Diklofarm tashqi foydalanish uchun gel 1%, 50 g (naycha)

Tarkib

1 g preparatning tarkibi:

ta’sir etuvchi modda: diklofenak natriy - 10 mg;

yordamchi moddalar: karbomer - 15 mg, etanol (96%) - 150 mg, izopropanol - 150 mg, trolamin - 30 mg, metilparagidroksibenzoat - 1 mg, suv - 644 mg.

Tavsif

Bir jinsli shaffof, rangsiz gel.

Chiqarish shakli

Sirtga qo‘llash uchun 1% li gel.

Farmakoterapevtik guruh

YAQNDV. Diklofenak. ATX kodi: M02AA15.

Farmakologik xususiyatlari

Farmakodinamika

Diklofenak - yallig‘lanishga qarshi nosteroid dori vositasi (NYAQD), fenilsirka kislotasining hosilasi bo‘lib, kuchli yallig‘lanishga qarshi, og‘riq qoldiruvchi va isitmani tushiruvchi ta’sirga ega. Siklooksigenaza 1 (SOG1) va siklooksigenaza 2 (SOG2) ni tanlamasdan so‘ndirib, araxidon kislotasi metabolizmini buzadi, yallig‘lanishning rivojlanishida asosiy bo‘g‘in bo‘lgan yallig‘lanish o‘chog‘idagi prostaglandinlar miqdorini kamaytiradi.

Travmatik yoki revmatik kelib chiqishga ega bo‘lgan bo‘g‘imlar, mushaklar va boylamlardagi og‘riq sindromi va yallig‘lanishni bartaraf etish uchun qo‘llaniladi, yallig‘lanish jarayoni bilan bog‘liq og‘riq va shishni kamaytirishga yordam beradi, bo‘g‘imlarning harakatchanligini oshiradi.

Farmakokinetika

So‘rish

Teri orqali so‘riladigan diklofenak miqdori ishlov beriladigan yuza maydoniga mutanosib bo‘lib, surtiladigan preparatning umumiy dozasiga ham, terining namlanish darajasiga ham bog‘liq bo‘ladi.

7-kuni preparatning nisbiy biosinguvchanligi (AUC nisbati) 4,5% ni tashkil etadi (diklofenak natriyli tuzining ekvivalent dozasi uchun). Nam o‘tkazuvchan bog‘lam taqilganda so‘rilish o‘zgarmadi.

Dori vositasini shikastlangan bo‘g‘im sohasiga qo‘llashda plazmada, sinovial qobiqda va sinovial suyuqlikda diklofenak konsentratsiyasi o‘lchandi: plazmadagi maksimal konsentratsiya (Smax) xuddi shu miqdordagi diklofenak og‘iz orqali yuborilgandagiga qaraganda taxminan 100 baravar past bo‘ldi.

Taqsimlash

Diklofenakning 99,7% plazma oqsillari, asosan albuminlar bilan bog‘lanadi (99,4%). Diklofenak asosan bo‘g‘imlar kabi yallig‘lanishga moyil to‘qimalarda taqsimlanadi va ushlanib qoladi, bu yerda uning konsentratsiyasi plazmadagiga qaraganda 20 baravar yuqori.

Metabolizm

Diklofenakning metabolizmi qisman o‘zgarmagan molekulaning glyukuronizatsiyasi orqali, lekin asosan bir martalik va ko‘p martalik gidroksillanish orqali amalga oshadi, bu esa bir nechta fenol metabolitlarining hosil bo‘lishiga olib keladi, ularning aksariyati glyukuronid kon’yugatlariga aylanadi. Ikkita fenol metaboliti biologik faol, ammo diklofenakka qaraganda ancha past darajada.

Chiqarish

Diklofenakning umumiy tizimli plazma klirensi 263±56 ml/daqiqani tashkil etadi. Diklofenak va uning metabolitlarining ko‘p qismi buyraklar orqali chiqariladi. Oxirgi yarim chiqarilish davri (T1/2) 1-2 soatni tashkil etadi. T1/2 metabolitlari, shu jumladan ikkita farmakologik faol metabolit ham qisqa va 1-3 soatni tashkil etadi. Metabolitlardan biri (3’-gidroksi-4’-metoksidiklofenak) uzoqroq yarim chiqarilish davriga ega, biroq bu metabolit faol emas.

