляция.

Юрак-қон томир тизими томонидан: марказий венага тез болюсли юборилганидан кейин ҳаёт учун потенциал хавфли аритмиялар.

Маҳаллий реакциялар: флебит, вена йўли бўйлаб оғриқлар, м/и юборилган жойида оғриқ ва инфильтрат.

Лаборатория кўрсаткичлари: азотемия, қондаги мочевинанинг концентрациясини ошиши, «жигар» трансаминазалари ва ишқорий фосфатаза фаоллигини ошиши, гиперкреатининемия, гипербилирубинемия, мусбат Кумбс реакцияси.

Бошқалар: суперинфекция (хусусан, кандидозли вагинит).

Препаратга юқори сезувчанлик (шу жумладан пенициллинларга, бошқа цефалоспоринларга, карбапенемларга, лидокаинга), ҳомиладорлик, 2,5 ёшгача бўлган болалар (м/и юбориш), анамнездаги қон кетишлар, энтероколитда қўллаш мумкин эмас.

Эҳтиёткорлик билан - янги туғилган чақалоқлар, сурункали буйрак етишмовчилиги, носпецифик ярали колити бўлган беморлар (шу жумладан анамнездаги). Зарурати бўлганида препаратни ҳомиладорлик даврида фақат она учун тахмин қилаётган фойда, ҳомила учун бўлган потенциал хавфдан устун ҳолларда қўллаш мумкин.

Цефотаксим кўкрак сути билан чиқарилади, шунинг учун препарат лактация даврида буюрилганида эмизишни тўхтатиш керак.

Антиагрегантлар, ностероид яллиғланишга қарши препаратлар билан бирга қўлланганида қон кетишининг хавфи ошади.

Аминогликозидлар, полимиксин В ва «ҳалқали» диуректиклар билан бир вақтда қабул қилинганида буйракларни шикастланиш эҳтимоли ошади.

Найчалар секрециясини сусайтирувчи дори воситалари, цефотаксимнинг плазмадаги концентрациясини оширади ва унинг чиқарилишини секинлаштиради.

Бир шприц ёки томчилагичда бошқа антибиотикларнинг эритмалари билан фармацевтик номутаносиб.

Даволашнинг биринчи ҳафталарида оғир, давомли диарея билан намоён бўлувчи сохта мембраноз колит пайдо бўлиши мумкин. Бунда препаратни қабул қилиш тўхтатилади ва ванкомицин ёки метронидазолни ҳам қўшиб адекват даволаш буюрилади.

Анамнезида пенициллинларга аллергик реакциялари бўлган пациентлар, цефалоспорин антибиотикларига ҳам юқори сезувчанликка эга бўлишлари мумкин.

Препарат билан 10 кундан кўпроқ даволанишда, периферик қоннинг шаклли элементларини назорат қилиш керак.

Цефотаксим билан даволаш вақтида сохта мусбат Кумбс синамаси ва сийдикда глюкозанинг сохта мусбат натижалари олиниши мумкин.

Цефотаксим ва этанол бир вақтда қўлланганида дисульфирамга хос бўлган реакциялар (юзнинг қизариши, меъда соҳасида спазм, кўнгил айниши, қусиш, бош оғриғи, артериал босимини пасайиши, тахикардия, ҳансираш) ривожланиши мумкин.

Препарат болалар ололмайдиган жойда сақлансин ва яроқлилик муддати ўтгач ишлатилмасин.

Симптомлари: тиришишлар, энцефалопатия (катта дозалар юборилганида, айниқса буйрак етишмовчилиги бўлган беморларда), тремор, нерв-мушак қўзғалувчанлиги.

Даволаш: симптоматик, махсус антидоти йўқ.

Вена ичига ва мушак ичига юбориш учун эритмани тайёрлаш учун кукун, 1,0 г.

1,0 г дан бўлган фаол модда резина аралашмадан бўлган герметик беркитиладиган тиқинли, алюминий ёки мажмуавий қалпоқчалар билан ёпилган сиғими 10 мл ли флаконда.

10 флакон қўллаш бўйича йўриқномаси билан бирга картон қутига жойланади.

Препаратли флаконлар 50 донадан препаратнинг тенг миқдордаги қўллаш бўйича йўриқномалари билан (стационар учун) картон қутига жойланади.

Препаратли 1 флакон қўллаш бўйича йўриқномаси билан картон қутига жойланади.

Ёруғликдан ҳимояланган жойда, 25 °С дан юқори бўлмаган ҳароратда.

2 йилу 4 ой.

Рецепт бўйича.

Nanjing Beinuo Pharmaceutical Co. Ltd.