Faollashtirilgan ko'mir (Carbo Activatus) Farmstandart tabletkalari 250 mg №10 (1 blister)

Tarkib

1 tabletka tarkibida faollashtirilgan ko‘mir - 250 mg, yordamchi modda - kartoshka kraxmali - 47 mg saqlaydi.

Tavsif

Tabletkalar qora rangli, yassi silindrsimon, biroz g‘adir-budur, chiziqli va faskali.

Chiqarish shakli

Tabletkalar 250 mg.

Farmakoterapevtik guruh

Enterosorbsion vosita. Faollashtirilgan ko‘mir. ATX kodi: A07BA01.

Farmakologik xususiyatlari

Farmakodinamika

Preparat adsorbsiyalovchi va nospetsifik detoksikatsion ta’sirga ega. Faollashtirilgan ko‘mir oshqozon-ichak trakti bo‘shlig‘ida turli xil tabiatga ega bo‘lgan endogen va ekzogen toksik moddalarni, shu jumladan mikroblar va mikrob toksinlari, oziq-ovqat allergenlari, dori vositalari, zaharlar, alkaloidlar, og‘ir metall tuzlari, gazlarni bog‘laydi va organizmdan chiqaradi.

Ko‘rsatmalar

Turli tabiatli ekzogen va endogen toksikozlarda detoksikatsiyalovchi vosita sifatida qo‘llaniladi.

Ovqat toksikoinfeksiyasi, salmonellyoz, dizenteriyani kompleks davolashda.

Dori preparatlari (psixotrop, uxlatuvchi, narkotik vositalar va boshqalar), alkaloidlar, og‘ir metall tuzlari va boshqa zaharlar bilan zaharlanganda.

Dispepsiya, meteorizm bilan kechadigan oshqozon-ichak trakti kasalliklarida. Oziq-ovqat va dori allergiyasida.

Giperbilirubinemiya (virusli gepatit va boshqa sariqliklar) va giperazotemiya (buyrak yetishmovchiligi) da.

Ultratovush va rentgen tekshiruvidan oldin ichakda gaz hosil bo‘lishini kamaytirish uchun.

Qarshi ko‘rsatmalar

Oshqozon va 12 barmoqli ichak yara kasalligining qo‘zishi, nospetsifik yarali kolit, oshqozon-ichak yo‘llaridan qon ketishi, ichak atoniyasi, preparatni individual ko‘tara olmaslik.

Qo‘llash usuli va dozalari

Faollashtirilgan ko‘mir tabletka shaklida yoki oldindan maydalanganidan so‘ng, suvli suspenziya ko‘rinishida, ovqatdan va boshqa dori vositalarini qabul qilishdan bir soat oldin ichiladi.

Dozalash tartibi kattalarga o‘rtacha 1-2 g sutkasiga 3-4 marta, maksimal bir martalik doza - 8 g gacha. Bolalarga preparat tana vazniga qarab sutkasiga 3 marta 0,05 g/kg hisobidan, maksimal bir martalik doza - tana vazniga 0,2 g/kg gacha buyuriladi. Davolash kursi o‘tkir kasalliklarda - 3-5 kun, allergiya va surunkali kasalliklarda - 14 kungacha. Shifokor tavsiyasiga ko‘ra 2 haftadan keyin takroriy kurs.

O‘tkir zaharlanishda faollashtirilgan ko‘mir suspenziyasidan foydalanib, oshqozonni yuvish bilan davolash buyuriladi, so‘ngra 20-30 g preparat ichiriladi. Meteorizmda sutkasiga 3-4 mahal 1-2 g dan ichishga buyuriladi. Davolash kursi 3-7 kun.

Nojo‘ya ta’sirlari

Qabziyat, ich ketishi, axlatning to‘q rangga kirishi. Uzoq vaqt (14 kundan ortiq) qabul qilinganda kalsiy va vitaminlarning so‘rilishi buzilishi mumkin.

O‘zaro aloqa

Faollashtirilgan ko‘mir bilan bir vaqtda ichiladigan dori vositalarining samaradorligini pasaytiradi.

Qadoq

Konturli yacheykasiz yoki yacheykali o‘ramda 10 tadan tabletka.

1, 3 yoki 5 ta konturli o‘ram, qo‘llanilishi bo‘yicha yo‘riqnoma bilan bir pachkaga solinadi.

Yo‘riqnomalar soni teng bo‘lgan konturli o‘ramlarni guruhli o‘ramga joylashtirishga ruxsat etiladi.

Saqlash shartlari

25 °C dan yuqori bo‘lmagan haroratda saqlanadi.

Bolalar qo‘li yetmaydigan joyda saqlang.

Yaroqlilik muddati

2 yil. Qadoqda ko‘rsatilgan yaroqlilik muddati tugagandan keyin ishlatilmasin.

Dorixonalardan berish shartlari

Retseptsiz.

Ro‘yxatdan o‘tish guvohnomasi egasi

"FARMSTANDART-LEKSREDSTVA" OAJ Rossiya.

Ishlab chiqaruvchi

"FARMSTANDART-LEKSREDSTVA" OAJ Rossiya.