Ko‘rsatmalar

Umurtqa pog‘onasining yallig‘lanish va degenerativ kasalliklarida bel og‘rig‘i (radikulit, osteoartroz, lyumbago, ishias);

osteoartrozda bo‘g‘imlardagi og‘riqlar (qo‘l barmoqlari, tizza bo‘g‘imlari va boshqalar);

mushaklardagi og‘riqlar (cho‘zilish, zo‘riqish, lat yeyish, jarohatlar natijasida);

jarohatlar va revmatik kasalliklar (tendovaginit, bursit, periartikulyar to‘qimalarning shikastlanishi, bilak-kaft sindromi) natijasida yumshoq to‘qimalar va bo‘g‘imlarning yallig‘lanishi hamda shishishi.

Preparat simptomatik davolash, qo‘llash paytida og‘riq va yallig‘lanishni kamaytirish uchun mo‘ljallangan. Kasallikning avj olishiga ta’sir qilmaydi.

Qarshi ko‘rsatmalar

Diklofenak yoki preparatning boshqa tarkibiy qismlariga yuqori sezuvchanlik;

atsetilsalitsil kislotasi yoki boshqa YAQNDV qo‘llanilganda bronxial astma xurujlari, teri toshmalari yoki o‘tkir rinitlar paydo bo‘lishiga moyillik;

mo‘ljallangan surtish joyida teri qoplamlari butunligining buzilishi;

homiladorlik (III trimestr);

emizish davri;

bolalik davri (12 yoshgacha).

Ehtiyotkorlik bilan

Jigar porfiriyasi (zo‘rayishi); oshqozon-ichak traktining eroziv-yarali shikastlanishi; jigar va buyrak faoliyatining og‘ir buzilishlari; qon ivishining buzilishi (jumladan, gemofiliya, qon ketish vaqtining uzayishi, qon ketishga moyillik); surunkali yurak yetishmovchiligi; bronxial astma; keksa yosh; homiladorlik (I va II trimestr).

Qo‘llash usuli va dozalari

Gel sirtga ishlatiladi.

Kattalar va 12 yoshdan oshgan bolalarga yallig‘lanish o‘chog‘i/jarohatlangan joy ustidagi teriga kuniga 2-3 marta yupqa qatlam qilib surtiladi, teriga yengil ishqalanadi.

Preparatning kerakli miqdori og‘riqli sohaning o‘lchamiga bog‘liq.

Preparatning bir martalik dozasi - 2-4 g (hajmi mos ravishda olcha yoki yong‘oq o‘lchamiga teng) 400-800 sm2 maydonga ishlov berish uchun yetarli. Agar qo‘llar og‘riq joyi bo‘lmasa, u holda preparat surtilgandan so‘ng qo‘llar yuvilishi kerak.

Davolashning davomiyligi ko‘rsatmalarga va kuzatilayotgan samaraga bog‘liq. Preparatni shifokor tavsiyasisiz 14 kundan ortiq qo‘llash mumkin emas. Agar 7 kun qo‘llangandan so‘ng terapevtik samara kuzatilmasa yoki holat yomonlashsa, shifokorga murojaat qilish lozim.

Diklofarm preparatini minimal samarali dozalarda, minimal qisqa kurs bilan qo‘llash lozim.

Nojo‘ya ta’sirlari

Nojo‘ya reaksiyalar asosan gel surtilgan joyda o‘rtacha ifodalangan va o‘tib ketuvchi teri ko‘rinishlari bilan tavsiflanadi. Juda kam hollarda allergik reaksiyalar rivojlanishi mumkin.

Nojo‘ya ta’sirlarning paydo bo‘lish chastotasi Jahon sog‘liqni saqlash tashkilotining tasniflariga muvofiq aniqlangan: juda tez-tez - 1/10 dan ortiq; tez-tez - 1/100 dan ortiq, lekin 1/10 dan kam; tez-tez emas - 1/1000 dan ortiq, lekin 1/100 dan kam; kamdan-kam - 1/10000 dan ortiq, lekin 1/1000 dan kam; juda kam - 1/10000 dan kam.

Immun tizimi tomonidan

Juda kam hollarda - yuqori sezuvchanlik reaksiyalari (shu jumladan eshakem), angionevrotik shish.

