Dok-1 Max tabletkalari №100 (10 blister х 10 tabletka)

Ҳар бир таблетка қуйидагиларни сақлайди:

фаол моддалар: 500 мг Парацетамол БФ, 200 мг Гвайфенезин БФ, 10 мг Фенилэфрин гидрохлориди БФ;

ёрдамчи моддалар: микрокристалл целлюлоза, крахмал, ПВПК-30, тальк, магний стеарати, натрий кроскармелоза, натрий крахмал гликолати, сувсиз кремний коллоиди, изопропил спирти ва сув.

Таблеткалар.

Анальгетик-антипиретик.

ДОК-1 МАКС таблеткалари - этни увишиши, йўтал ва иситма билан кечувчи шамоллаш, грипп ва юқори нафас йўлларининг бошқа инфекцион касалликлари билан боғлиқ симптомларни камайтириш учун уч дори компонентларининг мажмуасидир. Парацетамол оғриқни қолдирувчи ва антипиретик таъсирга, шунингдек иситма, бош оғриғини камайтириш учун кучсиз яллиғланишга қарши хусусиятига эга.

Гвайфенезин муколитик восита бўлиб, нафас йўлларининг секретор ҳужайраларини стимуллайди ва секретнинг қовушқоқлигини камайтириб, бронхиал секрецияни, шунингдек балғам ажралишини яхшилайди. Гвайфенезин нафас йўлларида секретнинг ажралишида мукоцилиар механизмнинг самарадорлигини оширади.

Фенилэфрин гидрохлоридининг томирларни торайтирувчи таъсири сезги нерв охирларидан адреналинни ажралиши ва «адренорецептор» қон томирларнинг бевосита қўзғалиши билан боғлиқ. Ичга қабул қилинганидан сўнг бурун шиллиқ қавати ва бурун олди соҳалари қон томирларини торайиши содир бўлиб, бурунда тўпланган ажралмаларни чиқарилишига ёрдам беради.

Терапевтик дозада препарат ножўя самараларни чақирмайди.

Фармакокинетикаси

Парацетамол меъда-ичак йўлларидан тез сўрилади. Жигарда метаболизмга учрайди ва асосан глюкурон кислота ва сульфатлар билан конъюгатлари кўринишида сийдик билан чиқарилади. Фенилэфрин гидрохлориди меъда-ичак йўлларидан тез сўрилади. У турли тўқималар ва суюқликларга тақсимланади ва жигарда секин метаболизмга учрайди. У ўзгармаган ҳолда сийдик билан чиқарилади. Гвайфенезин ичга қабул қилинганидан сўнг тез сўрилади. У β-(2 метокси-фенокси) сут кислотагача оксидланиб, тез метаболизмга учрайди, сийдик билан чиқарилади.

ДОК-1 МАКС шамоллаш, гриппнинг қуйидаги симптомларида буюрилади: бош оғриғи, бурунни битиши, шунингдек мигрень, танадаги оғриқлар, тиш оғриғи, невралгия, томоқ оғриғи, синусит, йўтал, ревматик оғриқлар ва дисменорея.

Катталар ва 12 ёшдан ошган болаларга: 1 таблеткадан ҳар 4 соатда, аммо суткада 4 таблеткадан кўп эмас ёки шифокор тавсияси бўйича.

Препарат тўлиқ бир стакан сув ичиб қабул қилинади.

Таблетканинг ҳар қандай компонентига, глюкозага ўта юқори сезувчанлик; МАО ингибиторларини олаётган ва жигарни бузилишлари бўлган пациентлар. 12 ёшгача бўлган болалар.

ДОК-1 МАКС таблеткаларининг ножўя самаралари жуда кам ва одатда енгил даражали. Терини қизариши, кўнгил айниши, қўзғалиш ҳолати, уйқусизлик, чарчоқлик, меъда шиллиқ қаватини яллиғланиши ва бошқа ўта юқори сезувчанлик реакциялари кузатилиши мумкин.

Антацидлар ва овқат оғиз орқали қабул қилинган парацетамолнинг сўрилишини камайтириши ва кечиктириши мумкин.

Циметидин, фенотиазин билан бир вақтда қабул қилинганида ДОК-1 МАКС таблеткаларини эҳтиёткорлик билан буюриш керак. МАО ингибиторлари ва трициклик антидепрессантлар билан бир вақтда қўллашдан сақланиш керак.

Шифокорнинг кўрсатмасисиз, ҳомиладор ва эмизикли аёллар учун қўллаш тавсия қилинмайди.

Препарат болалар олаолмайдиган жойда сақлансин ва яроқлилик муддати ўтгач ишлатилмасин.

Биринчи 24 соатда парацетамолнинг дозасини ошириб юборилишини симптомлари оқариш, кўнгил айниши, иштаҳани йўқолиши ва қорин оғриғи ҳисобланади. Дозани ошириб юборилишини даволаш симптоматик ва эҳтиёткорлик билан ёндошишни таъминлаши керак, тиббий ёрдамга мурожаат қилиш керак.

10 таблетка контур-уяли ўрамида. 1 контур-уяли ўрам қўллаш бўйича йўриқномаси билан картон қутида жойланган.

Қоронғи ва қуруқ жойда, +25 °С дан юқори бўлмаган ҳароратда сақлансин.

4 йил.

Рецептсиз.

“Marion Biotech Pvt. Ltd.”

B-49, Sector-67, NOIDA-201301

Gautam Budh Nagar, UP (India).