Diklofenak natriy (Diclofenac sodium) Dentafill Plus malhami 1% 30 g (naycha)

1 ta tubaga quyidagilar kiradi:

faol modda: diklofenak natriy - 0,3 g;

yordamchi moddalar: dimeksid, propilenglikol, polietilenglikol (polietilenoksid) yuqori molekulyar, polietilenglikol (polietilenoksid) past molekulyar.

Oq yoki deyarli oq rangli, kuchsiz o‘ziga xos hidli, bir xil konsistensiyali surtma.

Malham.

Bo‘g‘im va mushak og‘riqlarida mahalliy qo‘llash uchun preparatlar.

ATX kodi: M02AA15.

Sirtga qo‘llash uchun yallig‘lanishga qarshi nosteroid preparat. Mahalliy yallig‘lanishga qarshi va og‘riq qoldiruvchi ta’sir ko‘rsatadi. SOG-1 va SOg-2 ni tanlab bo‘lmagan holda susaytirib, araxidon kislotasi metabolizmini buzadi va prostaglandinlar biosintezini susaytiradi.

Yallig‘lanish jarayonida qo‘llanilishi og‘riq sindromi va to‘qimalar shishini kamaytirishga yoki bartaraf etishga olib keladi.

Farmakokinetika

Sirtga qo‘llanganda diklofenak natriy teri orqali yaxshi o‘tadi va ostidagi to‘qimalarda to‘planadi.

• yumshoq to‘qimalar va bo‘g‘imlarning jarohatdan keyingi yallig‘lanishi, masalan, cho‘zilish, zo‘riqish va lat yeyish natijasida;

• yumshoq to‘qimalarning revmatik kasalliklari (shu jumladan tendovaginit, bursit, periartikulyar to‘qimalarning shikastlanishi);

• mushak va bo‘g‘im kasalliklari (jumladan, revmatoid artrit, osteoartroz, lyumbago, ishias) bilan bog‘liq og‘riq sindromi va shish.

Preparat sirtga qo‘llanadi.

Kattalar va 12 yoshdan oshgan bolalarga kuniga 3-4 marta teriga surtiladi va yengil ishqalanadi.

Preparatning kerakli miqdori og‘riqli sohaning o‘lchamiga bog‘liq.

Preparatni to‘g‘ri dozalash uchun avval tubadan bir nuqtaga 2 g hajmda olcha, 4 g hajmda kichik yong‘oq siqib olinadi.

Preparat surtilgandan so‘ng qo‘llar yuvilishi kerak.

Davolash davomiyligi ko‘rsatmalarga va davolash samaradorligiga bog‘liq (ta’sirini kuchaytirish uchun boshqa dori shakllari bilan birga qo‘llash mumkin).

Davolash boshlanganidan 2 hafta o‘tgach, preparatni keyingi qo‘llashning maqsadga muvofiqligini baholash tavsiya etiladi.

Mahalliy reaksiyalar: ekzema, kontakt dermatit (qichishish, qizarish, ishlov berilayotgan teri sohasining shishishi, papulalar, vezikulalar, po‘st tashlash).

Tizimli reaksiyalar: tarqalgan teri toshmasi, allergik reaksiyalar (eshakem, angionevrotik shish, bronxospazm), fotosensibilizatsiya.

Diklofenakni mahalliy qo‘llashda tizimli nojo‘ya ta’sirlarning rivojlanish ehtimoli uni ichishga nisbatan kamroq, ammo uzoq vaqt davomida terining katta yuzasida qo‘llanilganda oshadi. 

Homiladorlik va laktatsiya davrida preparatni qo‘llash

Homiladorlikning III trimestrida va laktatsiya davrida qo‘llash mumkin emas.

Preparatning transport vositasini yoki potensial xavfli mexanizmlarni boshqarish qobiliyatiga ta’sirining o‘ziga xos xususiyatlari

Ta’sir qilmaydi.

Preparat fotosensibilizatsiyani chaqiruvchi preparatlarning ta’sirini kuchaytirishi mumkin.

Boshqa dori vositalari bilan klinik jihatdan ahamiyatli o‘zaro ta’siri tavsiflanmagan.

Chiqarish shakli

1% li surtma 25 g, 30 g, 40 g (tubalar).

Saqlash shartlari

Quruq, yorug‘likdan himoyalangan joyda, 20 °C gacha bo‘lgan haroratda saqlanadi.

2 yil.

Yaroqlilik muddati tugaganidan keyin ishlatilmasin.

Retsept bo‘yicha.

Dentafill Plyus, MCHJ, O‘zbekiston.