Nafas olish tizimi hamda ko‘krak qafasi va ko‘ks oralig‘i a’zolari tomonidan

Juda kam hollarda - bo‘g‘ilish xurujlari, bronxospazm.

Teri va teri osti to‘qimalari tomonidan

Ko‘pincha - eritema, dermatit (shu jumladan kontakt dermatit), ekzema, teri toshmasi, teri qichishishi;

kamdan kam hollarda - bullyoz dermatit;

juda kam hollarda - fotosensibilizatsiya reaksiyalari, yiringli toshmalar.

Dozani oshirib yuborish

Tizimli so‘rilish past bo‘lganligi sababli, gelni mahalliy qo‘llashda dozani oshirib yuborish ehtimoli kam.

Belgilari: Tasodifan ichilganda tizimli nojo‘ya reaksiyalar rivojlanishi mumkin.

Davolash: oshqozonni yuvish, qayt qilish, faollashtirilgan ko‘mir qabul qilish, simptomatik terapiya. Diklofenakning qon plazmasi oqsillari bilan yuqori darajada bog‘lanishi (taxminan 99%) tufayli gemodializ samarasiz hisoblanadi.

O‘zaro aloqa

Diklofenak fotosensibilizatsiyani chaqiruvchi dori vositalarining ta’sirini kuchaytirishi mumkin.

Boshqa dori vositalari bilan klinik ahamiyatga ega o‘zaro ta’siri tavsiflanmagan.

Maxsus ko‘rsatmalar

Diklofarm preparatini faqat shikastlanmagan teriga surtish, ochiq jarohatlarga tegishdan saqlanish lozim. Preparatning og‘iz, ko‘z va shilliq pardalarga tushishiga yo‘l qo‘ymaslik kerak. Preparat surtilgandan so‘ng bintli bog‘lam qo‘yish mumkin, lekin havo o‘tkazmaydigan okklyuzion bog‘lamlar qo‘ymaslik kerak.

Preparat surtilgandan so‘ng teri toshmasi paydo bo‘lgan taqdirda, uni qo‘llashni to‘xtatish lozim.

Homiladorlik va laktatsiya

Homiladorlik

Homilador ayollarda diklofenakni gel shaklida qo‘llash bo‘yicha ma’lumotlar yo‘qligi sababli, preparatni homiladorlikning I va II trimestrlarida qo‘llash faqat shifokor ko‘rsatmasi asosida, ona uchun foyda va homila uchun xavfni taqqoslagan holda amalga oshirilishi mumkin.

Homiladorlikning III trimestrida bachadon tonusining pasayishi, homila buyraklari funksiyasining buzilishi va keyinchalik kamsuvlikning rivojlanishi va/yoki homila arterial yo‘lining muddatidan oldin yopilishi ehtimoli tufayli preparat qo‘llash mumkin emas.

Emizish davri

Diklofenakning gel shaklida ona sutiga kirishi haqida ma’lumotlar yo‘qligi sababli, preparatni emizish davrida qo‘llash tavsiya etilmaydi. Agar preparatni qo‘llash zarur bo‘lsa, uni sut bezlariga yoki terining katta yuzasiga surtmaslik va uzoq vaqt qo‘llamaslik kerak.

Transport vositalari va mexanizmlarini boshqarish qobiliyatiga ta’siri

Transport vositalari, mexanizmlarni boshqarish va yuqori diqqatni talab qiladigan boshqa faoliyat turlari bilan shug‘ullanish qobiliyatiga ta’sir ko‘rsatmaydi.

Qadoq

30 g yoki 50 g dan alyuminiy tubalarga, ichki lak qoplamali, tashqi yuzasi litografiya qilingan, membrana va zichlovchi halqaga, burab yopiladigan polietilen qopqoqqa solinadi. Har bir tuba qo‘llanilishi bo‘yicha yo‘riqnoma bilan birga karton qutiga solinadi.

Saqlash shartlari

25 °C dan yuqori bo‘lmagan haroratda.

Bolalar qo‘li yetmaydigan joyda saqlang!

Yaroqlilik muddati

3 yil.

Yaroqlilik muddati o‘tgandan keyin qo‘llanilmaydi.

Dorixonalardan berish shartlari

Retseptsiz

Ro‘yxatdan o‘tish guvohnomasi egasi

DANSON-BG Bolgariya

Ishlab chiqaruvchi

VETPROM AD Bolgariya